Ambrobene siropi 15 mg / 5 ml, 100 ml (flakon)

Tarkib

100 ml sirop quyidagilarni o‘z ichiga oladi: ta’sir etuvchi modda: ambroksol gidroxlorid 0,30 g;

yordamchi moddalar: suyuq 70% sorbitol 60,00 g, propilenglikol 5,00 g, malinali xushbo‘ylantirgich 0,10 g, saxarin 0,01 g, tozalangan suv 49,44 g.

Tavsif

Rangsizdan biroz sariq ranggacha bo‘lgan shaffof, malina hidli eritma.

Chiqarish shakli

Sirop 15 mg/5 ml.

Farmakoterapevtik guruh

Balg‘am ko‘chiruvchi, mukolitik vosita. ATX kodi: R05CB06 Ambroksol

Farmakologik xususiyatlari

Farmakodinamika

Ambroksol bromgeksin metaboliti - benzilamin bo‘lib, bromgeksindan metall gruppasining yo‘qligi va siklogeksil halqasining para-trans holatida gidroksil gruppasining borligi bilan farq qiladi. Sekretomotor, sekretolitik va balg‘am ko‘chiruvchi ta’sirga ega.

Ichga qabul qilingandan so‘ng ta’siri 30 daqiqadan so‘ng boshlanib, 6-12 soat davom etadi (qabul qilingan dozaga qarab).

Klinikadan oldingi tadqiqotlar shuni ko‘rsatdiki, ambroksol bronxlar shilliq qavati bezlarining seroz hujayralarini rag‘batlantiradi. Kiprikli epiteliy hujayralarini faollashtirib, balg‘am yopishqoqligini kamaytirib, mukotsiliar transportni yaxshilaydi.

Ambroksol surfaktant hosil bo‘lishini faollashtiradi, 2-tipdagi alveolyar pnevmotsitlarga va mayda nafas yo‘llarining Klara hujayralariga bevosita ta’sir ko‘rsatadi.

Hujayra kulturalaridagi tadqiqotlar va hayvonlarda o‘tkazilgan in vivo tadqiqotlari shuni ko‘rsatdiki, ambroksol embrion va kattalar alveolalari hamda bronxlari yuzasida faol bo‘lgan modda (surfaktant) hosil bo‘lishi va sekretsiyasini rag‘batlantiradi.

Shuningdek, klinikadan oldingi tadqiqotlarda ambroksolning antioksidant ta’siri isbotlangan. Ambroksol antibiotiklar (amoksitsillin, sefuroksim, eritromitsin, doksitsiklin) bilan birga qo‘llanganda balg‘am va bronxial sekretda ularning konsentratsiyasini oshiradi.

Farmakokinetika

Ambroksol ichilganda me’da-ichak yo‘llaridan deyarli to‘liq so‘riladi. Maksimal konsentratsiyasiga ichilganidan 1-3 soat o‘tgach erishiladi. Tizim oldi metabolizmi tufayli ambroksolning mutlaq biosinguvchanligi ichga qabul qilingandan so‘ng taxminan 1/3 ga kamayadi. Shu munosabat bilan hosil bo‘lgan metabolitlar (dibromoantranil kislotasi, glyukuronidlar kabilar) buyraklarda eliminatsiyalanadi. Plazma oqsillari bilan bog‘lanishi 85% (80-90%) atrofida bo‘ladi. Plazmadan yarim chiqarilish davri 7 soatdan 12 soatgacha. Ambroksol va uning metabolitlarining umumiy yarim chiqarilish davri taxminan 22 soatni tashkil etadi.

Asosan buyraklar orqali metabolitlar shaklida chiqariladi - 90%, 10% dan kamrog‘i o‘zgarmagan holda chiqariladi.

Plazma oqsillari bilan yuqori bog‘lanishni, taqsimlanish hajmining kattaligini va to‘qimalardan qonga sekin qayta taqsimlanishini hisobga olgan holda, ambroksolning dializ yoki tezlashtirilgan diurez paytida sezilarli darajada chiqarilishi sodir bo‘lmaydi.

Jigarning og‘ir kasalliklari bo‘lgan bemorlarda ambroksol klirensi 20-40% ga kamayadi. Buyrak faoliyati og‘ir buzilgan bemorlarda ambroksol metabolitlarining yarim chiqarilish davri uzayadi.

Ambroksol orqa miya suyuqligiga va yo‘ldosh to‘sig‘i orqali o‘tadi hamda ona sutiga ajraladi.

Ko‘rsatmalar

Balg‘am hosil bo‘lishi va ajralishi buzilishi bilan kechadigan nafas yo‘llarining o‘tkir va surunkali kasalliklari.

Qarshi ko‘rsatmalar

- Ambroksolga yoki yordamchi moddalardan biriga yuqori sezuvchanlik;

- homiladorlik (I trimestr);

- saxaraza/izomaltaza yetishmovchiligi, fruktozani ko‘tara olmaslik, glyukoza-galaktoza malabsorbsiyasi.

