Bitsilin-3 mushak ichiga yuborish uchun suspenziya uchun kukun, 600 000 IU (flakon)

Бир флакон қуйидагиларни сақлайди: бензатин бензилпенициллин 200000 ТБ; бензилпенициллин натрий (бензилпенициллиннинг натрийли тузи) 200000 ТБ; бензилпенициллин прокаин (бензилпенициллиннинг новокаинли тузи) 200000 ТБ.

Сув қўшилганида барқарор суспензия ҳосил қилувчи, қумоқ-қумоқ бўлиб тўпланиб қолишга мойиллиги бўлган оқ ёки бироз сарғиш тусли оқ рангли кукун.

Мушак ичига юбориш учун суспензия тайёрлаш учун кукун.

Антибиотик-биосинтетик пенициллин. АТХ коди: J01CE30.

Фармакодинамикаси

Бензилпенициллиннинг 3 та тузидан: дибензилэтлендиамин, прокаин, натрийли тузларидан ташкил топган, узоқ муддатли таъсирга эга бўлган мажмуавий бактерицид препаратдир. Микроорганизмларнинг ҳужайра девори синтезини ингибирлайди.

Граммусбат микроорганизмлар:

• Staphylococcus spp. (пенициллиназани ҳосил қилмайдиган);
• Streptococcus spp., шу жумладан Streptococcus pneumoniae;
• Corynebacterium diphtheriae.

аэроб спора ҳосил қилувчи таёқчалар: Bacillus anthracis, Clostridium spp., Actinomyces israelii;

грамманфий микроорганизмлар: Neisseria honorrhoeae, Neisseria meningitidis, ҳамда Treponema spp.га нисбатан фаолликка эга.

Препаратнинг таъсирига пенициллиназа ҳосил қилувчи, Staphylococcus spp., штаммлари чидамли.

Фармакокинетикаси

Мушак ичига юборилганидан сўнг бензилпенициллинни деподан аста-секин ажралиб чиқиши билан сўрилади. Бир марта юборилганида ўртача терапевтик концентрацияси 6-7 сутка давомида сақланади. Плазмада максимал концентрациясига эришиш вақти (ТСmax) инъекциядан сўнг 12-24 соат. 2,4 млн ТБ юборилганидан кейин 14-кунига келиб зардобдаги концентрацияси 0,12 мкг/мл, 1,2 млн ТБ юборилганидан кейин 21-кунига келиб 0,06 мкг/мл (1ТБ = 0,6 мкг) ни ташкил қилади. Суюқликларга кириши юқори, тўқималарга кириши паст. Плазма оқсиллари билан боғланиши 40-60% ни ташкил қилади. Йўлдош тўсиғидан ўтади ва кўкрак сутида аниқланади. Кам даражада метаболизмга учрайди, асосан буйраклар орқали ўзгармаган ҳолда чиқарилади.

Сезгир микроорганизмлар чақирган инфекциялар (катталарда): сифилис ва оқ трепонемалар томонидан чақирилган бошқа касалликлар (фрамбезия), стрептококкли инфекциялар (В гуруҳ стрептококклари чақирган инфекциялардан ташқари) ўткир тонзиллит, скарлатина, жароҳатли инфекциялар, сарамасли яллиғланиш, ревматизмда (олдини олиш учун) қўлланади.

300000 ТБ дозада думба мушагининг юқори ташқи квадрантига мушак ичига чуқур қилиб юборилади. 2 марта инъекция қилиш зарурати туғилганда улар хар хил думбаларга қилинади. Такрорий инъекцияларни олдинги инъекциядан сўнг тўртинчи суткада қилинади.

600000 ТБ дозада 6 кунда бир марта юборилади.

Бирламчи ва иккиламчи сифилисни даволашда препаратнинг бир марталик дозаси 1800000 ТБ ташкил қилади. Даволаш курси 7 инъекциядан иборат. Биринчи инъекция 300000 ТБ дозада қилинади, иккинчи инъекция бир суткадан сўнг тўлиқ дозада, кейинги инъекциялар ҳафтада 2 марта ўтказилади.

Иккиламчи қайталанган ва дастлабки яширин сифилисни даволашда биринчи инъекция учун 300000 ТБ, кейинги инъекциялар учун 1800000 ТБ дозаси қўлланади. Инъекциялар ҳафтада 2 марта қилинади. Даволаш курси 14 та инъекциядан иборат.

Суспензияни тайёрлаш учун инъекция учун стерил сув, натрий хлоридининг изотоник эритмаси ёки прокаин (новокаин) нинг 0,25-0,5% ли эритмаси (5-6 мл) ишлатилади. Эритувчини флаконга секин, 20-25 секундда 5 мл тезлик билан юборилади. Флакондаги аралашма гомоген суспензия (ёки осилма) ҳосил бўлгунича флаконни кўндаланг ўқи бўйлаб эҳтиёткорлик билан аралаштирилади.

Флаконнинг деворида суспензиянинг юзасида пуфакчаларни бўлишига йўл қўйилади. Суспензияни зудлик билан думбанинг юқори ташқи квадрантига мушак ичига чуқур қилиб юборилади. Инъекциядан сўнг думбани ишқалаш тавсия этилмайди. Препарат сув ёки юқорида санаб ўтилган эритувчилар билан узоқ вақт контактда бўлганида, препаратнинг физик ва коллоид хусусиятлари ўзгаради, бунинг оқибатида суспензия бир хил (гомоген) бўлмай, шприц игнаси орқали қийинчилик билан ўтади.

