Amlipin

Tarkib

Amlipin 5/5 mg

Plyonkali qobiq bilan qoplangan har bir tabletka quyidagilarni o‘z ichiga oladi:

faol moddalar: amlodipin (amlodipin basilat shaklida) 5 mg, lizinopril (lizinopril digidrat shaklida) 5 mg;

yordamchi moddalar: kraxmal 1500, suvsiz kalsiy gidrofosfat, laktoza monogidrat, gidroksipropilsellyuloza, natriy kraxmalglikolat, magniy stearat;

qobiq tarkibi: qizil opadri 03B25577 (gipromelloza, titan dioksidi, qizil temir oksidi, makrogol).

Amlipin 5/10 mg

Plyonkali qobiq bilan qoplangan har bir tabletka quyidagilarni o‘z ichiga oladi:

faol moddalar: amlodipin (amlodipin basilat shaklida) 5 mg, lizinopril (lizinopril digidrat shaklida) 10 mg;

yordamchi moddalar: kraxmal 1500, suvsiz kalsiy gidrofosfat, laktoza monogidrat, gidroksipropilsellyuloza, natriy kraxmalglikolat, magniy stearat;

qobiq tarkibi: opadri II 85F18422 oq (qisman gidrolizlangan polivinil spirti, titan dioksidi, makrogol, talk).

Amlipin 10/10 mg

Plyonkali qobiq bilan qoplangan har bir tabletka quyidagilarni o‘z ichiga oladi:

faol moddalar:

amlodipin (amlodipin basilat shaklida) 10 mg, lizinopril (lizinopril digidrat shaklida) 10 mg;

yordamchi moddalar: kraxmal 1500, suvsiz kalsiy gidrofosfat, laktoza monogidrat, gidroksipropilsellyuloza, natriy kraxmalglikolat, magniy stearat;

qobiq tarkibi: qizil opadri 03B25577 (gipromelloza, titan dioksidi, qizil temir oksidi, makrogol).

Amlipin 10/20 mg

Plyonkali qobiq bilan qoplangan har bir tabletka quyidagilarni o‘z ichiga oladi:

faol moddalar:

amlodipin (amlodipin basilat shaklida) 10 mg, lizinopril (lizinopril digidrat shaklida) 20 mg;

yordamchi moddalar: kraxmal 1500, suvsiz kalsiy gidrofosfat, laktoza monogidrat, gidroksipropilsellyuloza, natriy kraxmalglikolat, magniy stearat;

qobiq tarkibi: opadri II 85F18422 oq (qisman gidrolizlangan polivinil spirti, titan dioksidi, makrogol, talk).

Tavsif

Amlipin 5/5 mg: dumaloq, ikki tomoni qavariq, qizildan g‘isht-qizil ranggacha bo‘lgan parda bilan qoplangan tabletkalar.

Amlipin 5/10 mg: dumaloq, ikki tomoni qavariq, oq rangli parda bilan qoplangan tabletkalar.

Amlipin 10/10 mg: dumaloq, ikki tomoni qavariq, qizildan g‘isht-qizil ranggacha bo‘lgan pardali qobiq bilan qoplangan, bir tomonida ajratish chizig‘i bo‘lgan tabletkalar.

Amlipin 10/20 mg: dumaloq, ikki tomoni qavariq, oq rangli pardali qobiq bilan qoplangan, bir tomonida ajratish chizig‘i bo‘lgan tabletkalar.

Farmakoterapevtik guruh

Yurak-qon tomir tizimi kasalliklarini davolash uchun preparatlar. Angiotenzin aylantiruvchi ferment (AAF) ingibitorlari kalsiy kanallari blokatorlari bilan birgalikda. ATX kodi: C09B B.

Farmakologik xususiyatlari

Amlipin - kombinatsiyalangan antigipertenziv preparat bo‘lib, uning farmakologik xususiyatlari amlodipin (kalsiy kanallarining selektiv blokatori) va lizinopril (APF ingibitori) xususiyatlarining kombinatsiyasi bilan bog‘liq.

