Vishnevskiy liniment balsamik (Vishnevskiy liniment balsamic) Yashil eman 30 g (naycha)

Tarkib

ta’sir etuvchi moddalar: qayin qatroni 3,0 g; vismut tribromfenolyat va vismut oksidi kompleksi 3,0 g;

yordamchi moddalar: kolloid kremniy dioksidi 5,0 g; oddiy kanakunjut urug‘i yog‘i 89,0 g.

Tavsif

Liniment och sariqdan jigarranggacha bo‘lib, o‘ziga xos hidga ega.

Farmakologik ta’siri

Sirtga qo‘llash uchun kombinatsiyalangan preparat. Antiseptik va mahalliy-ta’sirlovchi ta’sir ko‘rsatadi, regeneratsiya jarayonlarini tezlashtiradi.

Qayin qatroni keratoplastik, antiseptik, yallig‘lanishga qarshi, mahalliy ta’sirlovchi ta’sirga ega bo‘lib, to‘qimalarning qon bilan ta’minlanishini yaxshilashga yordam beradi.

Vismut tribromfenolyat va vismut oksidi kompleksi (kseroform) bog‘lovchi, adsorbsiyalovchi, yallig‘lanishga qarshi, antiseptik ta’sirga ega. Kseroform sirtga qo‘llanganda to‘qimalar regeneratsiyasini tezlashtiradi.

Ko‘rsatmalar

Teri va yumshoq to‘qimalarning infeksiyalanmagan, uzoq vaqt bitmaydigan operatsiyadan keyingi, posttravmatik jarohatlari.

Qo‘llash usuli va dozalari

Zararlangan joyga sirtdan yupqa qilib surtiladi yoki liniment shimdirilgan doka bog‘lam qo‘yiladi.

Agar davolanishdan so‘ng ahvol yaxshilanmasa yoki alomatlar og‘irlashsa yoki yangi alomatlar paydo bo‘lsa, shifokor bilan maslahatlashish zarur.

Preparatni faqat yo‘riqnomada ko‘rsatilgan tartibda va dozalarda qo‘llang. Zarur hollarda, iltimos, dori vositasini qo‘llashdan oldin shifokor bilan maslahatlashing.

Nojo‘ya ta’sirlari

Allergik reaksiyalar.

Uzoq vaqt qo‘llanganda terining ta’sirlanishi mumkin.

Agar yo‘riqnomada ko‘rsatilgan nojo‘ya ta’sirlarning birortasi kuchaysa yoki yo‘riqnomada ko‘rsatilmagan boshqa nojo‘ya ta’sirlarni sezsangiz, bu haqda shifokorga xabar bering.

Qarshi ko‘rsatmalar

Yuqori sezuvchanlik, teri va yumshoq to‘qimalarning o‘tkir yiringli kasalliklari (abssesslanuvchi chipqon, karbunkul, flegmona, abssess, gidradenit, limfadenit, yiringlagan ateroma, lipoma, paraproktit).

Dozani oshirib yuborish

Dozani oshirib yuborish alomatlari tavsiflanmagan. Davolash simptomatik.

Maxsus ko‘rsatmalar

Linimentning shilliq qavatlarga va ko‘zga tushishiga yo‘l qo‘ymaslik.

Preparat surtilgandan so‘ng, linimentning ko‘z, burun va og‘izga tushishining oldini olish uchun qo‘llarni yaxshilab yuvish lozim.

Homiladorlik va emizish davrida qo‘llash

Preparatni homiladorlik va emizish davrida qo‘llash faqat ona uchun taxmin qilinayotgan foyda homila va bola uchun potensial xavfdan yuqori bo‘lgandagina mumkin.

Preparatni qo‘llashdan oldin, agar siz homilador bo‘lsangiz yoki homilador bo‘lishingiz mumkinligini taxmin qilsangiz yoki homiladorlikni rejalashtirayotgan bo‘lsangiz, emizish davrida shifokor bilan maslahatlashish lozim.

Transport vositalarini, mexanizmlarni boshqarish qobiliyatiga ta’siri

Preparat transport vositalarini boshqarish, mexanizmlar bilan ishlash qobiliyatiga ta’sir ko‘rsatmaydi.

Dorilarning o‘zaro ta’siri

Tavsiflanmagan.

Chiqarish shakli

Liniment 30,0 g dan alyuminiy tubalarda, ichki tomoni polimer materiallardan tayyorlangan bushonli lak bilan qoplangan. Har bir tuba dori vositasini tibbiyotda qo‘llash bo‘yicha yo‘riqnoma bilan birga karton qutiga solinadi.

Davolash-profilaktika muassasalari uchun qopqoqli polimer bankalarda 0,1 kg yoki 1,0 kg dan. Polimer bankaga etiketka yoki yozuv qog‘ozidan tayyorlangan, tibbiy qo‘llash bo‘yicha markirovka va yo‘riqnoma yozilgan o‘zi yopishadigan etiketka yopishtiriladi.

Saqlash shartlari

25 °C dan yuqori bo‘lmagan haroratda. Bolalar qo‘li yetmaydigan joyda saqlang.

Yaroqlilik muddati

5 yil. Yaroqlilik muddati o‘tgandan keyin qo‘llanilmaydi.

Ishlab chiqaruvchi

Zeleniy Dubrava, YoAJ, Rossiya.