Siprofloksatsin Dentafill Plus ko'z tomchilari 0,3%, 5 ml (flakon)

Bir ml eritma tarkibiga quyidagilar kiradi:

faol modda: siprofloksatsin gidroxlorid - 3 ml;

yordamchi moddalar: dinatriy edetat, mannitol, natriy atsetat trigidrat, muzli sirka kislotasi, benzalkoniy xlorid, inyeksiya uchun suv.

Shaffof eritma, biroz sarg‘ish yoki sarg‘ish-yashil rangda.

Antibakterial sintetik vosita (gr.f0torxinolon). ATX kodi: J01MA02.

Siprofloksatsin - keng ta’sir doirasiga ega bo‘lgan mikroblarga qarshi preparat, ftorxinolon hosilasi, bakterial DNK-girazani bostiradi (topoizomerazalar || va|V, genetik axborotni o‘qish uchun zarur bo‘lgan yadroviy RNK atrofida xromosoma DNKsining superspirolizatsiya jarayoni uchun javobgardir), DNK sintezini, bakteriyalarning o‘sishi va bo‘linishini buzadi; sezilarli morfologik o‘zgarishlarni (shu jumladan hujayra devori va membranalarini) va bakteriya hujayrasining tez o‘limini keltirib chiqaradi.

Siprofloksatsinning ta’sir doirasiga quyidagi turdagi mikroorganizmlar kiradi: E.coli, Shigella spp., Salmonellas spp., Citrobacter spp., Klebsiella spp., Enterobacter spp., Serratia marcescens, Hafnia alvei, Edwardsiella tarda, Proteus spp., Providencia spp., Morganella morganii, Yersinia enterocolitica, Vibrio spp., Aeromonas spp., Plesiomonas shigelloides, Pasteurella multocida, Haemophilus spp., Campylobacter jejuni, Pseudomonas aeruginosa, Legionella pneumophila, Neisseria meningitidis, Moraxella (Branhamella) catarhalis, Acinetobacter spp., Brucella mellitensis, Staphylococcus spp., Sreptococcus agalactiae, Listeria spp., Corynebacterium spp., Chlamydiae trachomatis.

Ko‘z tomchilaridan foydalanilganda plazmadagi maksimal konsentratsiya (Cmax) 5 ng/ml dan kam bo‘ladi. O‘rtacha konsentratsiya - 2,5 ng/ml dan past.

• preparatga sezgir bakteriyalar keltirib chiqaradigan ko‘z va uning qo‘shimchalarining yuqumli kasalliklari: o‘tkir va o‘tkir osti konyunktivitlar, blefarokonyunktivitlar, blefaritlar, shox pardaning gipopiozli/gipopiozsiz bakterial yaralari, bakterial keratitlar va keratokon’yunktivitlar, surunkali dakriotsistitlar va meybomiitlar;

• oftalmoxirurgiyada operatsiyadan oldingi profilaktika, operatsiyadan keyingi infeksion asoratlarni davolash;

• qo‘shimcha apparatning jarohatlaridan keyingi (yot jismlar bilan yoki yot jismlarsiz) infeksion asoratlarni davolash va oldini olish.

Shifokorning maxsus ko‘rsatmalari bo‘lmasa, quyidagi dozalar tavsiya etiladi.

Yengil va o‘rtacha og‘ir infeksiyada preparat har 4 soatda zararlangan ko‘zga 1-2 tomchidan buyuriladi. Og‘ir infeksiyada har soatda 2 tomchidan ko‘zga tomiziladi. Ahvol yaxshilangandan so‘ng instillyatsiya chastotasini kamaytirish mumkin. Davolash davomiyligi infeksiya turiga bog‘liq bo‘lib, 7-14 kun davom etishi mumkin.

Ko‘z tomchilarini faqat mahalliy qo‘llash mumkin, preparatni subkon’yunktival yoki to‘g‘ridan-to‘g‘ri ko‘zning oldingi kamerasiga yuborish mumkin emas.

Siprolet ko‘z tomchilari va boshqa oftalmologik eritmalarni qo‘llashda ularni yuborish oralig‘i kamida 5 daqiqani tashkil etishi kerak. Siprolet tomchilarini qo‘llashda ko‘z ta’sirlanishi davom etsa yoki kuchaysa, preparatni qo‘llashni to‘xtatish va shifokorga murojaat qilish lozim. Siprolet tarkibida benzalkoniy xlorid mavjudligi sababli, yumshoq (gidrofil) kontakt linzalarini taqishdan tiyilish yoki tomizish paytida ularni yechish lozim. Linzalarni preparatni qo‘llash oralig‘ida taqish va tomizilgandan keyin kamida 15 daqiqa o‘tgach qo‘yish mumkin. Bunda preparatni qo‘llash davriyligi ko‘rsatmalaridan chetga chiqmaslik kerak.

Dori vositasining transport vositasi yoki potensial xavfli mexanizmlarni boshqarish qobiliyatiga ta’sirining o‘ziga xos xususiyatlari

Tomizilgandan so‘ng ko‘rishning vaqtinchalik noaniqligi yoki boshqa vizual bezovtaliklar kuzatilishi mumkin, bu esa avtomobil yoki boshqa potensial xavfli mexanizmlarni boshqarish qobiliyatiga salbiy ta’sir ko‘rsatishi mumkin. Bu holda ko‘rish qobiliyati tiklanguncha birmuncha vaqt kutish kerak.

Preparat yaroqlilik muddati tugaganidan keyin qo‘llanilmasligi va bolalar qo‘li yetmaydigan joyda saqlanishi lozim.

Belgilari: konyunktiva giperemiyasi, og‘riq sezish.

Davolash: toza oqar suvda ko‘p yuviladi. Zarurat tug‘ilganda simptomatik terapiya o‘tkaziladi.

Ko‘z tomchilari 0,3%. Polimer flakonlarga 5 ml dan. 1 flakon qo‘llanilishi bo‘yicha yo‘riqnoma bilan birga karton qutilarga joylashtiriladi.

Yorug‘likdan himoyalangan joyda, 15 °C dan 25 °C gacha bo‘lgan haroratda. Muzlatish mumkin emas.

2 yil. Flakonni ochgandan so‘ng 1 oy davomida ishlating!

Retsept bo‘yicha.

"Dentafill Plyus" XK,

O‘zbekiston Respublikasi, 100209, Toshkent shahri, Sergeli tumani, Chortoq-Mag‘rib ko‘chasi, 1-uy.

tel.: 218-67-45