Trinazol tashqi foydalanish uchun krem ​​har biri 15 g (naycha)

Tarkib

1 g krem tarkibida quyidagilar mavjud:

Faol moddalar: ketokonazol 10 mg, klobetazol propionat 0,25 mg, neomitsin sulfat 5000 XB.

Yordamchi moddalar: Stearin kislotasi, suyuq parafin, glitserin, Polisorbat-80 (polioksietilen yog‘ kislotasi efiri), stearil spirti, ikki natriyli edetat, PF-037 (essensiya), distillangan suv.

Tavsif

Oq yoki sarg‘ish rangli krem.

Chiqarish shakli

Sirtga surtiladigan krem 5 g, 10 g, 15 g, 20 g li tubalarda, qo‘llanilishi bo‘yicha yo‘riqnoma bilan birga karton qutida.

Farmakoterapevtik guruh

Asosan dermatologiya va venerologiyada qo‘llaniladigan vositalar.

Farmakologik xususiyatlari

Ketokonazol zamburug‘ga qarshi keng ta’sir doirasiga ega vosita bo‘lib, zamburug‘ning hujayra membranasiga uning o‘tkazuvchanligini o‘zgartirish orqali ta’sir ko‘rsatadi. Farmakologik tadqiqotlar shuni ko‘rsatdiki, ketokonazol dermatofitlar (Trichophyton spp., Epidermophyton spp., Microsporum spp. kabilar), saxaromitsetlar va Candida albicans ga qarshi o‘ta kuchli antimikoz ta’sirga ega. Zamburug‘ shtammlari ketokonazol ta’siriga tabiiy chidamlilikka ega emas.

Klobetazol propionat kortikosteroid gormon bo‘lib, u minimal nojo‘ya ta’sirlarga ega bo‘lgan yuqori samarali yallig‘lanishga va allergiyaga qarshi vosita hisoblanadi.

Neomitsin sulfat grammusbat va grammanfiy bakteriyalarga qarshi samarali vosita hisoblanadi.

Ushbu vositalar majmuasi uni zamburug‘li va bakterial infeksiyalar, yallig‘lanish jarayonlari va qichishishda yuqori samarali dori vositasiga aylantiradi.

Qo‘llanilishi

Trinazol kremi qo‘l mikozi, oyoq kafti epidermofitiyasi (mikozi), silliq teri trixofitiyasi, har xil rangli temiratki, ekzema va qichishish kabi teri zamburug‘li infeksiyalarini davolashda buyuriladi.

Qo‘llash usuli va dozalari

Sirtga qo‘llash uchun. Terining zararlangan sohalariga kuniga ikki mahal yupqa qilib surtiladi. Oddiy silliq teri trixofitiyasi va oraliq trixofitiyasini davolashda tavsiya etilgan davolash kursi 2 haftani, oyoq va kaft epidermofitiyasini davolashda esa 4 haftani tashkil etadi.

Nojo‘ya ta’sirlari

Odatda preparat yaxshi o‘zlashtiriladi. Davolash paytida krem surtilgan joyda achishish yoki ta’sirlanish paydo bo‘lishi mumkin, ammo bu odatda preparatni bekor qilishni talab qilmaydi.

Qarshi ko‘rsatmalar

Preparatga va/yoki uning har qanday tarkibiy qismiga yuqori sezuvchanlik.

Dorilarning o‘zaro ta’siri

Belgilanmagan

Maxsus ko‘rsatmalar

Kremning ko‘zga tushishiga yo‘l qo‘ymang! Preparatni yuz terisiga yoki tananing katta qismlariga uzoq vaqt davomida qo‘llash zarur bo‘lganda, shifokorning doimiy nazorati talab etiladi.

Preparatni homilador va emizikli ayollarga, shuningdek, emizikli bolalarga ehtiyotkorlik bilan qo‘llash lozim.

Preparatni bolalar qo‘li yetmaydigan joyda saqlang va yaroqlilik muddati tugaganidan keyin ishlatmang.

Saqlash shartlari

25 °C dan yuqori bo‘lmagan haroratda saqlanadi.

Yaroqlilik muddati

3 yil.

Dorixonalardan berish shartlari

Retseptsiz.

Ishlab chiqaruvchi

"Avantika Medeks Pvt. Ltd. (Hindiston).

"Yosh Medikeyr Pvt. Ltd.," Najipur, Tal-Himatnagar (Hindiston).