Kodelak-Neo siropi 100 ml dan 1,5 mg/ml (shisha)

Tarkib

1 ml uchun:

ta’sir etuvchi modda: butamirat sitrat - 1,5 mg;

yordamchi moddalar: sorbitol (sorbitli siop 70% (kristallanmaydigan)) - 405 mg, glitserol - 290 mg, etanol 95% (95% etil spirti) - 2,538 mg, natriy saxarinat - 0,6 mg, benzoy kislotasi - 1,15 mg, vanilin - 0,6 mg, natriy gidroksid eritmasi 30% - 0,31 mg, tozalangan suv - 1,0 ml gacha.

Tavsif

Vanil hidli, rangsiz yoki sarg‘ish tusli tiniq suyuqlik.

Chiqarish shakli

Ichish uchun eritma, 1,5 mg/ml.

Farmakoterapevtik guruh

Markaziy ta’sirga ega yo‘talga qarshi vosita. Butamirat. ATX kodi: R05DB13.

Farmakologik xususiyatlari

Farmakodinamika

Kodelak® Neo preparatining faol moddasi bo‘lgan butamirat yo‘talga qarshi markaziy ta’sirga ega vosita hisoblanadi. Kimyoviy va farmakologik jihatdan afyun alkaloidlariga kirmaydi. Qaramlik yoki odatlarni shakllantirmaydi.

Yo‘talni bosadi, yo‘tal markaziga bevosita ta’sir ko‘rsatadi. Bronxlarni kengaytiruvchi ta’sir ko‘rsatadi. Spirometriya (nafas yo‘llari qarshiligini pasaytiradi) va qon oksigenatsiyasi (qonni kislorod bilan to‘yintiradi) ko‘rsatkichlarini yaxshilab, nafas olishni yengillashtiradi.

Farmakokinetika

So‘rish

Ichga qabul qilingandan so‘ng butamirat me’da-ichak yo‘llaridan tez va to‘liq so‘riladi. 150 mg butamirat qabul qilingandan so‘ng, qon plazmasida asosiy metabolit (2-fenilmoy kislotasi) ning maksimal konsentratsiyasiga taxminan 1,5 soatdan so‘ng erishiladi va 6,4 mkg/ml ni tashkil etadi.

Taqsimlanish va metabolizm

Butamiratning dastlab 2-fenilmoy kislotasi va dietilamino-etoksietanolgacha gidrolizlanishi qonda boshlanadi. Bu metabolitlar yo‘talga qarshi faollikka ham ega bo‘lib, butamirat kabi plazma oqsillari bilan sezilarli darajada (taxminan 95%) bog‘lanadi, bu esa ularning yarim chiqarilish davrining uzoq davom etishiga sabab bo‘ladi. 2-fenilmoy kislota qisman gidroksillanish yo‘li bilan metabolizmga uchraydi.

Preparat qayta qabul qilinganda kumulyatsiya kuzatilmaydi.

Chiqarish

Butamiratning yarim chiqarilish davri - 6 soat. Metabolitlar asosan buyraklar orqali chiqariladi. Bunda 2-fenilmoy kislotasi asosan glyukuron kislotasi bilan bog‘langan holda chiqariladi.

Ko‘rsatmalar

Har qanday etiologiyali quruq yo‘tal, shu jumladan ko‘kyo‘talda; operatsiyadan oldingi va keyingi davrda, jarrohlik aralashuvlari va bronxoskopiyada yo‘talni bostirish uchun.

Qarshi ko‘rsatmalar

Preparat komponentlariga yuqori sezuvchanlik, fruktozani ko‘tara olmaslik, homiladorlik (I trimestr), emizish davri. 3 yoshgacha bo‘lgan bolalar yoshi.

Ehtiyotkorlik bilan

Homiladorlik (II va III trimestrlar).

Preparat tarkibida etil spirti bo‘lganligi sababli, dorilarga qaramlik rivojlanishiga moyilligi bo‘lgan, jigar kasalliklari, alkogolizm, epilepsiya, bosh miya kasalliklari bo‘lgan bemorlarda, homilador ayollarda va bolalarda ehtiyotkorlik bilan qo‘llaniladi.

Qo‘llash usuli va dozalari

Preparatni ovqatdan oldin ichish kerak.

Preparat quyidagi bolalarga buyuriladi: 3 yoshdan 6 yoshgacha - kuniga 3 mahal 5 ml dan; 12 yosh va undan kattalar - kuniga 3 mahal 15 ml dan. Kattalar - kuniga 4 mahal 15 ml dan.

Preparatni qabul qilishda o‘lchov moslamasidan foydalanish lozim.

Agar yo‘tal davolash boshlanganidan keyin 5 kundan ortiq davom etsa, shifokorga murojaat qilish kerak.

Nojo‘ya ta’sirlari

Nojo‘ya ta’sirlar rivojlanish chastotasining tasnifi: juda tez-tez (≥1 /10), tez-tez (≥1/100, <1/10), kamdan-kam (≥1/1000,<1/100), kamdan-kam (≥1/10000, <1/1000), juda kamdan-kam (<1/10 000), shu jumladan alohida xabarlar.

