Gervetin mahalliy qo'llash uchun eritma 1,5 mg/g 100 ml (flakon)

Dori preparatining tarkibi

100 g preparat tarkibida

faol modda - benzidamin gidroxlorid 0,15 g,

yordamchi moddalar: metilparagidroksibenzoat, glitserol, 96% li etanol, natriy saxarin, natriy gidrokarbonat, polisorbat 60, yalpiz suyuqligi 27198/14, xinolin sarig‘i 70 (E 104), indigotin 85 (E 132), tozalangan suv.

Tashqi ko‘rinish, hid, ta’m tavsifi

Yalpiz hidli, yorqin sariq-yashil rangli tiniq suyuqlik.

Dori shakli, dozasi

Mahalliy qo‘llash uchun eritma 1,5 mg/g

Farmakoterapevtik guruh

Ovqat hazm qilish trakti va moddalar almashinuvi. Stomatologik preparatlar. Og‘iz bo‘shlig‘i kasalliklarini mahalliy davolash uchun preparatlar boshqa. Benzidamin.

ATX kodi A01AD02

Qo‘llanilishi

Mahalliy simptomatik davolash uchun analgetik va yallig‘lanishga qarshi vosita sifatida (kompleks terapiya tarkibida)

- og‘iz bo‘shlig‘i va tomoqning yallig‘lanish kasalliklari hamda travmatik holatlari (gingivit, stomatit, faringit, nur terapiyasidan keyingi yaralar, bodomcha bezlarini olib tashlash va burun oshqozon zondidan foydalanishdan keyingi holat)

- tishlarni konservativ davolashga va stomatologik operatsiyalardan so‘ng qo‘shimcha sifatida.

Qo‘llash boshlangunga qadar zarur bo‘lgan ma’lumotlar ro‘yxati

Qarshi ko‘rsatmalar

- ta’sir etuvchi moddaga yoki yordamchi moddalarning istalganiga yuqori sezuvchanlik

- salitsilat kislota va/yoki nosteroid yallig‘lanishga qarshi dori vositalariga yuqori sezuvchanlik

- yutish bilan bog‘liq muammolar

- 18 yoshgacha bo‘lgan bolalar va o‘smirlar.

Qo‘llashda zarur ehtiyot choralari

Uzoq vaqt qo‘llash ta’sir etuvchi moddaga yoki preparatning har qanday yordamchi moddalariga nisbatan yuqori sezuvchanlikni keltirib chiqarishi mumkin, shuning uchun Gervetinni faqat ta’sir ko‘rsatish uchun zarur bo‘lgan tavsiya etilgan vaqt davomida qo‘llash lozim. O‘ta sezuvchanlik rivojlanganda, davolashni to‘xtatish kerak.

Boshqa dori vositalari bilan o‘zaro ta’siri

Gervetin preparatining boshqa dori vositalari bilan klinik ahamiyatga ega bo‘lgan o‘zaro ta’siri aniqlanmagan.

Maxsus ogohlantirishlar

Preparat bronxial astma va o‘tmishda bronxial astmasi bo‘lgan bemorlarda bronxospazmni keltirib chiqarishi mumkin.

Preparat tarkibida metilparagidroksibenzoat mavjud bo‘lib, u allergik, shu jumladan sekinlashgan turdagi reaksiyalarni keltirib chiqarishi mumkin.

Kam sonli bemorlarda og‘iz bo‘shlig‘i va halqum shilliq qavatidagi yallig‘lanish va yaralar jiddiy kasalliklarning belgilari bo‘lishi mumkin. Agar yallig‘lanish belgilari kuchayib borsa yoki 3 kunlik davolanish davomida yaxshilanish kuzatilmasa, davolovchi shifokoringiz yoki tish shifokoringiz bilan maslahatlashishingiz kerak.

Gervetin bilan uzoq vaqt davolanish allergik reaksiyalarni keltirib chiqarishi mumkin, bunday holda davolanishni to‘xtatish va shifokorga murojaat qilish kerak.

Agar 7 kunlik davolanishdan keyin ham ahvol yaxshilanmasa, shifokorga murojaat qilish kerak.

Agar eritmani qo‘llashda achishish hissi paydo bo‘lsa, eritmani avval 1:2 nisbatda suv bilan suyultirish kerak. Preparat tarkibida 96% spirt mavjud, shuning uchun alkogolizm va epilepsiyada qo‘llash tavsiya etilmaydi.

Pediatriyada qo‘llanilishi: Gervetin, mahalliy qo‘llash uchun eritma 18 yoshdan kichik bolalarda qo‘llanilmasligi kerak.

