Kuriosin tashqi foydalanish uchun gel 15 g (naycha)

Tarkib

1 tuba uchun tarkib:

Ta’sir etuvchi modda: rux gialuronati 15,4 mg (yozuv bo‘yicha olingan: natriy gialuronati 15 mg va rux xlorid 5 mg);

Yordamchi moddalar: kaliy sorbat, natriy gidroksid, karbomer, inyeksiya uchun suv.

Tavsif

Rangsiz yoki deyarli rangsiz, deyarli hidsiz shaffof gel.

Chiqarish shakli

Sirtga qo‘llash uchun gel, 0,103%.

Farmakoterapevtik guruh

To‘qimalar reparatsiyasi stimulyatori. Tashqi qo‘llash uchun husnbuzarlarni davolash uchun boshqa preparatlar.

Farmakologik xususiyatlari

Farmakodinamika

Rux gialuronati rux va gialuron kislotasining yara bitkazuvchi va rag‘batlantiruvchi ta’sirini o‘zida mujassam etgan. Kuriozin® preparatining asosiy tarkibiy qismi bo‘lgan gialuron kislotasi teri va biriktiruvchi to‘qimaning eng muhim tarkibiy qismi bo‘lib, uning tuzilishining yaxlitligini, elastikligini va shikastlanishdan keyingi tiklanishini ta’minlaydi. Gialuron kislotasi jarohatlarga ishlov berish uchun eng biologik mos keladigan materiallardan biridir.

Rux gialuronati granulyatsiya, angiogenez va epitelizatsiyani tezlashtiruvchi hujayradan tashqari matriksni hosil qiladi, natijada kollagen tolalarining sintezi va to‘planishi ortadi. Rux mikroblarga qarshi xususiyatlari tufayli infeksiya rivojlanishiga to‘sqinlik qiladi. Antioksidant sifatida u hujayra va hujayradan tashqari matriksning erkin radikallar tomonidan shikastlanishiga ham to‘sqinlik qilib, ularning to‘qimalar regeneratsiyasiga salbiy ta’sirini kamaytiradi.

Rux gialuronati shikastlangan terining birlamchi yoki ikkilamchi taranglik bilan bitishini tezlashtiradi, suvni ushlab qolish va yetkazib berish natijasida shikastlangan sohada maxsus mikromuhit hosil qiladi, mexanik va mikroblarga qarshi to‘siq sifatida ta’sir qiladi va biologik mos keladigan molekulyar himoya qatlamini shakllantiradi, bu esa jarohat sohasidagi og‘riqni susaytiradi va yallig‘lanish jarayonini bostiradi. Rux gialuronatidan tayyorlangan gidratlangan qatlam qovushqoq-elastik molekulyar filtr vazifasini bajaruvchi va tashqi muhitdan mikroorganizmlarning kirib kelishini (havo-tomchi va kontakt yo‘li bilan) oldini oluvchi zich molekulyar to‘rni hosil qiladi. Shunday qilib, preparat o‘ziga xos gidratatsiyalangan mikrobga qarshi bog‘lam bo‘lib, shikastlangan terini nam holatda saqlaydi, bu esa teri jarohatlarini olib borishdan asosiy maqsaddir.

Bitish chandiqlanishning susayishi (embrional yaralar gialuron kislotasining haddan tashqari yuqori miqdori tufayli chandiqlanmasdan bitadi), shikastlangan terining deyarli sog‘lom holatga va ko‘rinishga qaytishi bilan kechishi mumkin.

Natriy gialuronatiga nisbatan rux gialuronati ko‘pgina bakteriyalarga nisbatan bakteriostatik ta’sir ko‘rsatadi. Xususan, rux Propionibacterium acnes lipazasining faolligini susaytiradi.

R. acnes bakteriyalari faoliyatiga javoban biologik faol moddalarning ajralib chiqishi akne rivojlanishining ikkita asosiy sababi (yog‘ bezlari ichidagi to‘qimalarning ko‘payishi va ularning yo‘llari giperkeratozi) ga qo‘shimcha ravishda muhim omil hisoblanadi. Bu jarayonlar zararlangan to‘qimalarda gialuron kislotasi konsentratsiyasining sezilarli darajada kamayishiga olib keladi. Gialuron kislotasining yetishmovchiligi Kuriozin® gel preparatini mahalliy qo‘llash orqali bartaraf etilishi mumkin. Kuriozin® geli komedonlar rivojlanishi hamda yallig‘lanish oqibatlarini yumshatadi.

