Topikal qo'llash uchun Geksasprey aerozol 2,5% 30 g (flakon)

Tarkib

1 flakon (30 g) uchun:

Ta’sir etuvchi modda:

Biklotimol

0,75 g

Yordamchi moddalar:

Benzil spirti

0,5 g

Dinatriy edetat

0,0025 g

Metilparagidroksibenzoat

0,025 g

Arpabodiyon mevasi moyi

0,03 g

Ammoniy glitsirrizinat

0,02 g

Natriy saxarinat

0,05 g

Dispers sellyuloza

0,3 g

Soya letsitini

0,9 g

Glitserol

1,0 g

96% etanol

1,06 g

Tozalangan suv

30,0 g gacha

Tavsif

Bir jinsli, sarg‘ish tusli oq suspenziya, o‘ziga xos arpabodiyon hidiga ega.

Chiqarish shakli

Mahalliy qo‘llash uchun aerozol, 2,5%.

Farmakoterapevtik guruh

Mikroblarga qarshi vosita. Boshqalar. ATX kodi: A01AB11.

Farmakologik xususiyatlari

Farmakodinamika

Mikroblarga qarshi ta’sir ko‘rsatadi (Staphylococcus spp., Streptococcus spp., Corynebacterium spp. ga nisbatan faol). Ta’sir mexanizmi mikrob hujayrasi oqsillarining koagulyatsiyalanishiga bog‘liq. Og‘riq qoldiruvchi va yallig‘lanishga qarshi ta’sir ko‘rsatadi.

Farmakokinetika

Og‘iz bo‘shlig‘i shilliq pardasi orqali sekin so‘riladi, uzoq vaqt mahalliy ta’sir ko‘rsatadi.

Ko‘rsatmalar

Biklotimolga sezgir qo‘zg‘atuvchilar keltirib chiqaradigan og‘iz bo‘shlig‘i (shu jumladan stomatitlar, gingivitlar), halqum, hiqildoqning yuqumli-yallig‘lanish kasalliklari.

Burun-halqum va nafas yo‘llarining yallig‘lanish hamda yuqumli kasalliklarini (o‘tkir va surunkali faringit, faringolaringit, tonzillit, tonzillektomiyadan keyingi holatlar, glossit) mahalliy davolash.

Qarshi ko‘rsatmalar

6 yoshgacha bo‘lgan bolalar yoshi.

Preparat komponentlariga yuqori sezuvchanlik.

Qo‘llash usuli va dozalari

Mahalliy: ovqat qabul qilishdan qat’i nazar, kuniga 3 mahal 2 dozadan aerozol.

Davolash davomiyligi 10 kundan oshmasligi kerak. Davolashni uzoqroq davom ettirish zarur bo‘lsa, shifokor maslahati zarur.

Nojo‘ya ta’sirlari

Mahalliy allergik reaksiyalar bo‘lishi mumkin.

G‘ayrioddiy reaksiyalar paydo bo‘lgan taqdirda, preparatni keyinchalik qo‘llashning maqsadga muvofiqligi to‘g‘risida shifokor bilan maslahatlashish lozim.

Dozani oshirib yuborish

Dozani oshirib yuborish holatlari haqida ma’lumotlar yo‘q.

O‘zaro aloqa

Boshqa mahalliy vositalarni bir vaqtning o‘zida qo‘llashdan saqlanish kerak.

Maxsus ko‘rsatmalar

Foydalanish vaqtida flakonni vertikal holatda ushlang. Ishlatishdan oldin flakonni chayqating.

Homiladorlik va laktatsiya

Homiladorlik va laktatsiya davrida preparatni qo‘llash xavfsizligi bo‘yicha adekvat va qat’iy nazorat qilinadigan tadqiqotlar o‘tkazilmagan.

Homiladorlik va laktatsiya davrida, agar ona uchun potensial foyda homila va bola uchun ehtimoliy xavfdan yuqori bo‘lsa, qo‘llash mumkin.

Transport vositalari va mexanizmlarini boshqarish qobiliyatiga ta’siri

Preparatning avtomobil va boshqa transport vositalarini boshqarish qobiliyatiga salbiy ta’siri haqida ma’lumotlar yo‘q.

Qadoq

30 g dan preparat tashqi tomoni polimer bilan qoplangan, purkash klapani o‘rnatilgan, polimer qalpoqcha bilan qoplangan, applikator-purkagich bilan ta’minlangan shisha flakonga solinadi.

1 flakondan qo‘llash bo‘yicha yo‘riqnoma bilan birga karton qutiga solinadi.

Saqlash shartlari

25 °C dan yuqori bo‘lmagan haroratda saqlanadi.

Bolalar qo‘li yetmaydigan joyda saqlang.

Yaroqlilik muddati

5 yil.

Qadoqda ko‘rsatilgan yaroqlilik muddati tugagandan so‘ng qo‘llanilmasin.

Dorixonalardan berish shartlari

Retseptsiz

Ro‘yxatdan o‘tish guvohnomasi egasi

BUSHAR-REKORDATI LABORATORIYALARI Fransiya

Ishlab chiqaruvchi

BUSHAR-REKORDATI LABORATORIYALARI Fransiya