Amlodipin membrananing sekin kalsiy kanallarini to‘sib, kalsiy ionlarining kardiomiotsitlar va tomirlarning silliq mushak hujayralariga transmembrana orqali kirishiga to‘sqinlik qiladi. Uning ta’sirida tomirlar tonusi (arteriolalar) va periferik tomirlar qarshiligi pasayadi. Arteriolalarning kengayishi va postnagruzka kamayishi hisobiga amlodipin antianginal ta’sir ko‘rsatadi. U reflektor taxikardiya rivojlanishiga sabab bo‘lmagani sababli, qo‘llanilganda miokardning kislorodga bo‘lgan ehtiyoji kamayadi. Amlodipin intakt va patologik o‘zgargan koronar tomirlarni kengaytirib, miokard perfuziyasini yaxshilaydi; salbiy metabolik ta’sirlarga ega emas.

Lizinopril qon plazmasida angiotenzin II va aldosteron miqdorini pasaytiradi va bir vaqtning o‘zida tomir kengaytiruvchi ta’sirga ega bo‘lgan bradikinin miqdorini oshiradi. Lizinopril ta’sirida qon tomirlarining umumiy periferik qarshiligi (QATQ), arterial bosim (AB), o‘pka kapillyarlaridagi bosim pasayadi; lizinopril yurak ritmi chastotasiga ta’sir etmaydi, bunda daqiqalik hajm ortishi va buyrak qon oqimi kuchayishi mumkin. Lizinopril AB pasayishi, shuningdek, glomerulyar apparat gemodinamikasi va uning to‘qima tuzilishi yaxshilanishi natijasida albuminuriyani kamaytiradi. Uzoq muddat qo‘llanganda miokard va rezistiv tipdagi arteriyalar devorining gipertrofiyasi kamayadi. Giperglikemiya bilan og‘rigan bemorlarda lizinopril endoteliyning buzilgan funksiyasini tiklashga yordam beradi.

Farmakokinetika

Amlodipin ichga qabul qilingandan so‘ng me’da-ichak yo‘llaridan sekin va deyarli to‘liq (90%) so‘riladi, maksimal konsentratsiyasiga 6-10 soatdan keyin erishiladi. Yarim chiqarilish davri o‘rtacha 35-50 soatni tashkil etadi.

Lizinopril ovqat qabul qilishdan qat’i nazar, ovqat hazm qilish yo‘llaridan yaxshi so‘riladi. Biologik o‘zlashtirilishi 25-50% ni tashkil etadi. Qon plazmasidagi maksimal konsentratsiyasiga ichilganidan 6 soat o‘tgach erishiladi. Yarim chiqarilish davri 12 soat.

Har ikkala ta’sir etuvchi moddaning organizmda uzoq vaqt davomida aylanishi preparatni kuniga 1 marta qabul qilishga imkon beradi.

Qo‘llanilishi

arterial gipertenziya;

yurak ishemik kasalligi (barqaror stenokardiya, Prinsmetall stenokardiyasi);

surunkali yurak yetishmovchiligi (kompleks terapiya tarkibida);

diabetik nefropatiya

Qo‘llash usuli va dozalari

Amlipinni ovqat qabul qilishdan qat’i nazar, sutkada 1 marta 1 tabletkadan ichish kerak. Zarurat tug‘ilganda sutkalik dozani 2 tabletkagacha oshirish mumkin.

Nojo‘ya ta’sirlari

Uchraydigan nojo‘ya reaksiyalar odatda kuchsiz ifodalangan va o‘tkinchi xarakterga ega bo‘lib, kamdan-kam hollarda preparatni bekor qilish talab etiladi.

Quyida qo‘llaniladigan nojo‘ya ta’sirlar chastotasi parametrlari quyidagicha belgilangan: tez-tez (≥ 1/100 dan < 1/10 gacha), tez-tez emas (≥ 1/1000 dan < 1/100 gacha), kamdan-kam (≥ 1/10000 dan < 1/1000 gacha).

