Xofitol

Tarkib

1 ta tabletka tarkibida quyidagilar mavjud:

Faol tarkibiy qismi: dala artishoki (Cynara scolymus L.) barglarining quruq (suvli) ekstrakti - 200 mg (0,20 g).

Yordamchi moddalar: magniy trisilikat, oldindan jelatinlangan makkajo‘xori kraxmali, talk, magniy stearat.

Qobiq tarkibi:

Gummilak, kanifol, talk, jelatin, saxaroza, kalsiy karbonat, dispers bo‘yoq*, Karnaub mumi, polisorbat 80.

Bo‘yoq tarkibi dispers* - saxaroza, temir oksidlari, sariq, qora va jigarrang (E172), metilparagidroksibenzoat (E218) va etilparagidroksibenzoat (E214).

Tavsif

Yumaloq, ikki tomoni qavariq, jigarrang qobiq bilan qoplangan tabletkalar.

Dori shakli

Qobiq bilan qoplangan tabletkalar.

Farmakoterapevtik guruh

O‘t yo‘llari kasalliklarida qo‘llaniladigan boshqa vositalar. ATX kodi: A05AX.

Farmakologik xususiyatlari

Preparatning farmakologik ta’siri dala artishogi barglari tarkibidagi biologik faol moddalar majmuasi bilan bog‘liqdir. Preparat o‘t haydovchi ta’sirga ega bo‘lib, diurezni oshiradi.

Farmakokinetika

Farmakokinetik ma’lumotlar yo‘q.

Qo‘llanilishi

Ovqat hazm qilishning funksional buzilishlarini yengillashtirish va buyraklarning ayirish funksiyasini yaxshilash uchun qo‘llaniladi.

Kattalar va 6 yoshdan oshgan bolalar uchun.

Qo‘llash usuli va dozalari

Ichkariga.

Kattalarga 2-3 tabletkadan oz miqdordagi suv bilan sutkada 3 marta ovqatdan oldin yoki funksional buzilishlar paydo bo‘lganda ichiladi.

6 yoshdan oshgan bolalarga 1-2 tabletkadan (yoshiga qarab) kam miqdordagi suv bilan kuniga 3 mahal ovqatdan oldin yoki funksional buzilishlar paydo bo‘lganda ichish tavsiya etiladi.

6 yoshgacha bo‘lgan bolalarga: XOFITOLni 6 yoshdan kichik bolalarda qo‘llash tavsiya etilmaydi.

Shifokor bilan kelishilgan holda takroriy davolash kurslarini o‘tkazish mumkin. Davolash kursi 2-3 hafta.

Qarshi ko‘rsatmalar

Preparat komponentlariga yuqori sezuvchanlik, o‘t-tosh kasalligi, o‘t yo‘llarining tutilishi, jigar, buyrak, o‘t va siydik yo‘llarining o‘tkir kasalliklari, og‘ir gepatotsellyulyar yetishmovchilik.

Nojo‘ya ta’sirlari

Allergik reaksiyalar bo‘lishi mumkin, preparat yuqori dozalarda qo‘llanganda diareya rivojlanishi mumkin.

Boshqa dori vositalari bilan o‘zaro ta’siri va boshqa o‘zaro ta’sir shakllari

Munosabatlar haqida ma’lumot yo‘q.

Maxsus ko‘rsatmalar

O‘t yo‘llari tutilishi va og‘ir gepatotsellyulyar yetishmovchilikda ushbu dori vositasini buyurish mumkin emas.

Ich ketishi yoki qorin og‘rig‘i rivojlangan taqdirda, dori vositasini qabul qilish to‘xtatilishi shart.

Saxaroza miqdori tufayli ushbu dori vositasini fruktozani tug‘ma ko‘tara olmaslik, glyukoza-galaktoza malabsorbsiyasi yoki saxaraza-izomaltaza yetishmovchiligi bo‘lgan bemorlarga qabul qilish tavsiya etilmaydi.

Har bir tabletka 0,08 g saxaroza saqlaydi.

Ushbu dori vositasi tarkibida paragidroksibenzoatlar mavjud bo‘lib, allergik reaksiyalar (ehtimol, sekinlashgan turdagi) rivojlanishiga sabab bo‘lishi mumkin.

Homiladorlik va emizish davrida qo‘llash

Homiladorlik va emizish davrida Xofitolni faqat shifokor ko‘rsatmasi va nazorati ostida qo‘llash mumkin.

Avtotransport va mexanizmlarni boshqarish qobiliyatiga ta’siri

Ma’lumot yo‘q.

Preparatni bolalar qo‘li yetmaydigan joyda saqlash va yaroqlilik muddati tugaganidan keyin qo‘llamaslik lozim.

Dozani oshirib yuborish

Ma’lumot yo‘q.

Chiqarish shakli

Qobiq bilan qoplangan tabletkalar.

12 ta tabletka blisterda (PVX - alyuminiy), beshta blister karton qutiga qo‘llash bo‘yicha yo‘riqnoma bilan birga joylashtirilgan.

30 ta tabletka blisterda ((PVX-alyuminiy), (PVX/PVDX/PE-alyuminiy)), ikkita blister karton qutiga qo‘llash bo‘yicha yo‘riqnoma bilan birga joylashtirilgan.

30 ta tabletka blisterda ((PVX-alyuminiy), (PVX/PVDX/PE-alyuminiy)), oltita blister karton qutiga qo‘llash bo‘yicha yo‘riqnoma bilan birga joylashtirilgan.

Saqlash shartlari

25 °C dan yuqori bo‘lmagan haroratda.

Yaroqlilik muddati

3 yil.

Dorixonalardan berish shartlari

Retseptsiz.

Ishlab chiqaruvchi

ROZA-FITOFARMA laboratoriyalari, Fransiya

68, Jan-Jak Russo ko‘chasi

75001 Parij, Fransiya

Preparat sifati bo‘yicha barcha e’tirozlarni yo‘naltirish

O‘zbekiston 100017 Toshkent,

Yunusobod tumani, M-5

"Qiyot" mavzesi, 45-uy, 5-xonadon

Tel.: (+99871) 234-91-88, faks: (+99871) 235-54-94