Esmiya tabletkalari 5 mg №28 (2 blister x 14 tabletka)

Ҳар бир таблетка қуйидагиларни сақлайди:

фаол модда: 5,00 мг улипристал ацетати;

ёрдамчи моддалар: микрокристалл целлюлоза, маннитол, тальк, натрий кроскармеллоза, магний стеарати.

Думалоқ, икки ёқлама қавариқ, оқ ёки деярли оқ рангли, бир томонида «ES5» гравировкаси бўлган таблеткалар.

Таблеткалар.

Жинсий гормонлар ва жинсий аъзолар тизимининг модуляторлари, прогестерон рецепторларининг модулятори. АТХ коди: G03XB02.

Фармакодинамикаси

Улипристал ацетати - ичга қабул қилинганида прогестерон рецепторларининг синтетик селектив модулятори сифатида тўқимадаги специфик қисман антипрогестерон самара билан ифодаланади.

Эндометрий

Улипристал ацетати эндометрийга бевосита таъсир қилади. Препарат 5 мг дозада ҳар куни қабул қилишни бошида ҳайз кўриш цикли давомида кўпчилик аёлларда (шу жумладан, миомаси бўлган пациентлар) навбатдаги ҳайз кўриш тугайди, навбатдагиси эса даволаш тугагунигача юз бермайди. Препаратни қабул қилиш тўхтатилганида ҳайз кўриш цикли одатда 4 ҳафта давомида қайта тикланади. Эндометрийга бевосита таъсири, эндометрийда, прогестерон рецепторларининг модулятори билан боғлиқ бўлган бу синф препаратлари учун специфик ўзгаришларга олиб келади (Progesterone Receptor Modulator Associated Endometrial Changes (PAEC)). Одатда, гистологик ўзгаришлар строма ва эпителийнинг ўсишини асимметрияси ва эпителийга аралаш эстроген (митотик) ва прогестаген (секретор) таъсир билан безларни яққол кистоз кенгайиши билан бирга кечувчи фаол бўлмаган ва кучсиз пролеферацияловчи эпителийдан иборат. Бундай ўзгаришлар 3 ой давомида улипристал ацетатини қабул қилган тахминан 60% аёл пациентларда аниқланган. Улар қайтувчан бўлиб, даволаш тўхтатилганидан кейин йўқолади, улар эндометрийни гиперплазияси деб кўрилиши керак эмас.

Ҳайз кўриш қон кетишларининг оғир даражали шакллари бўлган бола туғиш ёшидаги тахминан 5% пациентларда эндометрийнинг қалинлиги 16 мм дан кўпроқ. Улипристал ацетатини қабул қилаётган 10-15% пациентларда даволаш давомида эндометрий қалинлашиши (> 16 мм) мумкин. Бу қалинлашиши даволаш тўхтатилганидан ва ҳайз кўришлар тикланганидан кейин йўқолади. Агар даволаш тўхтатилганидан ва ҳайз кўришлар тикланганидан кейин 3 ой давомида эндометрийнинг қалинлашиши сақланиб қолса, бошқа касалликларни истисно қилиш учун қўшимча текширишни ўтказиш керак.

Лейомиома

Улипристал ацетати хужайра пролиферациясини бостириб ва апоптозни кучайтириб, лейомиомага бевосита таъсир қилади, бу уларнинг кичиклашишига олиб келади.

Гипофиз

Улипристал ацетатини ҳар куни 5 мг дозада қабул қилинганида кўпчилик пациентларда овуляцияни бостирилиши кузатилади, бу прогестерон концентрациясини тахминан 0,3 нг/мл даражасида тутиб турилишидан далолат беради.

Улипристал ацетати 5 мг дозада ҳар куни қабул қилинганида, фолликулостимулловчи гормонининг (ФСГ) концентрацияси қисман пасаяди, лекин кўпчилик пациентларда қон зардобида эстрадиолнинг концентрацияси ўртача фолликуляр босқич даражасида тутиб турилади ва плацебо гуруҳидагига мувофиқ келади.

Улипристал ацетати 3 ой даволаш давомида қон зардобида тироксин боғловчи глобулин (ТБГ), адренокортикотроп гормони (АКТГ) ва пролактиннинг концентрациясига таъсир қилмайди.

