Левофлоксацин Ривер Мед Фарм раствор д/инф. 0,5% по 100 мл (флакон)

Tarkib

Faol modda: levofloksatsin (levofloksatsin gemigidrati ko‘rinishida) - 500,0 mg;

Yordamchi moddalar: natriy xlorid, dinatriy edetat, inyeksiya uchun suv.

Tavsif

Sarg‘ish-yashil rangli tiniq eritma.

Dori shakli

Infuziya uchun eritma.

Farmakoterapevtik guruh

Mikroblarga qarshi tizimli qo‘llaniladigan preparatlar. Antibakterial preparatlar - xinolon hosilalari. Ftorxinolonlar. ATX kodi: J01MA12.

Farmakologik xususiyatlari

Ftorxinolonlar guruhiga mansub mikroblarga qarshi preparat. Antibakterial (bakteritsid) ta’sir doirasi keng.

Preparat mikroorganizmlarning quyidagi shtammlariga nisbatan faol:

aerob grammusbat bakteriyalar: Corynebacterium diphtheriae, Listeria monocytogenes, Staphylococcus epidermidis, Streptococcus pneumoniae, Streptococcus pyogenes, Streptococcus agalactiae, Viridans group streptococci;

aerob grammanfiy bakteriyalar: Acinetobacter spp (shu jumladan Acinetobacter calcoaceticus, Acinetobacter anitratus), Actinobacilus actinomycetemcomitans, Bordetella pertussis, Citrobacter diversus, Eikenella corrodens, Enterobacter cloacae, Enterobacter sakazakii, Gardenella vaginalis, Haemophilus ducrey, Haemophilus influenzae, Haemophilus parainfluenzae, Klebsiella pneumoniae, Klebsiella oxytoca, Legionella pneumoniae, Moraxella catarrhalis, , Neisseria gonorrhoeae, Neisseria meningitides, Pasteurella dagmatis, Pasteurella multocida, Proteus vulgaris, Providencia retgeri, Pseudomonas fluorescens, Salmonella spp., Serratia spp.;

anaerob grammusbat bakteriyalar: Clostridium perfringens, Peptostreptococcus, Propionibacterium spp.;

anaerob grammanfiy bakteriyalar: Bartonella spp., Bifidobacterium spp., Fusobacterium spp., Veillonella spp.;

hujayra ichidagi parazitlar: Chlamydia pneumoniae, Chlamydia psittaci, Chlamydia trachomatis, Mycoplasma pneumoniae.

Ko‘rsatmalar

Kattalarda levofloksatsinga sezgir bo‘lgan bakterial infeksiyalarni davolash: shifoxonadan tashqari pnevmoniya, shu jumladan bakteriyemiya bilan, prostatit, o‘tkir piyelonefrit, o‘t yo‘llari infeksiyalari, kuydirgi.

Qo‘llash usuli va dozalari

Dori vositasi vena ichiga tomchilab, sekin yuboriladi. Keyinchalik xuddi shu dozada ichishga o‘tish mumkin. Levofloksatsin 500 mg/100 ml eritmasining 1 butilkasini infuziya qilish davomiyligi 60 daqiqadan kam bo‘lmasligi va 250 mg/50 ml li levofloksatsin infuziyasida kamida 30 daqiqani tashkil etishi kerak. Kasallikning kechishiga qarab davolash davomiyligi 14 kundan oshmasligi kerak. Boshqa antibiotiklarni qo‘llashdagi kabi, ushbu dori vositasi bilan davolashni tana harorati normallashgandan so‘ng yoki qo‘zg‘atuvchi ishonchli yo‘q qilingandan so‘ng kamida 48-72 soat davomida davom ettirish tavsiya etiladi.

Buyrak faoliyati normal bo‘lgan kattalarda levofloksatsinning dozalash tartibi (kreatinin klirensi > 50 ml/daqiqa):

Kasalxonadan tashqari pnevmoniya: 500 mg dan sutkada 1-2 marta.

Prostatit: 500 mg sutkada 1 marta.

O‘tkir piyelonefrit: 500 mg sutkada 1 marta.

O‘t yo‘llari infeksiyasi: 500 mg sutkada 1 marta. O‘t yo‘llarining aralash aerob-anaerob infeksiyasiga shubha qilinganda, levofloksatsinni nitroimidazollar guruhidagi antibakterial vositalar bilan birga qo‘llash mumkin.

Kuydirgi: levofloksatsin parenteral - infuziya 500 mg kuniga 1 marta, keyinchalik bemorning ahvoli barqarorlashganda peroral qabul qilish 500 mg kuniga 1 marta. Davolash davomiyligi 8 haftani tashkil etadi.

Buyrak yetishmovchiligi bo‘lgan bemorlar:

Dozalash tartibi

Kreatinin klirensi 250 mg/24 soat. 500 mg/24 soat. 500 mg/12 soat.

birinchi doza: 250 mg birinchi doza: 500 mg birinchi doza: 500 mg

50-20 ml/min. keyin: 125 mg/24 soat. keyin: 250 mg/24 soat. keyin: 250 mg/12 soat.

19-10 ml/min. keyin: 125 mg/48 soat. keyin: 125 mg/24 soat. keyin: 125 mg/12 soat.

<10 ml/min. (gemodializ va PAPD* bilan birga) keyin: 125 mg/48 soatdan keyin: 125 mg/24 soatdan keyin: 125 mg/24 soatdan keyin.

