Davakof

Tarkib

Har 10 ml qiyom tarkibida: salbutamol sulfat - 2 mg; bromgeksin gidroxlorid - 4 mg; gvayfenezin - 100 mg; mentol - 1 mg bo‘ladi.

Farmakoterapevtik guruh

Bronxolitik vosita.

Farmakologik xususiyatlari

Kombinatsiyalangan preparat bronxolitik, balg‘am ko‘chiruvchi, mukolitik ta’sir ko‘rsatadi.

Salbutamol - bronxolitik, bronxlar, qon tomirlari va miometriyning β2-adrenoretseptorlarini rag‘batlantiradi. Bronxlar spazmini oldini oladi yoki bartaraf etadi, nafas yo‘llaridagi qarshilikni kamaytiradi, o‘pkaning tiriklik sig‘imini oshiradi. Koronar arteriyalarni kengaytiradi, ABni pasaytirmaydi.

Bromgeksin mukolitik vosita bo‘lib, balg‘am ko‘chiruvchi va yo‘talga qarshi kuchsiz ta’sir ko‘rsatadi. Kislotali mukopolisaxaridlarning depolyarizatsiyasi va bronxlar shilliq qavatining sekretor hujayralarini rag‘batlantirish hisobiga balg‘am yopishqoqligini pasaytiradi. Hilpillovchi epiteliy kiprikchalarini faollashtirib, balg‘am ajralishini yaxshilaydi.

Gvayfenezin - balg‘amning yuza tarangligini va adgeziv xususiyatlarini kamaytiradi, bronxlar shilliq qavatining neytral polisaxaridlar ishlab chiqaruvchi sekretor hujayralarini rag‘batlantiradi, nordon mukopolisaxaridlarni depolimerlaydi, balg‘amning yopishqoqligini pasaytiradi, bronxlarning siliar apparatini faollashtiradi, balg‘amning chiqib ketishini osonlashtiradi va samarasiz yo‘talning samarali yo‘talga o‘tishiga yordam beradi.

Mentol - spazmolitik ta’sir ko‘rsatadi, bronxial bezlar sekretsiyasini yumshoq rag‘batlantiradi, antiseptik xususiyatlarga ega, tinchlantiruvchi ta’sir ko‘rsatadi va nafas yo‘llari shilliq qavatining ta’sirlanishini kamaytiradi.

Farmakokinetika

Salbutamol - Ichga qabul qilingandan so‘ng so‘rilishi yuqori bo‘ladi. Ichilgan salbutamolning biosinguvchanligi 50% atrofida bo‘ladi. Ovqat iste’mol qilish so‘rilish tezligini pasaytiradi, lekin biosinguvchanlikka ta’sir qilmaydi. Plazma oqsillari bilan bog‘lanishi - 10%. Yo‘ldosh to‘sig‘i orqali o‘tadi. Jigar va ichak devorida tizim oldi metabolizmiga uchraydi, fenolsulfotransferaza orqali 4-o-sulfat efirgacha inaktivatsiyalanadi. T1/2 - 3,8-6 soat. Siydik bilan (69-90%), asosan nofaol fenol sulfat metaboliti (60%) ko‘rinishida 72 soat davomida va o‘t bilan (4%) chiqariladi.

Bromgeksin - Ichga qabul qilinganda deyarli to‘liq (99%) oshqozon-ichak traktiga 30 daqiqa ichida so‘riladi. Biosinguvchanligi past (jigar orqali "birinchi o‘tish" effekti). Yo‘ldosh to‘sig‘i va GEB orqali o‘tadi. Jigarda demetillanadi va oksidlanadi, farmakologik faol ambroksolgacha metabolizmga uchraydi. T1/2 - 15 soat (to‘qimalardan sekin teskari diffuziya tufayli). Buyraklar orqali chiqariladi. Surunkali buyrak yetishmovchiligida metabolitlarning chiqarilishi buziladi. Ko‘p marta qo‘llanganda kumulyatsiya bo‘lishi mumkin.

Gvayfenezin - Oshqozon-ichak traktidan so‘rilishi tez (ichga qabul qilingandan 25-30 daqiqa o‘tgach). Tarkibida nordon mukopolisaxaridlar bo‘lgan to‘qimalarga kiradi. Yuborilgan preparatning taxminan 60% i jigarda metabolizmga uchraydi. T1/2 - 1 soat. O‘pka (balg‘am bilan) va buyraklar orqali o‘zgarmagan holda ham, faol bo‘lmagan metabolitlar ko‘rinishida ham chiqariladi.

Mentol jigarda p-metan-3,8-diol mikrosomal fermentlarigacha gidroksillanadi. So‘ngra ular glyukuronid bilan konyugatsiyalanadi va glyukuronid kabi siydik hamda o‘t bilan chiqariladi.