Ehtiyotkorlik bilan

Bronxlar motor funksiyasining buzilishi va ko‘p miqdorda balg‘am hosil bo‘lishi (harakatsiz kiprikchalar sindromida), me’da va 12 barmoqli ichak yara kasalligi qo‘zg‘alish davrida, homiladorlik (II-III trimestr), laktatsiya davrida.

Buyrak faoliyati buzilgan yoki og‘ir jigar kasalliklari bo‘lgan bemorlar Ambrobeni alohida ehtiyotkorlik bilan, qabullar orasida katta intervallarga rioya qilgan holda yoki preparatni kamroq dozada qabul qilishlari kerak.

Qo‘llash usuli va dozalari

Sharbatni ovqatdan keyin, ilova qilingan o‘lchov stakani yordamida ichish kerak.

2 yoshgacha bo‘lgan bolalarga 1/2 o‘lchov stakani (2,5 ml sirop) dan kuniga 2 mahal (kuniga 15 mg ambroksol) ichish kerak.

2 yoshdan 6 yoshgacha bo‘lgan bolalarga 1/2 o‘lchov stakani (2,5 ml sirop) dan kuniga 3 mahal (kuniga 22,5 mg ambroksol) ichish kerak.

6 yoshdan 12 yoshgacha bo‘lgan bolalar 1 o‘lchov stakani (5 ml sirop) dan kuniga 2-3 marta qabul qilishlari kerak (kuniga 30-45 mg ambroksol).

Kattalar va 12 yoshdan oshgan bolalarga davolashning dastlabki 2-3 kunida 2 o‘lchov stakani (10 ml sirop) dan kuniga 3 mahal (kuniga 90 mg ambroksol) ichish kerak. Davolash samarasiz bo‘lganda, kattalar dozani kuniga 2 marta 4 o‘lchov stakaniga (20 ml sirop) oshirishlari mumkin (kuniga 120 mg ambroksol). Keyingi kunlarda 2 o‘lchov stakani (10 ml sirop) dan kuniga 2 mahal (kuniga 60 mg ambroksol) ichish kerak.

Davolash davomiyligi kasallikning kechishiga qarab individual tanlanadi. Ambrobeneni shifokor ko‘rsatmasisiz 4-5 kundan ortiq qabul qilish tavsiya etilmaydi.

Preparatning mukolitik ta’siri ko‘p miqdorda suyuqlik qabul qilinganda namoyon bo‘ladi. Shuning uchun davolanish vaqtida ko‘p suv ichish tavsiya etiladi.

Nojo‘ya ta’sirlari

Nojo‘ya ta’sirlarning rivojlanish chastotasi Jahon sog‘liqni saqlash tashkiloti (JSST) tasnifiga muvofiq tasniflangan: juda tez-tez (≥1/10); tez-tez (≥l/100, <1/10); tez-tez emas (≥1/1000, <1/100); kamdan-kam (≥1/10000, <1/1000); juda kamdan-kam (<1/10000); chastotasi noma’lum (mavjud ma’lumotlarga asoslanib aniqlash mumkin emas).

Oshqozon-ichak trakti tomonidan:

Ko‘pincha: ko‘ngil aynishi, og‘iz bo‘shlig‘i gipesteziyasi (og‘iz bo‘shlig‘ida sezuvchanlikning pasayishi).

Kamdan-kam hollarda: qusish, diareya, dispepsiya, qorin og‘rig‘i, og‘iz bo‘shlig‘ining quruqligi.

Chastotasi noma’lum: tomoq qurishi.

Nafas olish a’zolari, ko‘krak qafasi va ko‘ks oralig‘i tomonidan:

Ko‘pincha: halqum sezuvchanligining pasayishi.

Immun tizimi tomonidan:

Kamdan-kam hollarda: yuqori sezuvchanlik reaksiyalari.

Chastotasi noma’lum: shok rivojlanishigacha bo‘lgan anafilaktik reaksiyalar, angionevrotik shish, teri qichishishi.

Asab tizimidagi buzilishlar:

Ko‘pincha: disgevziya (ta’m bilish buzilishi).

Teri va teri osti to‘qimalaridagi buzilishlar:

Kamdan-kam hollarda: teri toshmasi, eshakemi.

Chastotasi noma’lum: terining og‘ir nojo‘ya reaksiyalari, shu jumladan ko‘p shaklli ekssudativ eritema, Stivens-Jonson sindromi, toksik epidermal nekroliz (Layell sindromi), o‘tkir umumiy ekzantematoz pustulyoz.

Dozani oshirib yuborish

Belgilari:

Ambroksol dozasi oshirib yuborilganda intoksikatsiya belgilari aniqlanmadi. Asab qo‘zg‘alishi va ich ketishi haqida ma’lumotlar bor.

Ambroksol 25 mg/kg/kuniga qadar ichilganda yaxshi o‘zlashtiriladi.

Og‘ir dozani oshirib yuborish holatida so‘lak ajralishi, ko‘ngil aynishi, qusish, qon bosimining pasayishi kuzatilishi mumkin.

Davolash:

Qusish, oshqozonni yuvish kabi intensiv davolash usullari faqat og‘ir dozani oshirib yuborish holatlarida, preparatni qabul qilgandan keyingi dastlabki 1-2 soatda qo‘llanilishi kerak. Simptomatik davolash ko‘rsatilgan.