Ovqat hazm qilish tizimi tomonidan: ko‘pincha - diareya, qusish; kam hollarda - ko‘ngil aynishi.

Asab tizimi tomonidan: ko‘pincha - bosh og‘rig‘i, holsizlik, bosh aylanishi.

Allergik reaksiyalar: kamdan kam hollarda - teri qichishi, teri toshmasi; kamdan kam hollarda - angionevrotik shish.

Boshqalar: ko‘pincha - yuz terisining qizarishi, oyoq to‘piqlarining shishishi, quruq yo‘tal, ortostatik gipotenziya; kamdan kam hollarda - ko‘krak qafasidagi og‘riq.

Qarshi ko‘rsatmalar

preparatning biror komponentiga yoki digidropiridinning boshqa hosilalariga yuqori sezuvchanlik;

anamnezda angionevrotik shish, shu jumladan boshqa APF ingibitorlarini qo‘llash bilan bog‘liq;

aorta yoki mitral qopqoqning gemodinamik jihatdan ahamiyatli stenozi;

kuchli arterial gipotenziya;

kardiogen shok;

homiladorlik va laktatsiya davri;

bolalik davri

Dorilarning o‘zaro ta’siri

Preparatni kaliy saqlovchi diuretiklar (spironolakton, amilorid, triamteren), kaliy va kaliy saqlovchi vositalar bilan bir vaqtda qabul qilish giperkaliyemiya rivojlanishining oldini olish uchun, asosan buyrak faoliyati pasayganda, alohida ehtiyotkorlikni talab qiladi. Preparat foyda va xavfni sinchkovlik bilan baholagan holda, qondagi kaliy miqdori va buyrak faoliyatini muntazam nazorat qilgan holda buyuriladi.

Preparatni quyidagilar bilan bir vaqtda qabul qilishda ehtiyotkorlik zarur:

diuretiklar (qon bosimi keskin pasayishi mumkin);

boshqa gipotenziv vositalar (additiv ta’sir);

nosteroid yallig‘lanishga qarshi dorilar (ayniqsa indometatsin bilan), chunki ular natriyni ushlab qoladi va buyraklarda prostaglandinlar sintezini to‘xtatadi, estrogen vositalar va adrenostimulyatorlar, simpatomimetiklar (terapevtik ta’sir pasayishi mumkin);

litiy bilan (litiyning chiqarilishi yomonlashishi mumkin, qon plazmasidagi litiy darajasini nazorat qilish zarur).

Amiodaron, xinidin, beta-adrenoblokatorlar, antipsixotik vositalar (neyroleptiklar) gipotenziv ta’sirni kuchaytirishi mumkin.

Maxsus ko‘rsatmalar

Jigar faoliyati buzilgan bemorlarda amlodipinning yarim chiqarilish davri uzayadi, bu esa sutkalik dozani tanlashda ehtiyotkorlikni talab qiladi.

Diuretiklar qabul qilayotgan bemorlarda yoki boshqa genezli degidratatsiyada (ko‘p terlash, uzoq vaqt qusish, profuz ich ketishi), shuningdek, yurak yetishmovchiligida simptomatik gipotenziya yuzaga kelishi mumkin. Bunday holda bemorni yotqizish, zarur bo‘lsa, 0,9% natriy xlorid eritmasi bilan infuziya qilish tavsiya etiladi. Davolashni boshlashdan oldin qon zardobidagi natriy miqdorini me’yorlashtirish va gipovolemiyada suyuqlik hajmini to‘ldirish lozim.

Buyrak arteriyasi stenozi holatida (ayniqsa, bilateral stenozda yoki yagona buyrak arteriyasi stenozida), shuningdek, degidratatsiyada lizinoprilni qo‘llash buyrak funksiyasining buzilishiga, hatto o‘tkir buyrak yetishmovchiligiga olib kelishi mumkin, bu odatda qaytar bo‘lib, preparat to‘xtatilgandan keyin o‘tib ketadi.

