Kuka

Tarkib

10 ml sirop tarkibida quyidagilar mavjud:

ta’sir etuvchi moddalar: muqaddas rayhon ekstraktlari 50 mg, vasaki 400 mg, qulinjon 400 mg, qizilmiya ildizi 400 mg, uzun qalampir 200 mg, dala yalpizi 2 mg;

yordamchi moddalar: natriy benzoat (E 211), metilparaben (E 218), propilparaben (E 216), limon kislotasi monogidrati, shakar, tozalangan suv.

Dori shakli

Sirop.

Farmakologik xususiyatlari

Turli shamollash kasalliklarida qo‘llaniladigan o‘simliklardan olingan kombinatsiyalangan preparat; yo‘talni tezda yengillashtiradi, yo‘talning barcha turlarini kamaytiradi, bronxolitik, mukolitik, balg‘am ko‘chiruvchi, yallig‘lanishga qarshi va tinchlantiruvchi ta’sir ko‘rsatadi.

Muqaddas rayhon isitma tushiruvchi, yel haydovchi, terlatuvchi, balg‘am ko‘chiruvchi, spazmolitik va siydik haydovchi ta’sirga ega.

Vasaka tarkibida alkaloid mavjud bo‘lib, u ichilganda faol metabolit ambroksolga aylanadi, bu esa balg‘amning yopishqoqligini kamaytiradi, mukotsiliar transportni va surfaktant sintezini kuchaytiradi. Ancha balg‘am ko‘chiruvchi ta’sir ko‘rsatadi, qusishning oldini oladi.

Qulinjon balg‘am ko‘chiruvchi, tetiklashtiruvchi, siydik haydovchi, gijjalarga qarshi ta’sirga ega.

Qizilmiya ildizi isitma tushiruvchi, yallig‘lanishga qarshi va spazmolitik ta’sir ko‘rsatadi.

Uzun qalampir balg‘am ko‘chiruvchi, yel haydovchi ta’sirga ega. Dala yalpizi og‘riq qoldiruvchi, terlatuvchi va tinchlantiruvchi ta’sir ko‘rsatadi, shamollashda qo‘llaniladi.

Ko‘rsatmalar

Kattalarda qiyin ajraladigan balg‘amli yo‘tal bilan kechadigan nafas yo‘llari kasalliklarida (laringit, traxeit, bronxit) simptomatik davolash vositasi sifatida.

Qo‘llash usuli va dozalari

Kattalar va 12 yoshdan oshgan bolalarga 2 choy qoshiqdan (10 ml) sutkada 3 mahal. Har 6 soatda, lekin kuniga 4 martadan ko‘p emas, ichilsin.

Davolash kursining o‘rtacha davomiyligi - 1 hafta.

Nojo‘ya ta’sirlari

Allergik reaksiyalar bo‘lishi mumkin. Bunday holda preparatni qabul qilishni to‘xtatish va shifokor maslahatiga murojaat qilish kerak.

Qarshi ko‘rsatmalar

bolalik yoshi (18 yoshgacha);

preparat komponentlariga yuqori sezuvchanlik.

Dozani oshirib yuborish

Hozirgi vaqtgacha preparatning dozasini oshirib yuborish haqida ma’lumotlar yo‘q.

Maxsus shartlar

Preparat tarkibida saxaroza mavjud: 5 ml (1 choy qoshiq) 0,2 XB saqlaydi, buni qandli diabet bilan og‘rigan bemorlar va gipokaloriya parhezidagilar hisobga olishlari lozim. Flakon ichidagini ishlatishdan oldin chayqatish kerak.

Bolalarda qo‘llanilishi

18 yoshgacha bo‘lgan bolalarga qo‘llash mumkin emas.

Homiladorlik va emizish davrida

Hozirgi vaqtda yetarli tadqiqotlar o‘tkazilmaganligi sababli, preparatni homiladorlik va emizish davrida qo‘llash tavsiya etilmaydi.

Dorilarning o‘zaro ta’siri

Kuk siropini yo‘talga qarshi preparatlar va balg‘am hosil bo‘lishini kamaytiruvchi dori vositalari bilan bir vaqtda qo‘llash mumkin emas, chunki bu suyultirilgan balg‘amning yo‘talishini qiyinlashtiradi.

Saqlash shartlari

Preparatni yorug‘lik tushmaydigan joyda, 25 °C dan yuqori bo‘lmagan haroratda saqlang. Bolalar qo‘li yetmaydigan joyda saqlang.

Yaroqlilik muddati

3 yil. Yaroqlilik muddati o‘tgandan keyin qo‘llanilmaydi.

Chiqarish shakli

Sirop 100 ml (flakonlar).

Ishlab chiqaruvchi

BioMedicare (India) Pvt. Ltd, Hindiston ishlab chiqarilgan: Multani Pharmaceuticals Ltd, Hindiston.