Duspatalin uzoq ta'sir qiluvchi kapsulalar 200 mg №30 (2 blister x 15 kapsula)

1 капсула сақлайди:

Фаол модда: 200 мг мебеверин гидрохлориди.

Ёрдамчи моддалар:

капсула ичидагиси: магний стеарати, метилметакрилат ва этилакрилат сополимери (2:1), тальк, гипромеллоза, метакрил кислотаси ва этакрилат сополимери (1:1), триацетин;

қаттиқ желатин капсула: желатин, титан диоксиди (Е171);

сиёҳ: шеллак (Е904), пропиленгликоль, концентрацияланган аммиак эритмаси, калий гидроксиди, темир (II,III) оксиди (Е172).

Тиниқ бўлмаган, оқ рангли, капсула корпусида «245» белгиси бўлган қаттиқ желатин капсулалар №1.

Таъсири узайтирилган капсулалар.

Спазмолитик восита. АТХ коди: А03АА04.

Таъсир механизми ва фармакодинамик самараси.

Миотроп таъсирга эга спазмолитик, ичакнинг нормал перистальтикасига таъсир қилмасдан спазмни йўқотиб, меъда-ичак йўлларининг силлиқ мушакларига бевосита таъсир кўрсатади. Бу самара вегетатив нерв тизими томонидан назорат қилинмаслиги туфайли, типик антихолинергик самаралари йўқ.

Клиник самарадорлиги ва хавфсизлиги.

Мебевериннинг турли дори шаклларини ишлатишни клиник самарадорлиги ва хавфсизлиги 1500 дан кўпроқ пациентларда ўрганилган. Таъсирланган ичак синдромининг асосий симптомларини (масалан, қоринда оғриқ, ич келишини хусусиятлари) аҳамиятли даражада сусайиши одатда референт ва дастлабки маълумотлар бўйича назорат қилинган клиник текширишларда кузатилган.

Мебевериннинг барча дори шакллари тавсия қилинган дозалаш тартибида умуман хавфсиз бўлган ва яхши ўзлаштирилган.

Болалар.

Таблеткалар ёки капсулаларнинг клиник текширишлари фақат катталарда ўтказилган.

Таблеткалар ва капсулаларнинг дозалаш тартиби мебевериннинг хавфсизлиги ва яхши ўзлаштирилиши асосида ҳисобланган.

Фармакокинетикаси

Сўрилиши

Ичга қабул қилинганидан кейин мебеверин тез ва тўлиқ сўрилади. Ажралиб чиқиши модификацияланган дори шакли кунига 2 марта дозалаш тартибини ишлатиш имкониятини беради.

Тақсимланиши

Препаратнинг такрорий дозалари қабул қилинганида аҳамиятли даражада тўпланиши юз бермайди.

Метаболизми

Мебеверин гидрохлориди асосан эстеразалар томонидан метаболизмга учрайди, улар биринчи босқичда эфирни вератров кислотаси ва мебеверин спиртига парчалайдилар. Плазмада айланиб юрувчи асосий метаболити деметилланган карбон кислотаси ҳисобланади. Деметилланган карбон кислотасининг мувозанат ҳолатидаги ярим чиқарилиш даври тахминан 5,77 соатни ташкил қилади. Такрорий дозалар (200 мг дан кунига 2 марта) қондани деметилланган карбон кислотасининг (Сmax) 804 нг/мл ни, деметилланган карбон кислотасининг қонда максимал концентрацияга эришиш қақти (Тmax) - тахминан 3 соатни ташкил қилади.

Ажралиб чиқиши модификацияланган капсуладаги препаратнинг нисбий биокираолишини ўртача қиймати 97% ни ташкил қилади.

Чиқарилиши

Мебеверин ўзича организмдан чиқарилмайди, лекин тўлиқ метаболизмга учрайди; унинг метаболитлари организмдан тўлиқ чиқарилади. Вератров кислотаси буйраклар орқали чиқарилади. Мебеверин спирти ҳам, қисман карбон кислотаси кўринишида ва қисман деметилланган карбон кислотаси кўринишида, сийдик билан чиқарилади.

Катталар ва 10 ёшдан ошган болалар.

Оғриқ, спазмлар, таъсирланган ичак синдроми билан боғлиқ бўлган дисфункциялар ва ичак соҳасидаги дискомфортни симптоматик даволаш. Меъда-ичак йўллари аъзоларининг спазмларини даволаш (шу жумладан органик касалликлар билан боғлиқ бўлган).

Ичга қабул қилиш учун.

Касулаларни етарли миқдордаги (100 мл дан кам бўлмаган) сув билан бирга ютиш керак Капсулаларни чайнаш мумкин эмас, чунки уларнинг қобиқлари препаратни узоқ муддатли ажралиб чиқишини таъминлайди.

Катталра ва 10 ёшдан ошган болалар.

Бир капсуладан суткада 2 марта, биттаси - эрталаб ва биттаси - кечқурун.

Препаратни қабул қилишнинг давомийлиги чекланмаган.

Агар пациент бир ёки бир неча дозаларни қабул қилишни унутган бўлса, қабул қилишни навбатдаги дозадан давом эттириш керак. Одатдаги дозага қўшимча ўтказиб юборилган бир ёки бирнеча дозаларни қабул қилмаслик керак.

Пациентларнинг махсус гуруҳлари.

