Farmateks vaginal suppozitorlari 18,9 mg №10 (2 blister х 5 sham)

Tarkib

1 shamcha (1,6 g) quyidagilarni o‘z ichiga oladi:

Faol modda: benzalkoniy xlorid 50% li suvli eritmasi - 37,8 mg, bu benzalkoniy xloridga mos keladi - 18,9 mg.

Yordamchi moddalar: giprolaza - 9,1 mg, qattiq yog‘ Witepsol S 51 - 1553,1 mg.

Tavsif

Shamchalar oq rangli, uchi konussimon silindr shaklida bo‘lib, o‘ziga xos hidga ega.

Dori shakli

Vaginal shamchalar.

Farmakoterapevtik guruh

Mahalliy qo‘llash uchun kontratseptiv vosita. ATX kodi: G02BB.

Farmakologik xususiyatlari

Spermitsid ta’siri ta’sir etuvchi moddaning spermatozoidlar (avval xivchinlar, keyin boshchalar) membranalarini buzish qobiliyatiga bog‘liq bo‘lib, bu shikastlangan spermatozoid bilan tuxum hujayrani urug‘lantirishning imkonsizligiga olib keladi. Ta’siri qinga yuborilganidan 5 daqiqa o‘tgach rivojlanadi.

In vitro sharoitida Neisseria gonorrhoeae., Chlamydia spp., Trichomonas vaginalis., Herpes simplex tip 2, Staphylococcus aureus ga nisbatan faol. Mycoplasma spp. ga ta’sir ko‘rsatmaydi va Gardnerella vaginalis, Candida albicans, Haemophilus ducreyi va Treponema pallidum ga kuchsiz ta’sir ko‘rsatadi.

Qinning normal mikroflorasiga (shu jumladan Doderlyayn tayoqchasiga) va gormonal siklga ta’sir qilmaydi.

Farmakokinetika

Benzalkoniy xlorid qin shilliq qavati tomonidan so‘rilmaydi, oddiy suv bilan yuvish va normal fiziologik ajralmalar bilan chiqib ketadi.

Qo‘llanilishi

Reproduktiv yoshdagi ayollar uchun mahalliy kontratsepsiya (shu jumladan, peroral kontratseptivlar yoki bachadon ichi kontratsepsiyasini qo‘llashga qarshi ko‘rsatmalar mavjud bo‘lganda; tug‘ruqdan keyingi davrda, laktatsiyada; homiladorlik to‘xtatilgandan so‘ng; menopauzada; nomuntazam jinsiy aloqalarda; doimiy qo‘llaniladigan peroral kontratseptivlarni qabul qilishni o‘tkazib yuborish yoki kechiktirishda).

Qin diafragmasi yoki bachadon ichi spiralini qo‘llashda qo‘shimcha mahalliy kontratsepsiya sifatida.

Qo‘llash usuli va dozalari

Vaginal qo‘llash uchun.

Chalqancha yotgan holda shamcha jinsiy aloqadan 5 daqiqa oldin qinga chuqur kiritiladi. Ta’sir davomiyligi - 4 soat. Har bir takroriy jinsiy aloqadan oldin yangi shamcha yuborish shart.

Nojo‘ya ta’sirlari

Allergik reaksiyalar, kontakt dermatit, qin va/yoki sherigining jinsiy a’zosida qichishish va achishish, og‘riqli siyish.

Agar ular paydo bo‘lsa, Farmateksdan foydalanishni to‘xtating.

Agar yo‘riqnomada ko‘rsatilgan nojo‘ya ta’sirlarning birortasi kuchaysa yoki yo‘riqnomada ko‘rsatilmagan boshqa nojo‘ya ta’sirlarni sezsangiz, bu haqda shifokorga xabar bering.

Qarshi ko‘rsatmalar

Preparat komponentlariga yuqori sezuvchanlik, vaginit, qin va bachadon bo‘yni shilliq qavatining yaralanishi va ta’sirlanishi.

Dorilarning o‘zaro ta’siri

Har qanday dori vositasi, shuningdek, uni o‘z ichiga olgan sovun va eritmalar preparatning spermitsid ta’sirini kamaytirishi mumkin. Yod eritmalari (shu jumladan, 0,1% li yodonat eritmasi) preparatni inaktivlaydi.

Maxsus ko‘rsatmalar

Kontratsepsiyaning samaradorligi preparatni to‘g‘ri qo‘llashga bog‘liq:

Jinsiy aloqadan 2 soat oldin va 2 soat keyin jinsiy a’zolarni yuvish uchun sovundan foydalanish taqiqlanadi, chunki sovun Farmateksning ta’sir etuvchi moddasini parchalaydi.

Jinsiy aloqadan so‘ng tashqi jinsiy a’zolarni faqat toza suv bilan yuvish mumkin. Qinni yuvish jinsiy aloqadan 2 soat o‘tgach qo‘llaniladi.

Qinga yuborilgan Farmateks bilan keyingi kontratseptiv ta’sirning pasayishi xavfi tufayli vanna qabul qilish, dengiz, basseyn va suv havzalarida cho‘milish mumkin emas.

Vaginal dori vositalari bilan davolash tugagunga qadar qin kasalliklarida Farmateksni qo‘llashni vaqtincha to‘xtatish lozim.

Homiladorlik va laktatsiya davri

Preparat kontratseptiv hisoblanadi, homiladorlik davrida qo‘llanilmaydi. Benzalkoniy xlorid bilan kontratsepsiya fonida homiladorlik boshlanganda, homiladorlikning kechishiga ta’siri aniqlanmadi. Ko‘krak suti bilan ajralmaydi, laktatsiya davrida qo‘llash mumkin.

Transport vositalarini boshqarish qobiliyatiga ta’siri

Preparatning transport vositalari va boshqa mexanizmlarni boshqarish qobiliyatiga salbiy ta’siri haqida ma’lumotlar yo‘q.

Preparat yaroqlilik muddati tugaganidan keyin qo‘llanilmasligi va bolalar qo‘li yetmaydigan joyda saqlanishi lozim.

Dozani oshirib yuborish

Dozani oshirib yuborish holatlari qayd etilmagan.

Chiqarish shakli

Vaginal shamchalar.

Past zichlikdagi polietilen bilan qoplangan PVX plyonkali stripga 5 tadan shamcha. Karton qutida qo‘llanilishi bo‘yicha yo‘riqnomaga ega 1 yoki 2 ta strip.

Saqlash shartlari

25 °C dan yuqori bo‘lmagan haroratda saqlanadi.

Agar shamchalar issiqdan erib ketsa, ularni sovutgichga qo‘yish yoki uchini pastga qaratib sovuq suv oqimiga qo‘yish kerak - shamchalar dastlabki shaklini oladi; bunda preparat tarkibi o‘zgarmaydi.

Yaroqlilik muddati

3 yil.

Dorixonalardan berish shartlari

Retseptsiz.

Ishlab chiqaruvchi

Innotek International laboratoriyasi

22, Aristid Brian prospekti, 94110 Arkey, Fransiya

Ishlab chiqargan: Innota Shuzi

Ryu Rene Shantero, L’Isl Ver, 41150 Shuzi-Syur-Sis,

Fransiya