Anestezol rektal shamlar № 10 (1 blister)

Tarkib

1 shamchada quyidagilar mavjud:

faol moddalar: benzokain -100,0 mg, vismut subgallat - 40,0 mg, levomentol 4,0 mg, rux oksidi - 20,0 mg;

yordamchi moddalar: makrogol 1500, makrogol 400.

Tavsif

Sariq yoki yashil-sariq rangli torpedasimon shamchalar. Kesimda havo sterjeni va voronkasimon chuqurcha bo‘lishiga ruxsat etiladi.

Qo‘llanilishi

Bavosil, orqa teshik yoriqlari.

Qo‘llash usuli va dozalari

Rektal, tozalovchi huqna yoki ichakni mustaqil bo‘shatishdan so‘ng. Kattalar va 12 yoshdan oshgan bolalarga 1 shamchadan sutkada 1-2 marta.

Nojo‘ya ta’sirlari

Orqa teshikda achishish, surgi ta’siri, allergik reaksiyalar. Tarkibida benzokain bo‘lgan preparatlarni qo‘llashda metgemoglobinemiya rivojlanishi holatlari haqida alohida xabarlar mavjud.

Qarshi ko‘rsatmalar

Preparat komponentlariga yuqori sezuvchanlik, bolalar yoshi (12 yoshgacha).

Maxsus ko‘rsatmalar

Agar kasallikning mavjud belgilari davolanish jarayonida kamaymasa yoki yangi noodatiy his-tuyg‘ular paydo bo‘lishi kuzatilsa, shifokorga murojaat qilish lozim. Preparatni qo‘llashda anal sohasi gigiyenasiga e’tibor berish, ortiqcha zo‘riqishdan saqlanish, najasning yumshoq konsistensiyasini saqlash choralarini ko‘rish lozim.

Homiladorlik va emizish davrida qo‘llash

Homiladorlik va emizish davrida Anestezol preparatini qo‘llash, agar ona uchun potensial foyda bola va homila uchun xavfdan yuqori bo‘lsa, mumkin.

Dozani oshirib yuborish

Preparatning dozasini oshirib yuborish holatlari haqida xabar berilmagan.

Boshqa dorilar bilan o‘zaro ta’siri

Anestezol preparatining dorilar bilan o‘zaro ta’siri tavsiflanmagan.

Saqlash shartlari

Yorug‘likdan himoyalangan joyda, 20 °C dan yuqori bo‘lmagan haroratda saqlanadi.