Farmadipin og'iz tomchilari 2%, 5 ml (flakon)

1 мл эритма қуйидагиларни сақлайди:

фаол модда: 100% қуруқ моддага қайта ҳисобланганда 20 мг (30 томчи) нифедипин;

ёрдамчи моддалар: полиэтиленгликоль 400, 96% ли этанол.

Тиниқ, сариқ ёки яшил-сариқ рангли, кучсиз спирт ҳидли қовушқоқ суюқлик.

Орал томчилар.

Асосан қон томирларга таъсир кўрсатувчи селектив кальций антагонистлари. АТХ коди: C08CA05.

Фармакодинамикаси

Фармадипин^® антиангинал ва антигипертензив таъсир кўрсатади. Кардиомицитлар ва коронар ва периферик артерияларнинг силлиқ мушак хужайраларига хужайра мембраналаридаги секин потенциалга боғлиқ кальций каналлари орқали кальций ионларини киришини блоклайди. Қон томирларнинг силлиқ мушакларини бўшаштиради, спазмни бартараф этади ва қон томирларнинг периферик қаршилигини камайтириб, коронар ва периферик артериаларни кенгайтиради; миокардни қисқарувчанлиги аҳамиятсиз камайтиради, тромбоцитлар агрегациясини бироз камайтиради.

Фармакокинетикаси

Ичга қабул қилинганда меъда-ичак йўлларида яхши сўрилади, биокираолишлиги - 40-60%. Айниқса сублингвал қабул қилинганида самара тез (5-10 минутдан кейин) ривожланади. Одатда максимал таъсири 30-40 минутдан кейин кузатилади. Овқат қабул қилиш препаратнинг сўрилиш тезлигига аҳамиятли таъсир кўрсатмайди. Гемодинамик самараси 4-6 соат давомида сақланади. Қон плазмаси оқсиллари билан нифедипиннинг 90% гачаси боғланади. Жигарда метаболизмга учрайди ва организмдан нофаол метаболитлари кўринишида чиқарилади. Нифедипиннинг умумий клиренси - соатига 0,4 дан 0,6 л/кг гачани ташкил этади. Ярим чиқарилиш даври 2-4 соатни ташкил қилади. Кекса ёшдаги одамларда ва жигар циррози бўлган пациентларда нифедипиннинг метаболизми секинлашиши мумкин, шунинг учун уларда препаратнинг ярим чиқарилиш даври деярли 2 марта узайиши мумкин, бу дозани камайтиришни ва препаратни қабул қилиш орасидаги интервални узайтиришни талаб этади. Нифедипин организмда тўпланмайди. Аҳамиятли миқдорда гематоэнцефалик ва йўлдош тўсиғидан ўтади, кўкрак сути билан ажралади.

Артериал гипертензияда (гипертензив кризларни даволаш мақсадида) қўлланади.

Фармадипин^® гипертоник кризни даволаш учун шошилинч ёрдам препарати сифатида қўлланилсин.

Курсли даволаш учун препаратни бу дори шаклида қўллаш тавсия этилмайди.

Курсли ангигипертензив даволаш ўтказиш зарурати бўлганида препарат ва дори шаклини шифокор белгилайди.

Артериал босимни тўсатдан ва аҳамиятли ошишида катталар учун бошланғич доза 3-5 томчи (2-3,35 мг), кекса ёшдаги шахсларга - 3 томчи (2 мг) гачани ташкил этади, у иложи борича узоқроқ оғизда тутиб тил остига ёки нон ёки қанд бўлагига томизилади. Самарадорлик етарли бўлмаганида дозани клиник аҳамиятли самарагача аста-секин ошириш мумкин. кейинчалик артериал босим ошганида айнан шу дозани эътиборга олиш керак. Зарурати бўлганида (АБ ни 190/100 мм сим. уст. - 220/110 мм сим. уст. гача ошганида) бир марталик дозани айрим ҳолларда беморда АБ кўрсаткичларини индивидуал ўзгаришларига қараб 10-15 томчи (6,7-10 мг) гача аста-секин ошириш мумкин.

