Validol Altayvitaminli til osti tabletkalari 60 mg №6 (1 blister)

Tarkib

Bitta tabletka uchun:

Ta’sir etuvchi modda:

Levomentolning mentilizovaleratdagi eritmasi (validol)

- 60 mg

Yordamchi moddalar:

Saxaroza (oq shakar)

- 1,15 g

Kalsiy stearat

- 0,013 g

- 1,223 g massali tabletka olingunga qadar yetarli miqdorda.

Tavsif

Oq rangli tabletkalar. Sarg‘ish tus va kulrang dog‘lar bo‘lishiga yo‘l qo‘yiladi. O‘ziga xos mentol hidiga ega, yassi silindrsimon, faskali va chiziqli tabletkalar.

Chiqarish shakli

Til osti tabletkalari, 60 mg.

Farmakoterapevtik guruh

Reflektor ta’sirga ega koronarodilyatsiyalovchi vosita. Yurak kasalliklarini davolash uchun boshqa kombinatsiyalangan preparatlar. ATX kodi: C01EX.

Farmakologik xususiyatlari

Farmakodinamika

Sedativ ta’sir ko‘rsatadi, sezgir nerv oxirlarining ta’sirlanishi tufayli o‘rtacha reflektor tomir kengaytiruvchi ta’sirga ega.

Enkefalinlar, endorfinlar va boshqa bir qator peptidlar, gistamin, kininlar ishlab chiqarilishi va ajralib chiqishini rag‘batlantiradi (og‘iz bo‘shlig‘i shilliq qavati retseptorlarini ta’sirlash hisobiga), ular tomirlar o‘tkazuvchanligini boshqarishda, og‘riq sezgilarini shakllantirishda faol ishtirok etadi. Til ostiga qabul qilinganda terapevtik samara, o‘rtacha hisobda, 5 daqiqadan so‘ng yuzaga keladi, bunda preparatning 70% gacha qismi 3 daqiqa ichida ajralib chiqadi.

Farmakokinetika

Til ostiga qo‘llanganda og‘iz bo‘shlig‘i shilliq qavatidan so‘riladi, jigarda metabolizmga uchraydi, buyraklar orqali glyukuronidlar ko‘rinishida chiqariladi.

Ko‘rsatmalar

Funksional kardialgiya, nevrozlar, shuningdek, dengiz va havo kasalliklarida qusishga qarshi vosita sifatida.

Qarshi ko‘rsatmalar

Preparatning tarkibiy qismlariga yuqori sezuvchanlik, saxaraza/izomaltaza yetishmovchiligi, fruktozani ko‘tara olmaslik, glyukoza-galaktoza malabsorbsiyasi, 18 yoshgacha (bolalarda qo‘llash xavfsizligi va samaradorligi bo‘yicha ma’lumotlar yo‘q).

Ehtiyotkorlik bilan

Qandli diabet (preparat tarkibida shakar bor).

Qo‘llash usuli va dozalari

Validol kattalarga til ostiga 1 tabletkadan to‘liq erib ketguncha buyuriladi. 1 tabletkadan kuniga 2-3 mahal ichiladi. Validolni qabul qilish soni va davomiyligi davolash samaradorligiga qarab belgilanadi.

Yetarli darajada sezilmagan ta’sirda yoki ayrim bemorlarda preparat qabul qilingandan keyingi yaqin 5-10 daqiqa ichida ta’sir kuzatilmaganda, boshqa terapiyani tayinlash uchun shifokorga murojaat qilish kerak.

Nojo‘ya ta’sirlari

Ko‘ngil aynishi, ko‘z yoshi oqishi, bosh aylanishi mumkin. Preparat bekor qilinganda, bu nojo‘ya ta’sirlar odatda o‘z-o‘zidan o‘tib ketadi.

Allergik reaksiyalar (teri toshmasi, qichishish, angionevrotik shish) rivojlanishi mumkin.

Dozani oshirib yuborish

Belgilari: bosh og‘rig‘i, ko‘ngil aynishi, qo‘zg‘algan holat, yurak faoliyatining buzilishi, qon bosimining keskin pasayishi, markaziy asab tizimining susayishi.

Davolash: preparatni bekor qilish, simptomatik terapiya.

O‘zaro aloqa

Markaziy asab tizimini susaytiruvchi dori vositalari bilan bir vaqtda qo‘llanganda, ularning ta’sirini kuchaytiradi.

Validolni nitratlar bilan bir vaqtda qo‘llash ularni qo‘llashda paydo bo‘ladigan bosh og‘rig‘ini kamaytiradi.

Maxsus ko‘rsatmalar

Bir vaqtning o‘zida alkogol iste’mol qilish tavsiya etilmaydi. Qandli diabet bilan og‘rigan bemorlarga ehtiyotkorlik bilan qo‘llaniladi (preparat tarkibida saxaroza mavjud). 1 tabletkadagi saxaroza miqdori 0,09 XB (non birligi) ga to‘g‘ri keladi.

Homiladorlik va laktatsiya

Preparatni homiladorlik va emizish davrida, agar ona uchun taxmin qilingan foyda homila yoki bola uchun potensial xavfdan yuqori bo‘lsa, buyurish mumkin. Shifokor bilan maslahatlashish zarur.

Transport vositalari va mexanizmlarini boshqarish qobiliyatiga ta’siri

Preparatni qabul qilishda diqqatning yuqori konsentratsiyasini va psixomotor reaksiyalarning tezligini talab qiladigan potensial xavfli faoliyat turlarini bajarishda (transport vositalarini boshqarish, harakatlanuvchi mexanizmlar bilan ishlash, dispetcher, operator ishi) ehtiyot bo‘lish kerak.

Qadoq

6 yoki 10 tabletkadan kontur katakli o‘ramlarga solinadi.

Qo‘llash bo‘yicha yo‘riqnoma bilan birga 6 tabletkadan 1, 2, 3, 4, 5 kontur yacheykali o‘ramlar yoki qo‘llash bo‘yicha yo‘riqnoma bilan birga 10 tabletkadan 1, 2, 3, 4, 5 kontur yacheykali o‘ramlar karton qutiga joylashtiriladi.

6 ta tabletkadan 150-900 ta konturli yacheykali o‘ramlar yoki 10 ta tabletkadan 120-600 ta konturli yacheykali o‘ramlar qo‘llash bo‘yicha ko‘rsatmalarning teng miqdori bilan birgalikda guruhli o‘ramga (statsionarlar uchun) joylashtiriladi.

Saqlash shartlari

25 °C dan yuqori bo‘lmagan haroratda.

Bolalar qo‘li yetmaydigan joyda saqlang.

Yaroqlilik muddati

2 yil.

Yaroqlilik muddati o‘tgandan keyin qo‘llanilmaydi.

Dorixonalardan berish shartlari

Retseptsiz

Ro‘yxatdan o‘tish guvohnomasi egasi

ALTAYVITAMINLAR AJ Rossiya

Ishlab chiqaruvchi

ALTAYVITAMINLAR AJ Rossiya