Albez qoplangan planshetlar 200 mg №5 (1 blister)

Tarkib

Qobiq bilan qoplangan bitta tabletka quyidagilarni o‘z ichiga oladi:

faol modda: albendazol 200 mg;

yordamchi moddalar: laktoza, magniy karbonat, natriy krosskarmelloza, natriy gidrokarbonat, natriy laurilsulfat, polivinilpirrolidon, natriy kraxmal glikolat, talk, magniy stearat, qobiq uchun kukun.

Tavsif

Qobiq bilan qoplangan, oq rangli tabletkalar.

Farmakoterapevtik guruh

Gijja va protozoylarga qarshi preparat. ATX kodi: P02C A03.

Farmakoterapevtik guruh

Antigelmint va antiprotozoy vosita.

Albendazol benzimidazol karbamat hosilasi bo‘lib, keng ta’sir doirasiga ega.

Albez glyukoza tashish jarayonlarini buzadi, gelmint organizmida mikrotubulyar apparat funksiyasining buzilishiga olib keladi, bu esa uning nobud bo‘lishiga va odam organizmidan chiqib ketishiga olib keladi.

Preparat ichak infeksiyalari va teri sindromi Larva Migrans (sayyor lichinkalar sindromi) ni keltirib chiqaruvchi parazitlarga, shu jumladan nematodalarga nisbatan faol: Ascaris lumbricoides (dumaloq chuvalchang), Trichuris trichiura (sochbosh), Enterobius vermicularis (ustritsa), Ancylostoma duodenale (ankilostoma), Necator americanus (nematoda), Strongyloides stercoralis; sestodlar (tasmasimon chuvalchanglar): Hymenolepsis nana (mitti solityor), Taenia solium (cho‘chqa solityori), Taenia saginata (qoramol solityori); trematodalar: Opisthorchis житьrini va Clonorchis sinensis; sodda hayvonlar: Giardia lamblia (ichak yoki duodenal).

Albez to‘qima parazitlariga, shu jumladan Echinococcus granulosus va Echinococcus multilocularis invaziyasi keltirib chiqaradigan kistoz va alveolyar exinokokkozlarga nisbatan faol. Albez Taenia solium lichinkalari invaziyasi tufayli kelib chiqqan neyrosistitsirkoz, Capilaria philippinensis tufayli kelib chiqqan gepatikoz va Gnathostoma spinigerum, Echinococcus granulosus, Echinococcus multilocularis invaziyasi tufayli kelib chiqqan gnatostomozni davolashda samarali hisoblanadi.

Preparat ichga qabul qilingandan so‘ng albendazol oshqozon-ichak traktidan yomon so‘riladi (5% dan kam), o‘zgarmagan holda plazmada aniqlanmaydi. Farmakologik ta’siri preparatni yog‘li ovqat bilan qabul qilganda kuchayadi, bunda so‘rilishi ortadi va qon plazmasida Smax 5 marta ortadi. Albendazol sulfoksidning Smax ga erishish vaqti 2-5 soatni tashkil etadi.

Plazma oqsillari bilan bog‘lanishi - 70%. Albendazol sezilarli miqdorda o‘t, jigar, orqa miya suyuqligi, siydik, gelmint sistalarining devori va suyuqligiga o‘tadi.

Jigarda birlamchi metabolit - antigelmint faollikka ega bo‘lgan albendazol sulfoksid hosil qilib metabolizmga uchraydi. Albendazol sulfoksid albendazol sulfon (ikkilamchi metabolit) va boshqa oksidlangan mahsulotlar hosil bo‘lishi bilan metabolizmga uchraydi. Albendazol sulfoksidning T1/2 miqdori 8,5 soatni tashkil etadi. Albendazol sulfoksid ko‘rinishida ichak orqali o‘t bilan chiqariladi va uning ozgina qismi siydik bilan chiqariladi.

Qo‘llanilishi

enterobioz;

ankilostomidoz va nekatoroz;

gimenolepidoz;

tenioz;

strongiloidoz;

askaridoz;

trixotsefalez;

klonorxoz;

opistorxoz;

Larva Migrans teri sindromi;

bolalarda lyamblioz;

kistoz exinokokkoz;

alveolyar exinokokkoz;

neyrotsistitsirkoz;

gepatikoz;

gnatostomoz;

trixinellyoz;

toksokaroz.