Беморларнинг Фармадипин^® га индивидуал сезгирлигини эътиборга олиш керак. Бундай ҳолларда дозани 3 томчидан бошлаб ва клиник самарага эришгунча 23 томчи (1,34-2 мг) га аста-секин ошириб индивидуал равишда танлаш керак.

Препаратнинг бошланғич дозасини ошириш артериал босимни ҳаддан ташқари пасайишига олиб келиши мумкин!

Болалар.

Препарат болаларни (18 ёшгача) даволаш учун қўлланилмайди.

Қон ва лимфатик тизим томонидан: лейкопения, агранулоцитоз.

Иммун тизими томонидан: аллергик реакциялар, аллергик шиш/ангиошиш (шу жумладан ҳиқилдоқ шиши*), қичишиш, эшакеми, тошма, анафилактик/анафилактоид реакция.

Руҳий бузилишлар: безовталик реакциялари, уйқуни бузилиши.

Нерв тизими томонидан: бош оғриғи, вертиго, мигрень, бош айланиши, тремор, гипостезия, парестезия, дизестезия, уйқучанлик.

Моддалар алмашинуви ва метаболизм томонидан: гипергликемия.

Кўриш аъзоси томонидан: кўришни бузилиши, кўзларда оғриқ.

Юрак тизими томонидан: тахикардия, юрак уриниши кучайиши, кўкракда оғриқ (стенокардия).

Васкуляр бузилишлар: шиш, вазодилатация, гипотензия, ҳушдан кетиш.

Нафас тизими томонидан: бурундан қон кетиши, бурун битиши, диспноэ.

Меъда-ичак йўллари томонидан: қабзият, меъда-ичак йўлларида оғриқ ва абдоминал оғриқ, кўнгил айниши, диспепсия, метеоризм, оғизни қуриши, милклар гиперплазияси, безоар, дисфагия, ичак тутилиши, ичак яраси, қусиш, гастроэзофагеал сфинктер етишмовчилиги.

Жигар ва ўт чиқариш йўллари томонидан: жигар ферментлари фаоллигини транзитор ошиши, сариқлик.

Тери ва тери ости клетчаткаси томонидан: эритема, токсик эпидермал некролиз, фотосезувчанлик, пурпура.

Скелет-мушак тизими, бириктирувчи тўқима ва суяклар томонидан: мушак тортишишлари, бўғимларни шиши, артралгия, миалгия.

Буйрак ва сийдик чиқариш йўллари томонидан: полиурия, дизурия.

Репродуктив тизим ва сут безлари томонидан: эректил дисфункция.

Умумий бузилишлар: лоҳаслик ҳисси, носпецифик оғриқ, иситма.

* ҳаёт учун хавф солувчи оқибатларга олиб келиши мумкин.

Гемодиализда бўлган хавфли гипертензия ва гиповолемияси бўлган пациентларда вазодилатация оқибатида артериал босимни ҳаддан ташқари пасайиши кузатилиши мумкин.

Нифедипин ва ёрдамчи моддаларга маълум индивидуал ўта юқори сезувчанликда, ҳомиладорлик (20 хафтагача) ва лактация давридаги аёлларда, кардиоген шокда, рифампицин билан бирга (ферментларни индукцияси оқибатида плазмада нифедипиннинг самарали даражасига эришаолмаслик туфайли), юқори даражадаги аортал стенозда, ностабил стенокардияда, ўткир миокард инфарктида (биринчи 4 хафта давомида), илеостома ёки колостомада қўллаш мумкин эмас.

Нифедипиннинг самарадорлигига таъсир кўрсатувчи препаратлар.

Нифедипин ичак шиллиқ қавати ва жигарда жойлашган цитохром Р450 3А4 тизим орқали метаболизмга учрайди. Шунинг учун бу ферментлар тизимини ингибиция қилувчи ёки индукция қилувчи препаратлар нифедипиннинг “биринчи ўтиш” (перорал қўлланилгандан кейин) ёки клиренсини ўзгартириши мумкин.

