Sinkorot 25 mg 50-sonli 25 tabletka (5 blister х 10 tabletka)

Tarkib

Bir tabletka quyidagilarni o‘z ichiga oladi:

faol moddalar - rux orotati digidrat 157,36 mg, bu 25 mg yoki 0,38 mmol ruxga mos keladi;

yordamchi moddalar - suvsiz kolloid kremniy dioksidi, mikrokristall sellyuloza, povidon K30, natriy karmeloza, talk, magniy stearati.

Dori shakli

Tabletkalar.

Farmakoterapevtik guruh

Mineral qo‘shimchalar. Rux preparatlari. ATX kodi: A12CB.

Farmakologik xususiyatlari

Rux insonning essensial mikroelementlariga kiradi. Katta yoshdagi odam organizmida 2 dan 3 g gacha rux bo‘ladi. Sutkalik ehtiyoj 15 mg atrofida. Tizimli qon oqimida mavjud bo‘lgan ruxning 90 foizi leykotsitlar va eritrotsitlarda (asosan karboangidraza fermenti tarkibida), qon plazmasida - faqat 10 foizi (organizmda mavjud bo‘lgan barcha ruxning 0,1 foizi), asosan albumin bilan bog‘liq, alfa-2-makroglobulin va transferin bilan kamroq.

Rux fermentlar, masalan, ishqoriy fosfataza, turli degidrogenazalar, tiamidinkinazalar, karboksipeptidazalar, DNKga bog‘liq RNK-polimerazalar, shuningdek (mis bilan bir qatorda) superoksiddismutlar tarkibida strukturaviy, katalitik va boshqaruvchi komponent sifatida muhim rol o‘ynaydi.

Oshqozon osti bezida rux insulin va glyukagon agregatlarini hosil qilishda ishtirok etadi. Rux erkak va ayol jinsiy gormonlarining ishlab chiqarilishiga sezilarli ta’sir ko‘rsatib, jinsiy funksiya va reproduktivlikka ta’sir ko‘rsatadi. Hujayraviy va gumoral immun javob mexanizmlarida rux immun hujayralarning mitogen stimulyatsiyasida ishtirok etadi, T-limfotsitlar, makrofaglar va granulotsitlar funksiyasiga ta’sir ko‘rsatadi. Ruxning yetishmasligi, ayniqsa, uning biokimyoviy funksiyalarini amalga oshirishda seziladi. Bunda tez o‘suvchi to‘qimalar (masalan, spermatozoidlar, embrion va homila hujayralari, immunokompetent hujayralar, shikastlar regeneratsiyasida ishtirok etuvchi biriktiruvchi to‘qima hujayralari) eng ko‘p zararlanadi. Rux DNK va RNKga bog‘liq oqsil sintezi uchun zarur.

Farmakokinetika

Ichakdan ovqat bilan kelgan ruxning 10 dan 40% gacha qismi so‘riladi. So‘rilishi asosan o‘n ikki barmoqli ichak va ingichka ichakning yuqori qismida amalga oshadi. Ruxning rezorbsiyasi juda o‘zgaruvchan bo‘lib, ko‘plab omillarga bog‘liq. Oqsilga boy ovqat ruxning so‘rilishini oshiradi, dukkakli va don mahsulotlari esa tarkibida fitin kislotasi borligi tufayli rux bilan qiyin eriydigan va yomon so‘riluvchi komplekslar hosil qiladi. Kadmiy, mis, kalsiy va temir ham ruxning so‘rilishini qiyinlashtirishi mumkin.

Rux asosan axlat bilan chiqariladi, renal ekskretsiyasi sutkasiga 0,3 dan 0,6 mg gacha. Ruxning to‘qimalardagi konsentratsiyasi o‘zgaruvchan. Radioaktiv tamg‘a yordamida ruxning 40% i jigarga tushishi, 5 kun ichida 25% gacha kamayishi aniqlangan. Jigarda rux miqdoriga bir qator omillar, ayniqsa gormonlar ta’sir ko‘rsatadi. Jigarda, boshqa to‘qimalarda bo‘lgani kabi, rux metallottionin bilan bog‘lanadi. Ruxning eng yuqori konsentratsiyasi suyaklarda, terida, prostata bezida, ko‘z to‘r pardasida va spermatozoidlarda bo‘ladi.

Qo‘llanilishi

Rux tanqisligi tufayli yuzaga keladigan, ovqatlanishni to‘g‘rilash orqali bartaraf etib bo‘lmaydigan holatlarni davolash uchun qo‘llaniladi.

Qo‘llash usuli va dozalari

Kattalar va o‘smirlar (12-17 yosh) uchun tavsiya etilgan doza kuniga 1⁄2 - 1 tabletkadan.

Tabletkalar ovqatdan oldin (ovqatdan taxminan 60 daqiqa oldin) yetarli miqdordagi suyuqlik bilan ichiladi.

Tabletkalar ovqat bilan birga qabul qilinmasligi kerak.

Istisno: Davolashning boshida rux preparatlari qorin og‘rig‘i, ko‘ngil aynishi, dispepsiya va ich ketishini keltirib chiqarishi mumkin. Bu shikoyatlar rux preparatlarini och qoringa qabul qilganda ko‘proq uchraydi. Bunda dori vositasi faqat ovqatlanish vaqtida qabul qilinishi kerak.