Arterial gipotenziyani keltirib chiqarishi mumkin bo‘lgan narkoz vositalari qo‘llaniladigan keng ko‘lamli jarrohlik aralashuvlarida lizinopril angiotenzin II ning kompensator hosil bo‘lishini bloklaydi. Yuqoridagi mexanizm tufayli yuzaga kelgan gipotenziya aylanib yurgan qon hajmini to‘ldirish bilan bartaraf etilishi mumkin.

Keksa yoshdagi bemorlarda preparat dozasini aniqlashda alohida ehtiyotkorlik bilan yondashish lozim.

Agranulotsitozning yuzaga kelish xavfini butunlay istisno qilib bo‘lmasligi sababli, preparatni qo‘llashda periferik qonni davriy ravishda laboratoriya nazoratidan o‘tkazish zarur.

Homiladorlik va laktatsiyada qo‘llash

Preparatni homiladorlik va laktatsiya davrida qo‘llash mumkin emas.

Pediatriyada qo‘llanishi

Amlipinni bolalarda qo‘llashning xavfsizligi va samaradorligi aniqlanmagan.

Avtotransport va mexanizmlarni boshqarish qobiliyatiga ta’siri

Preparatning ta’siri (ayniqsa, davolashning boshida) transport vositalarini boshqarish va xavfli ishlarni bajarish qobiliyatiga ta’sir qilishi mumkin, shuning uchun individual reaksiya aniqlanmaguncha bunday faoliyatdan tiyilish kerak.

Preparatni bolalar qo‘li yetmaydigan joyda saqlash va yaroqlilik muddati tugaganidan keyin ishlatmaslik kerak.

Dozani oshirib yuborish

Belgilari: qon bosimining yaqqol pasayishi va reflektor taxikardiya paydo bo‘lishi bilan kechuvchi vazodilatatsiya.

Davolash: simptomatik terapiya, yurak faoliyati, AB, diurez va suv-elektrolit muvozanatini nazorat qilish, zarur hollarda uni korreksiya qilish. Qon bosimi sezilarli darajada pasayganda, bemor oyoqlarini ko‘tarib, "yotgan" holatga o‘tkaziladi; vena ichiga suyuqlik o‘rinbosarlarini yuborishga qoniqarsiz terapevtik javob bo‘lganda, qon aylanishini qo‘llab-quvvatlash uchun periferik vazopressorni yuborish talab qilinishi mumkin. Kalsiy antagonistining ta’sirini to‘xtatish uchun kalsiy glyukonatni vena ichiga yuborish mumkin.

Amlodipinning sekin so‘rilishi tufayli ayrim hollarda oshqozon yuviladi, faollashtirilgan ko‘mir ishlatiladi.

Lizinopril gemodializ yordamida chiqariladi.

Chiqarish shakli

Plyonkali qobiq bilan qoplangan tabletkalar. Blisterda 10 ta tabletka. Karton qutida qo‘llash bo‘yicha yo‘riqnoma bilan birga 3 ta blister.

Saqlash shartlari

25 °C dan yuqori bo‘lmagan haroratda saqlanadi.

Yaroqlilik muddati

3 yil.

Dorixonalardan berish shartlari

Retsept bilan beriladi.

Ishlab chiqarilgan

"Uorld Meditsin Iloch San. ve Tij. A.Sh.," Turkiya

(Bag‘jilar Elchesi, Güneşli, Evren mahallasi,

Jomiy Yolu Jad. No50 K. 1V Zamin 4-5-6, Istanbul)

World Medicine İlaç San. ve Tic. A.Ş.," Turkey

(Bog‘chilar tumani, Güneşli, Evren mahallasi,

Cami Yolu Cad. No:50 K. 1B Zemin 4-5-6, İstanbul).