Adazal suspenziyasi ichki foydalanish uchun 100 mg / 5 ml, 30 ml (flakon)

Tarkib

5 ml suspenziya tarkibiga quyidagilar kiradi:

faol modda: mebendazol - 100 mg;

yordamchi moddalar: metilparagidroksibenzoat (metilparaben), propilparagidroksibenzoat (propilparaben), natriy karboksimetilsellyuloza, polisorbat 80 (Tween 80), sorbitol 70%, Sunset Yellow bo‘yog‘i, saxaroza, povidon K 30, natriy saxarin, natriy sitrat, apelsin aromatizatori (essensiyasi), limon kislotasi monogidrati, tozalangan suv.

Tavsif

Och zarg‘aldoq rangli yopishqoq suspenziya, o‘ziga xos apelsin hidi va shirin ta’mga ega.

Dori shakli

Ichish uchun suspenziya.

Farmakoterapevtik guruh

Gijjaga qarshi vosita. ATX kodi: R02CA01.

Farmakologik xususiyatlari

Keng ta’sir doirasiga ega bo‘lgan gelmintlarga qarshi vosita; enterobiozda eng samarali hisoblanadi. Gelmint organizmida glyukoza utilizatsiyasining qaytmas buzilishini keltirib chiqaradi va ATF sintezini tormozlaydi.

Farmakokinetika

Oshqozon-ichak tizimidan deyarli so‘rilmaydi. Plazma oqsillari bilan bog‘lanishi 90% ni tashkil etadi.

Organlarda notekis taqsimlanadi, yog‘ to‘qimasida, jigarda, gelmint lichinkalarida to‘planadi. Jigarda 2-aminhosilagacha metabolizmga uchraydi.

T1/2 2.5-5.5 soat. Dozaning 90% dan ortig‘i najas bilan o‘zgarmagan holda ajraladi. So‘rilgan qismi (5-10%) 24-48 soat davomida buyraklar orqali chiqariladi.

Ko‘rsatmalar

Askaridoz, trixotsefalyoz, enterobioz, ankilostomidoz, strongiloidoz, tenioz, exinokokkoz, trixinellyoz, aralash gelmintozlar.

Quyidagi gelmintozlarda samarali: Trichuris trichiura (trixotsefalyoz), Enterobius vermicularis (nematodalar), Ascaris lumbricoides (askaridalar), Ancylostoma duodenale (umumiy ankilostomalar) yoki Necator americanus (Amerika nekatori) yakka va aralash infeksiyalarda.

Qo‘llash usuli va dozalari

Trixotsefalez, askaridoz va ankilostomoz: ertalab va kechqurun bir choy qoshiqdan 3 kun ketma-ket ichiladi. Agar infeksiya davolanishdan 3 hafta o‘tgach yo‘qolmasa, takroriy davolash kursini o‘tkazish tavsiya etiladi.

Ochlik yoki oshqozonni tozalash kabi maxsus muolajalar talab etilmaydi.

Enterobioz: 5 ml suspenziya bir martalik doza shaklida. Davolashning takroriy kursi 2 haftadan so‘ng.

Qarshi ko‘rsatmalar

jigar faoliyatining yaqqol buzilishlari;

homiladorlik, laktatsiya;

2 yoshgacha bo‘lgan bolalar;

mebendazolga yuqori sezuvchanlik.

Nojo‘ya ta’sirlari

Ovqat hazm qilish tizimi tomonidan ko‘ngil aynishi, qorinda og‘riq kamdan-kam uchraydi; uzoq vaqt davomida yuqori dozalarda qo‘llanganda qusish, diareya, qon zardobida jigar transaminazalari faolligining vaqtinchalik oshishi mumkin.

MNT tomonidan: kamdan-kam hollarda bosh aylanishi; yuqori dozalarda uzoq vaqt qo‘llanganda bosh og‘rig‘i.

Qon yaratish tizimi tomonidan: yuqori dozalarda uzoq vaqt qo‘llanganda leykopeniya, anemiya, eozinofiliya kuzatilishi mumkin.