Клиник самарадорлиги ва хавфсизлиги

Улипристал ацетатининг 5 мг ва 10 мг кунига 1 марта дозаларининг самарадорлиги III босқич 13-ҳафталик икки рандомизацияланган икки томонлама яширин тадқиқотларда баҳоланган, уларга бачадоннинг лейомиомаси билан боғлиқ бўлган оғир даражали кўп ҳайз кўриш қон кетишлари бўлган пациентлар киритилган. Тадқиқотнинг бири икки томонлама яширин ва плацебо-назоратли бўлган. Унга анемияли (Hb < 10,2 г/дл) пациентлар киритилган, улар текширилаётган препарат билан бир қаторда қўшимча ичга 80 мг темир сақловчи препаратларни қабул қилганлар. Иккинчи тадқиқотда лейпрорелин билан қиёслаб ўтказилган, у 3,75 мг дозада ойда 1 марта мушак ичига юборилган (фаол назорат). Иккинчи тадқиқотда яширин усулни тутиб туришда «икки томонлама ниқобланиш» усули ишлатилган (икки плацебо ёрдамида назорат). Иккала тадқиқотларда ҳайз кўриш қон кетишининг ҳажми, қон кетишининг график шкаласи ёрдамида аниқланган (Pictorial Bleeding Assessment Chart (PBAC)). Ҳайз кўришнинг биринчи 8 куни давомида РВАС бўйича баллар йиғиндиси >100, юқори ҳайз кўриш қон йўқотишнинг белгиси ҳисобланади.

1 тадқиқот натижаларига кўра ҳайз кўриш қон йўқотилишининг кўрсаткичларини пасайишидаги статистик аҳамиятли даражадаги фарқлар, плацебо билан солиштирганда улипристал ацетати фойдасига кузатилган (Жадвалга қаранг), бу темир препаратлари билан монотерапия билан солиштирганда анемияни тезроқ ва самаралироқ мувофиқлаштиришни таъминлайди. Улипристал ацететини қабул қилган пациентларда ўхшаш тарзда миома ўлчамларини яққолроқ камайиши аниқланган, бу магнит-резонанс томография (МРТ) ёрдамида исботланган.

2 тадқиқотда ҳайз кўриш қон йўқотилишининг камайиши улипристал ацетати ва гонадотропин-рилизинг гормони агонисти (лейпрорелин) қабул қилган пациентлар гуруҳлари учун ўхшаш бўлган. Улипристал ацетати қабул қилган кўпчилик пациентларда қон кетиши даволашни биринчи ҳафтаси давомида тўхтаган.

Гистерэктомия ёки миомэктомия бажарилмаган пациентларда уч энг катта миомаларнинг ўлчамлари ультратовуш текширишлар (УТТ) ёрдамида даволаш курсининг охирида (13 ҳафта) ва кейинги кузатувни (даволашсиз) 25 ҳафтаси давомида баҳоланган. Улипристал ацетатини қабул қилган пациентларда, кейинги кузатув даври давомида миома ўлчамларининг камайиши сақланган. Лекин лейпрорелин қабул қилган пациентларда, миома ўлчамларини бироз тикланиши кузатилган.

Жадвал: III босқич тадқиқотларда самарадорликни баҳолашни бирламчи натижалари ва иккиламчи баҳолашни танланма натижалари.

а) 1 тадқиқотда миоманинг умумий ҳажмини дастлабки қиймати билан солиштирганда ўзгариши МРТ усулида баҳоланган. 2 тадқиқотда уч катта миомаларнинг ўлчамлари УТТ ёрдамида аниқланган. Йўғон шрифт билан ажратилган қийматлар, улипристал ацетати ва назорат солиштирилганида аҳамиятли даражада фарқларни кўрсатади. Барча аниқланган фарқлар улипристал ацетати фойдасига бўлган.

Р қийматлари: 1 = <0,001, 2 = 0,037, 3= <0,002, 4 = <0,006.

10 мг дозада улипристал ацетати билан давомийлиги 3 ой бўлган 2 даволаш курсини олган фибромиомаси бўлган 131 пациентни ўз ичига олган III босқич тадқиқотлари доирасида биринчи курснинг охирида 79,5% иштирокчиларда аменореяга эришилган. Иккинчи курс фонида шунга ўхшаш натижалар олинган (88,5% пациентлар). Лейомиома ҳажмини кичиклашиши (динамиканинг ўртача кўрсаткичлари [медиана] - скринингга нисбатан) даволашнинг биринчи курси давомида қайд этилган (-41,9% [-49,9%]) ва иккинчи курс давомида ҳам сақланган (-43,7% [-63,2%]). 1 ва 2 тадқиқотлар натижалари бўйича даволашнинг биринчи курси давомида олинган 5 мг дозанинг самарадорлиги 10 мг дозага ўхшаб даволашнинг иккинчи курси давомида ҳам сақланади деб тахмин қилинади.

