Demoton-B12 in'ektsiya uchun eritma, 5 ml №5 (ampulalar)

Dori preparatining tarkibi

Bitta ampula tarkibida

faol moddalar: tiamin gidroxlorid - 250 mg

piridoksin gidroxlorid - 250 mg

sianokobalamin - 1.5 mg,

yordamchi moddalar: benzil spirti, natriy gidrokarbonat, gentizin etanolamid kislotalari, inyeksiya uchun suv.

Tashqi ko‘rinish, hid, ta’m tavsifi

O‘ziga xos hidli, tiniq qizil rangli eritma.

Dori shakli, dozasi

Inyeksiya uchun eritma

Farmakoterapevtik guruh

Ovqat hazm qilish trakti va moddalar almashinuvi. Vitaminlar. B1 vitamini, oddiy va B6 va B12 vitaminlari bilan kombinatsiyalangan. B1 vitamini B6 vitamini va/yoki B12 vitamini bilan birgalikda

Qo‘llanilishi

B1, B6 va B12 vitaminlarining tasdiqlangan tanqisligi tufayli kelib chiqadigan nevrologik kasalliklarni davolash, ularni og‘iz orqali davolash mumkin emas.

Qo‘llash boshlangunga qadar zarur bo‘lgan ma’lumotlar ro‘yxati

Qarshi ko‘rsatmalar

- preparatning alohida tarkibiy qismlariga yuqori sezuvchanlik

- anamnezda vitaminlarga allergik reaksiyalar

- 14 yoshgacha bo‘lgan bolalar va o‘smirlar.

Qo‘llashda zarur ehtiyot choralari

Preparatni vena ichiga yuborish mumkin emas!

B6 vitaminining sutkalik dozasi 2 g dan oshmasligi kerak.

B12 vitaminini parenteral yuborish funikulyar miyeloz yoki pernitsioz anemiya tashxisini yomonlashtirishi mumkin.

Periferik sensor neyropatiya (paresteziya) belgilari paydo bo‘lgan taqdirda, preparat dozasini to‘g‘rilash va zarur bo‘lsa, davolashni to‘xtatish lozim.

B6 vitaminini kuniga 50 mg dan ortiq yoki kuniga 1 g dan ortiq (6-12 oydan ortiq) dozalarda uzoq vaqt qabul qilish qaytariluvchi periferik sensor neyropatiyaga olib kelishi mumkin.

Preparat tarkibida natriy birikmalari mavjud. Buni tuz miqdori juda cheklangan parhezga rioya qilish zarur bo‘lganda hisobga olish kerak.

Boshqa dori vositalari bilan o‘zaro ta’siri

Kislota pasaytiruvchi vositalardan uzoq vaqt foydalanish B12 vitamini yetishmovchiligiga olib kelishi mumkin.

Tiamin 5-ftoruratsil bilan inaktivatsiyalanadi, chunki 5-ftoruratsil tiaminning fosforillanishini tiamin pirofosfatga ingibirlaydi.

Halqali diuretiklar, masalan, furosemid, kanalchalar reabsorbsiyasini to‘sib qo‘yishi mumkin, shu tariqa uzoq vaqt qo‘llanganda tiamin ajralishini kuchaytiradi, bu esa tiamin darajasining pasayishiga olib keladi.

B6 vitamini periferik DOPA-dekarboksilazani faollashtiradi. Agar preparatni qabul qilish periferik DOPA-dekarboksilaza ingibitorlarini qabul qilish bilan birga olib borilmasa, levodopa bilan bir vaqtda buyurishdan saqlanish kerak.

Levodopa vitamin B6 ning terapevtik dozalari ta’sirini kamaytiradi.

Piridoksin antagonistlarini (masalan, izoniazid, gidralazin, D-penitsillamin yoki sikloserin) bir vaqtda qo‘llash B6 vitamini tanqisligiga olib kelishi mumkin.

Tarkibida sulfitlar bo‘lgan ichimliklarni (masalan, vino) iste’mol qilish tiaminning parchalanishini oshiradi.

Preparatni bir shprisda boshqa DV bilan aralashtirish tavsiya etilmaydi.

B1 vitamini tarkibida sulfitlar bo‘lgan eritmalarda to‘liq parchalanadi.

Boshqa vitaminlar, ayniqsa sianokabalamin, B1 vitaminining parchalanish mahsulotlari ishtirokida faolsizlanishi mumkin.

Maxsus ogohlantirishlar

Agar sizda faol moddalarga yoki preparatning har qanday yordamchi moddasiga yuqori sezuvchanlik bo‘lsa, Demoton-B12 qabul qilmang.

Pediatriyada qo‘llash

14 yoshgacha bo‘lgan bolalar va o‘smirlarda qo‘llash mumkin emas.

Homiladorlik yoki emizish davrida

Preparat faqat foyda va xavf nisbati sinchiklab baholangandan so‘ng buyuriladi, chunki homiladorlikda preparatni qo‘llash xavfsizligi haqida ma’lumotlar yetarli emas.

B1, B6 va B12 vitaminlari ona sutiga o‘tadi. B6 vitaminining yuqori dozalari (>600 mg/sut) sut ishlab chiqarilishiga to‘sqinlik qilishi mumkin. Laktatsiya davrida preparatni qo‘llash zarur bo‘lsa, emizishni to‘xtatish lozim.

Preparatning transport vositasini yoki potensial xavfli mexanizmlarni boshqarish qobiliyatiga ta’sirining o‘ziga xos xususiyatlari

Demoton-B12 avtotransport va potensial xavfli mexanizmlarni boshqarish qobiliyatiga ta’sir qilmaydi.

