Sevikap og'iz tomchilari eritmasi 100 mg/ml, 30 ml (flakon)

Tarkib

1 ml tarkibida:

Faol moddasi: askorbin kislotasi (vitamin C) 100 mg.

Yordamchi moddalar: suvsiz glitserin, tozalangan suv.

Tavsif

Tiniq, och sariq yoki sariq rangli, nordon-shirin ta’mli suyuqlik.

Dori shakli

Ichish uchun tomchilar.

Farmakoterapevtik guruh

Vitaminlar. ATX kodi: A11GA01.

Farmakologik xususiyatlari

C vitamini kuchli tiklanish xususiyatiga ega bo‘lganligi sababli, inson organizmida sodir bo‘ladigan ko‘plab metabolik almashinuvlarda ishtirok etadi. Askorbin kislotasi elektrolitlar va fermentlarni tashiy oladi. Askorbin kislotasi immunitetga, detoksikatsiya jarayonlariga, folat kislotasining faol shakliga - folat kislotasiga aylanishiga, xolesterin metabolizmiga, temirning o‘zlashtirilishiga ta’sir qiladi, shuningdek, peroksidlanish jarayonlarining oldini oladi. Kollagen, elastin va proteoglikanlar biosintezida ishtirok etgan holda, askorbin kislotasi biriktiruvchi to‘qima hosil bo‘lishida ham ishtirok etadi, shu tufayli organizmdagi barcha to‘qimalarning hujayra ichidagi tuzilishini birlashtiradi va qo‘llab-quvvatlaydi. Organizm oqsillarining 30-40% ini tashkil etuvchi kollagen biriktiruvchi to‘qimaning asosiy qurilish komponenti hisoblanadi. Teri, qon tomirlari endoteliysi, boylamlar, paylar, suyaklar, tishlar, ko‘z shox pardasi hamda hujayralarni bog‘lovchi hujayralararo modda tarkibiga kiradi. Yaralar, kuygan joylar, suyak sinishlarining bitish jarayoniga ta’sir qiladi.

Askorbin kislota - C vitamini suvda eriydigan vitamin bo‘lib, inson organizmida sintezlanmaydi. Askorbin kislota ko‘pgina omillar ta’siriga juda sezgir bo‘lib, yorug‘lik, yuqori harorat va havodagi kislorod ta’sirida parchalanadi. Organizm himoya tizimining to‘g‘ri ishlashi uchun to‘qimalarning askorbin kislotasi bilan optimal to‘yinishi muhim ahamiyatga ega. Leykotsitlar askorbin kislotasini ko‘proq ushlab olishi tufayli uning qondagi konsentratsiyasi kamayadi. S vitamini shamollashning birinchi alomatlaridayoq qonda uning konsentratsiyasining sezilarli darajada oshishiga olib keladi, bu esa uni fagotsit hujayralari to‘qimalarida ushlab qoladi. S vitaminini qo‘llash shamollash kechishini o‘rtacha 23% ga qisqartirishi va yumshatishi isbotlangan.

Askorbin kislotasining yetishmasligi singa hosil bo‘lishiga olib keladi. C vitamini yetishmovchiligi belgilari: yuqori ta’sirchanlik, taxipnoe, dispepsiya, oyoqlarning o‘ziga xos holatini keltirib chiqaradigan ishtahaning yo‘qolishi, shish va suyak usti pardasiga qon quyilishi, milklarning yallig‘lanish o‘zgarishlari, dentinning noto‘g‘ri tuzilishi, uzun suyaklarning radiologik o‘zgarishlari, epifizlar sohasida og‘riq keltirib chiqaradigan giperostoz (Meller-Barloua kasalligi). Bunda subfebril holat, anemiya, yara va sinishlarning sekin bitishi kuzatiladi. Simptomlar C vitamini qo‘llanilgandan keyin to‘xtaydi.

Farmakokinetika

Peroral qo‘llangandan so‘ng askorbin kislotasi MIYdan yaxshi so‘riladi.

Taxminan 25% plazma oqsillari bilan bog‘lanadi va albuminlar bilan birikmalar ko‘rinishida tashiladi.

Qondan deyarli barcha to‘qimalarga va biologik suyuqliklarga (shu jumladan, yo‘ldosh to‘sig‘i orqali va emizikli ayollar sutiga) tez o‘tadi.

Askorbin kislotasining sog‘lom odam qon plazmasidagi konsentratsiyasi 0,8-1,5 mg/100 ml ni tashkil etadi. Leykotsitlar va trombotsitlarda konsentratsiyasi eritrotsitlar va plazmaga qaraganda yuqori bo‘ladi. Tanqislik holatlarida leykotsitlardagi konsentratsiya kechroq va sekinroq pasayadi hamda plazmadagi konsentratsiyaga qaraganda tanqislikni baholashning eng yaxshi mezoni sifatida qaraladi.