Нгифедипинни қуйида келтирилган препаратлар билан бирга қўллаганда ўзаро таъсирнинг даражаси ва давомийлиги эътиборга олиш керак.

Рифампицин

Рифампицин цитохром Р450 3А4 тизимини индукция қилади. Рифампицин билан бир вақтда қўллаганда нифедипиннинг биокираолишлиги аҳамиятли даражада пасаяди ва шундай қилиб унинг самарадорлиги ҳам сусаяди. Буни ҳисобга олиб, нифедипинни рифампицин билан бирга қўллаш мумкин эмас.

Цитохром Р450 3А4 тизимининг кучсиз ёки ўртача ингибиторларини бир вақтда қўллаганда артериал босимни назорат қилиш ва зарурати бўлганида нифедипиннинг дозасини пасайтириш масаласини кўриб чиқиш керак.

Макролид антибиотиклари (масалан эритромицин)

Нифедипин ва макролид антибиотикларининг ўзаро таъсирини ўрганиш юзасидан тадқиқотлар ўтказилмаган. Айрим макролид антибиотиклари бошқа препаратларнинг цитохром Р450 3А4 тизимига боғлиқ метаболизмини ингибиция қилади. Буни ҳисобга олиб, иккала препаратларни бир вақтда қўллаганда нифедипиннинг плазмадаги концентрациясини ошиши эҳтимолини инкор этиб бўлмайди.

Тузилиши жиҳатидан макролид антибиотиклари синфи вакилларига ўхшаш бўлган азитромицин CYP3А4 ни ингибиция қилмайди.

Анти-ОИТВ протеаза ингибиторлари (масалан, ритонавир)

Нифедипин ва айрим анти-ОИТВ протеаза ингибиторларининг ўзаро таъсирини ўрганувчи клиник тадқиқотлар ҳозирча ўтказилмаган. Маълумки, бу синф препаратлари цитохром Р450 3А4 тизимини ингибиция қилади. Бундан ташқари бу синф препаратлари in vitro шароитда нифедипиннинг цитохром Р450 3А4 тизимига боғлиқметаболизмини ингибиция қилади. Нифедипин билан бир вақтда қўллаганда биринчи ўтишда метаболизмини пасайиши ва организмдан чиқарилиш тезлигини пасайиши оқибатида плазмада нифедипиннинг концентрациясини аҳамиятли даражада ошишини инкор этиб бўлмайди.

Азол антимикотиклар (масалан кетоконазол)

Нифедипин ва айрим азол антимикотикларнинг ўзаро таъсирини ўрганувчи клиник тадқиқотлар ҳозирча ўтказилмаган. Маълумки, бу синф препаратлари цитохром Р450 3А4 тизимини ингибиция қилади. Нифедипин билан бир вақтда перорал қўлланилганда биринчи ўтишда метаболизмини пасайиши оқибатида нифедипиннинг тизимли бикираолишлигини аҳамиятли ошишини инкор этиб бўлмайди.

Флуоксетин

Нифедипин ва флуоксетиннинг ўзаро таъсирини ўрганувчи клиник тадқиқотлар ҳозирча ўтказилмаган. Маълумки, флуоксетин in vitro шароитда нифедипиннинг цитохром Р450 3А4 тизимига боғлиқметаболизмини ингибиция қилади. Иккала препаратларни бир вақтда қўллаганда плазмада нифедипиннинг концентрациясини ошишини инкор этиб бўлмайди.

Нефазодон

Нифедипин ва нефазодоннинг ўзаро таъсирини ўрганувчи клиник тадқиқотлар ҳозирча ўтказилмаган. Маълумки, нефазодон in vitro шароитда бошқа препаратларнинг цитохром Р450 3А4 тизимига боғлиқметаболизмини ингибиция қилади.Иккала препаратларни бир вақтда қўллаганда плазмада нифедипиннинг концентрациясини ошишини инкор этиб бўлмайди.