Тўртта 3 ойлик даволаш курсини тугатган пациентларнинг чекланган сонига қарамасдан (99 пациент), хавфсизлиги бўйича олинган маълумотлар операциядан олдинги даврда битта 3 ойлик қўшимча даволаш курсини асослаш учун етарли.

Фармакокинетикаси

Сўрилиши

Ичга 5 мг ёки 10 мг бир марта қабул қилинганидан кейин улипристал ацетати тез сўрилади ва максимал концентрациясига (Cmax) мувофиқ 23,5±14,2 нг/мл ва 50,0±34,4 нг/мл га қабул қилинганидан кейин тахминан 1 соат ўтгач эришилади. «Концентрация-вақт» эгри чизиғи остидаги майдон (AUC0-∞) мувофиқ 61,3±31,7 ва 134,0±83,8 нг·соат/мл ни ташкил қилади. Улипристал ацетати тез фармакологик фаол метаболитига айланади, бунда қабул қилинганидан кейин 1 соат ўтгач мувофиқ Cmax 9,0±4,4 нг/мл ва 20,6±10,9 нг/мл, AUC0-∞ 26,0±12,0 ва 63,6±30,1 нг·соат/мл ни ташкил қилади. Улипристал ацетатини 30 мг дозада кўп ёғларни сақловчи эрталабки нонушта билан бирга қабул қилиш, оч қоринга қабул қилиш билан солиштирганда, ўртача Cmax ни тахминан 45% га, максимал концентрацияга (Tmax) эришиш вақтини чўзилишига (0,75 соат медианадан 3 соатгача) ва AUC0-∞ ни 25% ошишга олиб келади. Фаол моно-N-деметилланган метаболити учун ҳам шундай натижалар олинган. Овқатнинг бундай кинетик самараси улипристал ацетатининг таблеткаларини ҳар куни қабул қилиш учун аҳамиятли сифатида баҳоланмайди.

Тақсимланиши

Улипристал ацетати юқори даражада (>98%) плазма оқсиллари, шу жумладан альбумин, £-1-кислотали гликопротеин, юқори зичликдаги липопротеинлар ва паст зичликдаги липопротеинлар билан боғланади. Улипристал ацетати ва унинг фаол моно-N-деметилланган метаболити кўкрак сутига ўтади; улипристал ацетати учун кўкрак сути/плазма унинг AUCt нисбати 0,74+/-0,32 ни ташкил этади.

Метаболизми

Улипристал ацетати тез моно-N-деметилланган ва сўнгра ди-N-деметилланган метаболитига айланади. In vitro шароитдаги маълумотлар бу жараён цитохром Р450 тизимида 3А4 (CYP3A4) изоферменти иштирокида юз беришини кўрсатади. Шундан келиб чиқиб, улипристал ацетатининг метаболизми цитохром Р450 орқали бўлади, улипристал ацетатининг чиқарилишига жигар етишмовчилигининг таъсири кутилади, бу унинг таъсирини ошишига олиб келади.

Чиқарилиши

Чиқарилишининг асосий йўли - ичак орқали, модданинг 10% дан камроғи буйрак орқали чиқарилади. 5 мг ёки 10 мг бир марта қабул қилинганидан кейин улипристал ацетатининг якуний ярим чиқарилиш даври тахминан 38 соатни ташкил қилади, ўртача клиренси тахминан соатига 100 л ни ташкил этади. In vitro шароитдаги маълумотлар, клиник аҳамиятли концентрацияларда улипристал ацетати ва унинг фаол метаболити CYP1A2, 2A6, 2C9, 2C19, 2D6, 2E1 ва 3A4 изоферментларни сусайтирмайди ва CYP1A2 изоферментини кучайтирмайди. Шундай қилиб, улипристал ацетатини қўллаш, ушбу изоферментлар иштирокида метаболизмга учровчи дори препаратларининг клиренсига таъсир қилмаслиги керак.

In vitro шароитдаги маълумотлар, улипристал ацетати ва унинг фаол метаболити Р-гликопротеиннинг (АВСВ1) субстратлари эмаслигини кўрсатади.

Улипристал ацетати бола туғиш ёшидаги катта аёлларда бачадон миомасининг ўртача ва оғир даражали симптомларини операциядан олдинги даволаш учун кўрсатилган.

