Vidanol plyonka bilan qoplangan tabletkalar 500 mg №60 (6 blister х 10 tabletka)

Tarkib

Qobiq bilan qoplangan 1 ta tabletka quyidagilarni o‘z ichiga oladi:

Faol moddasi: 500 mg traneksam kislotasi.

Yordamchi moddalar: mikrokristallik sellyuloza PH 102, kam almashingan gidroksipropil sellyuloza, povidon, mikrokristallik sellyuloza PH 112, natriy kroskarmeloza, kolloid kremniy dioksidi, tozalangan talk, magniy stearati, Colorcoat oq FC4S, izopropil spirti, tozalangan suv.

Tavsif

Oq, dumaloq, ikki tomoni qavariq, qobiq bilan qoplangan, ikki tomoni silliq tabletkalar.

Dori shakli

Qobiq bilan qoplangan tabletkalar.

Farmakoterapevtik guruh

Antigemorragik, antifibrinolitik vositalar. ATX kodi: B02AA02.

Farmakologik xususiyatlari

Farmakodinamika

Traneksam kislotasi antifibrinolitik birikma bo‘lib, plazminogenning plazminga faollashuvining kuchli raqobatchi ingibitori hisoblanadi. Yuqoriroq konsentratsiyalarda u plazmin uchun raqobatbardosh ingibitor hisoblanmaydi.

Traneksam kislotaning plazminogen faollashuvida aminokapron kislotaga nisbatan urokinaza yordamida 6-100 marta va streptokinaza yordamida 6-40 marta kuchli ingibirlovchi ta’siri aniqlangan. Traneksam kislotasining antifibrinolitik ta’siri aminokapron kislotasinikiga qaraganda taxminan o‘n marta kuchliroqdir.

Farmakokinetika

So‘rish

Og‘iz orqali qabul qilinganda, qabul qilingan dozaning 1,13% va 39% mos ravishda 3 va 24 soatdan keyin aniqlandi.

Taqsimlash

Parenteral yuborilganda traneksam kislotasi ikki yo‘l bilan tarqaladi.

Traneksam kislotasi hujayra ichiga va orqa miya suyuqligiga sekin kiradi. Taqsimlanish hajmi tana vazniga nisbatan taxminan 33% ni tashkil etadi.

Traneksam kislotasi yo‘ldosh orqali o‘tib, emizikli ayollar sutidagi zardob cho‘qqisi konsentratsiyasining yuzdan bir qismiga yetishi mumkin.

Eliminatsiya

Traneksam kislotasi o‘zgarmagan holda siydik bilan chiqariladi. Yuborilgan dozaning 90% i yuborilganidan keyin 21 soat ichida buyraklar orqali chiqariladi (kanalchalar reabsorbsiyasiz koptokchalar orqali ajralishi). Peroral qabul qilingandan so‘ng, yuborilgan dozaning 1,13% va 39% taxminan 3 va 24 soatdan keyin chiqariladi.

Bemorlarning alohida guruhlari uchun farmakokinetika

Qon plazmasidagi konsentratsiyasi buyrak yetishmovchiligi bo‘lgan bemorlarda oshadi.

Qo‘llanilishi

Qon ketishida yoki fibrinoliz yoki fibrinolizisning kuchayishida qon ketish xavfi bo‘lganda qisqa muddatli qo‘llash.

Quyidagi sharoitlarda uchraydigan mahalliy fibrinolizlar:

Prostatectomiya va siydik pufagi jarrohligida.

Menorragiya.

Burundan qon ketishi.

Bachadon bo‘ynini ponasimon biopsiya qilish.

Travmatik gifema (ko‘zning oldingi kamerasiga qon quyilishi).

Irsiy angionevrotik shish.

Gemofiliya bilan og‘rigan bemorlarda tishlarni olish.

Qo‘llash usuli va dozalari

Qabul qilish usuli: og‘iz orqali.

1. Mahalliy fibrinolizlar. Tavsiya etilgan standart doza tana vazniga 15-25 mg/kg (ya’ni 1000-1500 mg) kuniga 2-3 marta. Quyida keltirilgan ko‘rsatmalarda quyidagi dozalardan foydalanish mumkin:

Prostatektomiya: yuqori xavf guruhidagi bemorlarda qon ketishining oldini olish va davolash operatsiyadan oldin yoki keyin boshlanishi kerak; so‘ngra makroskopik gematuriya to‘xtamaguncha kuniga 3-4 marta 1000 mg traneksam kislotasi qabul qilinadi.

Menorragiya: tavsiya etilgan doza kuniga 3 marta 1000 mg ni tashkil etadi, to kuniga 4 martagacha oshirish zarurati tug‘ilmaguncha. Agar bachadondan qon ketishi juda og‘ir bo‘lsa, doza oshirilishi mumkin. Umumiy sutkalik doza kuniga 4 g dan oshmasligi kerak. Bachadondan qon ketishi boshlanishidan oldin traneksam kislotasi bilan davolashni boshlash kerak emas.

Burun bo‘shlig‘idan qon ketishi: qayta qon ketish xavfi bo‘lganda, 7 kun davomida peroral terapiya (1000 mg dan kuniga 3 marta) o‘tkazish kerak.

Bachadon bo‘yni konizatsiyasi (ponasimon biopsiya): 1500 mg dan kuniga 3 mahal.

Travmatik gifema (ko‘zning oldingi kamerasiga qon quyilishi): 1000-1500 mg dan kuniga 3 mahal. Asosiy dozasi 25 mg/kg kuniga 3 mahal.

