Цефтриаксон-ET порошок д/ин. по 1 г (флакон)

1 флакон 1 г цефтриаксон натрийли тузи (цефтриаксонга эквивалент) сақлайди.

Деярли оқ ёки сарғиш рангли кристалл кукун.

Инъекцион эритма тайёрлаш учун кукун.

Антибиотик (цефалоспоринлар гуруҳи).

Цефалоспоринларнинг III авлодига мансуб кенг таъсир доирасига эга антибиотик. Бактериялар хужайра деворининг синтезини сусайтириши ҳисобига бактерицид таъсир кўрсатади. Цефтриаксон мембраналар билан боғланган транспептидазаларга ацетил гуруҳини боғланишига олиб келади ва шу йўл билан ҳужайра деворининг мустаҳкамлиги ва ригидлигини таъминловчи пептидогликанларни кесишган бирикишини бузади. Аэроб, анаэроб, граммусбат ва грамманфий бактерияларга нисбатан фаолдир.

Беталактамазаларнинг таъсирига чидамлидир.

Фармакокинетикаси

Плазма оқсиллари билан боғланиши 85-95% ни ташкил қилади. Цефтриаксон организмнинг тўқималарида ва суюқликларида кенг тақсимланади. Менингитда орқа мия суюқлигида терапевтик концентрацияларига эришилади. Юқори концентрациялари сафрода ҳосил бўлади. Йўлдош орқали ўтади, кўкрак сутига кам миқдорда ажралади. Тахминан 40-65% цефтриаксон ўзгармаган ҳолда сийдик билан чиқарилади. Қолган қисми сафро ва ахлат билан чиқарилади.

Цефтриаксонга сезгир микроорганизмлар томонидан чақирилган инфекционяллиғланиш касалликлари, шу жумладан перитонит, сепсис, менингит, холангит, ўт пуфаги эмпиемаси, шигеллёз, сальмонеллаларни ташувчилик, пневмония, ўпка абцесси, плевра эмпиемаси, пиелонефрит, суяклар, бўғимлар, тери ва юмшоқ тўқималар, жинсий аъзоларнинг инфекциялари, инфекцияланган жароҳатлар ва куйишларда қўлланилади.

Операциядан кейинги инфекцияларни олдини олишда қўлланилади.

Шахсий равишда белгиланади. Катталар ва 12 ёшдан катта болаларга мушак ичига ёки вена ичига суткада 12 г дозада юборилади. Оғир ҳолларда суткалик доза 4 г гача оширилади (12 соатлик оралиқ билан икки марта юборилади).

Кичик ёшдаги болаларга 2080 мг/кг дан суткада бир марта, чала туғилган чақалоқларга - 50 мг/кг дан ортиқ бўлмаган суткалик дозада юборилади.

Даволаш курсининг давомийлиги шахсий равишда танланади. Буйрак фаолиятини бузилиши бўлган беморларга креатинин клиренс (КК) кўрсаткичларини ҳисобга олиб дозалаш тартибига тузатиш киритиш талаб қилинади.

Мушак ичига инъекция қилиш учун 1 г цефтриаксон 3,5 мл инъекция учун стерил сувда эритилади. Думба мушагига чуқур юборилади. Юбориш оғриқсиз бўлиши учун 1% ли лидокаин эритмасини қўллаш мумкин.

Вена ичига оқимли юбориш учун 1 г цефтриаксон 10 мл инъекция учун стерил сувда эритилади. 35 минут давомида секин юборилади.

Томчилаб юбориш учун (50-60 минут давомида) 2 г препарат 100 мл натрий хлоридининг изотоник эритмасида ёки 5% ли глюкоза эритмасида эритилади.

Овқат ҳазм қилиш тизими томонидан: кўнгил айниши, қусиш, диарея, жигар трансаминазаларини транзитор ошиши, холестатик сариқлик, гепатит, псевдомембраноз колит бўлиши мумкин.

Аллергик реакциялар: тери тошмаси, қичишиш, эозинофилия; кам Квинке шиши.

Қон яратиш тизими томонидан: узоқ вақт юқори дозаларда қўлланганда периферик қон манзараси ўзгариши (лейкопения, нейтропения, тромбоцитопения, гемолитик анемия) мумкин.

Қон ивиш тизими томонидан: гипопротромбинемия бўлиши мумкин.

Сийдик чиқариш тизими томонидан: интерстициал нефрит бўлиши мумкин.

Кимётерапевтик таъсирига асосланган самаралари: кандидоз.

Маҳаллий реакциялар: флебит (в/и юборилганда), инъекция жойида оғриқ.

Цефтриаксонга ва бошқа цефалоспоринларга юқори сезувчанликда қўллаш мумкин эмас.

Цефтриаксон ичак микрофлорасини бостириб, К витаминининг синтез жараёнига тўсқинлик қилади. Шунинг учун тромбоцитлар агрегациясини пасайтирувчи препаратлар (НЯҚВ, салицилатлар, сульфинпиразон) билан бир вақтда қўлланганда қон кетиш хавфи ошади. Худди шу сабабга кўра, антикоагулянтлар билан бир вақтда қўлланилганда уларнинг антикоагулянт таъсирини кучайиши кузатилади. Халқали диуретиклар билан бир вақтда қўлланилганда нефротоксик таъсирини ривожланиш хавфи ошади.

Пенициллинларга юқори сезувчанлиги бўлган пациентларда цефалоспорин антибиотикларига нисбатан аллергик реакциялар бўлиши мумкин. Буйрак фаолиятини яққол бузилишида эҳтиёткорлик билан қўллаш керак. Цефтриаксон эритмасини бошқа микробларга қарши препаратлар ёки эритмалар билан аралаштириш ёки бир вақтда юбориш мумкин эмас.

Ҳомиладорлик ва лактация даври

Ҳомиладорлик даврида цефтриаксоннинг хавфсизлигини аниқлаш учун адекват ва қатъий назоратли тадқиқотлар ўтказилмаган.

Цефтриаксонни ҳомиладорлик ва лактация даврида, фақат она учун даволашдан кутилган фойда ҳомила ва бола учун потенциал хавфдан устун бўлгандагина қўллаш мумкин.

Цефтриаксон кўкрак сути билан паст концентрацияда ажралади.

Ҳайвонларда ўтказилган экспериментал тадқиқотларда цефтриаксоннинг тератоген ва эмбриотоксик самаралари аниқланмаган.

Препарат болалар олаолмайдиган жойда сақлансин ва яроқлилик муддати ўтгач қўлланилмасин.

1 резина тиқин ва алюмин қалпоқли ҳамда ПВХ копқоқли рангсиз тиниқ шиша флакон қўллаш бўйича йўриқномаси билан бирга ўрамда.

Препарат қуруқ ва ёруғликдан ҳимояланган жойда +25 °С дан юқори бўлмаган ҳароратда сақлансин.

3 йил.

Рецепт бўйича.

Hebei Oriental Pharma IE Corporation, Китай.