Atrovent nafas olish uchun eritma 0,25 mg / ml, 20 ml (shisha)

Ингаляция учун 1 мл эритма қуйидагиларни сақлайди:

фаол модда: 250 мкг (0,25 мг) сувсиз ипратропий бромидига тўғри келади;

ёрдамчи моддалар: бензалконий хлориди, динатрий эдетати, натрий хлориди, хлорид кислотаси, тозаланган сув.

Тиниқ, рангсиз ёки деярли рангсиз, амалда заррачалардан ҳоли бўлган суюқлик.

Ингаляция учун эритма.

Нафас йўлларининг обструктив касалликларини даволаш учун восита. Антихолинергик воситалар. АТХ коди: R03BB01.

Фармакодинамикаси

Ипратропий бромиди - антихолинергик (парасимпатолитк) хусуситятларга эга бўлган тўртламчи аммоний бирикмаси. Клиника олди тадқиқотлари, уни адашган нерв охирларидан ажралиб чиқадиган нейромедиатор - ацетилхолиннинг самарасига тўсқинлик қилиб, у орқали амалга ошириладиган рефлексларни тормозлашини намоён қилган. Антихолинергик воситалар хужайра ичидаги Са++ концентрациясини ошишини олдини олади, бу ацетилхолинни бронхларнинг силлиқ мушакларининг мускарин рецепторлари билан ўзаро таъсири билан чақирилади. Са++ ни ажралиб чиқиши ИФЗ (инозитолтрифосфат) ва ДАГ (диацилглицерол) дан ташкил топган иккиламчи ўртакашлар тизими орқали амалга оширилади.

АТРОВЕНТ ингаляциясидан кейин юз берувчи бронходилатация - тизимли таъсирга тааллуқли бўлмаган локал ва ўпка учун специфик бўлган самарадир.

Клиника олди бўлган ва клиник маълумотлар, АТРОВЕНТни нафас йўлларида шилиқ секрециясига, мукоцилиар клиренсга ва газлар алмашинувига салбий таъсир кўрсатмаслигини тахмин қилишга асос бўлади.

Ўпканинг сурункали обструктив касаллиги ЎСОК (сурункали бронхит ва эмфизема) билан боғлиқ бронхоспазми бўлган пациентларда 90 кун давомийлигидаги назоратли тадқиқотларда, 15 минут давомида ўпка функциясини сезиларли яхшиланиши кузатилган. Бу яхшиланиш 1-2 соат давомида чўққи қийматига эришган ва 4-6 соат длавомида сақланган.

Бронхиал астма билан боғлиқ бронхоспазми бўлган пациентларда, 90 кун давомийлигидаги назоратли тадқиқотларда, ўпка фаолиятини яхшиланиши (ОФВ ни 15% га яхшиланиши) 51% пациентларда кузатилган.

Фармакокинетикаси

Сўрилиши

АТРОВЕНТнинг терапевтик самараси нафас йўлларига махаллий таъсири билан боғлиқ. Шунинг учун бронходилатациянинг фармакокинетикаси тизимли фармакокинетикаси билан боғлиқ эмас.

Ингаляциядан кейин дори шакли ва ингалаяция техникасига қараб дозанинг 10-30% ўпкада чўкади. Препаратнинг дозасини катта қисми ютилади ва меъда-ичак йўллари (МИЙ) орқали ўтади.

Ўпкага етган препарат, тез (бир минут давомида) қон айланиши тизимига тушади.

Дастлабки бирикманинг кумулятив буйрак экскрецияси (0-24 соат) вена ичига юборилган дозанинг 46% га яқинлашади, перорал дозанинг 1% дан камроғини ва ингаляцион дозанинг тахминан 3-13% ни ташкил қилади. Шу маълумотлар асосида перорал ва ингаляцион қўллашда ипратропий бромидининг умумий тизимли биокираолишлиги мувофиқ 2% ва 7-28% ни ташкил қилади. Юқорида баён қилинганларни хисобга олиб, ипратропий бромидининг ютиб юборилган қисми аҳамиятли тизимли таъсир кўрсатмайди.

