Simpatil plyonka bilan qoplangan planshetlar №40 (2 blister х 20 tabletka)

Tarkib

1 ta tabletka tarkibida:

Faol moddalar: Eshsholsiya quruq ekstrakti - 20,0 mg, Do‘lana quruq ekstrakti - 75,0 mg, Magniy oksidi - 124,35 mg, elementar magniyga ekvivalent - 75,0 mg.

Yordamchi moddalar: mikrokristallik sellyuloza - 122,0 mg, natriy karboksimetilkraxmal - 15,0 mg, mikronlashtirilgan stearin kislotasi - 3,65 mg.

Plyonkali qobiq tarkibi: Himoya glazurasi 2,0 mg:

gummilak - 1,554 mg, povidon - 0,223 mg, glitserin monoatsetat - 0,223 mg.

Bo‘yalgan kukun 13,0 mg:

gipromelloza - 7,150 mg, titan dioksidi (E171) - 3,704 mg, makrogol 6000 - 1,788 mg, indigokarmin (E132) - 0,344 mg, azorubin (E122) - 0,013 mg, sariq temir oksidi (E172) - 0,001 mg, talk izlari.

Tavsif

Dumaloq, ikki tomoni qavariq, havorang parda bilan qoplangan tabletkalar.

Chiqarish shakli

Plyonkali qobiq bilan qoplangan tabletkalar. PVX/alyuminiy blisterlarda 20 tadan tabletka. Karton qutida qo‘llash bo‘yicha yo‘riqnoma bilan 2 yoki 3 tadan blister.

Farmakoterapevtik guruh

Tinchlantiruvchi vosita. ATX kodi: N05CM.

Farmakologik xususiyatlari

Preparat sedativ ta’sir ko‘rsatadi, xavotirlanish holatini va u bilan bog‘liq vegetativ buzilishlarni, taxikardiya va uyqu buzilishlarini bartaraf etadi. Do‘lana ekstraktining biologik faol moddalari - triterpen birikmalari va flavonoidlar yurak va miya qon tomirlarini tanlab kengaytirib spazmolitik ta’sir ko‘rsatadi, markaziy asab tizimi va miokard qo‘zg‘aluvchanligini pasaytiradi. Eshsholsiya ekstrakti anksiolitik, sedativ ta’sir ko‘rsatadi, uxlash vaqtini qisqartiradi va dissomniyaning yengil shakllarida uyqu sifatini yaxshilaydi. Protopin guruhining eshsholsiya alkaloidlari gamma-aminomoy kislotasining miyaning unga sezgir retseptorlari bilan in vitro bog‘lanishini oshiradi. Magniy natriy va kaliy ionlarining transmembrana almashinuvi regulyatsiyasini yaxshilaydi, kalsiy ionlarining antagonisti hisoblanadi, neyromushak sinapslari bo‘ylab qo‘zg‘alishni o‘tkazish, silliq va ko‘ndalang-targ‘il mushaklarning qisqarish qobiliyatini pasaytiradi; shuningdek, neyrosedativ, spazmolitik va anksiolitik ta’sir ko‘rsatadi.

Farmakokinetika

Magniy oksidi oshqozonda magniy xloridga aylanadi, u ingichka ichakda passiv so‘rilish mexanizmi yordamida so‘riladi, so‘rilish darajasi 50% dan oshmaydi. Magniy ekskretsiyasi, asosan, siydik bilan amalga oshadi. Komponentlarning ta’siri kinetik kuzatuvlar uchun qiyin.

Qo‘llanilishi

yuqori qo‘zg‘aluvchanlik, bezovtalik, asabiylashish, xavotir, qo‘rquv, tez charchash, yurak urishi bilan kechadigan hissiy zo‘riqish va stress holatlari;

uyqu buzilishi (yengil shakli).

Qo‘llash usuli va dozalari

Ichish uchun. 2 tabletkadan kuniga 2 mahal (ertalab va kechqurun) ovqatdan oldin suv bilan ichiladi. Davolash davomiyligi 3-4 hafta. Davolash kurslari orasidagi interval 3 hafta.

Nojo‘ya ta’sirlari

Oshqozon-ichak trakti tomonidan: diareya, epigastral sohada og‘riq.

Agar yo‘riqnomada ko‘rsatilgan nojo‘ya ta’sirlarning birortasi kuchaysa yoki yo‘riqnomada ko‘rsatilmagan boshqa nojo‘ya ta’sirlarni sezsangiz, bu haqda shifokorga xabar bering.

Qarshi ko‘rsatmalar

Preparat komponentlariga yuqori sezuvchanlik, og‘ir buyrak yetishmovchiligi (kreatinin klirensi 30 ml/daqiqadan past), 18 yoshgacha, homiladorlik va laktatsiya davri.

Dorilarning o‘zaro ta’siri

Preparatni tarkibida xinidin bo‘lgan dori vositalari bilan birga qo‘llash tavsiya etilmaydi, chunki siydikning ishqorlanishi tufayli xinidinning buyrak orqali chiqarilishi pasayadi va dozani oshirib yuborish (qon plazmasida xinidin konsentratsiyasining oshishi tufayli) rivojlanishi mumkin.

Maxsus ko‘rsatmalar

Homiladorlik va emizish davrida qo‘llash

Homiladorlik va emizish davrida qo‘llash tavsiya etilmaydi.

Transport vositalarini boshqarish qobiliyatiga ta’siri

Davolash davrida diqqatning yuqori konsentratsiyasini va psixomotor reaksiyalarning tezligini talab qiladigan potensial xavfli faoliyat turlari (transport vositalarini boshqarish, harakatlanuvchi mexanizmlar bilan ishlash va h.k.) bilan shug‘ullanishda ehtiyot bo‘lish kerak.

Preparat yaroqlilik muddati tugagandan so‘ng qo‘llanilmasligi va bolalar qo‘li yetmaydigan joyda saqlanishi lozim.

Dozani oshirib yuborish

Preparatning katta dozalarini qabul qilish siydik tutilishiga olib kelishi mumkin. Davolash: regidratatsiya, kuchaytirilgan diurez. Buyrak yetishmovchiligida gemodializ yoki peritoneal dializ zarur.

Saqlash shartlari

25 °C dan yuqori bo‘lmagan haroratda saqlanadi.

Yaroqlilik muddati

3 yil.

Dorixonalardan berish shartlari

Retseptsiz.

Ishlab chiqaruvchi

Innotek International laboratoriyasi

22 Aristid Brian Avenue, 94110 Arkey, France

Ishlab chiqaruvchi: Innotera Shuzi

Ryu Rene Shantero, L’Isl Ver, 41150,

Shuzi-Syur-Sis, Fransiya.