Menifib

Tarkib

Har bir tabletka tarkibiga quyidagilar kiradi:

faol moddalar: avraam daraxti (Agnus castus) - 178,00 mg, bo‘tako‘z poyabargi (Caulophyllum thalictroides) - 84,00 mg, Yevropa siklameni (Cyclamen europaeum) - 84,00 mg, ignatsiya amarasi (Ignatia lova) - 42,00 mg, ola-bula gulsafsar (Iris versicolor) - 170,00 mg, yo‘lbars nilufari (Lilium tigrinum) - 60,00 mg;

yordamchi moddalar: sut-shakar asosi (laktoza) yetarli miqdorda.

Tavsif

Tabletkalar oqish rangda, yumaloq, yassi, o‘rtasida ajratish chizig‘i va bir tomonida BP belgisi bor.

Dori shakli

Tabletkalar.

Farmakoterapevtik guruh

Asosan akusherlik va ginekologiyada qo‘llaniladigan vosita. ATX kodi: G02CX.

Farmakologik xususiyatlari

Ibrohim daraxti: gipotalamus va gipofizga lyuteinlovchi gormon (LG) ishlab chiqarilishini ko‘paytirish orqali ta’sir ko‘rsatadi; follikulani rag‘batlantiruvchi gormon (FSG) ishlab chiqarilishiga yumshoq to‘sqinlik qilib, progesteron ishlab chiqarilishini ko‘paytiradi, hayz siklini boshqaradi va hayz sikli buzilishlarini bartaraf etadi, sariq tana fazalari nuqsonini bartaraf etib, prolaktin darajasini pasaytiradi; giperprolaktinemiya, bepushtlik va jinsiy maylning yo‘qolishini bartaraf etadi.

Bo‘tako‘z poyabargi: tarkibida glikozidkaulosponin mavjud bo‘lib, u bachadon mushaklariga tonusni oshiruvchi vosita sifatida ta’sir ko‘rsatadi, hayzni rag‘batlantiradi (hayz oqimini rag‘batlantiruvchi) va tug‘ruqni yengillashtiradi (tug‘ruq stimulyatori). Bachadon va tuxumdonlardagi og‘riqni qoldirish uchun ishlatiladi, hayz qonining oqishini yaxshilaydi, to‘lg‘oq paytidagi og‘riqni yengillashtiradi. Vositadan hayz ko‘rish davrida foydalanish yaxshi.

Yevropa siklameni: tarkibida hayz siklini tartibga soluvchi siklamen alkaloidi mavjud. Qora, laxta va membranali qon ajralishi, shuningdek, bosh aylanishi, bosh og‘rig‘i, ko‘rish qobiliyatining pasayishi va kamqonlik kabi alomatlar bilan kechadigan polimenoreya holatlarida qo‘llaniladi.

Ignatsiya amarasi: tarkibida strixnin va brutsin bo‘lib, ular asab tizimiga tetiklashtiruvchi ta’sir ko‘rsatadi; ayol hayotining ikki bosqichida: balog‘atga yetish va menopauza davrida, shuningdek, hayz vaqtidagi sanchiq, jinsiy frigidlik, bepushtlik, asab zaifligi va ishtaha yo‘qolishi kabi belgilar paydo bo‘lganda qo‘llaniladi.

Gulsafsar: Ayollar jinsiy a’zolarining kuchli detoksikanti, ayniqsa hayz sikli boshlanishidan oldin, chanoq a’zolari va tuxumdon kistalarining yallig‘lanish kasalliklarida qo‘llash tavsiya etiladi.

Yo‘lbars nilufari: chanoqning simpatik nervlariga ta’sir etib, ularning quvvatini oshiradi va tonusini oshiradi, shu tariqa bachadon va tuxumdonlar giperemiyasi hamda tarangligini yengillashtiradi. Bachadon, tuxumdon yoki sut bezlarining yallig‘lanishi, amenoreya, bachadon tushishi va mastalgiya holatlarida samarali vosita hisoblanadi.

Qo‘llanilishi

Bachadon, tuxumdon va sut bezlaridagi og‘riqni yo‘qotadi; tartibsiz hayz siklini tiklaydi; dismenoreyani yengillashtiradi; chanoq nervlarining kuchi va tonusini oshiradi; hayz oldi sindromi, klimakterik sindrom va mastopatiyani bartaraf etadi.

Qo‘llash usuli va dozalari

Bir tabletkadan kuniga 2 mahal (ertalab va kechqurun).

Suv bilan ichiladi. Simptomlar 7-10 kun ichida yengillashadi, ammo hayz sikli va boshqa hamroh kasalliklarni normallashtirish uchun davolash kursini 3 oy davomida davom ettirish tavsiya etiladi.

Nojo‘ya ta’sirlari

Hozirgi vaqtgacha preparatning nojo‘ya ta’sirlari haqida ma’lumotlar yo‘q.

Qarshi ko‘rsatmalar

Hozirgi vaqtgacha preparatning qarshi ko‘rsatmalari haqida ma’lumotlar yo‘q.

Dorilarning o‘zaro ta’siri

Hozirgi vaqtgacha preparatning o‘zaro ta’siri haqida ma’lumotlar yo‘q.

Maxsus ko‘rsatmalar

Preparatni qabul qilishda bunday holatlar kuzatilmaydi.

Homiladorlik va laktatsiya davrida qo‘llash

Ushbu preparatning homiladorlik va laktatsiya davridagi samaradorligi va xavfsizligini tasdiqlovchi ma’lumotlar yetarli emas. Shifokor bilan maslahatlashish tavsiya etiladi.

Avtotransport va mexanizmlarni boshqarish qobiliyatiga ta’siri

Aniqlanmagan.

Preparatni bolalar qo‘li yetmaydigan joyda saqlash va qadoqda ko‘rsatilgan yaroqlilik muddati tugagandan so‘ng ishlatmaslik lozim.

Dozani oshirib yuborish

Hozirgi vaqtgacha preparatning dozasini oshirib yuborish haqida ma’lumotlar yo‘q.

Chiqarish shakli

20 ta tabletkadan 3 ta blister qo‘llanilishi bo‘yicha yo‘riqnoma bilan birga karton qadoqqa joylangan.

Saqlash shartlari

Salqin, quruq va yorug‘likdan himoyalangan joyda, 25 ̊C dan yuqori bo‘lmagan haroratda saqlang.

Yaroqlilik muddati

5 yil.

Dorixonalardan berish shartlari

Retseptsiz.

Ishlab chiqaruvchi

Bxargava Fitolab Pvt. Ltd.

E-1216, Feyz-1, Ekstenshin, Gxatal,

Bhuvadi Industrial Eria, Bhuvadi (Raj.) Hindiston

E-mail: export@ Samargavaphytolab.com

Veb-sayt: www.ghargavaphytolab.com