Naftizin

Tarkib

1 ml tarkibida:

faol modda: nafazolin nitrat (naftizin) - 0,0005 g yoki 0,001 g;

yordamchi moddalar: borat kislotasi - 0,02 g, tozalangan suv - 1 ml gacha.

Tavsif

Tiniq, rangsiz yoki biroz bo‘yalgan suyuqlik.

Dori shakli

Burun tomchilari.

Farmakoterapevtik guruh

Kongestivga qarshi vosita - vazokonstriktor (alfa-adrenomimetik). ATX kodi: R01AA08.

Farmakologik xususiyatlari

Alfa2-adrenomimetik, burun shilliq qavati tomirlariga nisbatan tez, yaqqol va davomli tomir toraytiruvchi ta’sir ko‘rsatadi (shish, giperemiya, ekssudatsiyani kamaytiradi). Rinitlarda burun orqali nafas olishni yengillashtiradi. 5-7 kundan keyin tolerantlik paydo bo‘ladi.

Qo‘llanilishi

O‘tkir rinit, allergik rinit, sinusit, evstaxiit, laringit, hiqildoqning allergik genezli shishi, yuqori nafas yo‘llaridagi operatsiyalardan keyin shilliq qavat giperemiyasi.

Burundan qon ketishini to‘xtatish, rinoskopiya o‘tkazishni osonlashtirish, yuzaki anesteziya uchun qo‘llaniladigan mahalliy anestetiklarning ta’sirini uzaytirish uchun.

Qo‘llash usuli va dozalari

Otorinolaringologiyada intranazal (har bir burun yo‘liga) qo‘llaniladi.

Kattalar va 15 yoshdan oshgan bolalarga - preparatning 0,05-0,1% li eritmasidan 1-3 tomchidan kuniga 3-4 marta.

Bolalarga preparatning 0,05% li eritmasi (yoki preparatning 0,025% li eritmasi, 0,05% li eritmani distillangan suv bilan suyultirib): 1 yoshdan 6 yoshgacha - 1-2 tomchidan kuniga 1-3 marta;

Diagnostik maqsadlar uchun: burun tozalangandan so‘ng, har bir burun yo‘liga 3-4 tomchidan tomizing yoki preparatning 0,05% li eritmasiga ho‘llangan tamponni kiriting va 1-2 daqiqaga qoldiring; ovoz boylamlari shishganda, preparatning 0,05% li eritmasidan 1-2 ml kichik dozalarda hiqildoq shprisi bilan kiriting; qon ketishida - preparatning 0,05% li eritmasiga ho‘llangan tamponni kiriting.

Rinitlarda davolash kursi kattalarda 5-7 kundan, bolalarda 3 kundan oshmasligi kerak.

Yuzaki anesteziya uchun qo‘shimcha dori vositasi sifatida - 1 ml mahalliy anestetikga 2-4 tomchidan.

Nojo‘ya ta’sirlari

Ko‘ngil aynishi, taxikardiya, bosh og‘rig‘i, qon bosimining ko‘tarilishi, reaktiv giperemiya, burun bo‘shlig‘i shilliq qavatining shishishi. Mahalliy reaksiyalar, 1 haftadan ortiq qo‘llanganda - burun bo‘shlig‘i shilliq qavatining shishi, atrofik rinit.

Qarshi ko‘rsatmalar

preparat komponentlariga yuqori sezuvchanlik;

arterial gipertenziya;

yaqqol ateroskleroz;

tireotoksikoz;

yopiq burchakli glaukoma;

surunkali rinit;

atrofik rinit;

1 yoshgacha bo‘lgan bolalar (0,05% li eritma uchun);

15 yoshgacha bo‘lgan bolalar yoshi (0,1% li eritma uchun);

qandli diabet;

taxikardiya;

monoaminoksidaza ingibitorlarini (MAO) bir vaqtning o‘zida qabul qilish va ularni qo‘llash tugaganidan keyin 14 kungacha bo‘lgan davrni o‘z ichiga oladi.

Ehtiyotkorlik bilan

Yurak ishemik kasalligi (stenokardiya); prostata bezi giperplaziyasi; feoxromotsitoma.

Boshqa dori vositalari bilan o‘zaro ta’siri

MAO ingibitorlari bilan bir vaqtda qo‘llanilganda yoki ularni qo‘llash tugaganidan keyin 14 kun davomida qon bosimi ko‘tarilishi va yurak ritmi buzilishi mumkin.

Mahalliy og‘riqsizlantiruvchi dori vositalarining so‘rilishini sekinlashtiradi (yuza anesteziya o‘tkazilganda ularning ta’sirini uzaytiradi).