Хинупристин/дальфопристин

Хинупристин/дальфопристин ва нифедипинни бир вақтда қўллаш плазмада нифедипиннинг концентрациясига олиб келиши мумкин.

Вальпроат кислотаси

Нифедипин ва вальпроат кислотасининг ўзаро таъсирини ўрганувчи клиник тадқиқотлар ҳозирча ўтказилмаган. Маълумки, вальпроат кислотаси ферментларни ингибиция қилиш оқибатида тузилиши жиҳатидан кальций каналлари блокаторларига ўхшаш бўлган нимодипиннинг плазмадаги концентрациясини оширади. Буни эътиборга олиб, плазмада нифедипиннинг концентрациясини ошиши ва самарадорлигини ошишини инкор этиб бўлмайди.

Циметидин

Цитохром Р450 3А4 ни ингибиция қилиши оқибатида циметидин плазмада нифедипиннинг концентрациясини оширади ва антигипертензив самарани кучайтириши мумкин.

Цизаприд

Цизаприд ва нифедипинни бир вақтда қўллаш плазмада нифедипиннинг концентрациясини ошишига олиб келиши мумкин.

Фенитоин, карбамазепин ва фенобарбитал каби цитохром Р450 3А4 тизимини индукция қилувчи тутқаноққа қарши воситалар

Фенитоин цитохром Р450 3А4 тизимини индукция қилади. Фенитоин билан бир вақтда қўллаганда нифедипиннинг биокираолишлиги пасаяди, самарадорлиги эса сусаяди. Иккала препаратларни бир вақтда қўллаганда нифедипин билан даволашга клиник жавобни назорат қилиш керак ва зарурати бўлганида нифедипиннинг дозасини ошириш масаласини кўриб чиқиш керак. Иккала препаратларни бир вақтда қўллаш вақтида нифедипиннинг дозаси оширилганда, фенитоинни бекор қилганда нифедипиннинг дозасини пасайтириш масаласини кўриб чиқиш керак.

Нифедипин ва карбамазепин ёки фенобарбитални потенциал ўзаро таъсирини ўрганиш юзасидан клиник тадқиқотлар ўтказилмаган. Маълумки, иккила препаратлар ферментларни ингибиция қилиш оқибатида тузилиши жиҳатидан кальций каналлари блокаторларига ўхшаш бўлган нимодипиннинг плазмадаги концентрациясини пасайтиради. Буни эътиборга олиб, плазмада нифедипиннинг концентрациясини пасайиши ва самарадорлигини камайишини инкор этиб бўлмайди.

Антигипертензив препаратлар

Нифедипин диуретиклар, β-блокаторлар, ААФ ингибиторлари, АТ-1 рецепторлари антагонистлари, бошқа кальций антагонистлари, α-адренергик блокаторлар, ФДЕ5 ингибиторлари, α-метилдопа, магний стеарати каби бир вақтда қўлланадиган антигипертензив препаратларнинг антигипертензив самарасини ошириши мумкин.

Нифедипинни β-блокаторлар билан бир вақтда қўллаганда пациентнинг синчковлик билан мониторинг қилиш керак, чунки юрак етишмовчилигини зўрайишининг якка ҳолатлари маълум.

Дигоксин

Нифедипин ва дигоксинни бир вақтда қўллаганда дигоксиннинг клиренси пасайиши ва плазмада дигоксиннинг концентрацияси ошиши мумкин. Буни эътиборга олиб, дигоксин дозасини ошириб юборилиши симптомлари юзасидан пациентни назорат қилиш ва зарурати бўлганида плазмадаги дигоксиннинг концентрациясига қараб гликозиднинг дозасини камайтириш керак.

Хинидин

Нифедипин ва хинидинни бир вақтда қўллаганда айрим ҳолларда хинидин даражасини пасайиши, нифедипинни бекор қилганда эса - плазмада хинидиннинг концентрациясини ҳаддан ташқари ошиши кузатилган. Буни эътиборга олиб, бир вақтда қўллаганда ёки нифедипинни бекор қилганда плазмада хинидиннинг концентрацияси мониторингини олиб бориш, зарурати бўлганида эса хинидиннинг дозасига тузатиш киритиш тавсия этилади. Айрим муаллифлар иккала препаратни бир вақтда қўллаганда плазмада нифедипиннинг концентрациясини ошиши ҳақида хабар беришган, лекин бошқа муаллифлар нифедипиннинг фармакокинетикасида ўзгаришларни қайд этишмаган.

