Оксипрогестерона Капронат

Tarkib

Ta’sir etuvchi moddasi: gidroksiprogesteron kaproat - 125 mg.

Yordamchi moddalar: tibbiy benzilbenzoat - 300 mkl, zaytun moyi - 1 ml gacha.

Tavsif

Och sariq yoki tillarang-sariq rangli tiniq moysimon suyuqlik.

Chiqarish shakli

Muskul orasiga yuborish uchun moyli eritma 125 mg/ml.

Farmakoterapevtik guruh

Gestagen. Gidroksiprogesteron. ATX kodi: G03DA03.

Farmakologik xususiyatlari

Farmakodinamika

Sariq tana gormoni (progesteron) ning sintetik analogi. Kimyoviy jihatdan progesterondan 17-holatda kapron kislota qoldig‘ini saqlashi bilan farq qiladi. U gidroksiprogesteronning efiri bo‘lib, progesteronga nisbatan sekinroq metabolizmga uchraydi (uzoqroq ta’sir ko‘rsatadi). Moyli eritma bir marta mushak orasiga yuborilgandan so‘ng, uning ta’siri 7 kundan 14 kungacha davom etadi. Biologik xossalari jihatidan progesteronga o‘xshaydi. Nishon organlar hujayralari yuzasidagi retseptorlar bilan bog‘lanib, yadroga kiradi va u yerda DNK transkripsiyasini boshqarib, RNK sinteziga ta’sir ko‘rsatadi. Bachadon shilliq qavatining follikulani stimullovchi gormon chaqiradigan proliferatsiya fazasidan sekretor fazaga o‘tishiga yordam beradi, urug‘langandan so‘ng esa urug‘langan tuxum hujayraning implantatsiyasi va rivojlanishi uchun zarur sharoit yaratadi. Bachadon va bachadon naylari muskullarining qo‘zg‘aluvchanligi va qisqaruvchanligini kamaytiradi, sut bezlari alveolalari (sut hosil qiluvchi bo‘limlari) rivojlanishini rag‘batlantiradi.

Farmakokinetika

So‘rilishi: Mushak orasiga yuborilgandan so‘ng tez va deyarli to‘liq so‘riladi.

Tarqalishi: gidroksiprogesteron kaproati qon plazmasi oqsillari, asosan albumin va kortikosteroid bog‘lovchi globulin bilan faol bog‘lanadi.

Metabolizmi: jigarda glyukuron va sulfat kislotalari bilan konyugatlar hosil qilib metabolizmga uchraydi. In vitro ma’lumotlari shuni ko‘rsatadiki, gidroksiprogesteron kaproatning metabolizmi asosan CYP3A4 va CYP3A5 izofermentlari orqali amalga oshadi.

Chiqarilishi: yarim chiqarilish davri 5 min. Buyraklar orqali 50-60%, o‘t orqali 10% dan ortiq chiqariladi. Buyraklar orqali chiqariladigan metabolitlar miqdori sariq tana fazasiga qarab o‘zgarib turadi.

Ko‘rsatmalar

Sariq tana yetishmovchiligi bilan bog‘liq holatlar: amenoreya (birlamchi va ikkilamchi).

Qarshi ko‘rsatmalar

Gidroksiprogesteron kaproat va/yoki preparat tarkibidagi har qanday yordamchi moddaga yuqori sezuvchanlik;

gepatit;

jigar yetishmovchiligi;

buyrak yetishmovchiligi;

sut bezi va jinsiy a’zolar saratoni;

trombozlarga moyillik;

18 yoshgacha bo‘lgan yosh;

bachadondan tashqari homiladorlik;

emizish davri

Ehtiyotkorlik bilan

Yurak-qon tomir tizimi kasalliklari, arterial gipertenziya, qandli diabet, bronxial astma, epilepsiya, migren, depressiya, giperlipoproteinemiyada. Davolash ko‘pincha estrogen preparatlarini buyurish bilan birga olib boriladi yoki estrogen preparatlari bilan davolashdan so‘ng bevosita o‘tkaziladi.