Qo‘llanilishi

Balg‘am ajralishi qiyinlashishi bilan kechadigan o‘tkir va surunkali bronx-o‘pka kasalliklari: bronxial astma, obstruktiv bronxit, o‘pka emfizemasi, traxeobronxit, pnevmoniya, pnevmokonioz, o‘pka sili.

Qo‘llash usuli va dozalari

Ichkariga. Kattalarga: 10 ml dan sutkada 3 marta.

6 yoshgacha bo‘lgan bolalarga: 5 ml dan kuniga 3 mahal.

6-12 yoshli bolalarga: 5-10 ml dan kuniga 3 mahal.

Nojo‘ya ta’sirlari

MAT tomonidan: bosh og‘rig‘i, bosh aylanishi, asab qo‘zg‘aluvchanligining oshishi, uyqu buzilishi, uyquchanlik, tremor, ayniqsa qo‘llarda, talvasalar, terlash.

Oshqozon-ichak tizimi tomonidan: ko‘ngil aynishi, qusish, ich ketishi, oshqozon va 12 barmoqli ichak yara kasalligining kuchayishi, "jigar" transaminazalari faolligining oshishi (juda kam hollarda).

YUQT tomonidan: taxikardiya, arterial gipotenziya, kollaps.

Siydik chiqarish tizimi tomonidan: siydikning pushti rangga kirishi.

Allergik reaksiyalar: teri toshmasi, eshakemi, paradoksal bronxospazm, Kvinke shishi.

Qarshi ko‘rsatmalar

Yuqori sezuvchanlik, aritmiya, miokardit, aorta stenozi, dekompensatsiyalangan qandli diabet, tireotoksikoz, glaukoma, jigar va/yoki buyrak yetishmovchiligi; oshqozon va 12 barmoqli ichak yara kasalligi (zo‘rayish bosqichida), arterial gipertenziya, oshqozondan qon ketishi, homiladorlik, laktatsiya davri, eklampsiya va og‘ir preeklampsiya, homila ichi infeksiyalari, homilaning homila ichida nobud bo‘lishi, tug‘ruqdan oldingi qon ketishi, yo‘ldoshning oldinda kelishi va orqa miyaning siqilishi, homila tushish xavfi.

Ehtiyotkorlik bilan: qandli diabet, arterial gipertenziya, oshqozon va 12 barmoqli ichak yara kasalligi (anamnezda); yo‘talga qarshi vositalar, beta-adrenoretseptorlarning noselektiv blokatorlari va MAO ingibitorlarini bir vaqtda qo‘llash.

Dorilarning o‘zaro ta’siri

Teofillin va boshqa ksantinlar bir vaqtda qo‘llanganda taxiaritmiyalar rivojlanish ehtimolini oshiradi. MAO ingibitorlari va tritsiklik antidepressantlar salbutamol ta’sirini kuchaytiradi, ABning keskin pasayishiga olib kelishi mumkin. Ingalyatsiya yo‘li bilan buyuriladigan antixolinergik DV ko‘z ichi bosimining ko‘tarilishiga sabab bo‘lishi mumkin. Noselektiv beta-adrenoblokatorlar bilan mos kelmaydi. Diuretiklar va GKS salbutamolning gipokaliemik ta’sirini kuchaytiradi. Tarkibida kodein bo‘lgan preparatlar va boshqa yo‘talga qarshi vositalar bilan bir vaqtda buyurish suyultirilgan balg‘am ajralishini qiyinlashtiradi. Preparat tarkibidagi bromgeksin antibiotiklarning o‘pka to‘qimasiga kirishiga yordam beradi.

Maxsus ko‘rsatmalar

Agar dori bilan davolash samarasiz bo‘lsa, bemorlar shifokorga murojaat qilishlari kerak. Gvayfenezin siydikni pushti rangga bo‘yaydi. Preparat bilan bir vaqtda ishqorli ichimlik ichish tavsiya etilmaydi.

Preparatni bolalar qo‘li yetmaydigan joyda saqlang va yaroqlilik muddati tugaganidan keyin ishlatmang.

Dozani oshirib yuborish

Haddan tashqari dozani qabul qilish yurak urishi, titrash va gipotoniyaga olib kelishi mumkin.

Davolash simptomatik va qo‘llab-quvvatlovchi bo‘lishi kerak.

Chiqarish shakli

Sirop; 100 ml sirop shisha flakonda; Tibbiy qo‘llash bo‘yicha yo‘riqnoma bilan karton qutida 1 ta shisha flakon.

Saqlash shartlari

25 °C dan yuqori bo‘lmagan haroratda, salqin, quruq va yorug‘lik tushmaydigan joyda saqlanadi.

Yaroqlilik muddati

2 yil.

Dorixonalardan berish shartlari

Retsept bo‘yicha.

Ishlab chiqaruvchi

S Kant Healthcare Ltd.

Manzil: 1802-1805, GIDC, Phase III, Vapi-396-195, Gujarat, Hindiston.