Буни эътиборга олиб, нифедипин билан даволаш схемасига хинидинни киритганда артериал босимни синчковлик билан назорат қилиш керак. Зарурати бўлганида нифедипиннинг дозасини камайтириш керак.

Такролимус

Маълумки, такролимус цитохром Р450 3А4 тизими орқали метаболизмга учрайди. Чоп этилган маълумотлар айрим ҳолларда нифедипин билан бир вақтда қўллаганда ҳолларда такролимуснинг дозасини камайтириш мумкинлигини намойиш этган. Иккала препаратларни бир вақтда қўллаганда плазмада такролимуснинг концентрацияси мониторингини олиб бориш ва зарурати бўлганида такролимуснинг дозасини камайтириш масаласини кўриб чиқиш керак.

Ўзаро таъсирнинг бошқа турлари

Грейпфрут шарбати

Грейпфрут шарбати цитохром Р450 3А4 тизимини ингибиция қилади. Нифедипинни қўллаганда грейпфрут шарбатини истеъмол қилиш, биринчи ўтишда метаболизмни пасайиши ёки клиренсини пасайиши оқибатида плазмада препаратнинг концентрациясини ошишига ва нифедипиннинг таъсир давомийлигини ошишига олиб келади. Бунинг натижасида препаратнинг антигипертензив таъсири кучайиши мумкин. Грейпфрут шарбати мунтазам истеъмол қилгандан кейин бу самара шарбатни охирги марта қабул қилгандан кейин камида 3 кунгача давом этиши мумкин.

Буни эътиборга олиб, нифедипин билан даволаганда грейпфрутлар/грейпфрут шарбатини истеъмол қилишдан сақланиш керак.

Нифедипинни қўллаш сийдикда ванилилбодом кислотасининг концентрациясини спектрофотометрик усулда аниқлаганда сохта юқори натижаларга олиб келиши мумкин (лекин юқори самарали суюқлик хроматографияси усули қўлланилганда бу самара кузатилмайди).

Яққол артериал гипотензияда (систолик босим 90 мм сим. уст. дан паст), яққол юрак етишмовчилигида Фармадипин^® ни эҳтиёткорлик билан қўллаш керак.

Обтурацион симптомларни юзага келиши мумкинлиги туфайли меъда-ичак йўлларини кучли торайиши бўлган пациентларда Фармадипин^® препаратини қўллаганда жуда эҳтиёткор бўлиш керак. Жуда кам ҳолларда безоарлар ҳосил бўлиши мумкин, улар жаррохлик аралашувини талаб этиши мумкин.

Якка ҳолатларда анамнезида меъда-ичак йўллари томонидан бузилишлар бўлмаганида обструкцион симптомлар таърифланган.

Ёнбош-ичак резервуари (проктоколэктомиядан кейин илеостома) бўлган пациентларда Фармадипин^® ни қўллаш мумкин эмас.

Фармадипин^® ни қўллаш барийли контраст воситани қўллаш билан рентгенологик текширувда сохтамусбат натижаларни олинишига олиб келиши мумкин (масалан тўлиш нуқсонлари полип сифатида интерпретация қилинади).

Жигар функциясини бузилиши бўлган пациентлар синчковлик билан мониторингга, оғир ҳолатларда - дозани камайтиришга муҳтожлар.

Нифедипин цитохром Р450 3А4 тизими орқали метаболизмга учрайди, шунинг учун бу ферментлар тизимини ингибиция қилувчи ёки индукция қилувчи препаратлар нифедипиннинг “биринчи ўтиш” ни ёки клиренсини ўзгартириши мумкин.

