Okskoril

Tarkib

10 ml sirop tarkibida quyidagilar mavjud:

Faol moddalar: salbutamol sulfat, ekv. salbutamol - 2,0 mg, bromgeksin gidroxlorid - 4,0 mg, gvayfenezin - 100 mg, mentol - 1,0 mg.

Yordamchi moddalar: saxaroza, propilenglikol, glitserin, sorbitolning 70% li eritmasi, natriy benzoat, limon kislotasining monogidrati, Sunset Yellow bo‘yog‘i, xushbo‘ylantirgichlar, tozalangan suv.

Tavsif

To‘q sariq rangli, o‘ziga xos hidli, shaffof qiyomsimon suyuqlik.

Dori shakli

Sirop.

Farmakoterapevtik guruh

Mukolitik vosita.

Farmakologik xususiyatlari

Salbutamol - nisbatan selektiv beta-2-adrenergik bronxodilatator. Beta-adrenergik preparatlarning, shu jumladan salbutamolning birlamchi ta’siri beta-adrenergik hujayralarda adenozin trifosfat (ATF) dan siklik 3’,5’-adenozin monofosfat (siklik AMF) hosil bo‘lishini katalizlovchi ferment - adenilsiklazani rag‘batlantirishdan iborat. Siklik AMF hujayra javobini boshqaradi. Siklik AMF darajasining oshishi bronxial silliq mushaklarning bo‘shashishi va hujayralardan, ayniqsa o‘zak hujayralardan o‘rtacha sezuvchanlik mediatorlarining ajralib chiqishini ingibirlashi bilan bog‘liq.

Bromgeksin mukolitik bo‘lib, balg‘amning yopishqoqligini kamaytiradi. Bromgeksin nafas yo‘llarida shilliq ishlab chiqaradigan hujayralarga ta’sir qiladi va bronxial sekretning yopishqoqligi uchun mas’ul bo‘lgan yuqori molekulyar mukopolisaxarid oqsil tolalarini depolimerlaydi. Bronxial shilliq suyuqlangandan so‘ng, bromgeksin nafas yo‘llarining barqarorligini tiklaydi va yo‘talishni kuchaytirib, nafas yo‘llarini tozalaydi. Turli xil og‘riqli holatlarda bromgeksin ventilyatsion qobiliyatni yaxshilaydi va shuning uchun bunday holatlarni, ayniqsa bronxospastik bronx-o‘pka kasalligini optimal davolash uchun juda foydali vosita hisoblanadi.

Gvayfenezin - odatdagi balg‘am ko‘chiruvchi vosita. Uning aniq mexanizmi aniqlanmagan bo‘lsa-da, u oshqozon shilliq qavatidagi qo‘zg‘atuvchi retseptorlarga ta’sir qiladi, bu esa nafas yo‘llari suyuqligining reflektor sekretsiyasini boshlaydi. Bu ta’sir hajmni oshiradi va shu bilan birga bronxlar tarkibidagi suyuqlikning yopishqoqligini kamaytiradi. Bu gvayfenezinning balg‘am ko‘chiruvchi ta’sirining asosiy mexanizmidir.

Mentol nafas yo‘llari, ayniqsa yuqori nafas yo‘llari tiqilib qolganda sezilarli darajada tozalovchi ta’sir ko‘rsatadi.

Qo‘llanilishi

Okskoril siropi produktiv yo‘talni (shu jumladan astmatik yo‘talni) simptomatik davolash uchun ko‘rsatilgan.

Qo‘llash usuli va dozalari

2 yoshdan 6 yoshgacha bo‘lgan bolalarga: 1 choy qoshiq yoki shifokor ko‘rsatmasiga binoan.

6 yoshdan 12 yoshgacha bo‘lgan bolalarga: 1-2 choy qoshiq yoki shifokor ko‘rsatmasiga binoan.

12 yoshdan oshgan bolalarga: 2 choy qoshiq yoki shifokor ko‘rsatmasiga binoan.

Nojo‘ya ta’sirlari

Ko‘ngil aynishi, qusish, teri toshmasi, bosh og‘rig‘i, kamdan-kam hollarda bosh aylanishi.

Qarshi ko‘rsatmalar

Preparat komponentlariga yuqori sezuvchanligi bo‘lgan bemorlarga qo‘llash mumkin emas.

Dorilarning o‘zaro ta’siri

Salbutamol simpatomimetiklar bilan birga qo‘llanilganda yurak-qon tomir tizimiga nojo‘ya ta’sir ko‘rsatishi mumkin. Beta-blokatorlarni preparat bilan birga qo‘llash mumkin emas, chunki ular salbutamol ta’sirini bloklashi mumkin. Salbutamol monoaminoksidaza (MAO) ingibitorlarining ta’sirini oshirishi mumkin, kaliy saqlamaydigan diuretiklar, digoksin, tritsiklik antidepressantlar bilan birgalikda nojo‘ya reaksiyalarga olib kelishi mumkin.

Maxsus ko‘rsatmalar

Okskorilni YUIK, gipertoniya va yurak aritmiyasi, gipertireoidizm, qandli diabet kabi yurak-qon tomir kasalliklari bilan og‘rigan bemorlar, simpatomimetiklarga nostandart reaksiyasi bo‘lgan bemorlar, tutqanoq buzilishlari bo‘lgan bemorlar ehtiyotkorlik bilan qabul qilishlari lozim.

Okskorilni homiladorlik va laktatsiya davrida faqat qat’iy ko‘rsatmalar bo‘yicha qabul qilish kerak. Sirop tarkibidagi bromgeksinni jigar yarasi, jigar va buyraklarning og‘ir disfunksiyasi bo‘lgan bemorlarga ehtiyotkorlik bilan qabul qilish lozim. Tarkibida mentol bo‘lgan mahsulotlarni qizilo‘ngach churrasi, o‘t pufagida toshi bor bemorlar, homiladorlikning oxirgi uch oyligida qabul qilmaslik kerak.

Ehtiyot choralari

Yurak kasalligi, diabet, gipertireoidizm, oshqozon yarasi, homiladorlik, laktatsiya, gipertoniya, jigar va buyrak faoliyatining buzilishi, aritmiya.

Homiladorlik va laktatsiya

Okskoril homiladorlik va laktatsiya davrida faqat shifokor ko‘rsatmasi bo‘yicha tayinlanishi kerak.

Preparatni bolalar qo‘li yetmaydigan joyda saqlang va yaroqlilik muddati tugaganidan keyin ishlatmang.

Dozani oshirib yuborish

Doza oshirib yuborilganda terlash, ko‘ngil aynishi va qusish paydo bo‘lishi mumkin. Simptomatik terapiya va qo‘llab-quvvatlovchi choralardan tashqari, oshqozonni yuvish va faollashtirilgan ko‘mir qabul qilish talab etiladi.

Chiqarish shakli

Flakonda 100 ml dan qiyom.

1 flakon qo‘llash bo‘yicha yo‘riqnoma bilan birga karton qutiga solinadi.

Saqlash shartlari

Salqin, quruq, yorug‘likdan himoyalangan joyda, 15 °C dan 25 °C gacha haroratda saqlanadi.

Yaroqlilik muddati

3 yil.

Dorixonalardan berish shartlari

Retsept bo‘yicha.

Ishlab chiqaruvchi

"Oksford Laboratorizi Pvt.Ltd.," Hindiston