Allergozan

Dori preparatining tarkibi

Bitta tabletka, tarkibida

faol modda - xlorpiramin gidroxlorid 25 mg,

yordamchi moddalar: laktoza monogidrat 0,0166 g; bug‘doy kraxmali; mikrokristallik sellyuloza; natriy karmelloza; talk; magniy stearat; kremniy dioksid kolloidli, suvsiz

qobiq tarkibi: asosiy sopolimer, butilmetakrilat; polisorbat 80, jelatin; purkab quritilgan gummiarabik; talk, titan dioksidi (E171), saxaroza, makrogol 6000, glitserol.

Tashqi ko‘rinish, hid, ta’m tavsifi

Tabletkalar, dumaloq shaklda, ikki tomonlama qavariq yuzali, oq rangli qobiq bilan qoplangan, to‘g‘ri shaklda, yaltiroq yuzali.

Dori shakli

Qobiq bilan qoplangan tabletkalar 25 mg

Farmakoterapevtik guruh

Nafas olish tizimi. Tizimli ta’sir etuvchi antigistamin preparatlar. Almashingan etilendiaminlar. Xloropiramin.

ATX kodi R06AC03

Qo‘llanilishi

Simptomatik davolash

- mavsumiy allergik rinit, konyunktivit

- eshakem, qichishadigan dermatoz, kontakt dermatit, hasharotlar chaqishi, dermografizm

- dori va oziq-ovqat allergiyasi

Shuni hisobga olish kerakki, xloropiramin og‘iz orqali qo‘llanganda kuchli sedativ ta’sir ko‘rsatadi.

Qo‘llash boshlangunga qadar zarur bo‘lgan ma’lumotlar ro‘yxati

Qarshi ko‘rsatmalar

- faol moddaga yoki preparatning har qanday yordamchi moddalariga, etilendiamin, xlorpiraminning boshqa hosilalariga yuqori sezuvchanlik

- astmatik xuruj

- homiladorlik va laktatsiya davri

- piloroduodenal stenoz

- qandli diabet

- laktoza va fruktozani irsiy ko‘tara olmaslik, Lapp-laktaza fermenti laktazasi yetishmovchiligi, glyukoza-galaktoza malabsorbsiyasi, sukraz-izomaltaza yetishmovchiligi

- oshqozon va o‘n ikki barmoqli ichak yara kasalligi avj olish bosqichida

- yopiq burchakli glaukoma

- 14 yoshgacha bo‘lgan bolalar

- prostata bezining gipertrofiyasi

Boshqa dori vositalari bilan o‘zaro ta’siri

Xloropiraminni tizimli qo‘llashda klinik ahamiyatga ega bo‘lgan bir qator dori o‘zaro ta’sirlari kuzatilishi mumkin.

Xloropiramin markaziy asab tizimini susaytiruvchi boshqa dori vositalarining (sedativ, uxlatuvchi, narkoz vositalari, trankvilizatorlar, simpatolitiklar, anksiolitiklar, narkotik analgetiklar) ta’sirini kuchaytirishi mumkin.

Uni boshqa antigistamin dori vositalari bilan bir vaqtda qo‘llash ularning nojo‘ya ta’sirlari o‘zaro kuchayishiga olib kelishi mumkin.

Tritsiklik antidepressantlar xlorpiraminning sedativ ta’sirini va atropinga o‘xshash nojo‘ya ta’sirini kuchaytirishi mumkin.

Atropin, atropinsimon ta’sirga ega dori vositalari va xlorpiramin bir vaqtda qo‘llanganda siydik tutilishi, qabziyat, og‘iz qurishi kabi nojo‘ya ta’sirlarning paydo bo‘lish xavfi ortadi.

Kofein yoki fenaminni xlorpiramin bilan bir vaqtda qo‘llash uning MATga ta’sirini kamaytiradi yoki yo‘qotadi.

Xlorpiraminni MAO ingibitorlari bilan bir vaqtda qo‘llash nojo‘ya ta’sirlarning kuchayishiga olib kelishi mumkin. Bunday xavfning oldini olish uchun monoaminoksidaza ingibitorlarini qo‘llash to‘xtatilgandan so‘ng ikki haftalik interval zarur.

Alkogol xlorpiraminning markaziy asab tizimiga depressiv ta’sirini kuchaytiradi.

Ototoksik dori vositalarining toksik ta’siri xlorpiramin bilan niqoblanishi mumkin.

Antigistamin preparatlarni qo‘llashda allergenlarni aniqlash uchun teri sinamalarini o‘tkazishda reaksiyalarni bostirish mumkin, shuning uchun ularni dori vositalari bilan davolash to‘xtatilgandan keyin bir necha kun davomida o‘tkazmaslik kerak.