Цитохром Р450 3А4 тизимининг кучсиз ёки ўртача ингибиторлари ҳисобланган ва плазмада нифедипиннинг концентрациясини ошишига олиб келиши мумкин бўлган препаратларга қуйидагилар киради: макролид антибиотиклари (масалан эритромицин), анти-ОИТВ протеаза ингибиторлари (масалан ритонавир), азолантимикотиклар (масалан кетоконазол), нефазодон ва флуоксетин антидепрессантлари, хинупристин/дальфопристин, вальпроат кислотаси, циметидин.

Фармадипин^® препаратини бу препаратлар билан бирга қўллаганда артериал босимни назорат қилиш ва зарурати бўлганида нифедипиннинг дозасини камайтириш масаласини кўриб чиқиш керак.

Алоҳида in vitro шароитдаги тадқиқотлар кальций антагонистлари, хусусан нифедипин ва сперматозоидларнинг қайтувчан биокимёвий ўзгаришлари ўртасида боғлиқлик аниқланган, улар уруғлантириш қобилиятини ёмонлаштиради. Агар in vitro шароитда уруғлантиришга уринишлар муваффақиятсиз бўлса, бошқа сабаблар бўлмаганида кальций антагонистлари, масалан нифедипин бу кўринишнинг сабаби сифатида кўрилиши мумкин.

Агар нифедипинни аввалги қўллаш ва ишемик оғриқ ўртасида боғлиқлик бўлса, препаратни қўллаш мумкин эмас. Стенокардияси бўлган пациентларда тез-тез юзага келиши мумкин, уларнинг давомийлиги ва жадаллиги эса, айниқса даволашни бошида ошиши мумкин.

Стабил стенокардиянинг ўткир хуружи бўлган пациентларда нифедипин таъсир этувчи моддасини сақловчи дори воситаларини қўллаш мумкин эмас.

Гемодиализда бўлган, хавфли артериал гипертензия ёки гиповелемияси бўлган пациентларда препарат жуда эҳтиёткорлик билан буюриш керак, чунки қон томирларни кенгайиши уларда артериал босимни аҳамиятли пасайишини чақириши мумкин. Нифедипинни қандли диабети бўлган беморларда қўллаш даволашга тузатиш киритишни талаб этиши мумкин.

Бу дори воситаси оз миқдорда 100 мг/дозадан камроқ миқдорда этанол (алкоголь) сақлайди.

Ҳомиладорлик ёки эмизиш даврида қўлланиши

Ҳомиладорликнинг 20 хафтасига нифедипинни қўллаш мумкин эмас.

Ҳомиладор аёллар иштирокидаги яхши назоратланган тадқиқотлар асосида нифедипиннинг қўллашнинг хавфсизлиги ва самарадорлиги ҳақидаги маълумотлар йўқ.

Ҳайвонларда ўтказилган тадқиқотлар органогенез даврида ва ундан кейинги даврда юборилганда бир қатор эмбриотоксик, плацентотоксик ва фетотоксик самараларни намойиш этган.

Мавжуд клиник далиллар асосида специфик пренатал хавфи аниқланмаган. Гарчи перинатал асфиксия, кесар кесиш усулида туғруқлар, муддатидан олдинги туғруқлар ва ҳомилани ўсишини секинлашиши тез-тезлигини ошиши ҳақида хабар берилган. Бу хабар гипертензиянинг мавжудлиги, уни даволаш ёки препапатнинг специфик самарасининг оқибати бўлиб ҳисобланаши номаълум.

Ҳомила ёки янги туғилган чақалоқларга жиддий ножўя самараларини инкор этиш учун мавжуд маълумотлар етарли эмас. Буни эътиборга олиб, ҳомиладорликнинг 20 хафтасидан кейин препаратни ҳар қандай қўлланиши даволашдан хавф ва фойда нисбатини синчковлик билан баҳолашни талаб этади ва препарат билан даволаш масаласи фақат, агар даволашнинг барча бошқа усуллари кўрсатилмаган ёки самарасиз бўлганида кўриб чиқилиши керак.

