Indovazin

Dori preparatining tarkibi

1 g gel tarkibida

faol moddalar: indometatsin 30 mg, trotserutin 20 mg;

yordamchi moddalar: karbomer, makrogol 400, natriy benzoat, izopropanol, dimetilsulfoksid, dinatriy edetat, Fresco BM&GD R.08.0932.1 aromatizatori, tozalangan suv.

Tashqi ko‘rinish, hid, ta’m tavsifi

Sariqdan sariq-jigarranggacha rangli, yengil opalessensiyali gel.

Dori shakli, dozasi

Sirtga qo‘llash uchun gel

Farmakoterapevtik guruh

Suyak-mushak tizimi kasalliklarini davolash uchun preparatlar. Yallig‘lanishga va revmatizmga qarshi preparatlar. Nosteroid yallig‘lanishga qarshi va revmatizmga qarshi preparatlar. Sirka kislotasining hosilalari va turdosh birikmalari. Indometatsin boshqa preparatlar bilan kombinatsiyada. ATX kodi: M01AV51.

Qo‘llanilishi

Preparat simptomatik davolash uchun qo‘llaniladi:

- surunkali venoz yetishmovchilik, venalarning varikoz kengayishi,

og‘riq va shishlar bilan kechadigan

- yuzaki tromboflebit, flebit, flebitdan keyingi holatlar

- gemorroidal kasallikni kompleks davolashda

- tendovaginit, bursit, fibrozit, periartrit

- jarrohlik aralashuvlaridan keyingi shishlar, kontuziyalar, chiqishlar,

cho‘zilishlarda.

Qo‘llash boshlangunga qadar zarur bo‘lgan ma’lumotlar ro‘yxati

Qarshi ko‘rsatmalar

-preparatning ta’sir etuvchi yoki biror yordamchi komponentiga yuqori sezuvchanlik

-atsetilsalitsil kislotasi va boshqa nosteroid yallig‘lanishga qarshi vositalarga yuqori sezuvchanlik

- 14 yoshgacha bo‘lgan bolalar uchun (samaradorligi va xavfsizligi isbotlanmagan)

- teri butunligining buzilishi (ochiq jarohatlar), shilliq qavatlar

- takroriy pollinoz

- noaniq etiologiyali qon ivishining buzilishi (gipokoagulopatiya)

Qo‘llashda zarur ehtiyot choralari

Ehtiyotkorlik bilan:

- yallig‘lanishga qarshi vositalar bilan bir vaqtda qabul qilish

- bronxial astma

- porfiriya

- oshqozon-ichak yo‘lining eroziv-yarali shikastlanishlari

- jigar va buyrak faoliyatining og‘ir buzilishlari

- surunkali yurak yetishmovchiligi

- keksalik

Boshqa dori vositalari bilan o‘zaro ta’siri

Indovazin® gelini kortikosteroid preparatlar bilan bir vaqtda qo‘llash tavsiya etilmaydi, chunki ularning ulserogen ta’siri kuchayishi mumkin.

Preparatni boshqa YAQNDV, antibiotiklar, antikoagulyantlar, gipoglikemik preparatlar bilan bir vaqtda ehtiyotkorlik bilan qo‘llash lozim. Gel fotosensibilizatsiyani chaqiruvchi dorilarning ta’sirini kuchaytirishi mumkin.

Maxsus ogohlantirishlar

Bronxial astma, allergik rinit yoki boshqa atopiyalari bo‘lgan bemorlarga qo‘llash tavsiya etilmaydi.

Gel faqat shikastlanmagan teriga surtiladi. Gelning ochiq jarohat yuzalariga, shilliq qavatlarga yoki ko‘z konyunktivasiga tushishidan saqlanish kerak.

Jigar, buyrakning og‘ir kasalliklari bo‘lgan va yara kasalligi mavjud bo‘lgan bemorlarda preparatni uzoq vaqt, ayniqsa terining katta qismlarida qo‘llashni cheklash kerak.

Davolash kursi 10 kundan ortiq davom etganda, leykotsitar va trombotsitar formulaning laboratoriya nazoratini o‘tkazish zarur.

Yordamchi moddalar haqida ma’lumot

Indovazin® geli tarkibida yordamchi moddalar sifatida natriy benzoat va dimetilsulfoksid mavjud bo‘lib, ular teri va shilliq qavatlarga ta’sir ko‘rsatishi mumkin.

