Gervetin

Dori preparatining tarkibi

100 ml preparat tarkibida

faol modda - benzidamin gidroxlorid 0,150 g,

yordamchi moddalar: metilparagidroksibenzoat, glitserol, 96% li etanol, natriy saxarin, natriy gidrokarbonat, polisorbat 60, suyuq qalampir yalpiz 27198/14, tozalangan suv.

Tashqi ko‘rinish, hid, ta’m tavsifi

Tiniq, rangsiz, yalpiz hidli eritma.

Dori shakli, dozasi

Mahalliy qo‘llash uchun sprey, 0,15%, 30 ml

Farmakoterapevtik guruh

Ovqat hazm qilish trakti va moddalar almashinuvi. Stomatologik preparatlar. Og‘iz bo‘shlig‘i kasalliklarini mahalliy davolash uchun preparatlar boshqa. Benzidamin.

ATX kodi A01AD02

Qo‘llanilishi

Mahalliy simptomatik davolash uchun og‘riq qoldiruvchi va yallig‘lanishga qarshi vosita sifatida (kompleks terapiya tarkibida):

- og‘iz bo‘shlig‘i va tomoqning yallig‘lanish kasalliklari hamda travmatik holatlari (gingivit, stomatit, faringit, nur terapiyasidan keyingi yaralar, bodomcha bezlarini olib tashlash va burun oshqozon zondidan foydalanishdan keyingi holat)

- tishlarni konservativ davolashga va stomatologik operatsiyalardan keyin qo‘shimcha sifatida.

Qo‘llash boshlangunga qadar zarur bo‘lgan ma’lumotlar ro‘yxati

Qarshi ko‘rsatmalar

- preparatning tarkibiy qismlariga yuqori sezuvchanlik

- salitsilat kislotasi va/yoki nosteroid yallig‘lanishga qarshi dori vositalariga yuqori sezuvchanlik.

Qo‘llashda zarur ehtiyot choralari

Spreyning ko‘zga tushishidan saqlanish kerak.

Boshqa dori vositalari bilan o‘zaro ta’siri

Gervetin preparatining boshqa dori vositalari bilan klinik ahamiyatga ega o‘zaro ta’siri aniqlanmagan.

Maxsus ogohlantirishlar

Gervetin preparati bilan davolash davomiyligi 7 kundan oshmasligi kerak, shifokor tavsiyasi bilan qo‘llaniladigan holatlar bundan mustasno. Infeksion-yallig‘lanish kasalliklarida Gervetin preparatini kombinatsiyalangan terapiya tarkibida qo‘llash zarur. Bronxial astma va o‘tmishda bronxial astma bilan og‘rigan bemorlarda preparat bronxospazmga olib kelishi mumkin. Preparat tarkibida metilparagidroksibenzoat mavjud bo‘lib, u allergik reaksiyalarni (shu jumladan sekinlashgan turdagi) keltirib chiqarishi mumkin.

Ba’zi hollarda, og‘iz bo‘shlig‘i va halqum shilliq qavatidagi yallig‘lanish va yaralar jiddiy kasalliklar belgisi bo‘lishi mumkin. Agar sizda yallig‘lanish belgilari kuchayib borsa yoki davolanishning 3 kuni davomida yaxshilanish kuzatilmasa, davolovchi shifokor yoki stomatologga murojaat qilishingiz kerak.

Gervetin bilan uzoq vaqt davolanish allergik reaksiyalarni keltirib chiqarishi mumkin, bu holda davolanishni to‘xtatish va shifokorga murojaat qilish kerak. Preparat tarkibida uncha ko‘p bo‘lmagan miqdorda spirt mavjud.

Homiladorlik yoki emizish davrida

Gervetin preparatini homiladorlik paytida qo‘llash mumkin emas, agar shifokor zarur deb hisoblasa, Gervetin preparatini emizish paytida qo‘llash mumkin.

Preparatning transport vositasini yoki potensial xavfli mexanizmlarni boshqarish qobiliyatiga ta’sirining o‘ziga xos xususiyatlari

Preparat tarkibida spirt bor, buni avtotransportni boshqarishda va yuqori e’tibor talab qiladigan ishlarni bajarishda hisobga olish zarur.

Qo‘llash bo‘yicha tavsiyalar

Dozalash tartibi

Kattalar va qariyalarga: 4-8 dozadan, 1,5-3 soatdan keyin.

6 yoshdan 12 yoshgacha bo‘lgan bolalarga: 4 ta inyeksiya (doza), 1,5-3 soatdan keyin.

6 yoshgacha bo‘lgan bolalarga: 4 kg tana vazniga 1 ta inyeksiya (doza), maksimal 4 ta inyeksiya (doza) gacha, 1,5-3 soatdan keyin.

Yuborish usuli va yo‘li

Og‘iz bo‘shlig‘i shilliq qavatiga purkash uchun.