O‘zaro aloqa

Ambroksol va yo‘talga qarshi dorilar bir vaqtda qo‘llanganda yo‘tal refleksining susayishi tufayli sekret dimlanishi mumkin. Shuning uchun bunday kombinatsiyalarni ehtiyotkorlik bilan tanlash kerak.

Ambroksol va antibiotiklardan amoksitsillin, sefuroksim, eritromitsin va doksitsiklin birgalikda qabul qilinganda, ularning balg‘am va bronxial sekretsiyadagi konsentratsiyasi ortadi.

Maxsus ko‘rsatmalar

Balg‘am chiqishini qiyinlashtiradigan yo‘talga qarshi dori vositalari bilan birga qo‘llash mumkin emas.

Bronxlar motorikasi buzilgan va balg‘am miqdori ko‘p bo‘lgan bemorlarda (masalan, kam uchraydigan birlamchi siliar diskineziya sindromida) preparatni ehtiyotkorlik bilan qo‘llash lozim, chunki preparat balg‘am to‘planishiga sabab bo‘lishi mumkin.

Buyrak faoliyati buzilgan yoki og‘ir jigar kasalliklari bo‘lgan bemorlarda preparatni shifokor ko‘rsatmasisiz qo‘llash mumkin emas. Ambroksol qabul qilinganda, jigarda metabolizmga uchraydigan va buyraklar orqali chiqariladigan har qanday dori vositasi kabi, og‘ir darajali buyrak yetishmovchiligi bo‘lgan bemorlarda jigarda hosil bo‘ladigan ambroksol metabolitlarining to‘planishini kutish kerak.

2 yoshgacha bo‘lgan bolalarda preparatni faqat shifokor ko‘rsatmasi bilan qo‘llash mumkin. Ambroksol qo‘llanilganda juda kam hollarda ko‘p shaklli ekssudativ eritema, Stivens-Jonson sindromi, Layell sindromi va o‘tkir tarqalgan ekzantematoz pustulyoz kabi og‘ir shakldagi teri reaksiyalari kuzatilgan. Teri yoki shilliq qavatlar o‘zgarganda (ba’zan pufakchalar paydo bo‘lishi yoki shilliq qavatning shikastlanishi bilan bog‘liq), zudlik bilan shifokorga murojaat qilish va preparatni qabul qilishni to‘xtatish kerak.

Kaloriyaliligi 2,6 kkal/g sorbitolni tashkil etadi. Sorbitol yengil surgi ta’sir ko‘rsatishi mumkin. 1 o‘lchov stakanchasi (5 ml sirop) 2,1 g sorbitol saqlaydi, bu 0,18 XB ga to‘g‘ri keladi.

Homiladorlik va laktatsiya

Homiladorlik:

Homiladorlik davrida ambroksolni qo‘llash bo‘yicha ma’lumotlar yetarli emas. Xususan, bu homiladorlikning dastlabki 28 haftasiga taalluqlidir. Hayvonlarda o‘tkazilgan tadqiqotlar teratogen ta’sirni aniqlamadi.

Homiladorlik davrida (II-III trimestr) Ambrobenaga faqat shifokor ko‘rsatmasi bilan, xavf/foyda nisbatini sinchkovlik bilan baholagan holda murojaat qilish mumkin.

Emizish davri:

Hayvonlarda o‘tkazilgan tekshirishlar ambroksolning ona sutiga o‘tishini ko‘rsatdi. Emizish davrida ayollarda preparatni qo‘llash yetarli darajada o‘rganilmaganligi sababli, Ambrobeneni faqat shifokor ko‘rsatmasi bo‘yicha, xavf/foyda nisbatini sinchkovlik bilan baholaganidan so‘ng qo‘llash mumkin.

Transport vositalari va mexanizmlarni boshqarish qobiliyatiga ta’siri

Transport vositalari, mexanizmlarni boshqarish qobiliyatiga ta’siri hozirgacha aniqlanmagan.

Qadoq

100 ml, 120 ml, 250 ml preparat purkovchi tiqin va burab yopiladigan plastmassa qalpoqcha bilan berkitilgan to‘q shisha flakonlarga solinadi.

Qo‘llash bo‘yicha yo‘riqnoma va o‘lchov stakani bo‘lgan bitta flakon qo‘shimcha ravishda himoya yorliqlari bilan qoplangan karton qutiga joylashtiriladi.

Saqlash shartlari

25 °C dan yuqori bo‘lmagan haroratda saqlang.

Bolalar qo‘li yetmaydigan joyda saqlang!

Yaroqlilik muddati

5 yil.

Flakon ochilgandan keyin preparat 14 kun davomida ishlatishga yaroqli bo‘ladi.

Yaroqlilik muddati o‘tgandan keyin qo‘llanilmasin.

Dorixonalardan berish shartlari

Retseptsiz

Ro‘yxatdan o‘tish guvohnomasi egasi

TEVA FARMATSEVTIK KORXONALARI LTD Isroil

Ishlab chiqaruvchi

MERCKLE GMBH Germaniya