Asparkam (Asparcam) planshetlari №50 (1 blister)

Tarkib

1 ta tabletka tarkibida quyidagilar mavjud:

ta’sir etuvchi moddalar: magniy asparaginati - 0,175 g, kaliy asparaginati - 0,175 g;

yordamchi moddalar: makkajo‘xori kraxmali, polisorbat-80, kalsiy stearati, talk.

Tavsif

Tabletkalar oq rangda, yuzasi silliq, yassi silindrsimon, xatarli, o‘ziga xos hidli. Tabletkalar yuzasida marmarsimonlikka yo‘l qo‘yiladi.

Farmakoterapevtik guruh

Mineral qo‘shimchalar. Magniy preparatlari. ATX kodi: A12CC30.

Farmakologik xususiyatlari

Farmakodinamika

Kaliy va magniy ionlari muhim hujayra ichidagi kationlar sifatida bir qator fermentlar ishiga, makromolekulalarning subhujayra elementlari bilan bog‘lanish jarayoniga va molekulyar darajadagi mushak qisqarishi mexanizmiga qo‘shiladi. Kaliy, kalsiy, natriy va magniy ionlarining hujayra tashqarisidagi va hujayra ichidagi konsentratsiyasi nisbati miokardning qisqarish qobiliyatiga ta’sir qiladi. Aspartat endogen modda sifatida kaliy va magniy ionlarini tashuvchi bo‘lib, hujayralarga nisbatan yaqqol ifodalangan affinitetga ega, uning tuzlari kam dissotsiatsiyalanadi. Natijada ionlar kompleks birikmalar ko‘rinishida hujayra ichki bo‘shlig‘iga o‘tadi. Magniy aspartat va natriy aspartat miokard metabolizmini yaxshilaydi. Organizmda kaliy va magniyning yetishmasligi arterial gipertenziya, koronar tomirlarning aterosklerotik shikastlanishi, yurak ritmining buzilishi, miokard patologiyasi rivojlanish xavfini oshiradi.

Farmakokinetika

O‘rganilmagan.

Qo‘llanilishi

Surunkali yurak kasalliklarida (yurak yetishmovchiligida, infarktdan keyingi davrda), yurak ritmi buzilishlarida, birinchi navbatda qorincha aritmiyalarida qo‘shimcha terapiya.

Angishvonagul preparatlari bilan davolashda qo‘shimcha terapiya.

Gipokaliyemiya va gipomagniyemiya bilan kechuvchi holatlarda (shu jumladan, saluretiklarning dozasini oshirib yuborish).

Qo‘llash usuli va dozalari

Kattalar uchun odatdagi sutkalik doza kuniga 3 mahal 1-2 tabletkani tashkil etadi. Dozani kuniga 3 mahal 3 tabletkagacha oshirish mumkin. Oshqozon shirasi preparatning samaradorligini pasaytirishi mumkin, shuning uchun tabletkalarni ovqatdan keyin qabul qilish tavsiya etiladi.

Davolash kursini shifokor belgilaydi.

Nojo‘ya ta’sirlari

Nojo‘ya ta’sirlar juda kam uchraydi:

ovqat hazm qilish yo‘li tomonidan: ko‘ngil aynishi, qusish, ich ketishi, qorinda og‘riq, epigastral sohada noqulaylik yoki achishish hissi, oshqozon-ichakdan qon ketishi, ovqat hazm qilish yo‘li shilliq qavatining yaralari, og‘iz qurishi;

yurak-qon tomir tizimi tomonidan: miokard o‘tkazuvchanligining buzilishi, qon bosimining pasayishi, AV-blokada;

markaziy va periferik asab tizimi tomonidan: paresteziyalar, giporefleksiya, talvasalar kuzatilishi mumkin;

allergik reaksiyalar: qichishish, yuz terisining qizarishi, toshmalar;

nafas olish tizimi tomonidan: nafas olishning pasayishi mumkin (gipermagniyemiya tufayli);

boshqalar: issiqlik hissi.

Qarshi ko‘rsatmalar

preparat komponentlariga yuqori sezuvchanlik;

o‘tkir va surunkali buyrak yetishmovchiligi;

Addison kasalligi;

giperkaliyemiya, gipermagniyemiya;

P-Sh darajali atrioventrikulyar blokada;

kardiogen shok (AB <90 mm.sim.ust.).

Dorilarning o‘zaro ta’siri

Preparat tarkibida kaliy ionlari mavjudligi sababli Asparkamni kaliy saqlovchi diuretiklar, AAF ingibitorlari, beta-adrenoblokatorlar, siklosporin bilan qo‘llanganda giperkaliyemiya rivojlanish xavfi ortadi (qon plazmasidagi kaliy miqdorini nazorat qilish zarur) va ichak peristaltikasiga susaytiruvchi ta’siri kuchayadi. Preparat tetratsiklinning peroral shakllari, temir tuzlari va natriy ftoridning so‘rilishini tormozlaydi (qabul qilishlar o‘rtasida uch soatlik intervalga rioya qilish kerak).

