Venolayf tashqi foydalanish uchun gel har biri 40 g (naycha)

Tarkib

100 g gel tarkibida quyidagilar mavjud:

Faol moddalar: trokserutin 100% moddaga hisoblaganda - 2 g; natriy geparin quruq moddaga hisoblaganda - 0,25 g (30000XB); dekspantenol 100% moddaga hisoblaganda - 5 g.

Yordamchi moddalar: feniletanol - 1 g; propilenglikol - 10; karbomer - 940 yoki 980-0,8 g; trometamol - 0,4 g; tozalangan suv - 100 g gacha.

Farmakoterapevtik guruh

Mahalliy qo‘llash uchun bevosita ta’sir etuvchi antikoagulyant vosita + boshqa preparatlar.

Farmakologik xususiyatlari

Farmakodinamika

Venolayf® geli - tashqi qo‘llash uchun mo‘ljallangan kombinatsiyalangan preparat bo‘lib, uning farmakologik xususiyatlari uning tarkibiga kiruvchi moddalarning ta’siri bilan bog‘liq.

Geparin - bevosita ta’sir qiluvchi antikoagulyant, organizmning qon ivishiga qarshi tabiiy omili bo‘lib, yallig‘lanishga qarshi ta’sir ko‘rsatadi, gialuronidaza faolligini susaytirish orqali biriktiruvchi to‘qimaning tiklanishiga yordam beradi; tromb hosil bo‘lishiga to‘sqinlik qiladi, qonning fibrinolitik xususiyatlarini faollashtiradi; mahalliy qon aylanishini yaxshilaydi.

Dekspantenol - provitamin B5 - terida atsetillash va oksidlanish jarayonlarida muhim rol o‘ynaydigan koenzim A tarkibiga kiruvchi pantoten kislotasiga aylanadi; almashinuv jarayonlarini yaxshilab, dekspantenol shikastlangan to‘qimalarning tiklanishiga yordam beradi; geparinning so‘rilishini yaxshilaydi.

Trokserutin - angioprotektor vosita; R vitamini faolligiga ega (tomir-to‘qima o‘tkazuvchanligini va kapillyarlarning mo‘rtligini pasaytiradi), to‘qimalarning mikrotsirkulyatsiyasi va trofikasini me’yorlashtirishga yordam beradi, venalar va paravenoz to‘qimalarda dimlanish holatlarini kamaytiradi; antiekssudativ va yallig‘lanishga qarshi ta’sir ko‘rsatadi.

Farmakokinetika

Mahalliy qo‘llanganda faol moddalar teriga tez so‘riladi. Geparin yuqori qatlamlarda to‘planadi va teri oqsillari bilan faol bog‘lanadi, dekspantenol terining barcha qatlamlariga kirib, pantoten kislotasiga aylanadi, trotserutin 30 daqiqadan so‘ng dermada, 2-5 soatdan so‘ng esa teri osti yog‘ kletchatkasida aniqlanadi.

Qo‘llanilishi

oyoqlarning venoz yetishmovchiligi tufayli yuzaga keladigan shish-og‘riq sindromi va mikrotsirkulyator-trofik buzilishlar (venalarning varikoz kengayishi, o‘tkir va surunkali tromboflebit, posttromboflebitik sindrom, surunkali limfostaz);

yumshoq to‘qimalarning jarohatlari (gematomalar, chiqishlar, cho‘zilishlar);

regeneratsiya bosqichida trofik yaralarning granulyatsiyasi va epitelizatsiyasini tezlashtirish uchun (aniq ekssudatsiya bo‘lmaganda).

Qo‘llash usuli va dozalari

Tashqarida.

Zararlangan sohaga kuniga 2-3 marta yupqa qatlam qilib surtiladi, teri yuzasiga bir tekisda, yengil ishqalash harakatlari bilan to‘liq so‘rilguncha surtiladi. Davolash kursi 2-3 hafta. Davolashni davom ettirish zaruriyatini davolovchi shifokor patologik jarayonning og‘irligi va klinik tahlillar natijalariga qarab belgilaydi. Kasallik qaytalansa, davolash kursini yiliga 2-3 marta o‘tkazish mumkin.

Kuchsiz ekssudatsiyali trofik yaralarda preparatni qo‘llashdan oldin jarohat yuzasi ekssudat va nekrotik to‘qimalardan tozalanadi, zarur bo‘lsa, vodorod peroksidning 3%, nitrofural 1:5000 yoki xlorgeksidin biglyukonatning 0,05% li eritmasi bilan yuviladi va quritiladi. Gel bir tekis yupqa qatlamda shunday surtiladiki, zararlangan yuza preparat bilan to‘liq qoplansin va steril doka bog‘lam qo‘yiladi. Bog‘lamlar sutkada 1 marta almashtiriladi. Davolashning ochiq usulida preparat kuniga 1-2 marta surtiladi. Davolashning davomiyligi epitelizatsiya dinamikasi bilan belgilanadi.

Nojo‘ya ta’siri

Allergik reaksiyalarning mahalliy ko‘rinishlari (teri toshmasi, qichishish) kuzatilishi mumkin.

Qarshi ko‘rsatmalar

preparat komponentlariga yuqori sezuvchanlik;

ochiq infeksiyalangan jarohatlar yoki jarohatlangan joyda ko‘p miqdorda ekssudatsiya bo‘lgan jarohatlar;

1 yoshgacha bo‘lgan bolalar.

Dorilarning o‘zaro ta’siri

Preparatning boshqa dori vositalari bilan o‘zaro ta’siri aniqlanmagan.

Maxsus ko‘rsatmalar

Venolayf* oftalmologiyada, intravaginal va rektal yuborish uchun mo‘ljallanmagan.

Homiladorlik va laktatsiya davrida qo‘llash

Venolayf® preparatini homiladorlik va laktatsiya davrida qo‘llash mumkin.

Preparatni bolalar qo‘li yetmaydigan joyda saqlang va yaroqlilik muddati tugaganidan keyin iste’mol qilmang.

Dozani oshirib yuborish

Dozani oshirib yuborish ehtimoli kam, chunki gel tarkibiy qismlarining tizimli so‘rilishi past.

Chiqarish shakli

Sirtga qo‘llash uchun gel. Alyuminiy naychada 30, 40, 50 yoki 100 g dan. Har bir tuba qo‘llash bo‘yicha yo‘riqnoma bilan birga karton qutida.

Saqlash shartlari

15 dan 25 °C gacha bo‘lgan haroratda.

Yaroqlilik muddati

2 yil.

Dorixonalardan berish shartlari

Retseptsiz.

Ishlab chiqaruvchi

"AKRIXIN" kimyo-farmatsevtika kombinati" ochiq aksiyadorlik jamiyati ("AKRIXIN" OAJ),

Rossiya, 142450, Moskva viloyati, Noginskiy tumani, Staraya Kupavna shahri, Kirov ko‘chasi, 29. Telefon/faks: (495) 702-95-03