Тақсимланиши

Ипратропийнинг тақсимланишини характерловчи кинетик параметрлар вена ичига юборилгандан кейинги препаратнинг плазмадаги концентрациялари асосида хисобланган. Қон плазмасида концентрацияларни тез икки фазали пасайиши кузатилади. Мувозанат холатидаги тахмин қилинган тақсимланиш хажми (Vdss) тахминан 176 л ни ташкил қилади (≈2,4 л/кг). Препарат плазма оқсиллари билан минимал (29% дан кам) боғланади. Клиника олди тадқиқотлар, тўртламчи аммоний бирикмаси бўлган ипратропийни, йўлдош орқали ва гематоэнцефалик тўсиқ орқали ўтмаслигини кўрсатади.

Биотрансформацияси

Вена ичига юборилганидан кейин дозанинг тахминан 60% жигарда оксидланиш йўли билан метаболизмга учрайди.

Гидролиз, дегидратация ёки тропо кислотаси қолдиғидаги гидроксметил гурухининг элиминацияси натижасида ҳосил бўлувчи маълум метаболитлари, мускарин рецепторлари билан ёмон боғланади ва самарасиз модда сифатида баҳоланиши керак.

Чиқарилиши

Охирги фазасидаги ярим чиқарилиш даври тахминан 1,6 соатни ташкил қилади.

Ипратропийнинг умумий клиренси минутига 2,3 л, буйрак клиренси эса - минутига 0,9 л ни ташкил қилади.

Пропеллент сифатидаги HFA 134a ли ипратропий бромидини ингаляциясидан кейин, 24 соат давомидаги кумулятив буйрак экскрецияси тахминан 12% ни ташкил қилган.

Чиқаралишини текширишда препаратга боғлиқ радиофаолликнинг (дастлабки бирикма ва унинг метаболитлари) кумулятив буйрак экскрецияси (6 кун) вена ичига юборилганидан кейин 72,1%, перорал юборилганидан кейин 88,5% ва ингаляцион юборилгандан кейин 69,4% ни ташкил қилган. Вена ичига юборилганидан кейин препаратга боғлиқ радиофаолликнинг чиқарилишини асосий йўли буйрак экскрецияси бўлган. Препаратга боғлиқ радиофаолликнинг (дастлабки бирикма ва унинг метаболитлари) ярим чиқарилиш даври 3,6 соатни ташкил қилган.

АТРОВЕНТ қуйдагиларда ҳансирашни олдини олиш ва даволаш учун қўлланилади:

• ўпканинг сурункали обструктив касаллиги (ЎСОК);
• катталар ва болалардаги енгил ёки оғирлиги ўртача даражадаги астмада, астманинг ўткир хуружида бета2-агонистлар билан даволашга қўшимча терапия сифатида.

(20 томчи = тахминан 1 мл, 1 томчи = тахминан 0,0125 мг сувсиз ипратропий бромиди сақлайди).

Доза пациентнинг шахсий эхтиёжига мувофиқ танланиши керак.

Қуйидаги дозалар тавсия этилади:

Астманинг ўткир хуружи

Катталар ва 12 ёшдан катта ўсмирлар

2,0 мл (40 томчи = 0,5 мг). Пациентнинг холати барқарорлангунича такрорий дозаларни қўллаш мумкин. Ингаляциялар орасидаги интервал шифокор шифокор томонидан белгиланади.

6 ёшдан 12 ёшгача бўлган болалар.

1,0 мл (20 томчи = 0,25 мг). Пациентнинг холати барқарорлангунича такрорий дозаларни қўллаш мумкин. Ингаляциялар орасидаги интервал шифокор томонидан белгиланади.

6 ёшгача бўлган болалар

Бу гуруҳ бўйича маълумотларнинг чекланганлигини хисобга олиб, қуйида тавсия этилган дозалар фақат шифокорнинг мунтазам кузатуви остида қўлланиши керак.

0,4-1,0 мл (8-20 томчи = 0,1-0,25 мг). Пациентнинг холати барқарорлангунича такрорий дозаларни қўллаш мумкин. Ингаляциялар орасидаги интервал шифокор томонидан белгиланади.

Самарани бир маромда сақлаб турувчи даволаш

Катталар ва 12 ёшдан катта ўсмирлар

2,0 мл (40 томчи = 0,5 мг) кунига 3-4 марта буюрилади.

6 ёшдан 12 ёшгача бўлган болалар.

