Kandivag

Tarkib

Har bir tabletka tarkibiga quyidagilar kiradi:

faol moddalar: ornidazol - 500 mg; mikonazol nitrat - 100 mg; neomitsin sulfat - 100 mg; prednizolon - 3 mg;

yordamchi moddalar: peptidlangan kraxmal, povidon K-30, laktoza, sut kislotasi, talk, magniy stearati.

Tavsif

Vaginal tabletkalar oq rangda, ikki tomonlama qavariq, cho‘zinchoq, bir tomoni yumaloq.

Dori shakli

Vaginal tabletkalar.

Farmakoterapevtik guruh

Asosan akusherlik va ginekologiyada qo‘llaniladigan vosita. ATX kodi: G02.

Farmakologik xususiyatlari

Ornidazolning ta’sir mexanizmi unga sezgir mikroorganizmlarda DNK strukturasining buzilishi bilan bog‘liq. Preparat mikrob hujayrasiga oson kiradi va DNK bilan bog‘lanib, replikatsiya jarayonini buzadi. Ornidazol Trichomonas vaginalis, Entamoeba histolytica, Giardia lamblia (Giardia intestinalis), shuningdek, Bacteroides va Clostridium spp., Fusobacterium spp. kabi anaerob bakteriyalar va anaerob kokklarga nisbatan faol.

Neomitsin - aminoglikozidlar guruhiga mansub antibiotik. Aminoglikozidlar grammanfiy bakteriyalarga nisbatan yuqori faollikka ega, shuningdek, grammusbat bakteriyalarga nisbatan ham samaralidir. Neomitsin bakteriya hujayrasi tarkibiga kirib, bakteriyalarning yashashi uchun zarur bo‘lgan oqsillar sintezini bloklaydi.

Mikonazol zamburug‘larga qarshi vosita bo‘lib, vulvovaginal kandidozni (moniliasis) mahalliy davolash uchun mo‘ljallangan, u Sandida vulvovaginalis ga nisbatan samarali hisoblanadi.

Prednizolon - sintetik GKS bo‘lib, yallig‘lanish belgilarining og‘irligini kamaytirish uchun qo‘llaniladi. Prednizolon yallig‘lanish mediatorlari sekretsiyasi va ajralib chiqishini tormozlaydi. Prednizolon yallig‘lanish kasalliklarida proliferativ jarayonlarni tormozlaydi va chandiqlar hosil bo‘lish ehtimolini kamaytiradi.

Farmakokinetika

Ornidazol mahalliy qo‘llanganda, preparatning ushbu tarkibiy qismining qin to‘qimalaridagi konsentratsiyasi og‘iz orqali va v/i qo‘llanganda erishiladigan konsentratsiyadan sezilarli darajada oshadi, tizimli ta’siri aniqlanmagan. Neomitsin bakteriya hujayrasining tuzilishiga kiradi, g‘ayritabiiy oqsillarni ishlab chiqarish orqali bu oqsillar bakteriyalarning omon qolishi uchun zarur bo‘lgan oqsillarning ishlab chiqarilishini to‘xtatadi. Mahalliy qo‘llashda preparatning yuqori faolligi qayd etilgan; mikonazol mahalliy qo‘llashda Candida avlodiga mansub achitqisimon zamburug‘lar uchun tanlab zaharli ta’sirga ega; mahalliy qo‘llash uchun prednizolon yallig‘lanish belgilarining yaqqolligini, shu jumladan giperemiyani kamaytiradi, tizimli ta’siri qayd etilmagan.

Qo‘llanilishi

Ginekologik kasalliklarni davolash: bakterial vaginoz, turli etiologiyali vaginitlar va aralash infeksiyalar (trixomonadalar, anaerob infeksiya, shu jumladan gardnerellalar, leptotriks, achitqisimon zamburug‘lar).

Ginekologik kasalliklarni jarrohlik yo‘li bilan davolashdan oldin profilaktika maqsadida, tug‘ruq yoki abortdan oldin, bachadon ichi kontratseptivlarini yuborishdan oldin va keyin, bachadon bo‘yni eroziyalarini diatermokoagulyatsiya qilishdan oldin va keyin, bachadon ichi tekshiruvlaridan oldin qinni sanatsiya qilish.