Irsiy angionevrotik shish. Ba’zi bemorlar kasallikning boshlanishini bilishadi. Tegishli davolash 1000-1500 mg dan kuniga 2-3 marta, bir necha kun oralig‘ida. Qolgan bemorlar shu doza bilan uzluksiz davolanadi.

Gemofiliya. Gemofiliya bilan og‘rigan bemorlarda tishlarni sug‘urishda: har sakkiz soatda 1000-1500 mg dan. Doza 25 mg/kg ni tashkil etadi.

Buyrak yetishmovchiligida. Dori vositasini vena ichiga qo‘llash davomiyligi klirens ko‘rsatkichlariga bog‘liq. Buyrak yetishmovchiligining yengil va o‘rtacha shakli bilan og‘rigan bemorlarga peroral qo‘llash usuli tavsiya etiladi.

Qon zardobidagi kreatinin (mkmol/l) Traneksam kislotasi dozasi

120-249 15 mg/kg tana vazniga kuniga ikki mahal

Kuniga tana vazniga 250-500 15 mg/kg

Bolalar dozasi. Tana vazniga muvofiq 25 mg/kg dan hisoblanadi. Biroq, ushbu ko‘rsatmalar uchun samaradorlik, dozalash va xavfsizlik bo‘yicha ma’lumotlar cheklangan.

Keksa yoshdagi bemorlarda: agar buyrak yetishmovchiligi isbotlanmagan bo‘lsa, dozani kamaytirishga hojat yo‘q.

Nojo‘ya ta’sirlari

Nojo‘ya ta’sirlar a’zolar tizimi sinfi va chastotasi bo‘yicha quyida keltirilgan.

Chastota quyidagicha aniqlanadi: juda ko‘p uchraydigan (≥1/l0), ko‘p uchraydigan (≥1/100 va <1/10), kam uchraydigan (≥1/1000 va <1/100), kam uchraydigan (≥1/10000 va <1/1000) va juda kam uchraydigan (<1/10000).

Immun tizimi tomonidan:

Juda kam hollarda: o‘ta yuqori sezuvchanlik reaksiyalari, shu jumladan anafilaktik shok.

Ko‘z tomonidan:

Kamdan-kam hollarda: ko‘rish (rang), to‘r parda (arteriya okklyuziyasi) buzilishlari.

Qon tomir tizimi tomonidan:

Kamdan-kam hollarda: tromboembolik hodisalar.

Juda kam: Har qanday lokalizatsiyadagi arterial yoki venoz tromboz.

Ovqat hazm qilish tizimi tomonidan:

Juda kam hollarda: ko‘ngil aynishi, qusish va ich ketishi, doza kamaytirilganda yo‘qoladi.

Teri va teri osti kletchatkasi tomonidan:

Kamdan-kam: terining allergik reaksiyalari.

Qarshi ko‘rsatmalar

Traneksam kislotasi yoki preparatning boshqa komponentlariga yuqori sezuvchanlik.

To‘planish xavfi tufayli og‘ir buyrak yetishmovchiligi.

Tromboembolik kasalliklar faol fazada.

Anamnezida venoz yoki arterial trombozlar.

Koagulopatiyalarda fibrinolitik holatlar.

Anamnezida talvasalar (konvulsiyalar).

Dorilarning o‘zaro ta’siri

Traneksam kislotasi fibrinolitik preparatlarning trombolitik ta’sirini neytrallashi mumkin.

Traneksam kislotasi tarkibida penitsillin bo‘lgan preparatlar, diazepam, dipiridamol va gipertenziv preparatlar (noradrenalin) bilan mos kelmaydi.

Maxsus ko‘rsatmalar

Homiladorlik va laktatsiya

Homiladorlik. Hayvonlarda o‘tkazilgan tajribalarda preparatning teratogen ta’siri isbotlanmagan bo‘lsa-da, homiladorlikda preparatlardan foydalanishda ehtiyot bo‘lish kerak. Traneksam kislotasi yo‘ldosh orqali o‘tadi.

Laktatsiya. Traneksam kislota ko‘krak sutiga ona qonidagi konsentratsiyaning taxminan yuzdan bir qismi miqdorida o‘tadi. Preparatning bola uchun antifibrinolitik ta’siri ehtimoli kam.

Preparatni bolalar qo‘li yetmaydigan joyda saqlash va yaroqlilik muddati tugaganidan keyin ishlatmaslik kerak.

Dozani oshirib yuborish

Ko‘ngil aynishi, qusish, ortostatik alomatlar va gipotoniya kuzatilishi mumkin.

Terapiya. Qusish, shuningdek, oshqozonni yuvish, faollashtirilgan ko‘mir qabul qilishni boshlash mumkin. Buyrak ekskretsiyasini rag‘batlantirish uchun suyuqlik iste’molini yuqori darajada ushlab turish zarur. Moyil shaxslarda tromboz xavfi mavjud. Bunday hollarda antikoagulyantlar bilan davolash ko‘rib chiqilishi kerak.

Chiqarish shakli

10 ta tabletka blisterda, 3 yoki 6 tadan blister karton qadoqda, qo‘llash bo‘yicha yo‘riqnoma bilan birga.

Saqlash shartlari

25 °C dan past haroratda, quruq va yorug‘likdan himoyalangan joyda saqlanadi.

Yaroqlilik muddati

3 yil.

Dorixonalardan berish shartlari

Retsept bo‘yicha.

Ishlab chiqaruvchi

Qusum Xeltxker. LTD.

SP 289 (A), RIICO INDL.AREA, CHOPANKI, BHIWADI (RAJ.), INDIA.