Dimedrol Dalchimfarm tomir ichiga va mushak ichiga yuborish uchun eritma 10 mg / ml, 1 ml № 10 (ampulalar)

Tarkib

Ta’sir etuvchi modda: difengidramin gidroxlorid (dimedrol) - 10 mg;

Yordamchi modda: inyeksiya uchun suv - 1 ml gacha.

Tavsif

Tiniq, rangsiz suyuqlik.

Chiqarish shakli

Vena ichiga va mushak ichiga yuborish uchun eritma, 10 mg/ml.

Farmakoterapevtik guruh

Allergiyaga qarshi vosita - H1-gistamin retseptorlari blokatori. Difengidramin. ATX kodi: R06AA02.

Farmakologik xususiyatlari

Farmakodinamika

Birinchi avlod H1-gistamin retseptorlari blokatori. Markaziy asab tizimiga ta’siri bosh miyaning H1-gistamin retseptorlari va m-xolinoretseptorlari blokadasi bilan bog‘liq. Gistamin keltirib chiqaradigan silliq mushaklar spazmini, kapillyarlar o‘tkazuvchanligining oshishini, to‘qimalar shishini, qichishish va giperemiyani kamaytiradi yoki oldini oladi, mahalliy og‘riqsizlantiruvchi, qusishga qarshi, tinchlantiruvchi ta’sirga ega, uxlatuvchi ta’sir ko‘rsatadi.

Gistamin bilan antagonizm yallig‘lanish va allergiyada tizimli, ya’ni qon bosimining pasayishiga nisbatan mahalliy qon tomir reaksiyalariga nisbatan ko‘proq namoyon bo‘ladi. Biroq, aylanib yuruvchi qon hajmi yetishmovchiligi bo‘lgan bemorlarga parenteral yuborilganda, arterial bosimning pasayishi va mavjud gipotenziyaning kuchayishi mumkin.

Miyaning mahalliy shikastlanishi va epilepsiya bilan og‘rigan odamlarda (hatto past dozalarda ham) elektroensefalogrammada epileptik razryadlarni faollashtiradi va epileptik xurujni qo‘zg‘atishi mumkin.

Ta’siri bir necha minut davomida rivojlanadi, davomiyligi - 12 soatgacha.

Farmakokinetika

Plazma oqsillari bilan bog‘lanishi - 98-99%. Gematoensefalik to‘siq orqali o‘tadi. Asosan jigarda, qisman o‘pka va buyraklarda metabolizmga uchraydi. To‘qimalardan 6 soatdan keyin chiqariladi. Yarim chiqarilish davri - 4-10 soat. Sutka davomida buyraklar orqali glyukuron kislotasi bilan konyugatsiyalangan metabolitlar ko‘rinishida to‘liq chiqariladi. Ancha miqdori ko‘krak suti bilan chiqariladi va ko‘krak yoshidagi bolalarda sedativ ta’sir ko‘rsatishi mumkin (haddan tashqari qo‘zg‘aluvchanlik bilan tavsiflanadigan paradoksal reaksiya kuzatilishi mumkin).

Ko‘rsatmalar

Kompleks terapiyada - anafilaktik va anafilaktoid reaksiyalar, Kvinke shishi, zardob kasalligi.

Qarshi ko‘rsatmalar

Preparat komponentlariga yuqori sezuvchanlik;

yopiq burchakli glaukoma;

prostata bezining giperplaziyasi;

oshqozon va o‘n ikki barmoqli ichakning stenozlovchi yara kasalligi;

qovuq bo‘yni stenozi;

bronxial astma;

epilepsiya;

7 oygacha bo‘lgan bolalar;

emizish davri

Ehtiyotkorlik bilan

Homiladorlik.

Qo‘llash usuli va dozalari

Vena ichiga yoki chuqur mushak ichiga.

Kattalar va 14 yoshdan oshgan bolalar uchun - 1 - 5 ml (10 - 50 mg) sutkada 1 - 3 marta. Maksimal sutkalik doza - 200 mg.