Qo‘llash usuli va dozalari

Yuborish usuli: mushak orasiga. Preparatni yuborishdan oldin 30-40°C gacha qizdirish, dumba mushagiga chuqur yuborish kerak. Amenoreyada (birlamchi, ikkilamchi) tarkibida estrogen bo‘lgan dori preparatlari to‘xtatilgandan so‘ng darhol 250 mg (2,0 ml) dan bir marta yoki 125 mg dan ikki marta (1,0 ml ertalab va 1,0 ml kechqurun) buyuriladi.

Davolash davomiyligi davolovchi shifokor tomonidan belgilanadi.

Maxsus klinik guruhlarda preparatni qo‘llash:

Buyrak yetishmovchiligi bo‘lgan bemorlarda oksiprogesteron kapronati preparatini qo‘llash mumkin emas ("Qarshi ko‘rsatmalar" bo‘limiga qarang).

Jigar faoliyati buzilgan bemorlar: ushbu preparatni jigar yetishmovchiligi bo‘lgan ayollarda qo‘llash mumkin emas ("Qarshi ko‘rsatmalar" bo‘limiga qarang).

Nojo‘ya ta’sirlari

Nojo‘ya reaksiyalar (NP) MedDRA lug‘atiga ko‘ra a’zolar va a’zo tizimlari shikastlanishining tasnifi va JSST HP rivojlanish chastotasiga muvofiq taqsimlangan: juda tez-tez: (≥ 1/10); tez-tez: (≥ 1/100 va < 1/10); tez-tez emas (≥ 1/1000 va < 1/100); kamdan-kam (≥ 1/10 000 va < 1/1000); juda kamdan-kam (< 1/10 000); chastotasi noma’lum (mavjud ma’lumotlarga ko‘ra, paydo bo‘lish chastotasini aniqlash imkonsiz).

Immun tizimi tomonidan buzilishlar

Chastotasi noma’lum: allergik reaksiyalar, anafilaktik reaksiyalar.

Endokrin tizim tomonidan buzilishlar

Chastotasi noma’lum: hayz siklining buzilishi (amenoreya, qonli ajralmalar/qon ketishlar "bekor qilish," "keskin" qon ketishlar), libidoning pasayishi, galaktoreya, alopetsiya, girsutizm, tana vaznining ortishi.

Ruhiy buzilishlar

Chastotasi noma’lum: depressiya, apatiya, disforiya.

Asab tizimi buzilishlari

Chastotasi noma’lum: ko‘ruv nervi nevriti, uyquchanlik, bosh og‘rig‘i, bosh aylanishi, migren.

Tomirlar tomonidan buzilishlar

Chastotasi noma’lum: qon bosimining ko‘tarilishi, periferik shishlar, tromboemboliya (shu jumladan o‘pka arteriyasi va bosh miya tomirlari), tromboflebit, chuqur venalar trombozi, to‘r parda venalari trombozi.

Oshqozon-ichak tizimi buzilishlari

Chastotasi noma’lum: ko‘ngil aynishi, qusish, ishtahaning pasayishi, qorinda spastik xarakterdagi og‘riqlar, qorin dam bo‘lishi.

Jigar va o‘t yo‘llarining buzilishi

Chastotasi noma’lum: xolestatik gepatit, toshli xoletsistit.

Teri va teri osti to‘qimalarining buzilishi

Chastotasi noma’lum: xloazma, toshma, qichishish, ko‘p shaklli eritema.

Skelet-mushak va biriktiruvchi to‘qima buzilishlari

Chastotasi noma’lum: beldagi og‘riq.

Jinsiy a’zolar va ko‘krak bezi kasalliklari

Chastotasi noma’lum: ko‘krak bezlarining kattalashishi, og‘rishi va taranglashishi.

Yuborish joyidagi umumiy buzilishlar va buzilishlar

Chastotasi noma’lum: yuborilgan joyda og‘riq, yuborilgan joyda shish, yuborilgan joyda abssess.

Dozani oshirib yuborish

Belgilari: markaziy asab tizimining susayishi, uyquchanlik, taxikardiya, qon bosimining ko‘tarilishi, holsizlik, terlash.