Askorbin kislota qaytar oksidlanib, degidroaskorbin kislota hosil qiladi, bir qismi metabolizmga uchrab, askorbat-2-sulfat (nofaol) va oksalat kislota hosil qiladi hamda siydik bilan ajralib chiqadi.

Askorbin kislotasining chiqarilishi buyrak bo‘sag‘asi tomonidan nazorat qilinadi, u C vitamini uchun 1,5 mg/100 ml ni tashkil etadi. Haddan tashqari ko‘p miqdorda qabul qilingan C vitamini o‘zgarmagan holda siydik bilan tezda chiqib ketadi.

Qo‘llanilishi

Sevikap - vitamin C ning tomchi shaklidagi eritmasi bolalar uchun maxsus ishlab chiqilgan, bu askorbin kislotasining kichik bolalar dozasini qabul qilish imkonini beradi.

Kompleks terapiyada:

yuqori haroratli yuqumli kasalliklar, shuningdek yuqori nafas yo‘llarining virusli qaytalanuvchi infeksiyalari;

yallig‘lanish holatlarida.

C vitaminiga bo‘lgan ehtiyojning ortishi holatlari:

sog‘ayish;

immunitetning pasayishi;

sport bilan shug‘ullanish yoki jismoniy tarbiya bilan intensiv shug‘ullanish.

Quyidagi holatlarda C gipovitaminozining oldini olish maqsadida:

bolalarni sun’iy ovqatlantirish;

noto‘g‘ri ovqatlanish;

anoreksiya;

so‘rilishning buzilishi (oshqozon-ichak trakti kasalliklarida).

Qo‘llash usuli va dozalari

Og‘iz orqali.

Tomchilarni bir yoki bir necha dozada, yaxshisi ovqatlanish vaqtida berish mumkin. Go‘daklar uchun tomchilarni suv, choy, sharbat bilan eritish yoki ovqatga qo‘shish tavsiya etiladi.

Bir tomchisi 5 mg C vitamini saqlaydi.

Profilaktik dozalar:

emizikli bolalar va 1 yoshgacha bo‘lgan bolalar: kuniga 5-8 tomchi (taxminan 25-40 mg);

2 yoshdan 11 yoshgacha bo‘lgan bolalar: kuniga 10 tomchidan (taxminan 50 mg);

12 yoshdan 17 yoshgacha bo‘lgan o‘smirlar: kuniga 15-20 tomchidan (taxminan 75-100 mg).

Terapevtik dozalar profilaktik dozalarga qaraganda 2-5 baravar yuqori (ko‘rsatmalarga qarab).

Nojo‘ya ta’sirlari

Tavsiya etilgan dozalarda qo‘llanilgan preparat yaxshi o‘zlashtiriladi.

Katta dozalarni uzoq vaqt davomida qo‘llash natijasida quyidagilar yuzaga kelishi mumkin:

siydik bilan oksalat kislotasining ko‘p miqdorda ajralishi, urat va sitratlarning kristallanishi, bu esa siydik chiqarish tizimida buyrak toshlari paydo bo‘lish xavfini oshiradi;

glyukoza-6-fosfatdegidrogenaza yetishmovchiligi bo‘lgan shaxslarda gemolizga olib kelishi mumkin;

giperglikemiya, glyukozuriya;

dispeptik buzilishlar (qayt qilish, qusish);

gemorragiyalar;

askorbin kislotasining yuqori dozalarini uzoq vaqt qo‘llash o‘rganib qolishga olib kelishi mumkin.

Qarshi ko‘rsatmalar

Askorbin kislotasi va/yoki preparatning boshqa komponentlariga yuqori sezuvchanlik.

Dorilarning o‘zaro ta’siri

Temir. Askorbin kislotasi ovqat hazm qilish traktidan gemsiz temirning so‘rilishini, ayniqsa to‘qimalarida temir zaxirasi kam bo‘lgan odamlarda, 2-4 baravar oshiradi.

Deferroksamin. Organizmida temir moddasi ortiqcha bo‘lgan bemorlarda dezintoksikatsiya yoki davolashning boshlang‘ich bosqichida deferroksaminni askorbin kislotasi bilan birgalikda qo‘llash temirning toksikligini kuchaytirishi mumkin.

Atsetilsalitsil kislota. Atsetilsalitsil kislotasining katta dozalari askorbin kislotasining biosinguvchanligini kamaytiradi.

Vitamin E. Ikkala vitamin ham antioksidant ta’sir sinergizmini namoyon qiladi. Askorbin kislotasi tokoferolni faollashtiradi, uning in vitro va in vivo inaktivatsiyasining oldini oladi.