7 oydan 12 oygacha bo‘lgan bolalar uchun 0,3-0,5 ml (3-5 mg), 1 yoshdan 3 yoshgacha 0,5-1 ml (5-10 mg), 4 yoshdan 6 yoshgacha 1-1,5 ml (10-15 mg), 7 yoshdan 14 yoshgacha 1,5-3 ml (15-30 mg) har 6-8 soatda zarurat tug‘ilganda.

7 oydan 12 oygacha bo‘lgan bolalar uchun maksimal sutkalik doza - 2,0 ml (20 mg), 1 yoshdan 3 yoshgacha - 4,0 ml (40 mg), 4 yoshdan 6 yoshgacha - 6,0 ml (60 mg), 7 yoshdan 14 yoshgacha - 12 ml (120 mg).

Nojo‘ya ta’sirlari

Immun tizimi tomonidan buzilishlar: eshakemi, fotosezgirlik, dori toshmasi, qichishish, anafilaktik shok.

Moddalar almashinuvi va ovqatlanishdagi buzilishlar: ko‘p terlash, qaltirash.

Asab tizimi tomonidan buzilishlar: bosh aylanishi, uyquchanlik, asabiylik, uyqusizlik, eyforiya, umumiy holsizlik, charchoq, sedativ ta’sir, psixomotor reaksiyalar tezligining pasayishi, bosh og‘rig‘i, harakat koordinatsiyasining buzilishi, bezovtalik, yuqori qo‘zg‘aluvchanlik (ayniqsa bolalarda), asabiylik, ongning chalkashishi, tremor, nevrit, talvasalar, paresteziya.

Ko‘rish a’zosi tomonidan buzilishlar: ko‘rish idrokining buzilishi, diplopiya.

Eshitish a’zosidagi buzilishlar va labirint buzilishlari: vertigo, o‘tkir labirintit, quloqdagi shovqin.

Oshqozon-ichak tizimi tomonidan buzilishlar: og‘iz bo‘shlig‘i shilliq qavatining quruqligi, epigastral sohada og‘riq, anoreksiya, ko‘ngil aynishi, qusish, diareya, qabziyat, epigastral sohada noqulaylik.

Nafas olish tizimi, ko‘krak qafasi a’zolari va ko‘ks oralig‘i tomonidan buzilishlar: burun va tomoq shilliq qavatining quruqligi, balg‘am yopishqoqligining oshishi, ko‘krak va tomoqda siqilish hissi, aksirish, burun bitishi.

Qon va limfa tizimi tomonidan buzilishlar: gemolitik anemiya, trombotsitopeniya, agranulotsitoz.

Yurak tomonidan buzilishlar: yurak urishini his qilish, taxikardiya, ekstrasistoliya.

Tomirlar tomonidan buzilishlar: qon bosimining pasayishi.

Buyrak va siydik yo‘llari tomonidan buzilishlar: tez-tez yoki qiyin siydik ajralishi, siydik tutilishi.

Jinsiy a’zolar va ko‘krak bezidagi buzilishlar: erta hayz ko‘rish.

U yoki bu noxush nojo‘ya ta’sir paydo bo‘lganda, iloji boricha tezroq shifokorga murojaat qiling.

Agar yo‘riqnomada ko‘rsatilgan nojo‘ya ta’sirlardan birortasi kuchaysa yoki yo‘riqnomada ko‘rsatilmagan boshqa nojo‘ya ta’sirlarni sezsangiz, bu haqda shifokorga xabar bering.

Dozani oshirib yuborish

Belgilari: markaziy asab tizimi faoliyatining susayishi yoki qo‘zg‘alishi (ayniqsa bolalarda), depressiya. Dozani oshirib yuborishning boshqa alomatlari atropinning ta’sirini eslatadi: ko‘z qorachiqlarining kengayishi, og‘iz qurishi, oshqozon-ichak tizimi faoliyatining buzilishi.