Asparkam miokarddagi trofik jarayonlarni rag‘batlantiruvchi dori vositalarining ta’sirini kuchaytiradi; saluretiklar, kortikosteroidlar, yurak glikozidlari qo‘llanilishi tufayli gipokaliyemiya rivojlanishining oldini oladi. Asparkam yurak glikozidlarining kardiotoksik ta’sirini kamaytiradi.

Antidepolyarizatsiyalovchi miorelaksantlar bilan bir vaqtda qo‘llanganda nerv-mushak blokadasi kuchayadi, narkoz vositalari (ketamin, geksanal, ftorotan) bilan esa markaziy nerv tizimi susayadi.

Asparkam neomitsin, polimiksin B, tetratsiklin va streptomitsinning samaradorligini pasaytirishi mumkin.

Maxsus ko‘rsatmalar

Preparat uzoq muddat qo‘llanganda qondagi kaliy va magniy miqdorini nazorat qilish, shuningdek, elektrolitik gemostaz ko‘rsatkichlari va EKG ma’lumotlarini muntazam ravishda kuzatib borish zarur.

Asparkam tarkibida kaliy va magniy bo‘lgan preparat sifatida miasteniya gravis bilan og‘rigan bemorlarga ehtiyotkorlik bilan qo‘llanilishi kerak; o‘tkir degidratatsiya, to‘qimalarning keng tarqalgan shikastlanishi, xususan, og‘ir kuyishlar kabi giperkaliyemiyaga olib kelishi mumkin bo‘lgan holatlarda. Ushbu toifadagi bemorlar uchun qon zardobidagi elektrolitlar konsentratsiyasini muntazam ravishda tekshirib turish tavsiya etiladi.

Asparkamni gastroduodenal yarasi yoki obstruksiyasi bo‘lgan bemorlarga buyurmaslik kerak.

Homiladorlik yoki emizish davrida qo‘llash.

Homiladorlik yoki emizish davrida preparatning salbiy ta’siri haqida ma’lumotlar yo‘q. Biroq, shifokorning fikriga ko‘ra, ona uchun kutilayotgan foyda homila yoki bola uchun xavfdan yuqori bo‘lsa, preparatni qo‘llash mumkin.

Bolalar. Preparatni bolalarga qo‘llash tajribasi yo‘q.

Avtotransport yoki boshqa mexanizmlarni boshqarishda reaksiya tezligiga ta’sir ko‘rsatish qobiliyati.

Asparkam avtotransportni boshqarishda yoki boshqa mexanizmlar bilan ishlashda reaksiya tezligiga ta’sir qilmaydi.

Dozani oshirib yuborish

Hozircha dozani oshirib yuborish holatlari qayd etilmagan. Nazariy jihatdan, dozani oshirib yuborishda giperkaliyemiya (ko‘ngil aynishi, qusish, diareya, qorinda og‘riq, og‘izda metall ta’mi, bradikardiya, holsizlik, dezoriyentatsiya, mushak falaji, qo‘l-oyoq paresteziyalari) va gipermagniyemiya (yuz terisining qizarishi, chanqash, arterial gipotenziya, giporefleksiya, asab-mushak uzatilishining buzilishi, nafas olishning susayishi, aritmiya, talvasalar) belgilari rivojlanishi mumkin. Elektrokardiogrammada T tishcha balandligining oshishi, R tishcha amplitudasining pasayishi, kompleksning kengayishi qayd etiladi.

Davolash: preparatni bekor qilish, simptomatik terapiya (kalsiy xlorid eritmasini 100 mg/daq dozada vena ichiga yuborish), zarur bo‘lganda - gemodializ.

Chiqarish shakli

Blisterlarda 50 tadan tabletka. 1 tadan blister tibbiy qo‘llash bo‘yicha yo‘riqnoma bilan birga qutiga solinadi.

Saqlash shartlari

Asl qadoqda, 25 °C dan yuqori bo‘lmagan haroratda.

Bolalar qo‘li yetmaydigan joyda saqlang.

Yaroqlilik muddati

3 yil.

Dorixonalardan berish shartlari

Retseptsiz.

Ishlab chiqaruvchi

"Galichfarm" OAJ.

Ukraina, 79024, Lvov shahri, Oprishkovskaya ko‘chasi, 6/8.

O‘zbekiston Respublikasi hududida dori vositalarining sifati bo‘yicha e’tirozlarni (takliflarni) qabul qiluvchi tashkilotning nomi va manzili

"Arterium" korporatsiyasining O‘zbekiston Respublikasidagi vakolatxonasi, UZ

100000, Toshkent shahri, Mustaqillik ko‘chasi, 59-uy.

Tel.: +99871-237-51-53

Faks: +99871-237-51-54

E-mail: [email protected]