Аллергик реакциялар: эшакеми, ангионевротик шиш, кўп шаклли экссудатив эритема, кам ҳолларда анафилактик шок.

Артралгия, иситма, эксфолиатив дерматит; стоматит, глоссит, камқонлик, тромбоцитопения, лейкопения, гипокоагуляция.

Узоқ муддатли даволашда чидамли мироорганизмлар ва замбруғлар чақирган суперинфекция.

Пенициллин гуруҳи препаратларига ва бошқа бета-лактам антибиотикларига, прокаинга ўта юқори сезувчанликда қўллаш мумкин эмас.

Эҳтиёткорлик билан: ҳомиладорлик, лактация даври, буйрак етишмовчилиги, аллергик касалликлар, шу жумладан бронхиал астма, поллиноз (шу жумладан, анамнезида), сохта мембраноз колит.

Бактерицид анитибиотиклар (шу жумладан цефалоспоринлар, ванкомицин, рифампицин, аминогликозидлар) синергик таъсир кўрсатади; бактериостатик антибиотиклар (шу жумладан макролидлар, хлорамфеникол, линкозамидлар, тетрациклинлар) антагонистик таъсир кўрсатади.

Перорал контрацептивлар ва этинилэстрадиолнинг самарадорлигини пасайтиради "шиддатли" қон кетишлари ривожланиши ҳавфи юзага келади.

Диуретиклар, аллопуринол, фенилбутазон, ностероид яллиғланишга қарши воситалар найчалар секрециясини пасайтириб, пенициллинларнинг концентрациясини оширади. Аллопуринол аллергик реакциялар (тери тошмаси) ни ривожланиш хавфини оширади.

Ҳар қандай аллергик реакция пайдо бўлганида дарҳол даволашни тўхтатиш талаб этилади.

Тери остига, вена ичига ва эндолюмбал, шунингдек тананинг турли бўшлиқларга юбориш мумкин эмас. Тасодифан томир ичига юборилганида ўткинчи руҳий эзилиш, хавотирлик ҳисси ва кўришни бузилиши (Уанье синдроми) ривожланиши мумкин. Препаратни тасодифан томир ичига юборилишига йўл қўймаслик учун, м/и инъекциясини ўтказишдан олдин игнани томир ичига тушганлигини аниқлаш мақсадида аспирация ўтказиш тавсия этилади.

Венерик касалликларни даволашда, агар сифилисга шубҳа туғилганда, даволашни бошлашдан аввал ва кейин 4 ҳафта давомида микроскопик ва серологик текширишларни ўтказиш керак.

Замбуруғли зарарланишлар ривожланиши мумкинлиги туфайли, В гуруҳи витаминлари ва аскорбин кислотасини, зарурати бўлганида - нистатин ва леворинни буюриш, инфекцияни тарқалиш белгилари пайдо бўлганида флуконазолни буюриш мақсадга мувофиқдир.

Препаратни етарли бўлмаган дозаларда қўллаш ёки даволашни жуда эрта тугатиш, кўпинча қўзғатувчиларнинг чидамли штаммларини ҳосил бўлишига олиб келишини ҳисобга олиш керак.

Кам ҳолларда анафилактик шок ривожланиши мумкин. Анафилактик шокнинг биринчи белгилари пайдо бўлганида беморни бу ҳолатдан олиб чиқиш учун норэпинефрин, глюкокортикоидларни юбориш, зарурати бўлганда ўпкани сунъий вентиляциясини ўтказиш каби шошилинч чоралар кўрилиши керак.

Ҳомиладорлик ва лактация даврида қўлланиши

Препаратни ҳомиладорликда фақат она учун кутилган фойда ҳомила учун потенциал ҳавфдан юқори бўлган ҳолда қўллаш мумкин.

Лактация даврида препаратни қўллаш зарурати бўлганида, эмизишни тўхтатиш хусусидаги хақидаги масалани ҳал қилиш керак.

Препарат болалар ололмайдиган жойда сақлансин ва яроқлилик муддати ўтгач ишлатилмасин.

Дозани ошириб юборилиши бўйича маълумотлар йўқ.

Мушак ичига юбориш учун суспензия тайёрлаш учун кукун 600000 ТБ.

600000 ТБ дан 10 мл сиғимли флаконларда.

Стационарга етказиш учун 50 та флакон 5 та рус ва ўзбек (давлат) тилларидаги қўллаш бўйича йўриқнома билан бирга картон қутига жойланади.

8 °С дан 15 °С гача ҳароратда сақлансин.

3 йил.

Рецепт бўйича берилади.

«Акционерное Курганское общество медицинских препаратов и изделий «Синтез» Очиқ акционерлик жамияти («Синтез» ОАЖ).

640008, Россия, Курган ш., Конституция проспекти, 7.

Тел/факс: (3522) 48-16-89.

E-mail: real@kurgansintez.ru

Ишлаб чиқарувчи корхонанинг интернет-сайти: http://www.kurgansintez.ru

Ўзбекистон Республикаси худудида дори воситаларининг сифати бўйича эътирозлар (таклифлар) ни қабул қилувчи ташкилот номи ва манзили

Ўзбекистон Республикаси, Тошкент ш., Сергели тумани, Безакчилик кўч., 18 А.

Тел., + 99890 994 14 36.