Qo‘llash usuli va dozalari

Preparat ichga, ovqat bilan birga qabul qilinadi. Sutkaning bir vaqtida qabul qilish ma’qul.

Agar 3 haftadan keyin tuzalish bo‘lmasa, u holda ikkinchi davolash kursini tayinlash kerak.

Tabletkani to‘liq yuta olmaydigan bemorlar uchun uni maydalab, oz miqdordagi suv bilan ichish tavsiya etiladi.

Ichak infeksiyalari va Larva Migrans teri sindromi

Infeksiya Yosh Qabul qilish davomiyligi

Enterobioz, ankilostomidoz, nekatorioz, askaridoz, trixotsefalyoz Kattalar va 2 yoshdan oshgan bolalar 400 mg dan kuniga 1 marta bir marta

400 mg kuniga 1 marta bir marta 200 mg kuniga 1 marta bir marta

Strongiloidoz, tenioz, gimenolepidoz Kattalar va 2 yoshdan oshgan bolalar 400 mg dan kuniga 1 marta 3 kun davomida. Gimenolepidozda davomiyligi 10 kundan 21 kungacha bo‘lgan takroriy davolash kursi tavsiya etiladi.

Klonorxoz, opistarxoz Kattalar va 2 yoshdan oshgan bolalar 400 mg dan kuniga 2 mahal 3 kun davomida.

Larva Migrans teri sindromi Kattalar va 2 yoshdan oshgan bolalar 400 mg dan kuniga 1 marta. Qabul qilish muddati 1 kundan 3 kungacha.

Lyamblioz Faqat 2 yoshdan 12 yoshgacha bo‘lgan bolalar 400 mg dan kuniga 1 marta 5 kun davomida.

Tizimli gelmintli infeksiyalar (yuqoriroq dozalar bilan uzoq muddatli davolash).

Dozalash tartibi yoshga, tana vazniga, shuningdek, infeksiyaning og‘irlik darajasiga qarab individual ravishda belgilanadi.

6 yoshgacha bo‘lgan bolalarga preparatni yuqori dozalarda buyurish tavsiya etilmaydi.

Tana vazni 60 kg dan ortiq bo‘lgan bemorlar uchun preparat dozasi kuniga 2 marta 400 mg ni tashkil etadi.

Tana vazni 60 kg dan kam bo‘lgan bemorlarga preparat 15 mg/kg/sut hisobida 2 mahal ichish uchun buyuriladi. Maksimal sutkalik doza - 800 mg.

Infeksiya Qabul qilish davomiyligi

Kistoz exinokokkoz 28 kun. Operatsiya qilib bo‘lmaydigan shaklida preparatni qabul qilishda 14 kunlik tanaffus bilan ajratilgan 28 kunlik uchta davolash sikli tavsiya etiladi. Operatsiyadan oldin preparatni qabul qilishda 14 kunlik tanaffus bilan bo‘lingan ikkita 28 kunlik sikl tavsiya etildi. Agar operatsiyadan oldingi kurs 14 kundan kam bo‘lsa yoki yashovchan kistalar topilgan bo‘lsa, operatsiyadan keyin preparatni qabul qilishda 14 kunlik tanaffus bilan ajratilgan 28 kunlik ikkita sikl o‘tkaziladi.

Alveolyar exinokokkoz 28 kun. Ikkinchi 28 kunlik kurs preparatni qabul qilishda ikki haftalik tanaffusdan so‘ng takrorlanadi. Davolash bir necha oy yoki yillar davomida davom etishi mumkin.

Neyrotsistitsirkoz Qabul qilish davomiyligi 7 kundan 31 kungacha. Ikkinchi kursni preparatni qabul qilishda ikki haftalik tanaffusdan so‘ng takrorlash mumkin.

