Adenit

Tarkib

Har bir flakonda quyidagilar mavjud:

faol moddalar: dinatriy adenozin trifosfat - 10 mg; kokarboksilaza - 50 mg; nikotinamid - 20 mg; sianokobalamin - 500 mkg;

yordamchi moddalar: glitsin, metilparagidroksibenzoat, propilparagidroksibenzoat, inyeksiya uchun suv.

Dori shakli

Liofillangan kukun.

Farmakologik ta’siri

FORTE ADENITI inyeksiya uchun eritma tayyorlash uchun liofillangan kukun bo‘lib, tarkibida dinatriy adenozintrifosfat (ATF), kokarboksilaza xlorid (V1 vitamini), nikotinamid (V3 vitamini) va sianokobalamin (V12 vitamini) ko‘rinishidagi faol moddalar mavjud.

Ko‘rsatmalar

Diabetik neyropatiya va pernitsioz anemiya oqibatlari. Nevraligiya. Yurak ishemik kasalligi, miokardit, miokardiopatiya. Ishalgiya. Mialgiya va lyumbago. Bursit, tendinit. Reyno kasalligi. B1, B12, B3 vitaminlari yetishmaganda.

Qo‘llash usuli va dozalari

Adenit Fortening shifokor tomonidan tavsiya etilgan sutkalik dozasi mushak orasiga inyeksiya qilish uchun eritma tayyorlash uchun 1 flakon leofillangan kukunni o‘z ichiga oladi.

Qo‘llash usuli:

Inyeksiya uchun eritma tayyorlash uchun liofillangan kukun solingan flakonga 2 ml 0,5% li lidokain gidroxlorid eritmasi qo‘shiladi va chayqatiladi. Liofillangan kukun 0,5% li 2 ml lidokain gidroxlorid eritmasida eritiladi.

Eritma tayyorlangandan so‘ng, uni darhol (mushak orasiga) qo‘llash lozim.

MUHIM!

ADENIT Forteni vena ichiga qo‘llash mumkin emas!

Keksa bemorlar:

Preparatning keksa bemorlarda qo‘llanilishi haqida ma’lumot yo‘q. ADENIT Forteni qo‘llashdan oldin shifokor bilan maslahatlashish zarur.

Navbatdagi doza o‘tkazib yuborilgan taqdirda, o‘tkazib yuborilgan dozani darhol qabul qilish lozim. O‘tkazib yuborilgan dozani to‘ldirish maqsadida ikki marta doza qabul qilish mumkin emas.

Shifokor bilan maslahatlashgandan so‘ng preparatni qabul qilishni to‘xtatish kerak.

Nojo‘ya ta’sirlari

ADENIT Forte tarkibida metilparagidroksibenzoat va propilparagidroksibenzoat saqlaydi.

Metilparagidroksibenzoat va propilparagidroksibenzoat allergik reaksiyalar (sekin reaksiyalar bo‘lishi mumkin), juda kam hollarda bronxospazm chaqirishi mumkin.

Quyidagi alomatlar kuzatilganda, preparatni qabul qilishni darhol to‘xtatish va shifokorga murojaat qilish lozim, chunki shoshilinch tibbiy yordam zarur bo‘lishi mumkin:

- o‘tkir allergik reaksiyalar - qichishish, toshmalar, qo‘llar, oyoqlar, yuz, lablar, og‘iz bo‘shlig‘i yoki tomoqning shishishi, hushdan ketish oldi hissi;

Yuqorida keltirilgan reaksiyalar juda jiddiy nojo‘ya ta’sirlardir. Agar bemorda sanab o‘tilgan reaksiyalardan birortasi kuzatilsa, darhol shifokorga murojaat qilish kerak, chunki shoshilinch tibbiy yordam talab qilinishi mumkin.

Nojo‘ya ta’sirlar chastotasi quyidagi toifalarga bo‘lingan:

Juda ko‘p uchraydi: 10 tadan 1 va undan ortiq bemorda kuzatiladi;

Tez-tez: 10 tadan 1 ta va undan kam bemorda kuzatiladi;

Kam uchraydi: 100 yoki 1000 bemordan 1 tasida kuzatiladi;

Kam uchraydi: 1000 bemordan 1 tasida kuzatiladi;

Juda kam uchraydi: 10000 bemordan 1 tasida kuzatiladi;

Noma’lum: Taqdim etilgan ma’lumotlar asosida baholash imkonsiz.

Noma’lum:

bosh aylanishi;

yurak ritmining buzilishi;

gipotenziya;

havo yetishmasligi;

qorin sohasidagi og‘riq;

ko‘ngil aynishi;

mahalliy toshma;

poliuriya.

Ushbu ro‘yxatda tavsiflangan yoki tavsiflanmagan nojo‘ya ta’sirlar kuzatilganda, shifokorga murojaat qilish zarur.