Ичга бир таблеткадан кунига 1 марта, овқат қабул қилишдан қатъий назар 3 ойдан кўп бўлмаган вақт давомида. 3 ойлик даволаш курсини бир марта такрорлашга йўл қўйилади. Такрорий даволаш курсини даволашнинг биринчи курси тугаганидан кейин ҳайз кўришнинг иккинчи цикли вақтида иложи борича бошлаш керак.

Даволашни хайз кўриш циклининг биринчи ҳафтаси давомида бошлаш керак.

Узоқ муддатли даволаш курсларининг хавфсизлиги бўйича маълумотлар йўқ; шундай қилиб, даволаш давомийлиги 3 ой бўлган иккита даволаш курсидан ошмаслиги керак.

Доза ўтказиб юборилган ҳолда улипристал ацетати таблеткасини иложи борича тезроқ қабул қилиш керак. Агар қабул қилиш 12 соатдан кўпроққа ўтказиб юборилган бўлса, унда ўтказиб юборилган доза қабул қилинмайди ва одатдаги қабул қилиш тартибини қайта тиклаш керак.

Пациентларнинг алоҳида гуруҳлари

Буйрак етишмовчилиги

Енгил ёки ўртача даражали буйрак етишмовчилиги бўлган пациентларда дозага тузатиш киритиш талаб қилинмайди. Оғир даражали буйрак етишмовчилиги бўлган пациентларда, доимий кузатишнинг иложи бўлмаганида, улипристал ацетатини қўллаш тавсия қилинмайли ( «Махсус кўрсатмалар» бўлимига қаранг).

Жигар етишмовчилиги

Енгил даражали жигар етишмовчилиги бўлган пациентларда дозага тузатиш киритиш талаб қилинмайди. Оғир даражали жигар етишмовчилиги бўлган пациентларда, доимий кузатишнинг иложи бўлмаганида, улипристал ацетатини қўллаш тавсия қилинмайди ( «Махсус кўрсатмалар» бўлимига қаранг).

Болалар

Улипристал ацетатини болаларда мувофиқ кўрсатмалар бўйича қўллаш кўзда тутилмаган. Улипристал ацетатининг хавфсизлиги ва самарадорлиги фақат 18 ва ундан ошган аёллар учун аниқланган.

Хавфсизлик профили

Улипристал ацетатининг хавфсизлиги III босқич тадқиқотлар давомида 5 мг ёки 10 мг улипристал ацетатини қабул қилган бачадон миомаси бўлган 393 аёлларда баҳоланган. Клиник синовларда энг кўп учрайдиган кўриниш аменорея бўлган (82,2%), у кутилган натижа ҳисобланади.

Энг кўп учрайдиган реакция қизиш ҳиссини пайдо бўлишидир. Ножўя реакцияларнинг аксарият кўпчилиги енгил ёки ўртача бўлган (94,9%) бўлган, препарат билан даволашни тўхтатишга олиб келмаган ва мустақил йўқолган.

Танаффус билан иккита даволаш курсининг хавфсизлиги (ҳар бир даволаш курсининг давомийлиги 3 ойдан кўп эмас) фибромиомаси бўлган 131 нафар аёлларда баҳоланган; пациентлар тадқиқотнинг III босқичи доирасида 10 мг дозада улипристал ацетатини қабул қилишган. Бир марта даволаш курсининг кўрсаткичларига ўхшаш хавфсизлик профили олинган.

Ножўя реакцияларнинг рўйхати

III босқичнинг икки тадқиқотлари давомида бачадон миомаси бўлган, 3 ой давомида препарат қабул қилган пациентларда, қуйидаги ножўя реакциялар хақида хабар берилган. Нохуш ножўя реакциялар MedDRA таснифига мувофиқ тизим-аъзолар синфи ва пайдо бўлишининг тез-тезлиги бўйича берилган: жуда тез-тез (≥1/10); тез-тез (≥1/100 дан <1/10 гача); тез-тез эмас (≥1/1000 дан <1/100 гача); кам ҳолларда (≥1/10000 дан <1/1000 гача); жуда кам ҳолларда (<1/10000); номаълум (мавжуд бўлган маълумотлар бўйича баҳолаш мумкин эмас).

Ҳар бир гуруҳ чегарасида ножўя реакциялари жиддийлигини камайиши тартибида берилган.