Qo‘llash usuli va dozalari

Kechasi 1 tabletkadan qinga chuqur yuboriladi, yuborilgandan so‘ng kamida 15 daqiqa yotish kerak. Davolashning o‘rtacha davomiyligi - 8 kun. Davolash hayz vaqtida to‘xtatilmaydi. Kasallikning barcha belgilari yo‘qolganda ham tabletkalarni qo‘llashni davom ettirish zarur. Agar 8 kunlik kursdan so‘ng alomatlar yo‘qolmasa, u holda davolanishni takrorlash kerak.

Profilaktika maqsadida preparat 8 kun davomida ishlatiladi.

Kiritish tartibi:

Vaginal tabletkani applikatorga joylashtiring.

Applikatorni tabletka bilan iliq (30-40 °C) qaynatilgan suvga bir necha soniya botirib qo‘ying.

Tabletkali applikatorni ehtiyotkorlik bilan qinga iloji boricha chuqurroq (yaxshisi chalqancha yotgan holatda) yuborish.

Tabletkani applikatordan chiqarib, qinga yuborish, so‘ngra applikatorni iliq sovunli suv bilan yuvish, chayish va quritish.

Nojo‘ya ta’sirlari

Kandivag zaharsiz preparat bo‘lib, sensibilizatsiya chaqirmaydi. Preparat barcha bemorlar tomonidan yaxshi qabul qilinadi. Kamdan kam hollarda spazmlar va bosh og‘rig‘i, ta’sirlanish, qichishish, achishish, juda kam hollarda - eshakem, terida toshmalar qayd etiladi. Preparatni qo‘llashda yuqori sezuvchanlik yoki ta’sirlanish kuzatilsa, preparatni qo‘llashni to‘xtatish lozim.

Qarshi ko‘rsatmalar

Preparat komponentlariga yuqori sezuvchanlik.

Maxsus ko‘rsatmalar

Tizimli kortikosteroidlar qo‘llanganda, osteoporoz, AG yoki yurak yetishmovchiligida, mavjud yoki anamnezida mavjud bo‘lgan jiddiy emotsional buzilishlarda, qandli diabet, sil, glaukoma, kortikosteroidlar qo‘llanganda kelib chiqqan miopatiyada, jigar yetishmovchiligida, epilepsiyada, oshqozon va o‘n ikki barmoqli ichak yarasida, gipotireozda, yaqinda o‘tkazilgan miokard infarktida bemorlarning ahvolini kuzatish va doimiy nazorat qilish zarur.

Kandivag mahalliy qo‘llanilsa-da, ayniqsa qin yallig‘lanishida tizimli so‘rilishi mumkin. Preparat 8 kunlik kurs davomida qo‘llanganda nojo‘ya ta’sirlar bo‘lmasligi mumkin.

Og‘ir psevdoparalitik miasteniya, nospetsifik kolit, divertikulit va yangi ichak anastomozlari bo‘lgan bemorlarda ehtiyotkorlik bilan qo‘llash lozim. Tizimli kortikosteroidlarni qo‘llashda tibbiy nazorat zarur.

Bolalar

Qo‘llanilmaydi.

Preparatni bolalar qo‘li yetmaydigan joyda saqlash va yaroqlilik muddati tugaganidan keyin ishlatmaslik kerak.

Homiladorlik va emizish davrida qo‘llash

Kandivagni qo‘llaydigan ayollar tug‘gan chaqaloqlarda hech qanday ta’sir va asoratlar qayd etilmagan, shuning uchun homilador ayollarda preparatni qo‘llash masalasini hal qilishda xavf/foyda nisbatini taroziga solish lozim. Kortikosteroidlar oz miqdorda ko‘krak sutiga ajraladi, shuning uchun buyrak usti bezi faoliyatining susayish belgilarini kuzatib borish kerak.

Transport vositalari va boshqa mexanizmlarni boshqarishda reaksiya tezligiga ta’sir ko‘rsatish qobiliyati

Ta’sir qilmaydi.

Dozani oshirib yuborish

Preparatning mahalliy ta’siri tufayli dozani oshirib yuborish alomatlari aniqlanmagan.

Chiqarish shakli

Blisterda 8 ta tabletka. 1 ta blister qo‘llanmasi bilan birga karton qutida.

Saqlash shartlari

Harorati 25 °C dan yuqori bo‘lmagan, quruq, yorug‘likdan himoyalangan joyda saqlanadi.

Yaroqlilik muddati

3 yil.

Dorixonalardan berish shartlari

Retsept bo‘yicha.

Ishlab chiqaruvchi

"Halewood Laboratories Pvt Ltd.," Hindiston.

uchun

Avantika Medex Pvt. Ltd.," Hindiston.