Qarshi ko‘rsatmalar

Adenit Fortening faol moddalariga yoki boshqa komponentlariga yuqori sezuvchanlikda. Miokard infarktini boshdan kechirgandan so‘ng. Insultdan keyin.

Dozani oshirib yuborish

Adenit Fortening dozasi oshirib yuborilganda, quyidagi reaksiyalar kuzatiladi:

terining quruqligi;

qichima;

teridagi qora dog‘lar;

qorindagi kolitlar;

ich ketishi;

ko‘ngil aynishi;

qusish;

ishtahaning buzilishi;

oshqozon yarasining buzilishi;

ambliopiya;

sariqlik, jigar faoliyatining buzilishi;

qondagi qand miqdorining oshishi;

qonda siydik kislotasi miqdorining oshishi.

Doza oshirib yuborilgan taqdirda, darhol shifokorga murojaat qilish lozim.

Maxsus shartlar

Preparatni qabul qilishdan oldin shifokor bilan maslahatlashish zarur.

Eritmani vena ichiga qo‘llash mumkin emas.

Agar ADENIT Forteni ishlatgandan keyin allergik reaksiya paydo bo‘lsa, darhol preparatni qabul qilishni to‘xtatish va shifokorga murojaat qilish kerak.

Agar yuqoridagi holatlar avval kuzatilgan bo‘lsa, shifokor bilan maslahatlashing.

Yuborish usulini hisobga olgan holda, preparat qabul qilinayotgan ovqat yoki ichimliklar bilan o‘zaro ta’sirlashmaydi.

Preparatning avtotransport va murakkab mexanizmlarni boshqarish qobiliyatiga ta’siri haqida ma’lumotlar yo‘q.

Agar Adenit Forte ta’siri kuchli yoki kuchsiz bo‘lsa, davolovchi shifokor bilan maslahatlashish kerak.

Bolalarda qo‘llanilishi

Preparatning pediatrik populyatsiyada qo‘llanilishi haqida ma’lumot yo‘q. ADENIT Forteni qo‘llashdan oldin shifokor bilan maslahatlashish zarur.

Homiladorlik va emizish davrida

Homiladorlik paytida preparatni qabul qilishdan oldin shifokor bilan maslahatlashish zarur. Zarurat bo‘lmasa, ADENIT Forteni qabul qilmaslik kerak.

Agar davolanish paytida homiladorligingizni bilsangiz, darhol shifokorga murojaat qilishingiz kerak.

Laktatsiya davrida preparatni qabul qilishdan oldin shifokor bilan maslahatlashish lozim. Zarurat bo‘lmasa, ADENIT Forteni qabul qilmaslik kerak.

Jigar faoliyati buzilishlarida

Jigar yetishmovchiligi bo‘lgan bemorlarda preparatni qo‘llash haqida ma’lumot yo‘q. ADENIT Forteni qo‘llashdan oldin shifokor bilan maslahatlashish zarur.

Buyrak faoliyati buzilganda

Buyrak yetishmovchiligi bo‘lgan bemorlarda preparatni qo‘llash haqida ma’lumot yo‘q. ADENIT Forteni qo‘llashdan oldin shifokor bilan maslahatlashish zarur.

Dorilarning o‘zaro ta’siri

Quyidagi dorilarni qabul qilayotganda, davolovchi shifokorga xabar berish zarur:

paraaminosalitsil kislotasi (preparat sil kasalligini davolashda qo‘llaniladi);

kolxitsin (Bexchet kasalligi, O‘rta yer dengizi isitmasida qo‘llaniladigan dori);

biguanidlar (qandli diabetni davolash uchun preparat);

neomitsin (teri shikastlanganda qo‘llaniladigan preparat);

xolesterin miqdori oshganda va o‘t pufagi kasalliklarida qo‘llaniladigan preparat;

kaliy xlorid (preparat kaliy yetishmasligi bilan bog‘liq kasalliklarda qo‘llaniladi);

metildopa (gipertoniya kasalligida qo‘llaniladigan preparat);

simetidin;

xloramfenikol (yuqumli kasalliklarda qo‘llaniladigan preparat);

kontratseptivlar.

Qabul qilinayotgan yoki yaqinda qabul qilingan dorilar haqida, hatto ular retseptorsiz bo‘lsa ham, davolovchi shifokorga xabar berish zarur.

Saqlash shartlari

Bolalar qo‘li yetmaydigan joyda, 25 °C dan yuqori bo‘lmagan haroratda saqlang.

Yaroqlilik muddati

2 yil. Qadoqda ko‘rsatilgan yaroqlilik muddati tugagandan keyin ishlatmang.

Chiqarish shakli

Inyeksiya uchun eritma tayyorlash uchun liofillangan kukun N3 (0,5% li lidokain gidroxlorid erituvchisi bilan komplektdagi flakonlar 2 ml N3 ampulalar).

Ishlab chiqaruvchi

GM Pharmaceuticals Ltd, MCHJ, Gruziya, ishlab chiqarilgan: Mefar Ilac Sanayi A.S.