Gepatikoz 400 mg dan kuniga 1 marta 10 kun davomida

Gnatostomoz 400 mg dan kuniga 1 marta 10-20 kun davomida

Trixinellyoz, Toksokaroz 400 mg dan kuniga 2 marta 5-10 kun davomida

Nojo‘ya ta’sirlari

Ovqat hazm qilish tizimi tomonidan: qorinda og‘riq, ko‘ngil aynishi, qusish, diareya, jigar fermentlari darajasining oshishi, gepatit;

MAT tomonidan: bosh og‘rig‘i, bosh aylanishi;

Allergik reaksiyalar: toshma, qichishish, eshakemi;

Dermatologik reaksiyalar: turli genezli eritema, Stivens-Jonson sindromi, qaytar alopetsiya;

Qon yaratish tizimi tomonidan: leykopeniya, pansitopeniya;

Boshqalar: isitma, qon bosimining ko‘tarilishi, buyrak faoliyatining buzilishi.

Qarshi ko‘rsatmalar

ko‘z to‘r pardasining patologiyasi;

homiladorlik;

laktatsiya davri;

preparat komponentlariga yuqori sezuvchanlik.

Dorilarning o‘zaro ta’siri

Simetidin, prazikvantel va deksametazon preparatning tizimli samaradorligini belgilovchi albendazol metabolitining qon plazmasidagi konsentratsiyasini oshiradi.

Maxsus ko‘rsatmalar

Albez bilan davolash paytida jigar fermentlari faolligining kuchsiz yoki o‘rtacha oshishi mumkin, ular preparatni qabul qilish to‘xtatilgandan keyin normallashadi. Jigar funksiyasi ko‘rsatkichlarini aniqlash har bir davolash sikli boshlanishidan oldin va davolash davomida har 2 haftada o‘tkazilishi kerak. Agar jigar transaminazalarining faolligi 2 va undan ortiq marta oshsa, Albez bekor qilinishi kerak. Jigar funksiyasi ko‘rsatkichlari me’yoriga kelganda davolash takrorlanadi.

Albez leykotsitlar umumiy sonining qaytadigan o‘rtacha pasayishiga olib kelishi mumkin. Har bir sikl boshida va davolash davomida har ikki haftada periferik qon tahlili o‘tkazilishi kerak. Leykopeniya rivojlanganda preparatni bekor qilish kerak.

Neyrotsistitsirkoz bo‘yicha Albez qabul qilayotgan bemorlarda parazitlarning nobud bo‘lishi natijasida kalla ichi bosimining ko‘tarilishi bilan bog‘liq bosh og‘rig‘i kuzatilishi mumkin. Bunday hollarda darhol steroidlar va tutqanoqqa qarshi dorilar bilan tegishli terapiyani boshlash kerak.

Davolashning birinchi haftasida qon bosimi oshishining oldini olish uchun kortikosteroidlarni ichish yoki vena ichiga yuborish tavsiya etiladi.

Preparat 1 yoshgacha bo‘lgan bolalarga ko‘rsatilmagan.

Homiladorlik va laktatsiya

Preparat homiladorlik va laktatsiya davrida qo‘llash mumkin emas.

Tug‘ish yoshidagi ayollar tizimli infeksiyada albendazol bilan davolanish paytida va tugagandan keyin 1 oy davomida kontratsepsiya choralarini ko‘rishlari kerak.

Avtotransport va mexanizmlarni boshqarish qobiliyatiga ta’siri

Transport vositalarini boshqarish qobiliyatiga va harakatdagi mexanik uskunalarga xizmat ko‘rsatishga ta’sir qiluvchi nojo‘ya reaksiyalar kuzatilmadi.

Preparat yaroqlilik muddati tugagandan so‘ng qo‘llanilmasligi va bolalar qo‘li yetmaydigan joyda saqlanishi lozim.

Dozani oshirib yuborish

Dozani oshirib yuborish alomatlari tavsiflanmagan.

Davolash: oshqozonni yuvish, faollashtirilgan ko‘mir qabul qilish.

Chiqarish shakli

Qobiq bilan qoplangan 200 mg li tabletkalar; o‘ramda 5 ta tabletka bor.

Saqlash shartlari

30 °C dan yuqori bo‘lmagan haroratda saqlanadi.

Yaroqlilik muddati

3 yil.

Dorixonalardan berish shartlari

Shifokor retsepti bo‘yicha.

Ishlab chiqaruvchi

GM Pharmaceuticals Ltd.

Gruziya, Tbilisi shahri, Ponichala 65

Tel.: +995-32-2404801/02; Faks: +995-32-2404803