Intrizol

Tarkib

1 g krem tarkibida quyidagilar mavjud:

Faol moddalar: ketokonazol-10 mg, klobetazol propionat-0,25 mg, neomitsin sulfat-5000 ME.

Yordamchi moddalar: setostearil spirti, setomakrogol, oq yumshoq parafin, yengil suyuq parafin, stearin kislotasi, butilkali gidroksianizol, propilenglikol, benzil spirti, limon kislotasi, natriy sitrat, suv.

Dori shakli

Sirtga qo‘llash uchun krem 20 g dan tubalarda

Turkum - dermatologik.

Farmakoterapevtik guruh

Zamburug‘larga qarshi, antibiotiklar va kortikosteroidlar. ATX kodi: D01AC08, S02AA07, D07AD01.

Farmakologik xususiyatlari

Farmakodinamika

Ketokonazol zamburug‘ga qarshi keng ta’sir doirasiga ega vosita bo‘lib, zamburug‘ning hujayra membranasiga uning o‘tkazuvchanligini o‘zgartirish orqali ta’sir ko‘rsatadi. Farmakologik tadqiqotlar shuni ko‘rsatdiki, ketokonazol dermatofitlar (Trichophyton spp., Epidermophyton spp., Microsporum spp. kabilar), saxaromitsetlar va Candida albicans ga qarshi o‘ta kuchli antimikoz ta’sirga ega. Zamburug‘ shtammlari ketokonazol ta’siriga tabiiy chidamlilikka ega emas.

Klobetazol propionat kortikosteroid gormon bo‘lib, minimal nojo‘ya ta’sirlarga ega bo‘lgan yuqori samarali yallig‘lanishga va allergiyaga qarshi vosita hisoblanadi.

Neomitsin sulfat grammusbat va grammanfiy bakteriyalarga qarshi samarali vosita hisoblanadi.

Ushbu vositalar majmuasi uni zamburug‘li va bakterial infeksiyalar, yallig‘lanish jarayonlari va qichishishda yuqori samarali dori vositasiga aylantiradi.

Qo‘llanilishi

Intrizol kremi teri zamburug‘li infeksiyalari, masalan, qo‘l mikozlari, oyoq panjalari epidermofitiyasi (mikozi), silliq teri trixofitiyasi, har xil rangli temiratki, belbog‘simon temiratki, ekzema va qichishishni davolashda buyuriladi.

Krem, shuningdek, quyidagilar uchun ko‘rsatilgan: teri kandidozi (jumladan, vulvit), rangli temiratki (kepaksimon temiratki) va Malassezia (ilgari Pityrosporum deb atalgan) spp. keltirib chiqaradigan seboreyali dermatitni davolash, shuningdek, psoriazni (keng tarqalgan pilakchali psoriazdan tashqari), turg‘un dermatozlarni, qizil yassi temiratkini, diskoid qizil volchankani, kamroq kuchli steroidlarga qoniqarli javob bermaydigan boshqa teri kasalliklarini davolash uchun ko‘rsatilgan.

Qo‘llash usuli va dozalari

Sirtga qo‘llash uchun intrizol.

Terining zararlangan sohalariga kuniga 2 mahal yupqa qilib surtiladi. Oddiy silliq teri trixofitiyasi va oraliq trixofitiyasini davolashda tavsiya etilgan davolash kursi 2 haftani, oyoq va kaft epidermofitiyasini davolashda esa 4 haftani tashkil etadi.

Nojo‘ya ta’sirlari

Odatda preparat yaxshi o‘zlashtiriladi. Davolash paytida krem surtilgan joyda achishish yoki ta’sirlanish paydo bo‘lishi mumkin, ammo bu odatda preparatni bekor qilishni talab qilmaydi.

Qarshi ko‘rsatmalar

Preparatga va/yoki uning tarkibiy qismlaridan biriga yuqori sezuvchanlik.

Ehtiyot choralari va qo‘llash xususiyatlari

Kremning ko‘zga tushishiga yo‘l qo‘ymang! Preparatni yuz terisiga yoki tananing katta qismlariga uzoq vaqt davomida qo‘llash zarur bo‘lganda, shifokorning doimiy nazorati talab etiladi.

Homiladorlik va laktatsiya davri

Preparatni homilador va emizikli ayollarga, shuningdek, emizikli bolalarga ehtiyotkorlik bilan qo‘llash lozim.

Boshqa dorilar bilan o‘zaro ta’siri, boshqa o‘zaro ta’sirlar

Belgilanmagan

Chiqarilish shakli va qadoqlash

Sirtga qo‘llash uchun krem 20 grammlik tubalarda. Qo‘llash bo‘yicha yo‘riqnoma bilan birga. Karton qutida.

Saqlash shartlari

Yorug‘likdan himoyalangan, bolalar qo‘li yetmaydigan joyda, 25 °C dan yuqori bo‘lmagan haroratda saqlang

Preparatni bolalar qo‘li yetmaydigan joyda saqlang va yaroqlilik muddati tugaganidan keyin ishlatmang.

Yaroqlilik muddati

3 yil.

Dorixonalardan berish shartlari

Retseptsiz.

Ishlab chiqaruvchi

Harasha Pharma Pvt. Ltd, Hindiston.

Vakil: FUTURE~WORLD GROUP.