Руҳиятни бузилишлари

Тез-тез эмас: безовталик, эмоционал бузилишлар

Нерв тизими томонидан бузилишлар

Тез-тез: бош оғриғи* (* «Алоҳида ножўя реакцияларнинг таърифи» бўлимига қаранг);

Тез-тез эмас: бош айланиши.

Эшитиш ва мувозанат аъзоси томонидан бузилишлар

Тез-тез: вертиго.

Нафас тизими, кўкрак қафаси ва кўкс оралиғи томонидан бузилишлар

Тез-тез эмас: бурундан қон кетиши.

Меъда-ичак йўллари томонидан бузилишлар

Тез-тез: қорин оғриқлари, кўнгил айниши;

Тез-тез эмас: диспепсия, оғизни қуриши, метеоризм, қабзият.

Тери ва тери ости клетчаткаси томонидан бузилишлар

Тез-тез: акне, кўп терлаш;

Тез-тез эмас: алопеция, терини қуруқлиги.

Суяк-мушак тизими ва бириктирувчи тўқима томонидан бузилишлар

Тез-тез: суяклар ва мушакларда оғриқ;

Тез-тез эмас: белда оғриқлар.

Буйрак ва сийдик чиқариш йўллари томонидан бузилишлар

Тез-тез эмас: сийдикни тутиб тураолмаслик.

Репродуктив тизими ва сут безлари томонидан бузилишлар

Жуда тез-тез: аменорея, эндометрийни қалинлашиши*;

Тез-тез: бачадондан қон кетишлари*, қизиш ҳисси*, чаноқда оғриқ, тухумдон кистаси*, сут безларида зичлашиш/оғриқлилик;

Тез-тез эмас: метрорагия, тухумдон кистасини ёрилиши, қиндан ажралмалар, сут безларини катталашиши ва сут безлари соҳасида нохуш туйғулар.

Умумий бузилишлар

Тез-тез: шишлар, юқори чарчоқлик;

Тез-тез эмас: астения.

Лаборатория кўрсаткичларининг ўзгаришлари

Тез-тез: қонда холестерин концентрациясини ошиши;

Тез-тез эмас: қонда триглицеридлар концентрациясини ошиши, тана вазнини ошиши.

Алоҳида ножўя реакцияларнинг таърифи

Эндометрийнинг қалинлашиши

Улипристал ацетатини қабул қилган 10-15% пациентларда, эндометрийнинг қалинлашиши юз бериши мумкин (даволаш тугаган вақтда УТТ ва МРТ маълумотлари бўйича > 16 мм). Бу кўриниш даволаш тугаганидан ва ҳайз кўриш цикли қайта тикланганидан кейин қайтади.

Бундан ташқари, РАЕС сифатида белгиланган эндометрийдаги ўзгаришлар қайтувчан ва эндометрийнинг гиперплазиясидан фарқ қилади. Гистерэктомия ёки эндометрийни биопсиясида гистологик текширишларни ўтказишда, патоморфолог пациент томонидан улипристал ацетати қабул қилиниши ҳақида хабардор қилиниши керак.

Қизиш ҳисси

Қизиш ҳисси 9,8% пациентларда аниқланган, лекин уларнинг тез-тезлиги турли тадқиқотларда ўзгариб турган. Фаол назоратли тадқиқотларда уларнинг тез-тезлиги улипристал ацетати гуруҳи учун 24% (10,5% ўртача ёки оғир) ва лейпрорелин гуруҳи учун 60,4% (39,6% ўртача ёки оғир) ташкил қилган.

Плацебо-назоратли тадқиқотда қизиш ҳиссининг тез-тезлиги улипристал ацетати учун 1,0% ни ва плацебо учун 0% ни ташкил қилган. III босқич очиқ тадқиқот доирасида улипристал ацетатини қўллаш фонида кўринишнинг тез-тезлиги 4,3% ни ташкил этган.

Бош оғриғи

Енгил ёки ўртача даражали бош оғриғи 6,8% пациентларда аниқланган.

Тухумдон кистаси

Даволаш давомида 1,2% пациентларда тухумдоннинг функционал кисталари аниқланган, улар бир неча ҳафта давомида ўз-ўзидан йўқолган.

Бачадондан қон кетиши

Бачадондан лейомиомаси билан боғлиқ бўлган оғир даражали ҳайз кўриш қон кетиши бўлган пациентлар, қон йўқотилишининг юқори хавф гуруҳида бўладилар, бу жаррохлик аралашувни талаб қилиши мумкин. Улипристал ацетати билан даволаш давомида ҳам, даволаш тугаганидан кейин 2-3 ой ўтгач ҳам бир неча бундай хабарлар бўлган.