Siydik ajratish tizimi tomonidan: uzoq vaqt davomida yuqori dozalarda qo‘llanilganda giperkreatininemiya, gematuriya, silindruriya, glomerulonefrit.

Boshqalar: yuqori dozalarda uzoq vaqt qo‘llanganda allergik reaksiya, soch to‘kilishi.

Dozani oshirib yuborish

Belgilari: qorin og‘rig‘i, ko‘ngil aynishi, qusish, ich ketishi. Uzoq vaqt davomida yuqori dozalarda qo‘llanilganda: jigar funksiyasining qaytar buzilishlari, gepatit, neytropeniya.

Davolash: preparatni oshqozondan chiqarib yuborish, qayt qildirish yoki oshqozonni yuvish, faollashtirilgan ko‘mir qabul qilish, simptomatik davolash zarur. Maxsus antidot yo‘q.

Ehtiyot choralari va qo‘llash xususiyatlari

Mebendazol uzoq vaqt qo‘llanganda periferik qon manzarasi, jigar va buyraklar funksiyasini nazorat qilish zarur.

Simetidin bilan bir vaqtda buyurilganda, mabendazolning qon plazmasidagi konsentratsiyasini nazorat qilish va preparat dozasini to‘g‘rilash kerak (ayniqsa, uzoq vaqt qo‘llanganda). Qandli diabet bilan og‘rigan bemorlarda qon plazmasidagi glyukoza miqdorini nazorat qilish zarur.

Mebendazolni qabul qilgandan keyin bir sutka davomida spirtli ichimliklar, yog‘li ovqat iste’mol qilmaslik, surgi dorilar buyurmaslik kerak.

Dozani qabul qilish o‘tkazib yuborilgan taqdirda, o‘tkazib yuborilgan dozani iloji boricha ertaroq, keyingisini esa tavsiya etilgan vaqt oralig‘ida qabul qilish lozim.

Davolash tugagandan so‘ng anal soha surtmalari va axlatni vaqti-vaqti bilan albatta tekshirish: keyingi 7 kun davomida gelmintlar yoki ularning tuxumlari bo‘lmasa, davolash samarali hisoblanadi.

Transport vositalari va mexanizmlarini boshqarish qobiliyatiga ta’siri

Transport vositalarini boshqarishdan va diqqatning yuqori konsentratsiyasini hamda psixomotor reaksiyalarning tezligini talab qiladigan boshqa potensial xavfli faoliyat turlari bilan shug‘ullanishdan tiyilish lozim.

Boshqa dori vositalari bilan o‘zaro ta’siri

Qandli diabet bilan og‘rigan bemorlarda insulinga bo‘lgan ehtiyojni kamaytiradi.

Lipofil moddalar bilan birga qo‘llashdan saqlanish kerak.

Simetidin qon plazmasidagi mebendazol konsentratsiyasini oshirishi mumkin; karbamazepin va boshqa metabolizm induktorlari qon plazmasidagi mebendazol konsentratsiyasini kamaytirishi mumkin. Mebendazol va metronidazolni birga qo‘llashdan saqlanish kerak.

Chiqarish shakli

Ichish uchun suspenziya 100 mg/5 ml 30 ml li flakonlarda o‘lchov qoshig‘i yoki stakancha bilan to‘plamda

Saqlash shartlari

Quruq, yorug‘likdan himoyalangan joyda, 25 °C dan yuqori bo‘lmagan haroratda saqlang. °

Yaroqlilik muddati

3 yil.

Flakon ochilgandan so‘ng suspenziyaning yaroqlilik muddati - 14 kun.

Yaroqlilik muddati tugagandan keyin ishlatilmasin.

Ta’til shartlari

Retsept bo‘yicha.

Ishlab chiqaruvchi

"REMEDY GROUP" MCHJ QK

O‘zbekiston Respublikasi, Toshkent shahri, 100069, Olmazor tumani, Yangi Olmazor ko‘chasi, 51. Tel./faks: (99871) 248-02-05.

"SITSO SHEMICALS" Ltd, Angliya uchun.