Ko-trimoksazol. Askorbin kislotasining katta dozalari ko-trimoksazolning sulfomid komponenti kristallanish xavfini kuchaytirishi mumkin.

Kislotali va ishqoriy xususiyatli dori vositalari. Askorbin kislotasining katta dozalari (2 g/sutka va undan ortiq) siydikni nordonlashtiradi, bu esa kislotali xususiyatga ega bo‘lgan dorilarning siydik bilan ajralishini kamaytirishga ta’sir qilishi, natijada ularning ta’sirini kuchaytirishi (m.pr. nitrofurantonin, salitsilatlar), shuningdek, ishqoriy xususiyatga ega bo‘lgan dorilarning (m.pr. antidepressant dorilar, fentiazin hosilalari) ta’sirini ularning tezroq chiqarilishi tufayli susaytirishi mumkin.

Maxsus ko‘rsatmalar

Tarkibida temir va mis bo‘lgan preparatlarni uning qaytaruvchi xususiyatlari tufayli aralashtirmang.

Askorbin kislotasini buyrak toshi kasalligi, giperoksaluriya yoki buyrak toshlari (ayniqsa oksalatli yoki siydik kislotali) hosil bo‘lishiga moyilligi bo‘lgan bemorlarga, shuningdek, organizmda temir miqdori ortiqcha bo‘lganda, ya’ni gemoxromatoz, o‘roqsimon hujayrali anemiya, talassemiya va temir preparatlaridan zaharlangan bemorlarga, allaqachon mavjud bo‘lgan giperoksaluriya yoki uning hosil bo‘lishiga moyilligi bo‘lgan shaxslarga, shuningdek, qaytalanuvchi buyrak toshi kasalligi yoki oksalat va askorbin kislotalari aylanishidagi metabolik nuqson bilan kechuvchi buyrak yetishmovchiligi bo‘lgan bemorlarga kuniga 100 mg dan ko‘p bo‘lmagan dozada qabul qilish tavsiya etiladi.

Katta dozalarda iste’mol qilingan askorbin kislotasi oksid-qaytarish usullari bilan o‘tkaziladigan laboratoriya tekshiruvlari natijalarini buzishi mumkin (m.pr. najasda yashirin qon borligini tekshirish, qon va siydikda glyukoza hamda kreatinin konsentratsiyasini aniqlash).

Homiladorlik va laktatsiya

Preparatni homiladorlik davrida qo‘llash mumkin. Homilador ayollarda C vitaminining tavsiya etilgan kunlik iste’moli (parhezdagi dozani hisobga olgan holda) 80 mg ni tashkil etadi. Homilador ayollarda C vitaminining katta dozalarini qo‘llash, C vitaminining katta dozalari ta’sirida metabolik jarayonlarning induksiyasi tufayli yangi tug‘ilgan chaqaloqda uning yetishmovchiligi belgilarining namoyon bo‘lishiga olib keladi. Emizikli ayollar uchun C vitaminining tavsiya etilgan kunlik iste’moli (parhezdagi dozani hisobga olgan holda) 100 mg ni tashkil etadi. Askorbin kislotasining ona sutidagi miqdori 30-55 mg/l bo‘lib, ko‘krak suti bilan boqilgan chaqaloq uchun yetarli (Goodman&Gilman’s 1996). Emizikli bolalarda ushbu birikmaning dozasini oshirib yuborish xavfi tufayli C vitaminining katta dozalarini qo‘llashdan saqlanish kerak.

Transport vositalarini boshqarish va mexanik uskunalarga xizmat ko‘rsatish qobiliyatiga ta’siri

Ta’sir qilmaydi.

Preparat yaroqlilik muddati tugaganidan keyin qo‘llanilmasligi va bolalar qo‘li yetmaydigan joyda saqlanishi lozim.

Dozani oshirib yuborish

Dozani oshirib yuborish haqida ma’lumotlar yo‘q.

C vitaminining yuqori dozalarini qo‘llash (kuniga 1000 mg = 200 tomchidan ortiq) nojo‘ya ta’sirlarning kuchayishi bilan dozaning oshib ketishiga olib kelishi mumkin. Davolash simptomatik.

Chiqarish shakli

10 ml yoki 30 ml dan to‘q rangli shisha flakonlarda, ichida tomizgich va kafolat halqasi bilan burab yopiladigan qopqoq bilan.

Karton qutida qo‘llash bo‘yicha yo‘riqnomaga ega 1 flakon.

Saqlash shartlari

Yaxshilab yopilgan idishda 25 °C dan yuqori bo‘lmagan haroratda saqlanadi.

Yorug‘likdan himoya qilish.

Yaroqlilik muddati

2 yil.

Dorixonalardan berish shartlari

Retseptsiz.

Ishlab chiqaruvchi

Medana Pharma AJ

98-200 Seradz, V. Loketka 10, Polsha.