Kandibiotik

Tarkib

1 ml tarkibida:

Faol moddalar: klotrimazol 10 mg, xloramfenikol 50 mg, beklometazon dipropionati 0,25 mg, lidokain gidroxlorid 20 mg.

Yordamchi moddalar: glitserin, propilenglikol.

Tavsif

Tiniq, och sariq rangli suyuqlik.

Dori shakli

Quloq tomchilari, 5 ml.

Farmakoterapevtik guruh

Sezgi a’zolari kasalliklarini davolash uchun preparatlar. Glyukokortikosteroidlar mikroblarga qarshi preparatlar bilan birgalikda. ATX kodi: S02CA.

Farmakologik xususiyatlari

Xloramfenikol - amfenikol hosilasi, keng ta’sir doirasiga ega antibiotik, bakterial oqsil sinteziga ta’sir qiladi. Bakteriostatik ta’sir ko‘rsatadi. Gram-musbat bakteriyalarga nisbatan faol: Staphylococcus spp., Streptococcus spp.; grammanfiy bakteriyalarga nisbatan: Neisseria gonorrhoeae, Neisseria meningitidis, Escherichia coli, Haemophilus influenzae, Salmonella spp., Shigella spp., Klebsiella spp., Serratia spp., Yersinia spp., Proteus spp., Rickettsia spp.; shuningdek, Spirochaetaceae oilasiga nisbatan ham faol. Xloramfenikol penitsillin, streptomitsin, sulfanilamidlarga chidamli shtammlarga, shuningdek, anaerob mikrofloraga nisbatan faol.

Beklometazon dipropionat galogenlangan glyukokortikosteroid bo‘lib, yallig‘lanishga, allergiyaga va ekssudatsiyaga qarshi ta’sirga ega.

Klotrimazol - imidazolning hosilasi bo‘lib, zamburug‘larga qarshi faolligi zamburug‘larning hujayra membranasiga qaratilgan. Zamburug‘lar hujayra membranasining ergosterin sintezini buzadi, bu bilan hujayra devorini shikastlaydi. Ergosterin - zamburug‘lar sitoplazmatik membranasining asosiy komponenti bo‘lib, ergosterin sinteziga kirishadi va uning ta’siri konsentratsiyaga bog‘liq.

Lidokain - mahalliy anestetik bo‘lib, surtilgan joydagi nerv tolalarining sezgir uchlarida nerv impulslarining o‘tkazuvchanligini buzadi. Effekt qaytar. Innervatsiyani saqlab qolgan holda og‘riqsizlantirish uchun ko‘pincha mahalliy anesteziya qo‘llaniladi. Lignokain ko‘pincha yuzaki og‘riqsizlantirish uchun qo‘llaniladi, ta’siri nisbatan tez rivojlanadi va 6 soat davom etadi.

Farmakokinetika

Xloramfenikol ham mahalliy, ham tizimli qo‘llanilganda suyuqlik va to‘qimalarga yaxshi o‘tadi.

Beklometazon dipropionat mahalliy qo‘llanganda deyarli so‘rilmaydi.

Klotrimazol mahalliy qo‘llanganda kam so‘riladi. Izlar (0,001 mkg/ml dan kam) zardobda 0,5 ml eritma surtilgandan 48 soat o‘tgach aniqlandi. Asosan axlat va o‘t bilan chiqariladi, faqat 0,05% - 0,5% klotrimazol siydik bilan chiqariladi.

Lidokain mahalliy qo‘llanganda seroz qatlamga so‘rilishi mumkin. Preparatning so‘rilishi konsentratsiyasiga, dozasiga, qo‘llaniladigan joyiga, shuningdek, preparatni qo‘llash davomiyligiga (ekspozitsiyasiga) bog‘liq.

Qo‘llanilishi

Quloqning allergik va yallig‘lanish kasalliklari:

o‘tkir tarqoq tashqi otit;

o‘rta quloqning o‘tkir otiti;

qo‘zish bosqichidagi surunkali otit;

quloqdagi jarrohlik amaliyotidan keyingi holat.

Qo‘llash usuli va dozalari

Mahalliy. Tashqi eshituv yo‘liga 4-5 tomchidan kuniga 3-4 mahal tomiziladi. Ahvol 3-5 kun ichida yaxshilanadi. Davolash kursi - 7-10 kun.

Nojo‘ya ta’sirlari

preparat surtilgan joyda achishish, qichishish;

allergik reaksiya;

Qarshi ko‘rsatmalar

preparat komponentlariga yuqori sezuvchanlik;

6 yoshgacha bo‘lgan bolalar;

nog‘ora parda butunligining buzilishi.

Dorilarning o‘zaro ta’siri

Preparatning faol tarkibiy qismlari teri orqali past darajada so‘rilishi sababli, dori vositalarining o‘zaro ta’siri ehtimoli kam deb hisoblanadi.

Maxsus ko‘rsatmalar

Faqat mahalliy qo‘llash uchun. Ko‘zga tushishdan saqlanish. Ko‘zga tushganda suv bilan yaxshilab yuviladi. Agar muntazam qo‘llashdan keyin ahvolingiz yomonlashsa yoki yaxshilanmasa, shifokorga murojaat qiling.

Homiladorlik va laktatsiya davri

Homiladorlik va laktatsiya davrida preparatni tayinlashning maqsadga muvofiqligi masalasi shifokor maslahatidan so‘ng individual ravishda hal qilinishi lozim. Agar ona uchun taxmin qilinayotgan foyda homila va bola uchun potensial xavfdan yuqori bo‘lsa, preparatni tayinlash mumkin.

Dori vositasining transport vositasi yoki potensial xavfli mexanizmlarni boshqarish qobiliyatiga ta’sirining o‘ziga xos xususiyatlari

Preparatni qo‘llash avtotransport yoki potensial xavfli mexanizmlarni boshqarish qobiliyatiga ta’sir ko‘rsatmaydi.

Preparatni bolalar qo‘li yetmaydigan joyda saqlang va yaroqlilik muddati tugaganidan keyin ishlatmang.

Dozani oshirib yuborish

Belgilari: dozani oshirib yuborish ehtimoli kam, ammo tasodifan oshirib yuborilganda nojo‘ya ta’sirlar kuchayishi mumkin.

Davolash: zararlangan joyni yuvish, simptomatik davolash.

Chiqarish shakli

Preparat 5 ml dan qopqog‘i burab yopiladigan to‘q rangli shisha idishda.

Flakon pipetka va tibbiy qo‘llash bo‘yicha davlat va rus tillaridagi yo‘riqnoma bilan birga karton qutiga solinadi.

Saqlash shartlari

Harorati 25 °C dan yuqori bo‘lmagan, quruq, yorug‘likdan himoyalangan joyda saqlanadi.

Muzlatmang.

Saqlash muddati

2 yil.

Dorixonalardan berish shartlari

Retsept bo‘yicha.

Ishlab chiqaruvchi

Glenmark Farmasyutikals Ltd, PLOT No Ye 37,39, MIDS Area, Saptur, Nasik - 422007, Maxarashtra, Hindiston.

Ro‘yxatdan o‘tkazish guvohnomasi egasining nomi va mamlakati

Glenmark Pharmaceuticals