Noben

Tarkib

1 kapsulada quyidagilar mavjud:

Faol moddasi: 30 mg idebenon.

Yordamchi moddalar: laktoza monogidrati 102 mg, mikrokristallik sellyuloza 20 mg, kartoshka kraxmali 39,4 mg, povidon (quyi molekulyar tibbiy polivinilpirrolidon yoki plasdon) 8 mg, magniy stearati 0,6 mg.

Kapsula qobig‘ining tarkibi: titan dioksidi 1,3333%, xinolin sariq 0,9197%, quyosh botishi sariq 0,0044%, jelatin 100% gacha.

Tavsif

Sariq rangli qattiq jelatinli kapsulalar No1. Kapsulalar tarkibi - granulalar va sariq yoki sariq-to‘q sariq rangli kukunni o‘z ichiga olgan granulat bo‘lib, unda och sariqdan to‘q sariq ranggacha bo‘lgan dog‘lar mavjud, oq dog‘larga yo‘l qo‘yiladi.

Dori shakli

Kapsulalar.

Farmakoterapevtik guruh

Nootrop vosita. ATX kodi: N06BX13.

Farmakologik xususiyatlari

Glyukoza va ATF sintezini faollashtirish orqali bosh miyadagi almashinuv jarayonlarini yaxshilaydi, miya to‘qimalarining qon bilan ta’minlanishi va kislorodlanishini yaxshilaydi, laktatlarning chiqarilishiga yordam beradi. Antioksidant sifatida lipidlarning peroksidlanishini sekinlashtiradi va shu bilan neyronlar hamda mitoxondriyalar membranalarini shikastlanishdan saqlaydi.

Psixostimullovchi va neyroprotektor ta’sirga ega bo‘lgan nootrop xususiyatlarga ega. Preparatni qabul qilishning birinchi kunlaridan boshlab antiastenik, psixostimullovchi va antidepressiv ta’sir namoyon bo‘ladi. Nootrop va mnemotrop ta’sir davolashning 20-25 kunidan keyin kuzatiladi.

Farmakokinetika

Oshqozon-ichak yo‘llarida tez so‘riladi, qondagi konsentratsiyasi 4 soatdan keyin eng yuqori darajaga yetadi. Yarim chiqarilish davri 18 soat atrofida. Ko‘p miqdorda gematoensefalik to‘siqdan oson o‘tadi va miya to‘qimalariga tarqaladi. Uzoq muddat qo‘llanilganda ham kumulyatsiya bo‘lmaydi. Jigarda metabolizmga uchraydi, siydik va najas massalari bilan chiqariladi.

Qo‘llanilishi

Miya qon aylanishining buzilishi va miyadagi yoshga bog‘liq involyutsion o‘zgarishlar bilan bog‘liq bo‘lgan psixoorganik sindrom; qon tomir, travmatik, psixogen (nevrasteniya) va kombinatsiyalangan etiologiyaning serebroastenik buzilishlari, xotira va/yoki diqqatning buzilishi, aqliy mahsuldorlik va umumiy faollikning pasayishi, hissiy beqarorlik, astenik, astenodepressiv va o‘rtacha depressiv holatlar, bosh og‘rig‘i, bosh aylanishi, quloqlarda shovqin shaklida namoyon bo‘ladi.

Qo‘llash usuli va dozalari

Ichga 1 kapsuladan (30 mg) kuniga 2-3 marta ovqatdan keyin, kechqurun 17 soatdan kechiktirmay qabul qilish tavsiya etiladi. Davolash kursi davomiyligi 1,5-2 oyni tashkil etadi. Takroriy kurslarni yiliga 2-3 marta o‘tkazish tavsiya etiladi.

Nojo‘ya ta’sirlari

Allergik reaksiyalar, uyqu buzilishi, ruhiy qo‘zg‘alish, bosh og‘rig‘i, dispepsiya.

Qarshi ko‘rsatmalar

Ta’sir etuvchi modda idebenonga yuqori sezuvchanlik, surunkali buyrak yetishmovchiligi, 18 yoshgacha bo‘lgan bolalar (ma’lumotlar yo‘qligi sababli).

Homiladorlik va laktatsiya davrida ehtiyotkorlik bilan qo‘llash lozim.

Dorilarning o‘zaro ta’siri

Aniqlanmagan.

Maxsus ko‘rsatmalar

Avtomobil yoki boshqa mexanizmlarni boshqarish qobiliyatiga ta’siri

Transport haydovchilariga va kasbi tez ruhiy va harakat reaksiyalarini talab qiladigan shaxslarga ish vaqtida qabul qilish mumkin emas, chunki preparatni avtomobilni boshqaradigan yoki tez psixomotor reaksiyalarni talab qiladigan ishlarni bajaradigan shaxslarga ta’sirini o‘rganish o‘tkazilmagan.

Preparatni bolalar qo‘li yetmaydigan joyda saqlang va yaroqlilik muddati tugaganidan keyin ishlatmang.

Dozani oshirib yuborish

Nojo‘ya ta’sirlarning kuchayishi.

Davolash: oshqozonni yuvish, faollashtirilgan ko‘mir qabul qilish va simptomatik terapiya.

Chiqarish shakli

Kapsulalar 30 mg. Konturli katakli o‘ramda 10 ta kapsula. 1, 2, 3, 6, 9, 12 ta konturli yacheykali o‘ramlar, qo‘llash bo‘yicha yo‘riqnoma bilan birga karton qutida.

Saqlash shartlari

Yorug‘likdan himoyalangan quruq joyda, 30 °C dan yuqori bo‘lmagan haroratda saqlanadi.

Yaroqlilik muddati

3 yil.

Dorixonalardan berish shartlari

Retsept bo‘yicha.

Ishlab chiqaruvchi

"Binofarm" YoAJ

Rossiya, 124460, Moskva, Zelenograd sh., 4-Zapadniy proyezd, 3-uy, 1-bino.

N.A.Semashko nomidagi "Mosximfarmpreparatlar" OAJ

Rossiya, 115172, Moskva shahri, B.Kamenshiki ko‘chasi, 9-uy.

DA’VOLARNI QABUL QILUVCHI TASHKILOT: "Bannofarm" YoAJ

Rossiya, 124460, Moskva shahri, Zelenograd, 4-G‘arbiy yo‘lak, 3-uy, 1-bino.

Tel./faks: (495) 510-32-88.