Нифедипинни вена ичига магний сульфати билан бир вақтда қўллаганда артериал босимни аҳамиятли пасайиши мумкинлиги туфайли, артериал босимни синчковлик билан мониторинги зарур, бу она ва ҳомилага зарар етказиши мумкин.

Нифедипин кўкрак сутига киради, шунинг учун препаратни қўллаш вақтида эмизишни тўхтатиш керак.

Автотранспортни бошқарганда ёки бошқа механизмлар билан ишлаганда реакция тезлигига таъсир кўрсатиш қобилияти

Ҳар бир пациентга қараб жадаллиги бўйича фарқ қилувчи препаратга реакциялар автотранспортни бошқариш ёки бошқа механизмлар билан ишлаш қобилиятини издан чиқариши мумкин. Айниқса бу даволашни бошига тааллуқли.

Препарат болалар ололмайдиган жойда сақлансин ва яроқлилик муддати ўтгач ишлатилмасин.

Нифедипин билан ўткир интоксикация симптомлари: онгни ҳатто комагача бузилиши, артериал босимни пасайиши, тахикардия/брадикардия, гипергликемия, метаболик ацидоз, гипоксия, ўпка шиши билан кечувчи кардиоген шок.

Даволаш. Шошилинч ёрдам кўрсатиш биринчи навбатда организмдан препаратни чиқариш ва барқарор гемодинамикани тиклашга қаратилган бўлиши керак.

Перорал қўллагандан кейин меъдани тўлиқ бўшатиш тавсия этилади, зарурати бўлганида - ингичка ичакни ювиш билан мажмуада.

Организмдан препаратни чиқариш тўлиқроқ бўлиши керак, шу жумладан ингичка ичакни, айниқса таъсир этувчи моддани сўрилишини олдини олиш учун ажралиб чиқиши секинлашган нифедипин препаратлари билан интоксикация ҳолатида.

Нифедипин учун қон плазмаси оқсиллари билан юқори даражада боғланиш ва нисбатан кичик тақсимланиш хажми характерли бўлганлиги учун гемодиализ самарасиз, лекин плазмаферез ўтказиш тавсия этилади.

Брадикардияни бета-симпатомиметиклар ёрдамида бартараф этиш мумкин. ҳаёт учун хавф солувчи юрак ритми секинлашганида юрак ритмини сунъий юргизувчисини қўллаш тавсия этилади.

Кардиоген шок ва вазодилатация оқибатида юзага келган гипотензияни кальций препаратлари билан бартараф этиш мумкин (10-20 мл 10% ли кальций хлориди ёки глюконати вена ичига секин юборилади, сўнгра зарурати бўлганида такрорланади). Бунинг оқибатида кальцийнинг зардобдаги даражалари норманинг юқори чегарасига эришиши мумкин ёки аҳамиятли даражада юқори бўлиши мумкин. агар кальцийни юбориш етарли даражада самарали бўлмаса, допамин ёки норадреналин каби симпатомиметикларни қўллаш мақсадга мувофиқ. Бу препаратларнинг дозаси эришилган даволаш самарасига қараб танланади.

Суюқликни қўшимча юборишга эҳтиёткорлик билан ёндошиш керак, чунки буда юракка юкламани ошиши хавфи ортади.

5 мл ёки 25 мл дан флаконларда. 1 флакондан қутида.

Оригинал ўрамида, 25 °C дан юқори бўлмаган ҳароратда сақлансин.

3 йил.

Рецепт бўйича.

«Фармак» ЖАЖ.

Ишлаб чиқарувчининг манзили ва уни фаолият кўрсатиш жойи манзили

Украина, 04080, Киев ш., Фрунзе кўч.,74.

Ўзбекистон Республикаси худудида дори воситаларининг сифати бўйича эътирозлар (таклифлар) ни қабул қилувчи ташкилот ҳақида маълумот

“Фармак” ЖАЖ Ўзбекистондаги ваколатхонаси

100000, Тоошкет ш., А.Қодирий кўч., 39.

Тел./факс: 235-77-13, 235-67-05.