Laennek D/in eritmasi. 2 ml №10 (ampulalar)

Tarkib

2 ml preparatda 112 mg odam yo‘ldoshi gidrolizati, inyeksiya uchun suv, pH korrektori (natriy gidroksid yoki xlorid kislota) mavjud.

Tavsif

Och sariqdan jigarranggacha bo‘lgan tiniq suyuqlik, o‘ziga xos hidga ega.

Chiqarish shakli

Inyeksiya uchun eritma.

Farmakoterapevtik guruh

Gepatoprotektor vosita. Jigar kasalliklarini davolash uchun preparatlar. ATX kodi: A05BA.

Farmakologik xususiyatlari

Farmakodinamika

Laennek gumoral immunitetni rag‘batlantirish va fagotsitlar hamda tabiiy killerlarning funksional faolligini oshirish qobiliyati hisobiga immunomodullovchi xususiyatlarni namoyon etadi; periferik qon leykotsitlarining bakteriotsid faolligini oshiradi, bu ularning tutib olingan qo‘zg‘atuvchini yo‘q qilish qobiliyatida namoyon bo‘ladi. Preparat tarkibidagi sitokinlar teri hujayralarining metabolik va nazorat funksiyalarini faollashtiradi. Gidrolizat tarkibidagi biologik faol moddalar gepatotsitlar regeneratsiyasini (proliferatsiyasini) rag‘batlantiradi, dezintoksikatsion xossalarni namoyon qiladi, jigar hujayralarida lipidlar va xolesterin to‘planishini kamaytiradi, to‘qima nafas olishining faolligini oshiradi, jigarda moddalar almashinuvini faollashtiradi, jigarda biriktiruvchi to‘qima rivojlanish intensivligini pasaytiradi.

Ko‘rsatmalar

Preparat quyidagi kasalliklarni kompleks davolashda qo‘llaniladi: surunkali qaytalanuvchi gerpes, o‘rta og‘ir va og‘ir kechuvchi atopik dermatit (shu jumladan, asoratli).

Jigarning surunkali kasalliklarida monoterapiya ko‘rinishida: steatogepatitlarda (alkogolli, metabolik va aralash etiologiyali).

Qarshi ko‘rsatmalar

Yuqori sezuvchanlik, bolalik, homiladorlik, emizish davri.

Ehtiyotkorlik bilan

Preparatni dori vositalariga polivalent allergiyasi bo‘lgan bemorlarda, shuningdek, keksa yoshdagi shaxslarda ehtiyotkorlik bilan qo‘llash lozim.

Qo‘llash usuli va dozalari

Surunkali qaytalanuvchi gerpes va atopik dermatitda:

- vena ichiga tomchilab yuborish: 10 ml (540 mg yo‘ldosh gidrolizati) preparat (5 ampula) 250-500 ml 5% li dekstroza yoki fiziologik eritmada eritiladi va tirsak venasi orqali 1,5-2 soat davomida yuboriladi. Inyeksiyalar haftada 3 marta 2 kun oralatib qilinadi. Davolash kursi 10 ta inyeksiya.

Surunkali jigar kasalliklarida: steatogepatitlarda (alkogolli, metabolik va aralash etiologiyali):

- mushak orasiga: kuniga 2 ml dan (112 mg yo‘ldosh gidrolizati). Kasallikning og‘irligiga qarab, inyeksiyalar chastotasi kuniga 2-3 martagacha (6 ml gacha) oshirilishi mumkin;

- vena ichiga tomchilab yuborish: 10 ml (560 mg yo‘ldosh gidrolizati) preparat (5 ampula) 250-500 ml 5% li dekstroza yoki fiziologik eritmada eritiladi va tirsak venasi orqali 1,5-2 soat davomida yuboriladi. Inyeksiyalar har kuni qilinadi. Davolash kursi 2-3 hafta.

Nojo‘ya ta’sirlari

3,7% bemorlarda kuzatiladi.

Klinik ahamiyatli nojo‘ya ta’sirlar

Allergik reaksiyalar, shu jumladan anafilaktik shok bo‘lishi mumkin.

Boshqa salbiy ta’sirlar

Inyeksiya joyidagi og‘riq

2,56%

Allergik reaksiyalar (terining qizarishi, qichishishi)

0,37%

Inyeksiya joyidagi uvishish

0,37%

Ginekomastiya (preparatni yuborish bilan sababiy bog‘liqlik aniqlanmagan)

0,37%

Dozani oshirib yuborish

Hozirgi vaqtda Laennekning dozasini oshirish holatlari haqida xabar berilmagan.

O‘zaro aloqa

Laennek kuchli asos (pH 8,5 dan yuqori) bo‘lgan boshqa preparatlar bilan aralashtirilganda, farmatsevtik o‘zaro ta’sir natijasida uning faolligi pasayadi.

Laennekning boshqa klinik ahamiyatga ega o‘zaro ta’sirlari haqida hozirgacha ma’lumotlar yo‘q.

Maxsus ko‘rsatmalar

Bolalarda preparatni qo‘llash

Chala tug‘ilgan chaqaloqlar, emizikli chaqaloqlar va voyaga yetmagan bolalarda Laennekni qo‘llash xavfsizligi bo‘yicha tadqiqotlar o‘tkazilmagan. Bolalarda qo‘llash tavsiya etilmaydi.

Keksalarda preparatni qo‘llash

Hozirgi vaqtda mavjud ma’lumotlarga ko‘ra, keksa yosh Laennekni tayinlash uchun qarshi ko‘rsatma hisoblanmaydi. Shunga qaramay, keksa odamlarda fiziologik funksiyalar yomonlashgani sababli, preparatni qo‘llash sinchkovlik bilan nazorat qilinishi kerak.

Homiladorlik va laktatsiya

Preparatni homiladorlik va emizish davrida qo‘llash mumkin emas.

Transport vositalari va mexanizmlarini boshqarish qobiliyatiga ta’siri

Transport vositalari va mexanizmlarni boshqarish qobiliyatiga ta’siri aniqlanmagan.

Qadoq

2 ml dan 2 gidrolitik sinfga mansub to‘q shisha ampulalarda; har bir ampula ampulaning singan joyini ko‘rsatuvchi oq rangli dog‘ga ega.

Qo‘llash bo‘yicha yo‘riqnoma bilan karton to‘siqli karton qutiga 10 yoki 50 ta ampula solinadi.

Saqlash shartlari

Harorat 18 dan 25 °S gacha bo‘lganda, yorug‘likdan himoyalangan joyda.

Bolalar qo‘li yetmaydigan joyda saqlang.

Yaroqlilik muddati

3 yil.

Qadoqda ko‘rsatilgan yaroqlilik muddati tugagandan so‘ng qo‘llanilmasin.

Dorixonalardan berish shartlari

Retsept bo‘yicha

Ro‘yxatdan o‘tish guvohnomasi egasi

RANA TIBBIYOT KORPORATSIYASI MCHJ Rossiya

Ishlab chiqaruvchi

JAPAN BIOPRODUCTS INDUSTRY CO LTD Yaponiya