Gepato-Ritz kapsulalari №50 (5 blister х 10 kapsula)

Tarkib

Preparatning bir kapsulasi quyidagilarni o‘z ichiga oladi:

Faol moddalar: dog‘li rastoropsha (Silybum marianum) quruq ekstrakti - 140 mg, qizilmiya (Chelidonium majus) quruq ekstrakti - 100 mg, sariq zanjabil quruq ekstrakti (Curcuma longa) - 25 mg va letsitin (Lecithin) - 40 mg.

Yordamchi moddalar: jelatinlangan kraxmal (Uni-pure DW-L), mikrokristall sellyuloza, laktoza, magniy stearati.

Farmakoterapevtik guruh

Gepatoprotektor. ATX Kod: A05B.

Chiqarish shakli

Kapsulalar. Qadoqda 50 ta kapsula bor.

Farmakologik xususiyatlari

Gepato-Ritz o‘simliklardan olingan kombinatsiyalangan preparat.

O‘t haydovchi va spazmolitik ta’sirga ega gepatoprotektor. Preparat jigar faoliyatini normallashtiradi, ishtaha va ovqat hazm qilishni yaxshilaydi.

Gepato-Ritz ta’siri preparat tarkibiy qismlarining birgalikdagi ta’siri bilan bog‘liq.

Xoldor rastoropsha tarkibidagi silibinin flavonoidi jigarning o‘tkir va surunkali intoksikatsiyalarida gepatoprotektor ta’sir ko‘rsatadi, hujayra membranalarini barqarorlashtiradi va ularning parchalanishiga to‘sqinlik qiladi. Oqsil va fosfolipidlar sintezini rag‘batlantirib, shikastlangan gepatotsitlar regeneratsiyasini tezlashtiradi. Ayrim gepatotoksik moddalarning hujayraga kirishiga va alkogol ta’siriga to‘sqinlik qiladi.

Tog‘rayhon alkaloidlaridan eng muhimi xelidonindir. U og‘riq qoldiruvchi, spazmolitik va o‘t haydovchi ta’sir ko‘rsatadi. Erkin radikallarni bog‘lash hisobiga antioksidant ta’sir ko‘rsatadi, gepatotsitlar regeneratsiyasiga yordam beradi.

Kurkumin - sariq zanjabilning faol moddasi - kuchli yallig‘lanishga qarshi vosita bo‘lib, jigar intoksikatsiyasini kamaytiradi, o‘t pufagi faoliyatini, o‘t ishlab chiqarilishi va chiqarilishini yaxshilaydi. Jigarning detoksikatsion funksiyasini oshiradi, ba’zi ichak infeksiyasi qo‘zg‘atuvchilariga nisbatan bakteritsid va bakteriostatik faollikka ega.

Letsitin jigar hujayralarining biologik tuzilishini shakllantirish va barqarorlashtirish hamda membranalarini qayta tiklash uchun zarur bo‘lgan almashtirib bo‘lmaydigan fosfolipidlar majmuasidir. Jigarning turli kasalliklarida letsitin limfotsitlarning sitotoksik ta’sirini va gepatotsitlar nekrozini kamaytiradi. Oqsil va yog‘ almashinuvini me’yorlashtiradi, jigarning hujayra tuzilishini himoya qiladi, limfotsitlar va makrofaglarning immun funksiyalarini tiklaydi.

Qo‘llanilishi

Jigar faoliyati buzilishlarida profilaktika, himoya va davolash vositasi:

jigar kasalliklarining oldini olish;

jigarning surunkali yallig‘lanish kasalliklari;

jigarning alkogolli va nurli shikastlanishlari;

jigarning toksik shikastlanishlari;

turli etiologiyali jigarning yog‘li degeneratsiyasi;

jigar sirrozida qo‘llab-quvvatlovchi davolash (yoki kompleks terapiya tarkibida);

uzoq vaqt davomida NYAQV, antibiotiklar va boshqa dori-darmonlarni qabul qilgandan so‘ng.

Qo‘llash usuli va dozalari

Davolash, profilaktika va qo‘llab-quvvatlovchi terapiya uchun Gepato-Ritz 1 kapsuladan kuniga 3 marta buyuriladi.

Kasallikning og‘ir kechishida 2 kapsuladan kuniga 3 mahal ikki hafta davomida buyuriladi, so‘ngra davolash kursi 1 kapsuladan kuniga 3 mahal quvvatlovchi doza bilan davom ettiriladi.

Davolash kursining davomiyligi 1-3 oy. Davolash kursi 1-3 oy oralatib takrorlanadi. Preparatni ovqatdan oldin qabul qilish kerak.

Kapsulalar chaynamay, oz miqdordagi suyuqlik bilan ichiladi.

Nojo‘ya ta’sirlari

Preparat yaxshi qabul qilinadi. Kamdan kam hollarda yuqori sezuvchanlik reaksiyalari kuzatiladi.

Qarshi ko‘rsatmalar

Preparat komponentlariga yuqori sezuvchanlik.

Dorilarning o‘zaro ta’siri

Gepato-Ritz preparatining dorilar bilan o‘zaro ta’siri tavsiflanmagan.

Maxsus ko‘rsatmalar

Sariqlik va o‘t-tosh kasalligida ehtiyotkorlik bilan buyuriladi.

Preparatni homiladorlik va laktatsiya davrida ko‘rsatmalarga ko‘ra qabul qilish.

Preparatni 18 yoshgacha bo‘lgan bolalarda qo‘llash samaradorligi va xavfsizligi to‘g‘risida ma’lumotlar yo‘q.

Preparat yaroqlilik muddati tugaganidan keyin qo‘llanilmasligi va bolalar qo‘li yetmaydigan joyda saqlanishi lozim.

Dozani oshirib yuborish

Dozani oshirib yuborish alomatlari tavsiflanmagan.

Saqlash shartlari

10-25 °C haroratda saqlanadi.

Yaroqlilik muddati

3 yil.

Dorixonalardan berish shartlari

Retsept bo‘yicha.

Ishlab chiqaruvchi

GM Pharmaceuticals Ltd.

Gruziya, Tbilisi shahri, Ponichala 65

Tel.: +995-32-2404801/02; Faks: +995-32-2404803