Asab tizimi tomonidan:

Kamdan-kam hollarda: uyquchanlik, preparat qabul qilish to‘xtatilganda yoki doza kamaytirilganda o‘tib ketadigan bosh aylanishi.

Oshqozon-ichak trakti tomonidan:

Kamdan-kam: ko‘ngil aynishi, ich ketishi.

Teri va teri osti to‘qimalari tomonidan:

Kamdan-kam hollarda: eshakem, allergik reaksiyalar rivojlanishi mumkin.

Dozani oshirib yuborish

Belgilari: ko‘ngil aynishi, qusish, uyquchanlik, ich ketishi, bosh aylanishi, qon bosimining pasayishi, harakat koordinatsiyasining buzilishi.

Davolash: faollashtirilgan ko‘mir, tuzli surgilar, simptomatik terapiya (ko‘rsatmalarga ko‘ra).

O‘zaro aloqa

Butamiratning dorilar bilan o‘zaro ta’siri tavsiflanmagan. Preparat bilan davolanish davrida alkogolli ichimliklar, shuningdek, markaziy asab tizimini susaytiruvchi dori vositalari (uyqu keltiruvchi, neyroleptik, trankvilizator va boshqa preparatlar) iste’mol qilish tavsiya etilmaydi.

Butamirat yo‘tal refleksini susaytirishi sababli, nafas yo‘llarida balg‘am to‘planib, bronxospazm va nafas yo‘llari infeksiyasi rivojlanish xavfini oldini olish uchun bir vaqtning o‘zida balg‘am ko‘chiruvchi vositalarni qo‘llashdan saqlanish kerak.

Maxsus ko‘rsatmalar

Preparat tarkibida shirinlashtiruvchi sifatida natriy saxarinat va sorbitol mavjud, shuning uchun uni qandli diabet bilan og‘rigan bemorlarga qo‘llash mumkin.

Preparat tarkibida etil spirti mavjudligi sababli, preparatni dorilarga qaramlik rivojlanishiga moyilligi bo‘lgan, jigar kasalliklari, alkogolizm, epilepsiya, bosh miya kasalliklari, homilador ayollar va bolalarda qo‘llash xavfli hisoblanadi.

Homiladorlik va laktatsiya

Preparatni homiladorlik davrida qo‘llash va uning yo‘ldosh to‘sig‘idan o‘tishi xavfsizligi to‘g‘risida ma’lumotlar yo‘q. Preparatni homiladorlikning birinchi uch oyligida qo‘llash mumkin emas. Homiladorlikning II va III trimestrlarida ona uchun foyda va homila uchun potensial xavf nisbatini hisobga olgan holda preparatni qo‘llash mumkin.

Preparatning ona sutiga o‘tishi o‘rganilmagan, shuning uchun preparatni emizish davrida qo‘llash tavsiya etilmaydi.

Transport vositalari va mexanizmlarini boshqarish qobiliyatiga ta’siri

Transport vositalarini boshqarishdan va diqqatning yuqori konsentratsiyasini va psixomotor reaksiyalarning tezligini talab qiladigan boshqa potentsial xavfli faoliyat turlari bilan shug‘ullanishdan tiyilish tavsiya etiladi, chunki preparat bosh aylanishi va uyquchanlikni keltirib chiqarishi mumkin.

Qadoq

100 ml dan 3-gidrolitik sinfga mansub to‘q rangli (yantar) shishadan yasalgan flakonlarga yoki 2-gidrolitik sinfga mansub to‘q rangli (yantar) shishadan yasalgan, polipropilen qopqoqlar bilan berkitilgan, birinchi ochilish nazorati o‘rnatilgan va bolalardan himoyalangan flakonlarga.

200 ml dan 3-gidrolitik sinfga mansub to‘q (qahrabo) rangli shishadan yasalgan, polipropilen qopqoqlar bilan berkitilgan, birinchi ochilishi nazorat qilinadigan va bolalardan himoyalangan flakonlarga solinadi.

Flakonga etiketka yoki yozuv qog‘ozi yoki o‘zi yelimlanadigan qog‘ozdan etiketka yopishtiriladi.

Bitta flakon qo‘llash bo‘yicha yo‘riqnoma va o‘lchov qoshig‘i bilan birga karton qutiga solinadi.

Saqlash shartlari

25 °C dan yuqori bo‘lmagan haroratda saqlanadi.

Ochilgan flakonni saqlash muddati 12 oydan oshmaydi.

Bolalar qo‘li yetmaydigan joyda saqlang.

Yaroqlilik muddati

3 yil.

Qadoqda ko‘rsatilgan yaroqlilik muddati tugagandan keyin qo‘llanilmasin.

Dorixonalardan berish shartlari

Retsept bo‘yicha.

Ro‘yxatdan o‘tish guvohnomasi egasi

OTISIFARM AJ Rossiya

Ishlab chiqaruvchi

"FARMSTANDART-LEKSREDSTVA" OAJ Rossiya