Улипристал ацетати ёки ҳар қандай ёрдамчи моддаларидан бирига ўта юқори сезувчанлик;

Ҳомиладорлик ва эмизиш даври;

Қиндан номаълум этиологияли ёки бачадон миомаси билан боғлиқ бўлмаган сабаблар бўйича қон кетишлар;

Бачадон, бачадон бўйни, тухумдонлар ёки сут безининг ракида қўллаш мумкин эмас.

Эҳтиёткорлик билан: буйрак ва/ёки жигар етишмовчилиги, бронхиал астма.

Бошқа дори препаратларни улипристал ацетатининг самарасига мумкин бўлган таъсири

Гормонал контрацептивлар

Улипристал ацетати стероид тузилишга эга ва прогестерон рецепторларига нисбатан кўпроқ сусайтирувчи самара билан прогестерон рецепторларини селектив модулятори сифатида таъсир қилади. Шундай қилиб, гормонал контрацептивлар ва прогестагенлар улипристал ацетатининг самарадорлигини, прогестерон рецепторига рақобатли таъсири билан пасайтириши мумкин. Шунинг учун прогестагенларни сақловчи препаратларни бир вақтда қўллаш тавсия қилинмайди.

CYP3A4 изоферменти ингибиторлари

CYP3A4 изоферментини ўртача ингибитори эритромицин пропионати (500 мг кунига 2 марта 9 кун давомида) қўлланганидан кейин соғлом аёллар-кўнгиллиларда улипристал ацетатининг Сmax ва AUC кўрсаткичлари мувофиқ 1,2 ва 2,9 марта ошган; фаол метаболитининг AUC кўрсаткичи 1,5 марта ошган, шу вақтнинг ўзида фаол метаболитининг Сmax пасайган (0,52 марта). CYP3A4 изоферментининг кучли ингибитори кетоконазолни (400 мг, суткада 1 марта, 7 кун) қўллаш фонида аёл-кўнгиллиларда улипристал ацетатининг Сmax ва AUC кўрсаткичлари мувофиқ 2 ва 5,9 марта ошиши кузатилган. Улипристал ацетатининг фаол метаболитини Сmax пасайишида AUC кўрсаткичини 2,4 марта ошиши аниқланган (каррали динамика). CYP3A4 изоферментининг кучсиз ингибиторларини қабул қилувчи пациентларда улипристал ацетати қўлланганида дозага тузатиш киритиш талаб қилинмайди. CYP3A4 изоферментини ўртача ёки кучли ингибиторларини улипристал ацетати билан бирга қўллаш тавсия қилинмайди.

CYP3A4 изоферментининг индукторлари

CYP3A4 изоферментининг кучли индуктори рифампицинни (300 мг суткада 2 марта, 9 кун) қўллаш фонида соғлом аёл-кўнгиллиларда улипристал ацетатининг ярим чиқарилиш даврини 2,2 марта пасайиши билан улипристал ацетатининг ва унинг фаол метаболитининг Сmax ва AUC кўрсаткичларини 90% кўпроққа яққол пасайиши кузатилган, бу улипристал ацетатининг экспозициясини тахминан 10 марта камайишига мос келади. Улипристал ацетати ва CYP3A4 изоферментининг кучли ингибиторларини (рифабутин, рифампицин, карбамазепин, окскарбазепин, фенитоин, фосфенитоин, фенобарбитал, примидон, тешик далачой препаратлари, эфавиренз, невирапин, ритонавир - узоқ муддат қўллаш фонида) бирга қўллаш тавсия қилинмайди.

Меъда ширасининг рН га таъсир қилувчи препаратлар

Улипристал ацетатини (кунига 10 мг) протон помпасининг ингибитори эзомепразол (20 мг кунига 1 марта 6 кун давомида) билан бирга қўллаш ўртача Сmax ни 65% га пасайишига, Tmax ни узайиишига (медианадан 0,75 соатдан 1,0 соат гача) ва ўртача AUC ни 13% га ошишига олиб келади. Меъда ширасини рН ни оширувчи дори препаратларини бундай таъсири, улипристал ацетати таблеткаларини ҳар куни қабул қилиш учун клиник аҳамиятли деб ҳисобланмайди.