Pediatriyada qo‘llanishi

Preparatni 14 yoshgacha bo‘lgan bolalar va o‘smirlarga qo‘llash mumkin emas, chunki klinik tajriba yo‘q.

Homiladorlik va emizish

Homiladorlik va/yoki emizish davrida preparatni qo‘llash xavfsizligini tasdiqlovchi klinik tajriba mavjud emas. Preparatni qo‘llash faqat davolovchi shifokor tomonidan klinik vaziyatni sinchkovlik bilan baholaganidan so‘ng, agar ona uchun kutilayotgan foyda homila uchun potensial xavfdan yuqori bo‘lsa, mumkin.

Preparatning transport vositasini yoki potensial xavfli mexanizmlarni boshqarish qobiliyatiga ta’sirining o‘ziga xos xususiyatlari

Haydash va mexanizmlar bilan ishlashda psixomotor reaksiyalar tezligiga ta’sir ko‘rsatmaydi.

Qo‘llash bo‘yicha tavsiyalar

Dozalash tartibi

4-5 sm gel zararlangan joyga kuniga 3-4 marta yupqa qatlam bilan yengil ishqalab surtiladi. Bir martalik doza 4-5 sm, sutkalik doza 20 sm dan oshmasligi kerak. Davolash davomiyligi 10 kundan oshmasligi kerak.

Yuborish usuli va yo‘li

Preparat sirtga qo‘llash uchun mo‘ljallangan.

Davolash davomiyligi

Davolash davomiyligini shifokor belgilaydi.

Doza oshirib yuborilganda ko‘riladigan choralar

Preparatni mahalliy qo‘llashda dozani oshirib yuborish holatlari haqida ma’lumotlar yo‘q.

Uzoq davolanganda (10 kundan ortiq) kuchli bosh og‘rig‘i paydo bo‘lishi mumkin.

Tasodifan ichilganda og‘izda achishish hissi, so‘lak ajralishining kuchayishi, ko‘ngil aynishi, qusish kuzatilishi mumkin.

Davolash: og‘iz bo‘shlig‘i va oshqozonni yuvish, zarur bo‘lsa - simptomatik davolash.

Ko‘zga, shilliq pardalarga yoki ochiq jarohat yuzalariga tushganda mahalliy ta’sirlanish - yosh oqishi, qizarish, achishish, og‘riq kuzatiladi.

Davolash: Shikoyatlar yo‘qolguncha yoki kamayguncha zararlangan sohani ko‘p miqdorda distillangan suv yoki fiziologik eritma bilan yuvish.

Dori vositalarini standart qo‘llashda yuzaga keladigan nojo‘ya ta’sirlar tavsifi va bunday hollarda ko‘rilishi kerak bo‘lgan choralar

Mahalliy reaksiyalar

Kamdan-kam

- terining quruqligi, terining qizarishi

- allergik reaksiyalar (kontakt dermatit, qizarish, qichishish, teri toshmasi, surtilgan joyda issiqlik va achishish hissi)

Tizimli reaksiyalar

Juda kamdan-kam hollarda, (tananing keng sohalarida uzoq vaqt qo‘llanilganda)

- ko‘ngil aynishi, qusish, oshqozonda og‘riq

- jigar fermentlari darajasining oshishi

- anafilaksiya, bronxospazm, angionevrotik shish

- fotosensibilizatsiya reaksiyasi

Chiqarilish shakli va qadoqlash

45 g preparatdan membranali alyuminiy tubalarga solinadi.

1 tadan tuba davlat va rus tillarida tibbiy qo‘llash bo‘yicha yo‘riqnoma bilan birga karton qutiga joylashtiriladi.

Saqlash muddati

2 yil

Yaroqlilik muddati tugaganidan keyin qo‘llanilmasin!

Saqlash shartlari

Yorug‘likdan himoyalangan joyda, 25 S dan yuqori bo‘lmagan haroratda.

Bolalar qo‘li yetmaydigan joyda saqlang!

Dorixonalardan berish shartlari

Retseptsiz

Ishlab chiqaruvchi tafsilotlari

Balkanfarma-Troyan AD

Bolgariya, 5600, Troyan shahri,

"Krayrechnaya" ko‘chasi, 1-uy

(+359) 0670 68.104

[email protected]

Ro‘yxatdan o‘tkazish guvohnomasi egasi

Balkanfarma-Troyan AD

Bolgariya, 5600, Troyan shahri,

"Krayrechnaya" ko‘chasi, 1-uy

(+359) 0670 68.104

[email protected]