Inoseda tabletkalari 500 mg №20 (2 blister х 10 tabletka)

Tarkib

1 ta tabletka tarkibida quyidagilar mavjud:

ta’sir etuvchi modda: inozin pranobeks 500 mg;

yordamchi moddalar: makkajo‘xori kraxmali, povidon K90, mikrokristallik sellyuloza, stearin kislotasi, magniy stearati.

Tavsif

Dumaloq, ikki tomoni qavariq, oq rangli, bir tomoniga "INO" deb o‘yib yozilgan tabletkalar.

Dori shakli

Tabletkalar.

Farmakoterapevtik guruh

Bevosita ta’sir etuvchi virusga qarshi vositalar. Boshqa virusga qarshi vositalar. ATX kodi: J05AX05.

Farmakologik xususiyatlari

Farmakodinamika

Inozin pranobeks purinning sintetik hosilasi hisoblanadi (inozin va 4-atsetamidobenzoy kislotasi tuzlarining N,N-dimetilamino-2-propanol bilan 1:3 molyar nisbatdagi molekulyar kompleksi).

Immunomodulyatsiyalovchi va virusga qarshi vositalarga kiradi hamda RNK va DNK viruslarining ko‘plab shtammlari replikatsiyasini to‘xtatish qobiliyatiga ega (to‘g‘ridan-to‘g‘ri virusga qarshi ta’sir). Virusga qarshi bilvosita ta’sir hujayraviy immunitetning kuchayishi bilan bog‘liq.

Farmakokinetika

Inozin pronobeks ichga qabul qilingandan so‘ng hazm yo‘lidan tez va yaxshi so‘riladi. Qon plazmasidagi maksimal konsentratsiyasiga 3 soatdan keyin erishiladi. Farmakologik ta’siri taxminan 30 daqiqadan so‘ng namoyon bo‘ladi va 6 soatgacha saqlanadi.

To‘qimalarda yaxshi tarqaladi.

Jigarda asosan siydik kislotasiga metabolizmga uchraydi va organizmdan buyraklar orqali chiqariladi.

Ko‘rsatmalar

Immun tizimi buzilgan gerpetik infeksiya va boshqa virusli kasalliklarda.

Qo‘llash usuli va dozalari

Dori vositasi ichishga mo‘ljallangan.

Kattalar.

Dori vositasini kuniga 6-8 tabletkadan 4-8 marta qabul qilib qo‘llash lozim.

Yuqorida ko‘rsatilgan dozalash rejimida dori vositasini qo‘llash odatda ko‘pchilik virusli infeksiyalarni davolash uchun yetarli bo‘ladi. Davolashning davomiyligi kasallikning turiga qarab o‘zgarib turadi.

Dori vositasini qo‘llash simptomlar yo‘qolganidan keyin 1 yoki 2 sutka davomida davom ettiriladi.

Bolalar.

Ushbu dori shaklida dori vositasi bolalarga qo‘llash uchun mo‘ljallanmagan. 1 yoshdan oshgan bolalarga dori vositasini sirop shaklida qo‘llash lozim.

Nojo‘ya ta’sirlari

Inozin bilan davolash paytida yagona doimiy nojo‘ya reaksiya qon plazmasi va siydikda siydik kislotasi darajasining vaqtincha oshishi bo‘lib, u davolash tugagandan bir necha kun o‘tgach, dastlabki me’yoriy ko‘rsatkichlarga qaytadi.

Shubhali nojo‘ya ta’sirlar haqida xabarlar.

Dori vositasi ro‘yxatdan o‘tkazilgandan so‘ng yuzaga kelgan nojo‘ya ta’sirlarga shubha qilingan xabarlar juda muhimdir. Bu dori vositasini qo‘llashda foyda/xavf nisbatini doimiy kuzatish imkonini beradi. Sog‘liqni saqlash tizimi xodimlari har qanday shubhali nojo‘ya ta’sirlar haqida milliy farmakonazorat tizimi orqali xabar berishlari shart.

Qarshi ko‘rsatmalar

Dori vositasining ta’sir etuvchi moddasiga va/yoki har qanday yordamchi moddasiga yuqori sezuvchanlik.

Dozani oshirib yuborish

Dozani oshirib yuborish holatlari kuzatilmadi. Yarim letal doza (LD50) inozinning terapevtik dozasiga nisbatan 40 martadan ortiqroqdir.

Qo‘llash xususiyatlari

Dori vositasini podagra bilan og‘rigan bemorlarga ehtiyotkorlik bilan qo‘llash lozim (qon plazmasi va siydikda siydik kislotasi miqdori ko‘payishi mumkinligi sababli). Uzoq davolanishda qon plazmasi va siydikdagi siydik kislotasi miqdorini muntazam nazorat qilib borish lozim.

Dori vositasini qo‘llashda boshqa ehtiyot choralari mavjud emas.

Homiladorlik yoki emizish davrida qo‘llash

Homiladorlik.

Hayvonlarda teratogen ta’sirning yo‘qligiga qaramay, homiladorlikning I trimestrida dori vositasini qo‘llash faqat ona uchun kutilayotgan foyda homila uchun potensial xavfdan yuqori bo‘lgandagina mumkin.

Emizish davri.

Inozin pranobeks ona sutiga juda past konsentratsiyada o‘tadi. Dori vositasi emizish davrida qo‘llanilishi mumkin.

Avtotransport yoki boshqa mexanizmlarni boshqarishda reaksiya tezligiga ta’sir qilish qobiliyati

Inozin avtotransport yoki boshqa mexanizmlarni boshqarishda reaksiya tezligiga ta’sir qilmaydi.

Boshqa dori vositalari bilan o‘zaro ta’siri va boshqa o‘zaro ta’sir turlari

Dori vositasini kortikosteroidlar, immunoglobulinlar, sitostatiklar, antilimfotsitar immunoglobulinlar bilan bir vaqtda qo‘llash mumkin emas (inozinning farmakologik faolligiga salbiy ta’siri tufayli).

Yaroqlilik muddati

3 yil.

Saqlash shartlari

25 °C dan yuqori bo‘lmagan haroratda, bolalar qo‘li yetmaydigan joyda saqlanadi.

Qadoq

10 ta tabletka blisterda; 2 yoki 5 tadan blister karton qutida.

Ta’til toifasi

Retsept bo‘yicha.

Ishlab chiqaruvchi

WORLD MEDICINE ILACH SAN. VEY TJ. A.Sh. /

WORLD MEDICINE ILAC SAN. VE TIC. AS.