Davolash: simptomlar yo‘qolguncha terapiyani to‘xtatish, keyinchalik kamroq dozalar tayinlash. Zarurat tug‘ilganda simptomatik davo o‘tkaziladi.

O‘zaro aloqa

Miometriy qisqarishini stimullovchi preparatlar (oksitotsin), anabolik steroidlar (ndrolon), gipofizning gonadotrop gormonlari ta’sirini susaytiradi.

Diuretiklar, gipotenziv preparatlar, immunodepressantlar, bromokriptin ta’sirini kuchaytiradi. Antikoagulyantlarning samaradorligini pasaytiradi.

Preparatning gestagen faolligini mikrosomal oksidlanish induktorlari (barbituratlar, gidantoinlar, rifampitsin va boshqalar) pasaytiradi.

Maxsus ko‘rsatmalar

Saqlash jarayonida kristallarning to‘kilishiga yoki ampulaning butun tarkibi kristallanishiga yo‘l qo‘yiladi. Agar kristallar tushib ketsa yoki ampula ichidagi hamma narsa kristallanib qolsa, ampulani qaynab turgan suv hammomida chayqatib turib qizdirish kerak. Agar kristallar yo‘qolib, eritma tiniq bo‘lib qolsa va 36-38 °C gacha sovitilganda kristallar qaytadan tushmasa, eritma ishlatishga yaroqli bo‘ladi.

Preparatni tayinlash faqat davolovchi shifokor tomonidan, aniq tashxis qo‘yilgandan so‘ng uning nazorati ostida amalga oshirilishi kerak.

Preparat glyukozaga tolerantlikni pasaytirishi mumkin; qandli diabet bilan og‘rigan bemorlarda qondagi glyukoza konsentratsiyasini nazorat qilish zarur; ko‘rish qobiliyatining buzilishi, migren, ko‘ruv nervi diskining shishishi belgilari paydo bo‘lganda preparatni darhol to‘xtatish talab etiladi.

Homiladorlik va laktatsiya

Homiladorlik

Preparat homiladorlik davrida qo‘llanilmaydi. Preparatni qo‘llash fonida homiladorlik yuzaga kelgan taqdirda, davolashni darhol to‘xtatish kerak; homiladorlikni to‘xtatish zarurligi haqida ma’lumotlar yo‘q.

Emizish davri

Preparatni emizish davrida qo‘llash mumkin emas.

Transport vositalari va mexanizmlarini boshqarish qobiliyatiga ta’siri

Transport vositalarini boshqarishda va diqqatning yuqori konsentratsiyasini va psixomotor reaksiyalarning tezligini talab qiladigan boshqa potensial xavfli faoliyat turlari bilan shug‘ullanishda ehtiyot bo‘lish kerak, chunki preparat noxush reaksiya rivojlangan taqdirda transport vositalarini boshqarish va mexanizmlar bilan ishlash qobiliyatiga ta’sir ko‘rsatishi mumkin.

Qadoq

1 ml dan neytral shisha yoki birinchi gidrolitik sinfdagi rangsiz shisha ampulalarga sinish nuqtalari yoki halqalari bilan.

10 ta ampula qo‘llash bo‘yicha yo‘riqnoma bilan birga karton qutiga solinadi.

5 ta ampula polivinilxlorid plyonkasidan yasalgan konturli yacheykali idishga joylashtiriladi.

2 tadan kontur yacheykali o‘ramlar qo‘llash bo‘yicha yo‘riqnoma bilan birga karton qutiga joylashtiriladi.

Saqlash shartlari

Yorug‘lik tushmaydigan joyda, 25 °C dan yuqori bo‘lmagan haroratda.

Bolalar qo‘li yetmaydigan joyda saqlang.

Yaroqlilik muddati

5 yil.

Yaroqlilik muddati o‘tgandan keyin qo‘llanilmaydi.

Dorixonalardan berish shartlari

Retsept bo‘yicha.

Ro‘yxatdan o‘tish guvohnomasi egasi

DALXIMFARM OAJ Rossiya.

Ishlab chiqaruvchi

DALXIMFARM OAJ Rossiya.