Homiladorlik yoki emizish davrida

Gervetin preparatini homiladorlik davrida qo‘llash mumkin emas. Gervetin preparatini emizish vaqtida, agar shifokor zarur deb hisoblamasa, qo‘llash mumkin emas.

Preparatning transport vositasini yoki potensial xavfli mexanizmlarni boshqarish qobiliyatiga ta’sirining o‘ziga xos xususiyatlari

Preparat tarkibida spirt bor, buni avtotransportni boshqarishda va yuqori e’tibor talab qiladigan ishlarni bajarishda hisobga olish zarur.

Qo‘llash bo‘yicha tavsiyalar

Dozalash tartibi

Kattalar uchun: 15 ml eritma (1 osh qoshiqdan), har 1,5-3 soatda, agar og‘riqni yengillashtirish uchun kerak bo‘lsa.

Yuborish usuli va yo‘li

Preparat odatda suyultirilmagan holda ishlatiladi, lekin "kuydirganda" 1:2 nisbatda suv bilan suyultirish mumkin. Chayib bo‘lgach, eritmani tupurib tashlash kerak.

Davolash davomiyligi

Davolash davomiyligi 7 kundan oshmasligi kerak. Tavsiya etilgan dozadan oshirmaslik kerak. Uzoqroq davolanish faqat shifokor tavsiyasi va nazorati ostida mumkin.

Doza oshirib yuborilganda ko‘riladigan choralar

Belgilari: eritmaning kichik miqdorini tasodifan yutish jiddiy nojo‘ya ta’sirlarning rivojlanishiga olib kelishi ehtimoli kam. Benzidamin ko‘p miqdorda (300 mg dan ortiq) yutilgan taqdirda ko‘ngil aynishi, qusish, qorinda og‘riq va qizilo‘ngachning ta’sirlanishi rivojlanishi mumkin. Markaziy asab tizimiga ta’sir qilish belgilariga bosh aylanishi, gallyutsinatsiyalar, qo‘zg‘alish, bezovtalik va asabiylashish kiradi.

Davolash: O‘tkir dozani oshirib yuborish holatida shifokorga murojaat qilish zarur, chunki simptomatik davolash talab etilishi mumkin. Siz yetarli miqdorda suyuqlik ichishingiz kerak.

Dori vositasini qo‘llash usulini tushuntirish uchun maslahat olish uchun tibbiyot xodimiga murojaat qilish tavsiya etiladi.

Dori vositalarini standart qo‘llashda yuzaga keladigan nojo‘ya ta’sirlarning tavsifi va bu holda ko‘rilishi kerak bo‘lgan choralar (zarur hollarda)

Kamdan-kam

- og‘iz bo‘shlig‘ida uvishish va og‘izda achishish hissi, og‘iz bo‘shlig‘ida og‘riq.

Juda kam

- ovoz yorig‘ining to‘satdan ixtiyorsiz yopilishi va kuchli hansirash (laringospazm), bronxlar yo‘lining torayishi natijasida nafas olishning qiyinlashishi (bronxospazm)

- allergik reaksiyalar, ular qichishish, eshakemi, terining quyosh nuriga reaksiyasi va toshmalar bilan namoyon bo‘lishi mumkin.

Noma’lum (mavjud ma’lumotlar asosida baholash imkonsiz)

- teri va teri osti to‘qimalarining chuqur qatlamlarida zich, assimetrik, og‘riqsiz shish, hayot uchun xavfli bo‘lgan tez og‘ir allergik reaksiya (anafilaktik reaksiya) va allergik reaksiyalar, shu jumladan sekinlashgan turdagi reaksiyalar.

Chiqarilish shakli va qadoqlash

100 g preparat burama qopqoqli shisha idishga solinadi.

1 flakon davlat va rus tillarida tibbiy qo‘llash bo‘yicha yo‘riqnoma bilan birga karton qutiga solinadi.

Saqlash muddati

Saqlash muddati 4 yil

Yaroqlilik muddati tugaganidan keyin qo‘llanilmasin!

Saqlash shartlari

Quruq, yorug‘likdan himoyalangan joyda, 25 °C dan yuqori bo‘lmagan haroratda, asl qadoqda saqlansin.

Bolalar qo‘li yetmaydigan joyda saqlang!

Dorixonalardan berish shartlari

Retseptsiz

Ishlab chiqaruvchi tafsilotlari

REPLEK FARM Ltd. Skopye, Kozle ko‘chasi 188, 1000 Skopye,

Shimoliy Makedoniya Respublikasi

Telefon: +389 2 3081343

Elektron pochta: [email protected]

Ro‘yxatdan o‘tkazish guvohnomasi egasi

Spey Medical Ltd., Linton House 7-12 Tavistock Square, London, WC1H 9LT, Buyuk Britaniya

Telefon: +44 203 598 2050

Email: [email protected]