1,0 мл (20 томчи = 0,25 мг). Пациентнинг холати яхшилангунича такрорий дозаларни қўллаш мумкин. Ингаляциялар орасидаги интервал шифокор томонидан белгиланади.

6 ёшгача бўлган болдалар

Бу гуруҳ бўйича маълумотларнинг чекланганлигини хисобга олиб, қуйида тавсия этилган дозалар фақат шифокорнинг мунтазам кузатуви остида қўлланиши керак.

0,4-1,0 мл (8-20 томчи = 0,1-0,25 мг). Пациентнинг холати яхшилангунича такрорий дозаларни қўллаш мумкин. Ингаляциялар орасидаги интервал шифокор томонидан белгиланади.

Катталар ва 12 ёшдан катта ўсмирларга 2 мг дан, шунингдек 12 ёшгача бўлган болаларга 1 мг дан юқори суткалик дозаларни, фақат тиббий кузатув остида буюриш керак.

Муҳим маълумот

Даволаниш вақтида пациентлар тиббий кузатув остида бўлишлари керак.

Агар даволашга қарамай пациентнинг холати яхшиланмаса ёки ёмонлашса, даволаш режасини мувофиқлаштириш мақсадида шифокор билан маслахатлашиш, шу жумладан зарурати бўлганида бошқа дори воситаларини (кортикостероид, бета 2-агонист ёки теофиллинни) буюриш, керак. Ўткир ёки тез авж олиб борувчи хансираш хуружида, пациентга зудлик билан тиббий ёрдамга мурожаат қилиш кераклигини маслахат бериш керак.

Қўллаш усули

Небулайзер ёрдамида ингаляцион юбориш учун эритмани суюлтириш керак.

Препаратнинг тавсия этилган дозасини физиологик эритма билан 3-4 мл ҳажм олингунича небулайзерга қуйиб суюлтириш ва ингналяция қилиш керак. Хар сафар бевосита ишлатиш олдидан препаратни физиологик эритма билан суюлтириш керак, ингаляциядан кейин қолган эритма тўкиб ташланади.

Дозалаш ингаляция усули ва небулайзернинг турига боғлиқ бўлиши мумкин. Ингаляция давомийлиги суюлтирилган эритмани сарфланиши билан назорат қилиниши мумкин.

АТРОВЕНТ ингаляция учун эритма сотувда бўлган турли небулайзердан фойдаланилган холда қўлланиши мумкин. Марказлаштирилган кислород тизими ишлатилганида оқим тезлиги минутига 6-8 литр бўлганида ишлатган яхши.

АТРОВЕНТ ни ингаляциялар учун ЛАЗОЛВАН эритмаси билан бир вақтда ингаляция қилиш мумкин.

Эритмани кўзга тушишини олдини олиш мақсадида эхтиёткорликка риоя қилиш керак. Ингаляция учун эритмани мундштук ёрдамида юбориш керак. Мундштук бўлмаганида ва юз ниқоби ишлатилганида, мувофиқ ўлчамдаги ниқоб ишлатилишига ишонч хосил қилиш керак. Глаукомани ривожланишига мойиллиги бўлган пациентларни, препаратни кўзга тушишидан химоя қилиш лозимлиги хақида алоҳида оғохлантириш лозим. Препарат юборилганда энг яхши холат ўтирган ёки турган холат хисобланади.

Барча дори воситалари каби, АТРОВЕНТ ҳам ножўя таъсирга эга бўлиши мумкин.

Қуйида санаб ўтилган кўпчилик ножўя таъсирлар АТРОВЕНТ нинг антихолинергик хусусиятлари билан боғлиқ.

Ингаляция ҳолида қўлланадиган хар қандай дори воситаси каби, АТРОВЕНТ ҳам оғиз бўшлиғи шиллиқ қаватининг маҳаллий таъсирланишини чақириши мумкин.

Клиник тадқиқотларда энг кўп тарқалган нохуш самаралари бош оғриғи, томоқни таъсирланиши, йўтал, оғизни қуриши, меъда-ичак йўллари моторикасини бузилиши (шу жумладан қабзият, ич кетиши ва қусиш), кўнгил айниши ва бош айланиши бўлган.