1. Flakonni vertikal holatga qo‘ying, qalpoqcha nasadkasini burang va uni flakonga nisbatan 90° burchak ostida o‘rnating.

2. Birinchi marta qo‘llashdan oldin purkagichni bir necha marta sinab ko‘rish uchun bosing. Nasadkani og‘iz bo‘shlig‘iga kiriting va uni zararlangan sohaga yo‘naltiring. Qopqoqni yo‘riqnomada tavsiya etilgan miqdorda marta bosing. Bosish oralig‘i kamida 5 soniya bo‘lishi kerak.

3. Nasadkani dastlabki holatiga buring.

4. Agar sprey uzoq vaqt ishlatilmagan bo‘lsa, qayta qo‘llashdan oldin purkagichni bir marta bosish orqali faollashtirish kerak.

Davolash davomiyligi

Davolash davomiyligi 7 kundan oshmasligi kerak. Tavsiya etilgan dozadan oshirmaslik kerak. Uzoqroq davolanish faqat shifokor tavsiyasi va nazorati ostida mumkin.

Doza oshirib yuborilganda ko‘riladigan choralar

Belgilari: eritmaning kichik miqdorini tasodifan yutish jiddiy nojo‘ya ta’sirlarning rivojlanishiga olib kelishi ehtimoli kam. Benzidamin ko‘p miqdorda (300 mg dan ortiq) yutilgan taqdirda ko‘ngil aynishi, qusish, qorinda og‘riq va qizilo‘ngachning ta’sirlanishi rivojlanishi mumkin. Markaziy asab tizimiga ta’sir qilish belgilari bosh aylanishi, gallyutsinatsiya, qo‘zg‘alish, bezovtalik va asabiylashishni o‘z ichiga oladi.

Davolash: O‘tkir dozani oshirib yuborish holatida shifokorga murojaat qilish zarur, chunki simptomatik davolash talab etilishi mumkin. Yetarli miqdorda suyuqlik ichish kerak.

Dori vositasini qo‘llash usulini tushuntirish uchun maslahat olish uchun tibbiyot xodimiga murojaat qilish tavsiya etiladi.

Dori vositalarini standart qo‘llashda yuzaga keladigan nojo‘ya ta’sirlar tavsifi va bunday hollarda ko‘rilishi kerak bo‘lgan choralar

Kamdan-kam

- og‘iz bo‘shlig‘ida uvishish va og‘izda achishish hissi, og‘iz bo‘shlig‘ida og‘riq.

Juda kam

ovoz yorig‘ining to‘satdan ixtiyorsiz yopilishi, kuchli hansirash (laringospazm), nafas olishning qiyinlashishiga olib keladigan bronxlar yo‘lining torayishi (bronxospazm)

- allergik reaksiyalar, ular qichishish, tez rivojlanadigan, terida och pushti rangli pufakchalar paydo bo‘lishi, kuchli qichishish, kuyishdan paydo bo‘lgan pufakchalarga o‘xshash (eshakemi), terining quyosh nuriga reaksiyasi va toshmalar bilan namoyon bo‘lishi mumkin.

Noma’lum (mavjud ma’lumotlar asosida baholash imkonsiz)

- teri va teri osti to‘qimalarining chuqur qatlamlarining zich, assimetrik, og‘riqsiz shishi (angionevrotik shish), hayot uchun xavfli bo‘lgan tez og‘ir allergik reaksiya (anafilaktik reaksiya) va allergik reaksiyalar, shu jumladan sekinlashgan turdagi reaksiyalar.

Chiqarilish shakli va qadoqlash

Preparatning 30 ml miqdori dozalash moslamasi o‘rnatilgan plastik flakonga solinadi.

1 flakon davlat va rus tillarida tibbiy qo‘llash bo‘yicha yo‘riqnoma bilan birga karton qutiga joylashtiriladi.

Saqlash muddati

Saqlash muddati 4 yil

Yaroqlilik muddati o‘tgandan keyin qo‘llanilmaydi.

Saqlash shartlari

Quruq, yorug‘likdan himoyalangan joyda, 25 oS dan yuqori bo‘lmagan haroratda saqlansin.

Bolalar qo‘li yetmaydigan joyda saqlang!

Dorixonalardan berish shartlari

Retseptsiz

Ishlab chiqaruvchi tafsilotlari

REPLEK FARM Ltd. Skopye, Kozle ko‘chasi 188, 1000 Skopye,

Shimoliy Makedoniya Respublikasi

telefon: +389 2 3081343

elektron pochta: [email protected]

Ro‘yxatdan o‘tkazish guvohnomasi egasi

Spey Medical Ltd., Linton House 7-12 Tavistock Square, London, WC1H 9LT, Buyuk Britaniya

telefon: +44 203 598 2050

email: [email protected]