Qo‘llash bo‘yicha tavsiyalar

Dozalash tartibi

Og‘ir holatda har kuni 5 ml dan, yengilroq holatda har 2-3 kunda 5 ml dan.

Yuborish usuli va yo‘li

Faqat mushak orasiga yuborish uchun!

Demoton-B12 mushak orasiga (mushak orasiga chuqur inyeksiya yo‘li bilan) yuboriladi.

Davolash davomiyligi

Davolash kursining davomiyligi bemorning klinik holatini baholashga bog‘liq.

Doza oshirib yuborilganda ko‘riladigan choralar

B1 vitamini keng terapevtik diapazonga ega. Juda yuqori dozalari (10 g dan ortiq) gangliyalarga kurare ta’siriga o‘xshash bloklovchi ta’sir ko‘rsatadi va nerv impulslarining o‘tkazilishini susaytiradi.

B6 vitaminining toksik potensiali juda past. B6 vitaminini kuniga 50 mg dan ortiq dozada uzoq vaqt (6-12 oydan ortiq) qabul qilish qaytariluvchi periferik sensor neyropatiyaga olib kelishi mumkin. Simptomlar vitaminlarni qabul qilish to‘xtatilgandan so‘ng asta-sekin yo‘qoldi.

B6 vitaminini kuniga 1 g dan ortiq dozada 2 oydan ortiq muddat davomida me’yoridan ortiq qo‘llash neyrotoksik ta’sirlarga olib kelishi mumkin.

Ataksiya va sezuvchanlik buzilishlari bilan kechuvchi nevropatiyalar, EEGdagi o‘zgarishlar bilan kechuvchi serebral tutqanoqlar, shuningdek, ayrim hollarda gipoxrom anemiya va seboreyali dermatit sutkasiga 2 g dan ortiq yuborilgandan so‘ng tasvirlangan.

V12 vitamini tavsiya etilganidan yuqori dozalarda parenteral yuborilgandan so‘ng allergik reaksiyalar, ekzematoz teri buzilishlari va aknening xavfsiz shakli kuzatildi.

Belgilari: noxush reaksiyalarning kuchayishi mumkin.

Davolash: simptomatik terapiya.

Dori vositasini qo‘llash usulini tushuntirish uchun tibbiyot xodimiga murojaat qilish bo‘yicha tavsiyalar

Preparatni qo‘llash shifokor nazorati ostida amalga oshirilishi lozim.

Dori vositalarini standart qo‘llashda yuzaga keladigan nojo‘ya ta’sirlar tavsifi va bunday hollarda ko‘rilishi kerak bo‘lgan choralar

Nojo‘ya reaksiyalar chastotasini aniqlash: juda tez-tez (≥1/10); tez-tez (≥1/00 dan <1/10 gacha); tez-tez emas (≥1/1000 dan < 1/100 gacha); kamdan-kam (≥1/10 000 dan <1/1000 gacha); juda kamdan-kam (< 1/10 000); noma’lum (mavjud ma’lumotlar bo‘yicha baholash imkonsiz).

Juda kam (1/10000)

- yuqori sezuvchanlik reaksiyalari, jumladan terlash, taxikardiya, teri reaksiyalari (qichishish, eshakemi), anafilaktik shok

Noma’lum

- periferik sensor neyropatiya (B6 vitaminini kunlik 50 mg dan ortiq miqdorda uzoq vaqt (>6-12 oy) qo‘llashda)

- oshqozon-ichak kasalliklari, jumladan ko‘ngil aynishi, qusish, ich ketishi, qorin og‘rig‘i

- allergik reaksiyalar, ekzematoz teri buzilishlari va aknening xavfsiz shakli (B12 vitaminining yuqori dozasi yuborilgandan so‘ng)

- inyeksiya qilingan joydagi reaksiyalar

- xromaturiya ("qizg‘ish siydik," qabul qilingandan keyin dastlabki 8 soat ichida paydo bo‘lgan va odatda 48 soat ichida so‘rilib ketadi).

Chiqarilish shakli va qadoqlash

Preparat 5 ml dan shaffof to‘q rangli shisha ampulalarga yorib ochiladigan qilib qo‘yiladi. Ampulaga o‘zi yelimlanadigan etiketka yopishtiriladi.

5 ta ampula plastik idishga solinadi.

1 ta plastik konteyner davlat va rus tillarida tibbiy qo‘llash bo‘yicha yo‘riqnoma bilan birga karton qutiga joylashtiriladi.

Saqlash muddati

18 oy

Yaroqlilik muddati tugaganidan keyin qo‘llanilmasin!

Saqlash shartlari

25 oS dan yuqori bo‘lmagan haroratda, yorug‘likdan himoyalangan joyda saqlansin.

Bolalar qo‘li yetmaydigan joyda saqlang!

Dorixonalardan berish shartlari

Retsept bo‘yicha

Ishlab chiqaruvchi tafsilotlari

DEMO S.A. Farmatsevtika sanoati

21 km National Road Athens-Lamia, 14568 Afina, Gretsiya

Tel: +30 210 81 61 802

Faks: +30 210 81 61 587

e-mail: [email protected]

http:// www.demo.gr

Ro‘yxatdan o‘tkazish guvohnomasi egasi

DEMO S.A. Farmatsevtika sanoati

21 km National Road Athens-Lamia, 14568 Afina, Gretsiya

Tel: +30 210 81 61 802

Faks: +30 210 81 61 587

e-mail: [email protected]

http:// www.de