Ножўя таъсирларинни пайдо бўлиш тезлиги қуйдагича: жуда тез-тез (≥1/10), тез-тез (≥1/100 дан ≤1/10 гача), тез-тез эмас (≥1/1000 дан ≤1/100 гача), кам холларда (≥1/10000 дан ≤1/1000 гача), жуда кам холларда (≤1/10000), номаълум (мавжуд маълумотлар асосида тезлигини аниқлаш мумкин эмас).

Иммун тизими томонидан: тез-тез эмас - анафилактик реакциялар, ўта юқори сезувчанлик.

Нерв тизими томонидан: тез-тез - бош оғриғи, бош айланиши.

Кўриш аъзоси томонидан: тез-тез эмас - кўришни ноаниқлиги, мидриаз, юқори кўз ички босими (баъзида кўзларда оғриқ билан), кўрув ореоллари, камалак доиралар, конъюнктива гиперемия, шох парданинг шиши, глаукома; кам холларда- аккомодацияни бузилиши.

Юрак-қон томир тизими томонидан: тез-тез эмас - юрак уришини хис қилиш (суправентрикуляр тахикардия); кам холларда- юрак бўлмачалари фибрилляцияси.

Нафас тизими томонидан: тез-тез - йўтал, томоқни таъсирланиши; тез-тез эмас - (парадоксал) бронхоспазм, ларингоспазм, халқумни шиши, томоқни қуриши.

Меъда-ичак йўллари томонидан: тез-тез - оғизни қуриши, таъм сезишни бузилиши, меъда-ичак йўллари мотроикасини бузилиши, кўнгил айниши; тез-тез эмас - диарея, қабзият, қусиш, стоматит, оғиз бўшлиғи шиллиқ қаватини шиши.

Тери ва тери ости тўқималари томонидан: тез-тез эмас - тошма, қичишиш, ангионевротик шиш; кам холларда- эшакеми.

Буйраклар ва сийдик чиқариш йўллари томонидан: тез-тез эмас - сийдикни тутилиши.

АТРОВЕНТни фаол моддага, атропинга ёки атропинга ўхшаш моддаларга (ипратропия бромиди каби), ёки ёрдамчи моддалардан биронтасига ўта юқори сезувчанлиги бўлган пациентларда қўллаш мумкин эмас.

Ингаляцион АТРОВЕНТ ни бошқа антихолинергик препаратлар билан бирга давомли ишлатиш ўрганилмаган, ва шунинг учун бирга қўллаш тавсия этилмайди.

Бета 2-адренергик ваоситалар ва ксантин хосилалари (масалан, теофиллин) дори воситасининг бронходилятацияловчи таъсирини кучайтириши мумкин.

Бошқа антихолинергик дори воситалари, масалан, пирензепин сақловчи, воситалар АТРОВЕНТ нинг терапевтик самарасини хам ва унинг ножўя таъсирини хам кучайтириши мумкин.

Ўта юқори сезувчанлик

АТРОВЕНТ қабул қилинганда зудлик билан авж олувчи турдаги ўта юқори сезувчанлик реакциялари, масалан, кам холларда тошма, эшакеми, ангионевротик шиш, оғиз халқумни шиши, бронхоспазм ва анафилаксия ривожланиши мумкин.

Пародоксал бронхоспазм

Бошқа ингаляцион дори воситалари каби, АТРОВЕНТ парадоксал бронхоспази, шу жумладан хаётга хавф солувчи бронхоспазмни чақириши мумкин. Пародоксал бронхоспазм ривожланганда, АТРОВЕНТ ни қўллашни дархол тўхтатиш ва муқобил даволашни буюриш керак.

Кўриш аъзоси томонидан асоратлар

Глаукомага мойиллиги бўлган пациентларда АТРОВЕНТ ни эхтиёткорлик билан қўллаш керак.

Препарат кўзга тушганида, кўз томонидан енгил қайтувчан асоратлар пайдо бўлиши мумкин. Глаукоманинг ўткир хуружини, ривожланиш хавфи айниқса ёпиқ бурчакли глаукомаси бўлган пациентларда мавжуд бўлиб, унинг характерли симптомлари кўзда оғриқ, кўришни ёйилиши, визуал ореоллар, рангли образлар, конъюнктива гиперемияси ва шох пардани шиши натижасида кўзларни қизириши хисобланади.