Belgilari: markaziy asab tizimi faoliyatining susayishi yoki qo‘zg‘alishi (ayniqsa bolalarda), depressiya. Dozani oshirib yuborishning boshqa alomatlari atropinning ta’sirini eslatadi: ko‘z qorachiqlarining kengayishi, og‘iz qurishi, oshqozon-ichak tizimi faoliyatining buzilishi.

Davolash: Maxsus antidot yo‘q. Me’dani yuvish. Qo‘llab-quvvatlovchi choralar qon bosimini nazorat qilish, qon bosimini oshiruvchi dorilar, kislorod, plazma o‘rnini bosuvchi suyuqliklarni vena ichiga yuborishni o‘z ichiga oladi.

Adrenalin va analeptiklarni qo‘llash mumkin emas.

O‘zaro aloqa

Etanol va markaziy asab tizimini susaytiruvchi dorilarning ta’sirini kuchaytiradi. Monoaminoksidaza ingibitorlari difengidraminning antixolinergik faolligini kuchaytiradi.

Antagonistik o‘zaro ta’sir psixostimulyatorlar bilan birgalikda buyurilganda qayd etiladi.

Apomorfinning zaharlanishni davolashda qustiruvchi dori vositasi sifatidagi samaradorligini pasaytiradi.

M-xolinobloklovchi faollikka ega dori vositasining antixolinergik ta’sirini kuchaytiradi.

Maxsus ko‘rsatmalar

Teri ostiga yuborish mumkin emas, chunki u qitiqlovchi ta’sirga ega.

Dimedrol bilan davolash vaqtida ultrabinafsha nurlar ta’siridan va etanol iste’mol qilishdan saqlanish kerak.

Ushbu preparatni qo‘llash haqida shifokorni xabardor qilish zarur: qayt qilishga qarshi ta’siri appenditsit tashxisini qo‘yishni va boshqa dori vositalarining dozasini oshirib yuborish alomatlarini aniqlashni qiyinlashtirishi mumkin.

Diqqatning yuqori konsentratsiyasini va ruhiy hamda harakat reaksiyalarining tezligini talab qiladigan potensial xavfli faoliyat turlari bilan shug‘ullanadigan bemorlarga buyurish tavsiya etilmaydi.

Homiladorlik va laktatsiya

Preparatni homiladorlikda qo‘llash faqat ona uchun taxmin qilinayotgan foyda homila uchun potensial xavfdan yuqori bo‘lgandagina (shifokorning qat’iy nazorati ostida) mumkin.

Agar laktatsiya davrida preparatni buyurish zarur bo‘lsa, emizishni to‘xtatish kerak, chunki haddan tashqari qo‘zg‘aluvchanlik bilan tavsiflangan paradoksal reaksiya kuzatilishi mumkin.

Transport vositalari va mexanizmlarini boshqarish qobiliyatiga ta’siri

Davolash vaqtida diqqatning yuqori konsentratsiyasini va psixomotor reaksiyalarning tezligini talab qiladigan potensial xavfli faoliyat turlari bilan shug‘ullanishdan voz kechish kerak.

Qadoq

Neytral shisha ampulalarga 1 ml yoki 10 ml dan siniq nuqtalari yoki halqalari bilan.

10 ta ampula qo‘llash bo‘yicha yo‘riqnoma bilan birga karton qutiga solinadi.

5 ta ampula polivinilxlorid plyonkasidan yasalgan konturli yacheykali idishga joylashtiriladi.

2 tadan kontur yacheykali o‘ramlar qo‘llash bo‘yicha yo‘riqnoma bilan birga karton qutiga joylashtiriladi.

Saqlash shartlari

Yorug‘likdan himoyalangan joyda, 25 °C dan yuqori bo‘lmagan haroratda.

Bolalar qo‘li yetmaydigan joyda saqlang.

Yaroqlilik muddati

5 yil.

Yaroqlilik muddati o‘tgandan keyin qo‘llanilmaydi.

Dorixonalardan berish shartlari

Retsept bo‘yicha

Ro‘yxatdan o‘tish guvohnomasi egasi

DALXIMFARM OAJ Rossiya

Ishlab chiqaruvchi

DALXIMFARM OAJ Rossiya