Улипристал ацетатини бошқа дори воситаларининг самарасига мумкин бўлган таъсири

Гормонал контрацептивлар

Улипристал ацетати гормонал контрацептивларнинг (фақат прогестаген сақловчи таблеткалар, прогестаген-рилизинг тизимлар ёки мажмуавий перорал контрацептивлар) ва бошқа кўрсатмалар бўйича прогестаген препаратларининг таъсирига тўсқинлик қилиши мумкин. Шунинг учун прогестаген сақловчи дори препаратларни ёндош қўллаш тавсия қилинмайди. Прогестаген сақловчи препаратларни улипристал ацетати билан даволаш тўхтатилганидан кейин 12 кун давомида қўллаш мумкин эмас.

Р-гликопротеин субстратлари

In vitro шароитдаги маълумотлар, клиник аҳамиятли концентрацияларда улипристал ацетати меъда-ичак йўлларининг деворида сўрилиш жараёнида Р-гликопротеиннинг (P-gp) ингибитори бўлиши мумкин.

Улипристал ацетати ва P-gp субстратини бир вақтда қўллаш ўрганилмаган. Ушбу ҳолатда ўзаро таъсирни инкор этиб бўлмайди. In vivo шароитда олинган маълумотлар P-gp субстрати фексофенадинни (60 мг) қабул қилишдан 1,5 соат қўлланилган улипристал ацетати (10 мг таблетка, бир марта) фексофенадиннинг фармакокинетикасига клиник аҳамиятли таъсир қилмаслиги кўрсатилган. Шундай қилиб, улипристал ацетат ва P-gp субстратларини (масалан, дабигатран этексилати, дигоксин, фексофенадин) қўллаш орасида камида 1,5 соатлик интервалга риоя қилиш тавсия этилади.

Улипристал ацетати фақат синчиклаб текширишдан кейин буюрилади. Даволашни бошлашдан олдин ҳомиладорликни истисно қилиш керак.

Контрацепция

Нохуш ўзаро таъсирлар мумкинлиги туфайли, фақат прогестаген сақловчи препаратлар, прогестаген-рилизинг тизимлари ёки мажмуавий перорал контрацептивларни ёндош қўллаш тавсия қилинмайди. Улипристал ацетатининг терапевтик дозаларини қабул қилаётган кўпчилик аёлларда гарчи ановуляция кузатилса ҳам, даволаш давомида қўшимча контрацепциянинг гормонал бўлмаган усулларини ишлатиш тавсия қилинади.

Буйрак етишмовчилиги

Буйрак етишмовчилиги улипристал ацетатининг чиқарилишига аҳамиятли даражали таъсир қилади деб тахмин қилишга асос йўқ. Оғир даражали буйрак етишмовчилиги бўлган пациентларда доимий кузатувсиз улипристал ацетатини қўллаш тавсия қилинмайди, чунки махсус тадқиқотлар ўтказилмаган.

Жигар етишмовчилиги

Жигар етишмовчилиги бўлган пациентларда улипристал ацетатини терапевтик қўллашнинг тажрибаси йўқ. Жигар етишмовчилиги улипристал ацетатининг чиқарилишига таъсир қилишини мумкинлиги кутилади, бу препаратнинг таъсирини кучайишига олиб келади. Бу енгил даражали жигар етишмовчилиги бўлган пациентлар учун аҳамиятли эмас. Доимо кузатишнинг иложи бўлмаганида ўртача ёки оғир даражали жигар етишмовчилиги бўлган пациентларга улипристал ацетатини буюриш тавсия қилинмайди.

Ёндош даволаш

Улипристал ацетати ва CYP3A4 изоферментининг ўртача ингибиторларини (масалан, эритромицин, грейпфрут шарбати, верапамил) ёки кучли ингибиторларини (масалан, кетоконазол, ритонавир, нефазодон, итраконазол, телитромицин, кларитромицин) бирга қўллаш тавсия қилинмайди.

Улипристал ацетати ва CYP3A4 изоферментининг кучли индукторларини (масалан, рифампицин, рифабутин, карбамазепин, окскарбазепин, фенитоин, фосфенитоин, фенобарбитал, примидон, тешик далачой препаратлари, эфавиренз, невирапин,ритонавир - узоқ муддат қўллаш фонида) бирга қўллаш тавсия қилинмайди.

Бронхиал астма

Перорал глюкокортикоидлар билан мувофиқлаштиришга берилмайдиган бронхиал астманинг оғир шакли бўлган аёлларда препаратни қўллаш тавсия қилинмайди.