Мидриаз ва аккомодациянинг енгил бузилишларида миотик дори воситаларини буюриш мумкин. Кўз томонидан жиддий асоратлар ривожланган холларда, албатта офтальмолог маслахати керак бўлади.

Пациентларнинг бу гурухида препаратни кўзга тушишини олдини олиш мақсадида, юз ниқобини қўллашга нисбатан мундштукни қўллаш афзалроқ хисобланади.

Буйрак ва сийдик чиқариш йўлларига таъсири

Сийишни бузилишлари бўлган (масалан, простата безининг гипертрофияси ёки қовуқ бўйнининг обструкцияси бўлган пациентларда), пациентларда сийдикни тутилишини ривожланишининг потенциал хавфи туфайли, ипратропий бромиди билан даволаш олдидан фойда-хавф нисбатини синчиклаб бахолаш керак.

Меъда-ичак йўлларининг моторикасини бузилиши

Муковисцидози бўлган пациентлар меъда-ичак йўлларининг моторикасини бузилишларига мойилроқ хисобланадилар.

Махаллий самаралари

Ушбу дори воситаси консервант бензалконий хлориди ва стабилизатор динатрий эдетатини сақлайди. Нафас йўлларининг ўта юқори реактвлиги бўлган мойил пациентларда бу моддалар ингаляцияда бронхоспазм чақириши мумкин.

Ҳомиладорлик ва эмизиш даври

Ҳомиладорлик ва эмизиш даври

Ҳомиладорлик вақтида ёки эмизиш даврида препаратни қўллаш бўйича маълумотлар йўқ. Дори воситасининг тератоген таъсири аниқланмаганлигига қарамай, АТРОВЕНТ ни хомиладорлик вақтида (айниқса биринчи уч ойлигида) ва эмизиш даврида, даволовчи шифокор томонидан фойда-хавф нисбатини синчиклаб бахолашдан кейин аниқланадиган зарур холлардан ташқари ҳолларда қўллаш мумкин эмас. Баҳолашда ноадекват даволаш хавфлари мувофиқ тарзда хисобга олинган бўлиши керак.

Фертиллик

Ипратропий бромидининг фертилликка таъсири хақида клиник маълумотлар йўқ. Ипратропий бромиди билан ўтказилган клиника олди тадқиқотлари, фертилликка салбий таъсирини намойиш қилмаган.

Автомобилни ва механизмларни бошқариш қобилиятига таъсири

Дори воситасини автомобилни ва механизмларни бошқариш қобилиятига таъсири бўйича тадқиқотлар ўтказилмаган. Лекин пациентлар АТРОВЕНТ билан даволаш вақтида бош айланиши, аккомодацияни бузилиши, мидриаз ва кўришни ноаниқлиги каби ножўя таъсирлари бўлиши мумкинлиги хақида огоҳлантирилган бўлишлари керак. Шунинг учун автомобиль ва механизмларни бошқариш вақтида эҳтиёткорликка риоя қилиш тавсия этилади.

Препарат болалар ололмайдиган жойда сақлансин ва яроқлилик муддати ўтгач ишлатилмасин.

Дозани ошириб юборилишнинг специфик симптомлари аниқланмаган. Терапевтик таъсирининг кенглигини ва АТРОВЕНТни махаллий қўллаш усулини ҳисобга олиб, биронта жиддий тизимли антихолинергик симптомларининг келиб чиқиш эхтимоли кам. Оғизни қуриши, аккомодацияни бузилиши, юрак қисқаришлари сонини ошиши каби тизимли антиголинергик таъсирининг ахамимятсиз кўринишлари бўлиши мумкин.

20 мл дан тиқин-томчилагич ва буралувчи қопқоқ билан беркитилган тўқ шиша флаконда. Флакон қўллаш йўриқномаси билан бирга картон қутига жойланади.

30 °С дан юқори бўлмаган хароратда сақлансин, музлатилмасин.

3 йил.

Шифокор рецепти бўйича.

Берингер Ингельхайм Интернешнл ГмбХ, Германия,

Институт де Ангели С.Р.Л. да ишлаб чиқарилган,

50066 Регелло, Прулли, 103/С, Флоренция, Италия