Кекса ёшли пациентлар, буйраклар ва/ёки жигар фаолиятининг бузилишлари бўлган пациентлар учун дозалаш бўйича текширишлар ўтказилмаган. Мавжуд бўлган постмаркетинг маълумотларни ҳисобга олиб, кекса ёшли пациентлар, буйраклар ва/ёки жигар фаолиятининг бузилишлари бўлган пациентлар учун специфик хавф аниқланмаган. Юқорида кўрсатилган гуруҳ пациентлари учун дозани тўғрилашни хожати йўқ.

Постмаркетинг қўллаш даврида қуйидаги ноҳуш кўринишлар хақида хабарлар олинган ва улар спонтан характерга эга бўлган; холлар тез-тезлигини аниқ баҳолаш учун мавжуд бўлган маълумотлар етарли эмас.

Аллергик реакциялар асосан тери қопламалари томонидан кузатилган, лекин шунингдек аллергиянинг бошқа кўринишлар ҳам аниқланган.

Тери ва тери ости тўқималари томонидан бузилишлар:

Эшакеми, ангионевротик шиш, юзнинг шиши, экзантема.

Иммун тизими томонидан бузилишлар:

Ўта юқори сезувчанлик реакциялари (анафилактик реакциялар).

Фаол моддага ёки препаратнинг ҳар қандай нофаол компонентларидан бирига ўта юқори сезувчанлик.

Ҳомиладорлик ва лактация даври. 10 ёшгача бўлган болалар (ушбу дори шакли учун).

Ушбу препаратни фақат алкоголь билан ўзаро таъсирини ўрганиш бўйича текширишлар ўтказилган. Ҳайвонлардаги in vitro ва in vivo текширишлар Дюспаталин препарати ва этил спирти орасида ҳар қандай ўзаро таъсир йўқлигини намойиш қилган.

Мавжуд эмас.

Ҳомиладорлик ва эмизиш даври

Ҳомиладорлик

Хомиладор аёллар томонидан мебеверинни қўллаш бўйича маълумотлар етарли эмас. Препаратнинг репродуктив токсиклиги бўйича масалани хал қилиш учун ҳайвонлардаги текширишларнинг натижалари етарли эмас. Ҳомиладорлик вақтида Дюспаталинни қабул қилиш тавсия этилмайди.

Эмизиш даври

Мебеверин ёки унинг метаболитларини кўкрак сутига чиқарилиши номаълум. Хайвонларда текширишлар ўтказилмаган. Эмизиш даврида Дюспаталинни қабул қилиш мумкин эмас.

Фертиллик

Эркаклар ёки аёлларда препаратни фертилликка таъсир бўйича клиник маълумотлар йўқ, лекин, ҳайвонларда ўтказилган текширишлар Дюспаталин препаратининг ноҳуш самараларини намойиш қилмаган.

Болалар

Бу ёш гуруҳи учун клиник маълумотларнинг йўқлиги туфайли, Дюспаталинни 3 ёшгача бўлган болаларда қўллаш мумкин эмас.

200 мг мебеверин гидрохлоридини сақловчи таъсири узайтирилган капсулаларни, фаол компонентнинг миқдорини юқорилиги туфайли, 3 дан 10 ёшгача бўлган болаларда қўллаш мумкин эмас.

Автотранспортни бошқариш ёки бошқа механизмлар билан ишлаш қобилиятига таъсири

Автомобилни ва бошқа механизмларни бошқариш қобилиятига препаратнинг таъсирини текширишлари ўтказилмаган. Препаратнинг фармакологик хусусиятлари, шунингдек уни қўллашнинг тажрибаси автомобилни ва бошқа механизмларни бошқариш қобилиятига мебевериннинг бирон-бир нохуш таъсиридан далолат бермайди.

Препарат болалар олаолмайдиган жойда сақлансин ва яроқлилик муддати ўтгач қўлланилмасин.

Доза ошириб юборилган ҳолда, назарий жиҳатдан, марказий нерв тизимининг қўзғалувчанлигини ошиши мумкин. Мебевериннинг дозаси ошириб юборилган ҳолларда симптомлар ёки бўлмаган, ёки аҳамиятсиз даражада бўлган ва, одатда, қайтувчи бўлган. Дозани ошириб юборилишининг аниқланган симптомлари неврологик ва юрак-томир характерига эга бўлган.

Специфик антидоти номаълум. Симптоматик даволаш тавсия этилади. Фақат, агарда препаратнинг бир неча дозалари қабул қилинганидан кейин тахминан бир соат давомида интоксикация аниқланган ҳолда меъдани ювиш керак. Сўрилишини пасайтириш бўйича чоралар талаб қилинмайди.

15 капсуладан алюмин фольга ва ПВХ пленка блистерда. 2 блистердан қўллаш бўйича йўриқномаси билан бирга картон қутида.

Оригинал ўрамида, 5 °C дан 25 °C гача бўлган ҳароратда сақлансин.

3 йил.

Рецепт бўйича.

Эбботт Хелскеа САС, Франция/Abbot Healthcare SAS, France.

Рут де Бельвилль, Майар, 01400 Шатийон сюр Шаларон, Франция/Route de Belleville,

Maillard, 01400 Chatillon sur Chalaronne, France.

Сиз дори препаратининг нохуш кўринишлари ёки сифатига шикоятларни телефон бўйича (сутка давомида) Эбботтга хабар қилинг:

Озербайжан Республикасида: +994124974401;

Ўзбекистон Республикасида: +998711290550.