Zodak og'iz orqali yuborish uchun tomchilar 10 mg / ml, 20 ml (flakon)

Tarkib

1 ml tomchi tarkibida:

Faol moddasi: setirizin digidroxlorid 10 mg.

Yordamchi moddalar: metilpapagidroksibenzoat (metilparaben), propilparagid-roksibenzoat (propilparaben), glitserol, propilenglikol, natriy saxarinat digidrat, natriy atsetat trigidrat, muz sirka kislotasi, tozalangan suv.

Tavsif

Shaffof, rangsizdan och sariq ranggacha bo‘lgan eritma.

Dori shakli

Ichish uchun tomchilar.

Farmakoterapevtik guruh

Allergiyaga qarshi vosita (H1-gistamin retseptorlari blokatori). ATX kodi: R06AE07.

Farmakologik xususiyatlari

Setirizin gistaminning raqobatdosh antagonistlari guruhiga kiradi, N1-gistamin retseptorlarini bloklaydi, amalda antixolinergik va antiserotonin ta’sir ko‘rsatmaydi. Allergiyaga qarshi kuchli ta’sirga ega bo‘lib, allergik reaksiyalar rivojlanishining oldini oladi va kechishini yengillashtiradi. Qichishishga va ekssudatsiyaga qarshi ta’sirga ega. Allergik reaksiyalarning erta bosqichiga ta’sir qiladi, shuningdek, yallig‘lanish hujayralari migratsiyasini kamaytiradi; kechki allergik reaksiyada ishtirok etuvchi mediatorlar ajralishini susaytiradi. Kapillyarlar o‘tkazuvchanligini kamaytiradi, to‘qimalar shishining oldini oladi, silliq mushaklar spazmini bartaraf etadi. Gistamin, maxsus allergenlar yuborilishiga, shuningdek, sovutishga (sovuq eshakemda) teri reaksiyasini bartaraf etadi.

Terapevtik dozalarda deyarli tinchlantiruvchi ta’sir ko‘rsatmaydi. Kursli qabul fonida tolerantlik rivojlanmaydi.

Preparatning ta’siri 20 daqiqadan so‘ng (50% bemorlarda), 1 soatdan so‘ng (95% bemorlarda) boshlanadi va 24 soat davomida saqlanadi.

Farmakokinetika

So‘rish

Ichga qabul qilingandan so‘ng setirizin me’da-ichak yo‘llaridan tez va yaxshi so‘riladi. Konsentratsiyaning maksimal darajasi taxminan 30-60 daqiqadan so‘ng aniqlanadi.

Ovqat qabul qilish absorbsiya miqdoriga sezilarli ta’sir ko‘rsatmaydi, ammo bu holda so‘rilish tezligi biroz pasayadi.

Taqsimlash

Setirizin qon plazmasi oqsillari bilan taxminan 93% bog‘lanadi. Taqsimlanish hajmining qiymati (Vd) past (0,5 l/kg), preparat hujayra ichiga o‘tmaydi.

Preparat gematoensefalik to‘siqdan o‘tmaydi.

Metabolizm

Setirizin jigarda sust metabolizmga uchrab, nofaol metabolit hosil qiladi.

10 mg dozada 10 kun qo‘llanganda preparatning to‘planishi kuzatilmaydi.

Chiqarish

Taxminan 70% buyraklar tomonidan asosan o‘zgarmagan holda amalga oshiriladi.

Tizimli klirens miqdori taxminan 54 ml/daqiqani tashkil etadi.

Bir martalik dozani bir marta qabul qilgandan so‘ng, yarim chiqarilish davrining qiymati taxminan 10 soatni tashkil etadi. 2 yoshdan 12 yoshgacha bo‘lgan bolalarda yarim chiqarilish davrining kattaligi 5-6 soatgacha kamayadi.

Buyrak faoliyati buzilganda (kreatinin klirensi 11-31 ml/daqiqadan past) va gemodializda bo‘lgan bemorlarda (kreatinin klirensi 7 ml/daqiqadan kam) yarim chiqarilish davri qiymati 3 baravarga oshadi, klirensi esa 70% ga kamayadi.

Surunkali kasalliklar fonida va keksa bemorlarda yarim chiqarilish davrining 50% ga oshishi va klirensning 40% ga kamayishi kuzatiladi.

Gemodializ samarasiz.

Qo‘llanilishi

Mavsumiy va yil davomida davom etadigan allergik rinit va konyunktivit.

Qichishtiruvchi allergik dermatozlar.

Pollinoz (pichan isitmasi).

Eshakemi (shu jumladan, surunkali idiopatik).

Kvinke shishi.

Qo‘llash usuli va dozalari

Ovqatlanishdan qat’i nazar, ichiladi. Qabul qilishdan oldin tomchi suvda eritiladi.

Kattalar va 12 yoshdan oshgan bolalarga: 10 mg setirizin (20 tomchi) sutkada 1 marta, har kuni, yaxshisi kechqurun.