Эндометрийни ўзгариши

Улипристал ацетати эндометрийга специфик фармакодинамик таъсир кўрсатади. Эндометрийнинг қалинлигини ошиши аниқланиши мумкин. Агар даволаш тугаганидан ва ҳайз кўришлар қайта тикланганидан кейин 3 ой давомида эндометрийнинг қалинлиги сақланиб қолса, бошқа касалликларни истисно қилиш учун қўшимча текширишни ўтказиш керак.

Улипристал ацетатини қабул қилаётган пациентларда, гистологик текширишда эндометрийнинг тузилишини ўзгаришлари кузатилиши мумкин. Бундай ўзгаришлар даволаш тугатилганидан кейин қайтувчандир. Бу гистологик ўзгаришлар прогестерон рецепторларини модулятори (РАЕС) билан боғлиқ бўлган эндометрийдаги ўзгаришлар сифатида белгиланади ва улар янглишиб эндометрийнинг гиперплазияси сифатида баҳоланмаслиги керак. Кўпи билан иккита даволаш курсини ўтказиш тавсия этилади. Ҳар бир даволаш курсининг давомийлиги 3 ойдан ошмаслиги керак, чунки узоқ муддат даволаш фонида эндометрийга нохуш таъсирини хавфи номаълум.

Қон кетиши

Пациентлар улипристал ацетати билан даволаш, одатда даволашни биринчи 10 куни давомида ҳайз кўриш қон кетиши ёки аменореяни аҳамиятли даражали пасайишига олиб келиши хақида хабардор қилинган бўлишлари керак. Ҳаддан ташқари қон кетишлар сақланганида пациент шифокорга мурожаат қилиш керак. Одатда ҳайз кўриш цикли даволаш курси тугагунидан кейин 4 ҳафта давомида тикланади.

Фертиллик

Улипристал ацетатини терапевтик дозаларда қабул қилаётган кўпчилик аёлларда ановуляция кузатилган. Лекин улипристал ацетати давомли қўлланганида фертиллик ўрганилмаган.

Ҳомиладорлик лактация даврида қўлланиши

Ҳомиладорлик

Улипристал ацетатини ҳомиладорликда қўллаш мумкин эмас.

Улипристал ацетатини ҳомиладорликда қўллаш бўйича маълумотлар йўқ ёки чекланган. Ҳайвонларда ўтказилган тадқиқотлар давомида тератоген потенциали аниқланмаганлигига қарамасдан, репродуктив токсиклиги бўйича маълумотлар етарли эмас.

Лактация даври

Ҳайвонларда ўтказилган тадқиқотларда улипристал ацетатини кўкрак сути билан чиқарилиши кўрсатилган. Улипристал ацетатини аёллар кўкрак сути билан чиқарилиши номаълум, шунинг учун эмизиш даврида болалар учун хавфни истисно қилиб бўлмайди. Улипристал ацетатини эмизиш даврида қўллаш мумкин эмас.

Автотранспортни бошқариш ва механизмлар билан ишлаш қобилиятига таъсири

Улипристал ацетати автотранспортни бошқариш ва механизмлар билан ишлаш қобилиятига минимал таъсир кўрсатиши мумкин, чунки улипристал ацетати қабул қилинганидан кейин енгил бош айланиши кузатилиши мумкин.

Препарат болалар олаолмайдиган жойда сақлансин ва яроқлилик муддати ўтгач ишлатилмасин.

Улипристал ацетатининг дозасини ошириб юборилиши бўйича маълумотлар чекланган.

200 мг гача бир марталик дозалар ва 50 мг ҳар кунги дозалар, кўнгиллиларнинг чекланган сонига буюрилган, бунда оғир даражали ёки жиддий нохуш реакциялар аниқланмаган.

14 таблеткалар ПВХ/ПЭ/ПВДХ - алюмин фольгали блистерда.

2 ёки 6 блистерлар қўллаш бўйича йўриқномаси билан картон қутида.

Оригинал ўрамида, 15 °С дан 30 °С гача ҳароратда, ёруғликдан ҳимояланган жойда сақлансин.

2 йил.

Рецепт бўйича.

«Гедеон Рихтер» ОАЖ, Будапешт, Венгрия.

Ишлаб чиқарувчи ва тақдим қилувчининг манфаатларини ифодаловчи компания

«Гедеон Рихтер» ОАЖ

1103 Будапешт, Дёмрёи кўч., 19-21, Венгрия.

Тел. (қўнғироқ бепул!): 7-800-555-00777

Электрон манзил: drugsafety@g-richter.ru