Maxsus ogohlantirishlar

Xloropiramin atropinsimon ta’sirga ega bo‘lganligi sababli, gipertireoz, yurak-qon tomir kasalliklari, jigar kasalliklari, bronxial astma, prostata bezi adenomasi bo‘lgan bemorlarda ehtiyotkorlik bilan qo‘llanilishi lozim.

Xloropiramin bilan peroral davolashda gastroezofageal reflyuks kasalligi simptomlari kuchayishi mumkin.

Xloropiramin og‘iz orqali qo‘llanganda, ototoksik dori vositalarining toksik belgilari niqoblanishi mumkin.

Xlorpiraminning markaziy asab tizimiga susaytiruvchi ta’siri alkogol bilan kuchayishi mumkin, shuning uchun uni dori vositasi bilan davolash paytida iste’mol qilmaslik kerak.

Antigistamin preparatlar bilan davolanganda, kamdan-kam bo‘lsa-da, gematologik buzilishlarni (leykopeniya, agranulotsitoz, trombotsitopeniya, gemolitik anemiya) kuzatish mumkin. Tana haroratining tushunarsiz ko‘tarilishi, laringit, tomoqning qizarishi, sariqlik, rangparlik, teri ostiga qon quyilishi, to‘satdan qon ketishi, qon manzarasining o‘zgarishi paydo bo‘lganda xloropiramin bilan davolashni darhol to‘xtatish kerak.

Dori preparati bug‘doy kraxmalini saqlaydi. Bug‘doy kraxmali faqat glyuten izlarini o‘z ichiga olishi mumkin va seliakiya bilan kasallanganlar uchun xavfsiz hisoblanadi.

Keksalarda qo‘llanilishi

65 yoshdan oshgan bemorlarni xloropiramin bilan peroral yoki inyeksion davolashda bosh aylanishi, sedatsiya va gipotenziya paydo bo‘lishi ehtimoli ko‘proq.

Pediatriyada qo‘llanishi

O‘smirlarda xlorpiramin bilan davolash shifokor nazorati ostida o‘tkazilishi kerak, chunki ularda xlorpiramin qo‘zg‘alishining atropinsimon ta’siri kuchliroq namoyon bo‘ladi.

Homiladorlik va laktatsiya davri

Homiladorlikda xlorpiramin bilan davolash mumkin emas.

Ko‘krak suti bilan emizishda xlorpiramin bilan davolash mumkin emas. Emizikli ayollarni xlorpiramin bilan davolash zarur bo‘lgan taqdirda, emizishni to‘xtatish kerak.

Preparatning transport vositasini yoki potensial xavfli mexanizmlarni boshqarish qobiliyatiga ta’sirining o‘ziga xos xususiyatlari

Allergozan tizimli qo‘llanilganda transport vositasini boshqarish va harakatlantiruvchi mexanizmlar bilan ishlash qobiliyatiga o‘rtacha darajada ta’sir ko‘rsatadi.

Allergozan peroral yoki inyeksion qo‘llanganda uyquchanlik, koordinatsiyaning buzilishi va reaksiyalarning sekinlashishi paydo bo‘lishi mumkin. Allergozanni davolash zarur bo‘lsa, transport vositalari haydovchilari va mashina operatorlariga yuqori diqqat va tezkorlikni talab qiladigan faoliyatni to‘xtatish tavsiya etiladi.

Qo‘llash bo‘yicha tavsiyalar

Dozalash tartibi

Dozalash

Kattalar va 14 yoshdan oshgan o‘smirlarga: 1 tabletkadan (25 mg) kuniga 3-4 mahal.

Maksimal sutkalik doza 2 mg/kg m.t. Anafilaktik shok yoki o‘tkir va og‘ir allergik reaksiyalarda xloropiraminning parenteral shakllarini qo‘llash tavsiya etiladi, davolash venadan sekin inyeksiya qilishdan boshlanishi kerak, shundan so‘ng mushak orasiga yuborishga o‘tish mumkin, so‘ngra birinchi imkoniyat tug‘ilganda og‘iz orqali qo‘llash mumkin.

Keksa yoshdagi (65 yoshdan oshgan) va holdan toygan bemorlarda antigistamin preparatlarga nisbatan yuqori sezuvchanlik namoyon bo‘lishi va ularning nojo‘ya ta’sirlari tufayli dori vositasini qo‘llashda alohida ehtiyotkorlik talab etiladi.

Jigar faoliyati buzilganda, jigar kasalliklarida preparatning faol komponenti metabolizmining pasayishi tufayli dozani kamaytirish talab etilishi mumkin.

Buyrak faoliyati buzilganda, faol komponent asosan buyraklar orqali ajralishi sababli, preparatni qabul qilish tartibini o‘zgartirish va dozani kamaytirish talab etilishi mumkin.

Qo‘llash usuli

Ichish uchun.