Tomirlarni toraytiruvchi boshqa dori vositalarini birgalikda qo‘llash nojo‘ya ta’sirlar rivojlanish xavfini oshiradi.

Maxsus ko‘rsatmalar

Rezorbtiv ta’sir ko‘rsatishi mumkin.

Uzoq vaqt qo‘llanganda tomir toraytiruvchi ta’sirning ifodalanishi asta-sekin pasayadi (taxifilaksiya hodisasi), shu sababli 5-7 kun qo‘llangandan so‘ng bir necha kunga tanaffus qilish tavsiya etiladi.

Homiladorlik va laktatsiya davrida qo‘llash

Homiladorlik va emizish davrida qo‘llash bo‘yicha yetarli tajriba yo‘q. Agar ona uchun potensial foyda homila va bola uchun potensial xavfdan yuqori bo‘lsa, davolovchi shifokor ko‘rsatmasiga binoan homilador va emizikli onalarni davolash uchun qo‘llash mumkin.

Transport vositalarini, mexanizmlarni boshqarish qobiliyatiga ta’siri

Aniqlanmagan.

Preparatni bolalar qo‘li yetmaydigan joyda saqlash va yaroqlilik muddati tugagandan keyin ishlatmaslik kerak.

Dozani oshirib yuborish

Belgilari: tana haroratining pasayishi, bradikardiya, qon bosimining ko‘tarilishi. Davolash: simptomatik.

Chiqarish shakli

Burun tomchilari 0,05% va 0,1%.

Dori vositalari uchun shisha naychalardan tayyorlangan, rezina tiqinlar bilan berkitilgan va keyinchalik alyuminiy qalpoqchalar bilan qoplangan flakonlarga 10 ml dan.

Dori vositalari uchun shisha naychadan tayyorlangan flakonlarga 10 ml dan, birinchi ochishni nazorat qilgan holda tortiladigan qopqoqlar bilan berkitilgan.

10, 15 ml dan steril polimer flakon-tomizgichlarga, polimer tiqin-tomizgichlar va burama qopqoqlar bilan germetik yopilgan.

"blow-fill-seal" "puflash-to‘ldirish-kavsharlash" texnologiyasi bo‘yicha tayyorlangan, burama qopqoqlar bilan germetik yopilgan steril polimer flakon-tomizgichlarga 5, 10 yoki 15 ml dan.

Dori vositalari uchun mo‘ljallangan shisha naychadan 1 flakon olib, qo‘llash bo‘yicha yo‘riqnoma bilan birga karton qutiga solinadi.

Qo‘llash bo‘yicha yo‘riqnomaga ega bo‘lgan 1 ta polimer flakon-tomizgich karton qutiga yoki polivinilxloriddan (PVX) tayyorlangan Flow-Pack turidagi shaffof bo‘lmagan polimer blister qadoqqa alyuminiy bosma laklangan folga yoki kartondan tayyorlangan yassi taglik bilan joylashtiriladi.

Dori vositalari uchun shisha naychadan 50 ta flakon, tibbiy qo‘llash bo‘yicha teng miqdordagi yo‘riqnomalar bilan birga karton qutilarga joylanadi (statsionarlar uchun emas).

Dori vositalari uchun shisha naychadan 50 ta flakon tibbiy qo‘llash bo‘yicha teng miqdordagi yo‘riqnomalar bilan birga karton qutilarga joylanadi (statsionarlar uchun).

50 tadan polimer flakon-tomizgichlar tibbiy qo‘llash bo‘yicha teng miqdordagi yo‘riqnomalar bilan birga karton qutilarga yoki polietilen plyonkali termocho‘kish qadog‘iga joylashtiriladi (statsionarlar uchun emas).

50 tadan polimer flakon-tomizgichlar tibbiy qo‘llash bo‘yicha teng miqdordagi yo‘riqnomalar bilan birga karton qutilarga yoki polietilen plyonkali termocho‘kish qadog‘iga joylashtiriladi (statsionarlar uchun).

Saqlash muddati

3 yil.

Flakon ochilgandan so‘ng 30 kun davomida ishlatiladi.

Qadoqda ko‘rsatilgan yaroqlilik muddati tugagandan keyin ishlatilmasin.

Saqlash shartlari

Yorug‘lik tushmaydigan joyda, 25 °C dan yuqori bo‘lmagan haroratda.

Bolalar qo‘li yetmaydigan joyda saqlang.

Dorixonalardan berish shartlari

Shifokor retseptisiz.

Ishlab chiqaruvchi/Da’volar quyidagilarga yuborilsin:

"Slavyanskaya apteka" MCHJ, Rossiya,

601125, Vladimir viloyati, Petushinskiy tumani, Volginskiy posyolkasi,

tel./faks: 8 (495) 450-42-48, 8 (495) 742-60-36.