Farmakokinetika

Mahalliy qo‘llanilganda deyarli so‘rilmaydi, qon plazmasida kam miqdorda gialuron kislotasi aniqlanadi.

Ko‘rsatmalar

Yengil va o‘rta og‘irlikdagi aknening barcha shakllarini, birinchi navbatda komedonlar va papulo-pustulali husnbuzarlarni mahalliy davolash.

Qarshi ko‘rsatmalar

Preparatning har qanday tarkibiy qismiga yuqori sezuvchanlik, parranda go‘shti oqsilini ko‘tara olmaslik, homiladorlik, emizish davri.

Qo‘llash usuli va dozalari

Tashqarida. Gel terining zararlangan sohalariga kuniga 2 mahal yupqa qatlam qilib surtiladi, terini oldindan tozalab olinadi. Preparat bir necha daqiqa ichida so‘riladi va bog‘lam talab qilmaydi. Davolashning davomiyligi individual bo‘lib, kasallikning shakli va og‘irligiga bog‘liq.

Nojo‘ya ta’sirlari

Quyida sanab o‘tilgan nojo‘ya ta’sirlar MedDRA bo‘yicha paydo bo‘lish chastotasiga ko‘ra keltirilgan: tez-tez uchramaydi (≥ 0,1%, < 1%); juda kam uchraydi (<0,01%, ayrim holatlar ham shu jumlaga kiradi).

Teri va teri osti to‘qimalarining buzilishi

Kamdan-kam hollarda: surtilgan joyda qizarish, sanchish, achishish hissi, mahalliy og‘riq.

Juda kam**: granulyatsion to‘qimaning ortiqcha rivojlanishi, jarohatda nekroz.

* - nojo‘ya ta’sirlar davolashning boshida rivojlanadi, odatda yengil, o‘tkinchi.

** - Kuriozin® geli bilan bog‘liqlik aniqlanmagan.

Allergik reaksiyalar rivojlanishi mumkin. Quruq teriga surtilganda "tortilish" hissi paydo bo‘lishi mumkin.

Agar yo‘riqnomada ko‘rsatilgan nojo‘ya ta’sirlarning birortasi kuchaysa yoki yo‘riqnomada ko‘rsatilmagan boshqa nojo‘ya ta’sirlarni sezsangiz, bu haqda davolovchi shifokorga xabar bering.

Dozani oshirib yuborish

Kuriozin® gel dori vositasining dozasini oshirib yuborish holatlari qayd etilmagan.

O‘zaro aloqa

Boshqa dori vositalari bilan o‘zaro ta’siri haqida ma’lumotlar yo‘q.

Maxsus ko‘rsatmalar

Fotosensibilizatsiya chaqirmaydi, teri va kirlarni bo‘yamaydi.

Tuba uchi teriga yoki boshqa biror yuzaga tegmasligi kerak. Qo‘llashda mikrobli ifloslanish yoki preparatning buzilishining oldini olish choralarini ko‘rish lozim.

Bitta tuba faqat bitta bemor tomonidan ishlatilishi kerak. Birinchi marta ishlatishdan oldin himoya membranasining butunligiga ishonch hosil qiling. Tubani har foydalanishdan keyin yaxshilab yoping.

Homiladorlik va laktatsiya

Preparatni homiladorlik yoki laktatsiya davrida qo‘llash haqida ma’lumotlar yo‘q.

Transport vositalari va mexanizmlarini boshqarish qobiliyatiga ta’siri

Transport vositalari va mexanizmlarni boshqarish qobiliyatiga ta’sir ko‘rsatmaydi.

Qadoq

15 g dan gel teshik uchli oq polietilen qalpoqli alyuminiy naychada. Tuba teshigi membrana bilan himoyalangan. Qo‘llash bo‘yicha yo‘riqnoma ilova qilingan karton qutida bitta tuba.

Saqlash shartlari

15 dan 30 °S gacha bo‘lgan haroratda.

Bolalar qo‘li yetmaydigan joyda saqlang.

Yaroqlilik muddati

2 yil.

Qadoqda ko‘rsatilgan yaroqlilik muddati tugagandan so‘ng qo‘llanilmaydi.

Dorixonalardan berish shartlari

Retseptsiz

Ro‘yxatdan o‘tish guvohnomasi egasi

GEDEON RIXTER OAJ Vengriya

Ishlab chiqaruvchi

GEDEON RIXTER OAJ Vengriya