Trokserutin

Tarkib

Sirtga qo‘llash uchun 100 g gel quyidagilarni o‘z ichiga oladi:

faol modda: trokserutin 2,0 g;

yordamchi moddalar: karbomer, trolamin, dinatriy edetat, benzalkoniy xlorid, suv.

Tavsif

Sariqdan sariq-yashil ranggacha bo‘lgan bir xil shaffof gel.

Dori shakli

Sirtga qo‘llash uchun gel.

Farmakoterapevtik guruh

Angioprotektor vosita. ATX kodi: S05SA04.

Farmakologik ta’siri

Trokserutin venotonik, angioprotektor, shishga qarshi, antioksidant va yallig‘lanishga qarshi ta’sirga ega. Trokserutin oksidlanish-qaytarilish jarayonlarida ishtirok etadi, gialuranidazani bloklaydi, hujayra membranalarining gialuron kislotasini barqarorlashtiradi va kapillyarlarning o‘tkazuvchanligi va mo‘rtligini kamaytiradi, ularning tonusini oshiradi. Tomir devorining zichligini oshiradi, suyuq qism ekssudatsiyasi va qon hujayralari diapedezini kamaytiradi. Tomir devoridagi yallig‘lanishni pasaytiradi, trombotsitlarning uning yuzasiga yopishishini cheklaydi.

Farmakokinetika

Gel teriga surtilganda faol modda epidermis orqali tez o‘tadi, 30 daqiqadan so‘ng dermada, 2-5 soatdan so‘ng esa teri osti yog‘ kletchatkasida aniqlanadi.

Ko‘rsatmalar

surunkali venoz yetishmovchilik bilan bog‘liq og‘riq va shish;

oyoqlarda og‘irlik va og‘riq hissi, to‘piqlarning shishishi;

charchoq, shishish, talvasalar, paresteziyalar;

o‘tkir yuzaki tromboflebit va periflebit;

varikoz dermatit;

travmatik xarakterdagi og‘riqlar va shishlar (shu jumladan paylar shikastlanganda, mushaklar cho‘zilganda yoki lat yeganda).

Qo‘llash usuli va dozalari

Gel sirtga ishlatiladi.

Gel ertalab va kechqurun shikastlangan sohaga yengil massaj harakatlari bilan pastdan yuqoriga qarab, teriga to‘liq singib ketguncha surtiladi. Agar biror sababga ko‘ra preparatni qo‘llash o‘tkazib yuborilgan bo‘lsa, bemor uni istalgan vaqtda, ikki muolaja seanslari orasidagi vaqtni 10-12 soatdan kam bo‘lmagan holda qo‘llashi mumkin.

Kerak bo‘lsa, gelni bint yoki elastik paypoq ostiga surtish mumkin.

Nojo‘ya ta’sirlari

Kam hollarda qizarish, qichishish, toshma toshishi kuzatiladi. Bu alomatlar davolash to‘xtatilgandan keyin tezda o‘tib ketadi.

Qarshi ko‘rsatmalar

Trokserutinga yoki preparatning biror yordamchi moddasiga yuqori sezuvchanlik.

Teri qoplamlari butunligining buzilishi.

Boshqa dori vositalari bilan o‘zaro ta’siri

Mahalliy qo‘llashda Trokserutin Vetprom ma’lum emas.

Maxsus ko‘rsatmalar

Shilliq qavatlarga va ochiq jarohatlarga surtmang!

Homiladorlik va laktatsiyada qo‘llash

Homila va chaqaloqlarga nojo‘ya ta’siri haqida ma’lumotlar yo‘q. Dori preparatini homiladorlikning ikkinchi va uchinchi trimestrida, shuningdek, emizish davrida qo‘llash mumkin.

Preparatni bolalar qo‘li yetmaydigan joyda saqlash lozim.

Qadoqda ko‘rsatilgan yaroqlilik muddati tugagandan so‘ng dori ishlatmang!

Chiqarish shakli

Sirtga qo‘llash uchun gel alyuminiy tubalarga 40 g dan solinadi.

Har bir tuba qo‘llanmasi bilan birga karton qutida.

Saqlash muddati

5 yil.

Saqlash shartlari

Harorati 25 °C dan yuqori bo‘lmagan quruq, yorug‘likdan himoyalangan joyda muzlab qolishiga yo‘l qo‘ymaslik kerak.

Dorixonalardan beriladigan ruxsatnoma

Retsept bo‘yicha.

Ishlab chiqaruvchi

Vetprom AD. Bolgariya.

Manzil: Radomir shahri, "Otes Paisiy" ko‘chasi, 26-uy