Qabul qilish davomiyligi terapevtik ta’sir bilan belgilanadi.

Bolalar:

Bolalarda qo‘llash tajribasi yo‘q.

Keksa odamlar:

Keksalarda qo‘llash uchun maxsus cheklovlar yo‘q.

Nojo‘ya ta’siri

Salbiy reaksiyalar chastotasini baholashda quyidagi shkaladan foydalaniladi: juda tez-tez (> 1/10), tez-tez (> 1/100, <1/10), ba’zan (> 1/1000, <1/100), kamdan-kam (> 1/10 000, <1/1000), juda kam (<1/10000), shu jumladan ayrim xabarlar, noma’lum (mavjud ma’lumotlar asosida chastota baholanmagan).

Juda kam hollarda Sinkrot® 25 dori vositasini qabul qilish oshqozon-ichak trakti tomonidan qorin og‘rig‘i, ko‘ngil aynishi, qusish, ich ketishi va oshqozon ta’sirlanishi belgilari ko‘rinishidagi shikoyatlarni keltirib chiqarishi mumkin. Ushbu alomatlar, odatda, davolashning boshida paydo bo‘ladi va ovqatlanishdan ko‘ra och qoringa qabul qilinganda ko‘proq kuzatiladi. Bunday hollarda preparatni istisno tariqasida ovqatlanish vaqtida qabul qilish kerak.

Ruxni uzoq vaqt qabul qilish mis yetishmovchiligiga olib kelishi mumkin.

Qarshi ko‘rsatmalar

Preparat komponentlariga yuqori individual sezuvchanlik.

Dozani oshirib yuborish

Faqat terapevtik dozadan bir necha barobar yuqori dozada qabul qilinganda, og‘izda metall ta’mi, bosh og‘rig‘i va holsizlik bilan namoyon bo‘ladigan, preparat bekor qilingandan keyin tezda o‘tib ketadigan dozani oshirib yuborish belgilari paydo bo‘lishi mumkin.

Ehtiyot choralari

Uzoq vaqt qabul qilinganda qondagi rux va mis miqdorini laboratoriya sharoitida nazorat qilish tavsiya etiladi.

Homiladorlik va laktatsiya

Insonlarda foydalanish tajribasi yetarli bo‘lmaganligi sababli, homiladorlik va laktatsiya davrida rux preparatlarini faqat klinik jihatdan isbotlangan rux tanqisligi holatidagina qo‘llash lozim. Biroq, Sinkoratning terapevtik dozalaridan foydalanishda, uni homiladorlik va laktatsiya davrida qo‘llashda hech qanday cheklovlar yo‘q. ®

Homiladorlik yoki emizish davrida dori vositasini qo‘llashdan oldin shifokor bilan maslahatlashish lozim.

Transportni boshqarish va mexanizmlar bilan ishlash qobiliyatiga ta’siri

Preparatning transportni boshqarish yoki potensial xavfli mexanizmlar bilan ishlash qobiliyatiga ta’siri haqida ma’lumotlar yo‘q.

Boshqa dori vositalari bilan o‘zaro ta’siri

D-penitsilamin, dimerkaptopropansulfon, dimerkaptosuksin yoki etilendiamintetrasirka kislotalari kabi xelat hosil qiluvchilar ruxning so‘rilishini kamaytirishi yoki uning chiqarilishini oshirishi mumkin.

Rux va fosfatlar, temir, mis va kalsiy tuzlari bir vaqtda qabul qilinganda ruxning so‘rilishi pasayishi mumkin.

Rux misning organizmga kirishini buzishi mumkin. Ruxning yuqori dozalari temirning o‘zlashtirilishi va to‘planishini kamaytirishi mumkin.

Rux tetratsiklinlar, ofloksatsin va boshqa ftorxinolonlarning (masalan, norfloksatsin, siprofloksatsin) so‘rilishini kamaytiradi. Shu munosabat bilan rux va ushbu dori vositalarini qabul qilish o‘rtasida kamida uch soatlik vaqt oralig‘i saqlanishi kerak.

Tarkibida fitinlar ko‘p bo‘lgan oziq-ovqat mahsulotlari (masalan, don mahsulotlari, dukkaklilar, yong‘oqlar) ruxning so‘rilishini kamaytiradi. Qahva rux rezorbsiyasini ham pasaytirishi haqida ma’lumotlar bor.

Chiqarish shakllari, qadoqlash

Tabletkalar.

PVX plyonkasi va alyuminiy folga blisterida 10 tadan tabletka, 2 ta (20 (10x2)), 5 ta (50 (10x5)) yoki 10 ta (100 (10x10)) blister karton qutida qo‘llash bo‘yicha yo‘riqnoma bilan birga. №

Saqlash shartlari

Dori vositasi uchun maxsus saqlash sharoitlari talab etilmaydi.

Bolalar qo‘li yetmaydigan joyda saqlang.

Yaroqlilik muddati

5 yil.

Qadoqda ko‘rsatilgan yaroqlilik muddati tugagandan keyin ishlatilmasin.

Dorixonalardan berish shartlari

Shifokor retseptisiz.

Ishlab chiqaruvchi

Mayermann Arznaymittel KG, Germaniya.