Tabletkalar butunligicha, ovqat vaqtida suv bilan ichiladi.

Davolash davomiyligi

Davolashning davomiyligi simptomlarning turi va yaqqolligiga bog‘liq.

Allergozan® birinchi 2-3 kun davomida samara bermaganda, boshqa guruh preparatlarini qo‘llash masalasini ko‘rib chiqish lozim.

Doza oshirib yuborilganda ko‘rilishi kerak bo‘lgan choralar

Xloropiraminni tizimli qo‘llashda dozani oshirib yuborish belgilari

Bolalarda: midriaz, giperemiya, gipertermiya, koordinatsiyaning buzilishi, bezovtalik, qo‘zg‘alish, gallyutsinatsiyalar, talvasalar, taxikardiya, koma.

Kattalarda: bosh aylanishi, uyquchanlik, reflekslar va faol diqqatning susayishi, koma kuzatiladi; psixomotor qo‘zg‘alish, talvasalar, kamdan-kam hollarda gipertermiya va teri giperemiyasi kuzatilishi mumkin.

Davolash

Maxsus antidot yo‘q. Simptomatik davolash - oshqozonni yuvish, xlorpiraminni og‘iz orqali qabul qilishda faollashtirilgan ko‘mir, suv-tuz eritmalarini qo‘llash va nafas va yurak-qon tomir reanimatsiyasini o‘tkazish amalga oshiriladi.

Dori vositasining bir yoki bir nechta dozasi o‘tkazib yuborilganda zarur bo‘lgan choralar

Alohida dozalar o‘tkazib yuborilgan taqdirda, preparatning ikki martalik dozasini qabul qilmaslik kerak.

Dori vositasini qo‘llash usulini tushuntirish uchun tibbiyot xodimiga murojaat qilish bo‘yicha tavsiyalar

Agar sizda ushbu preparatni qo‘llash bilan bog‘liq qo‘shimcha savollar paydo bo‘lsa, shifokoringiz yoki farmatsevtingizga murojaat qiling.

Dori vositalarini standart qo‘llashda yuzaga keladigan nojo‘ya ta’sirlar tavsifi va bunday hollarda ko‘rilishi kerak bo‘lgan choralar

Kamdan-kam hollarda: uyquchanlik, holsizlik, lanjlik, charchoq, bosh aylanishi, ataksiya, tremor, talvasalar, bosh og‘rig‘i, eyforiya, ensefalopatiya, paradoksal reaksiyalar (qo‘zg‘aluvchanlikning oshishi, asabiylik, asabiylik, uyqusizlik), bolalar va keksa yoshdagi bemorlarda ko‘proq uchraydi va yaqqolroq namoyon bo‘ladi; ko‘rishning xiralashishi, ko‘z ichi bosimining oshishi va glaukoma xuruji; aritmiya, taxikardiya, gipotenziya; siydik ajralishining qiyinlashishi, siydik tutilishi; leykopeniya, agranulotsitoz, gemolitik anemiya, qonning boshqa diskraziyalari.

Juda kam hollarda: epigastral sohada noqulaylik, og‘iz qurishi, ko‘ngil aynishi, qusish, qabziyat, diareya, anoreksiya yoki ishtahaning kuchayishi, oshqozonda og‘riq; fotosensibilizatsiya.

Chastotasi noma’lum bo‘lgan nojo‘ya ta’sirlar (mavjud ma’lumotlardan baholanishi mumkin emas): allergik reaksiyalar; miopatiya.

Chiqarilish shakli va qadoqlash

Qobiq bilan qoplangan, qattiq, rangsiz, shaffof polivinilxlorid plyonkasi va alyuminiy folgasidan yasalgan konturli yacheykali o‘ramda 20 tadan tabletka.

1 ta konturli yacheykali o‘ram davlat va rus tillaridagi tibbiy qo‘llash bo‘yicha yo‘riqnoma bilan birga bir tomoni pigment bilan qoplangan karton qutiga joylashtiriladi.

Saqlash muddati

5 yil

Yaroqlilik muddati o‘tgandan keyin qo‘llanilmaydi.

Saqlash shartlari

Asl qadoqda, quruq va yorug‘likdan himoyalangan joyda, 25 °C dan yuqori bo‘lmagan haroratda saqlang.

Bolalar qo‘li yetmaydigan joyda saqlang!

Dorixonalardan berish shartlari

Retsept bo‘yicha

Ishlab chiqaruvchi tafsilotlari

"Sofarma" AJ

Iliyen shossesi ko‘chasi, 16-uy

1220 Sofiya, Bolgariya

Ro‘yxatdan o‘tkazish guvohnomasi egasi

"Sofarma" AJ, Bolgariya

Iliyen shossesi ko‘chasi, 16-uy

1220 Sofiya, Bolgariya