6 yoshdan 12 yoshgacha bo‘lgan bolalarga: 10 mg setirizin (20 tomchi) sutkada 1 marta yoki 5 mg setirizin (10 tomchi) sutkada 2 marta (ertalab va kechqurun).

2 yoshdan 6 yoshgacha bo‘lgan bolalarga: 5 mg setirizin (10 tomchi) sutkada 1 marta yoki 2,5 mg setirizin (5 tomchi) sutkada 2 marta (ertalab va kechqurun).

1 yoshdan 2 yoshgacha bo‘lgan bolalarga: 2,5 mg (5 tomchi) dan sutkada 2 marta.

Buyrak yetishmovchiligida: tavsiya etilgan dozani 2 marta kamaytirish kerak.

Jigar faoliyati buzilganda: setirizin dozasini birmuncha kamaytirib, sutkasiga 5 mg (10 tomchi) setirizin berish kerak.

Buyrak faoliyati normal bo‘lgan keksa bemorlarda dozani o‘zgartirish talab etilmaydi.

Xavfsizlik qopqoqli flakonni ochish bo‘yicha yo‘riqnoma.

Flakon bolalar ochishiga to‘sqinlik qiluvchi xavfsizlik qurilmasi o‘rnatilgan qopqoq bilan yopilgan. Flakon qopqog‘i pastga qattiq bosilganda va soat miliga teskari burab chiqarilganda ochiladi. Foydalanilgandan so‘ng, flakon qopqog‘ini yana mahkam burab qo‘yish kerak.

Nojo‘ya ta’sirlari

Hazm tizimi tomonidan: og‘iz qurishi, dispepsiya.

Markaziy asab tizimi tomonidan: bosh og‘rig‘i, uyquchanlik, charchash, bosh aylanishi, qo‘zg‘alish, migren.

Allergik reaksiyalar: teri toshmasi, angionevrotik shish, eshakemi, teri qichishishi.

Preparat odatda yaxshi o‘zlashtiriladi. Nojo‘ya ta’sirlar kamdan-kam uchraydi va o‘tkinchi xarakterga ega.

Qarshi ko‘rsatmalar

Preparat komponentlariga yuqori sezuvchanlik.

1 yoshgacha bo‘lgan bolalar yoshi.

Homiladorlik, emizish davri.

Ehtiyot bo‘ling. O‘rta va og‘ir darajadagi surunkali buyrak yetishmovchiligi (dozalash tartibini o‘zgartirish talab etiladi), keksa yosh (koptokchalar filtratsiyasi pasayishi mumkin).

Dorilarning o‘zaro ta’siri

Setirizinning boshqa dori vositalari bilan klinik ahamiyatga ega o‘zaro ta’siri aniqlanmagan.

Teofillin bilan birga qo‘llash (400 mg/sut) setirizinning umumiy klirensi pasayishiga olib keladi (teofillin kinetikasi o‘zgarmaydi).

Maxsus ko‘rsatmalar

Davolash davrida diqqatning yuqori konsentratsiyasini va psixomotor reaksiyalarning tezligini talab qiladigan potensial xavfli faoliyat turlari bilan shug‘ullanishdan tiyilish zarur.

Markaziy asab tizimini susaytiruvchi dori-darmonlar, alkogolni bir vaqtda qabul qilish tavsiya etilmaydi.

Tomchilar tarkibida qand bo‘lmaydi (shirinlashtiruvchi sifatida saxarin ishlatiladi), shuning uchun qandli diabet bilan og‘riganlarga ham berilishi mumkin.

Preparat yaroqlilik muddati tugaganidan keyin qo‘llanilmasligi va bolalar qo‘li yetmaydigan joyda saqlanishi lozim.

Dozani oshirib yuborish

Belgilari: uyquchanlik, tormozlanish, holsizlik, bosh og‘rig‘i, taxikardiya, asabiylashish, siyishning kechikishi, charchash (ko‘pincha kuniga 50 mg setirizin qabul qilinganda) kuzatilishi mumkin.

Davolash: simptomatik terapiya o‘tkaziladi. Maxsus antidot aniqlanmagan.Gemodializ samarasiz. Me’da yuviladi, faollashtirilgan ko‘mir buyuriladi.

Chiqarish shakli

Ichish uchun tomchilar 10 mg/ml, 20 ml dan, qopqoq-tomizgichli to‘q rangli shisha flakonlarda. Har bir flakon qo‘llanmasi bilan birga karton qutiga joylangan.

Saqlash shartlari

Maxsus saqlash sharoitlarini talab qilmaydi.

Yaroqlilik muddati

3 yil.

Dorixonalardan berish shartlari

Retseptsiz.

Ishlab chiqaruvchi

A. Nattermann end Siye. GmbX, Germaniya.

Nattermannalle 1, 50829 Ko‘ln, Germaniya.