* Gemodializ yoki doimiy ambulator peritoneal dializdan (PAPD) so‘ng qo‘shimcha dozalarni kiritish talab etilmaydi.

Jigar yoki buyrak faoliyati buzilgan shaxslarda dozalash tartibi nuqtai nazaridan dori vositasini qo‘llash usuli: jigar faoliyati buzilganda dozani tuzatish talab etilmaydi.

Keksa odamlar uchun dozani tuzatishga hojat yo‘q, buyrak faoliyatining buzilishi tufayli tuzatish kiritilgan holatlar bundan mustasno.

Nojo‘ya ta’sirlari

Allergik reaksiyalar: ba’zan - terining qichishishi va qizarishi; kamdan kam hollarda - anafilaktik va anafilaktoid reaksiyalar (eshakem, yuz shishi kabi belgilar bilan namoyon bo‘ladi), bronxospazm; juda kam hollarda - qon bosimining to‘satdan pasayishi va shok; ayrim hollarda - Stivens-Jonson sindromi, toksik epidermal nekroliz (Layell sindromi) va ekssudativ ko‘p shaklli eritema.

Mahalliy reaksiyalar: vena ichiga yuborilganda - yuborilgan joyda og‘riq va yallig‘lanish, bel va ko‘krakda og‘riq, ko‘p terlash.

Teri va shilliq qavatlar tomonidan: kamdan-kam hollarda - fotosensibilizatsiya.

Asab tizimi tomonidan: ba’zan - uyquchanlik, bosh og‘rig‘i, bosh aylanishi, charchoq, ta’m bilish sezgisining buzilishi; kamdan-kam hollarda - qo‘l panjalaridagi paresteziyalar, qaltirash, bezovtalik, qo‘rquv holatlari, tutqanoq xurujlari va ongning chalkashishi; juda kam hollarda - ko‘rish va eshitish qobiliyatining buzilishi, ta’m bilish va hid bilishning buzilishi, taktil sezuvchanlikning pasayishi, diqqat konsentratsiyasining buzilishi, gallyutsinatsiya va depressiya tipidagi psixotik reaksiyalar, koordinatsiyaning buzilishi (shu jumladan yurganda).

Ovqat hazm qilish tizimi tomonidan: ko‘pincha - ko‘ngil aynishi, diareya (juda kam hollarda qon bilan, bu ichak yallig‘lanishi yoki psevdomembranoz kolit belgisi bo‘lishi mumkin); ba’zan - ishtahaning yo‘qolishi, qusish, qorinda og‘riq, ovqat hazm qilishning buzilishi; kamdan-kam hollarda - og‘iz qurishi, oshqozon-ichakdan qon ketishi; juda kam hollarda - jigar faoliyatining buzilishi (gepatit, xolelitiaz).

Qon yaratish a’zolari tomonidan: ba’zan - eozinofiliya, leykopeniya; kamdan kam hollarda - neytropeniya, trombotsitopeniya (qon quyilishi yoki qon ketishiga moyillikning kuchayishi); juda kam hollarda - yaqqol ifodalangan agranulotsitoz (tana haroratining doimiy yoki qaytalanuvchi ko‘tarilishi, bodomcha bezlarining yallig‘lanishi va o‘zini his qilishning doimiy yomonlashishi bilan birga keladi); ayrim hollarda - gemolitik anemiya, pansitopeniya.

Yurak-qon tomir tizimi tomonidan: kamdan kam hollarda - taxikardiya, gipotenziya va gipertenziya; juda kam hollarda - kardiogrammada QT intervalining uzayishi, qon tomir kollapsi, qorinchalarning titrashi va miltillashi.

Suyak-mushak tizimi tomonidan: kamdan kam hollarda - paylarning shikastlanishi (shu jumladan tendinit), bo‘g‘im va mushak og‘riqlari; juda kam hollarda - axill payining yorilishi (ikki tomonlama bo‘lishi va davolash boshlanganidan keyin 48 soat ichida namoyon bo‘lishi mumkin), mushaklar kuchsizligi (miasteniya bilan og‘rigan bemorlar uchun alohida ahamiyatga ega); alohida hollarda - rabdomioliz.

Siydik-tanosil tizimi tomonidan: ba’zan - vaginit, juda kam hollarda - buyrak funksiyasining o‘tkir buyrak yetishmovchiligigacha yomonlashishi (masalan, allergik reaksiyalar tufayli - interstitsial nefrit).

Boshqalar: ba’zan - asteniya; juda kam hollarda - gipoglikemiya, isitma, allergik pnevmonit, vaskulit.

Laborator ko‘rsatkichlar: ba’zan - ALT, AST faolligining oshishi, qon zardobida kreatinin darajasining oshishi; kamdan-kam hollarda - LDG oshishi, glyukoza miqdorining oshishi yoki pasayishi.

Qarshi ko‘rsatmalar

Levofloksatsinga yoki boshqa xinolonlarga yuqori sezuvchanlik; epilepsiya; anamnezda xinolonlarni qabul qilish bilan bog‘liq pay shikastlanishlari; 18 yoshgacha bo‘lgan bolalik va o‘smirlik davri, homiladorlik, laktatsiya davri, glyukoza-6-fosfatdegidrogenaza yetishmovchiligi.

Dozani oshirib yuborish

Belgilari: hushning chalkashligi, bosh aylanishi va talvasa xurujlari, ko‘ngil aynishi, shilliq qavatlarning eroziv shikastlanishi.

Davolash: simptomatik terapiya (spetsifik antidot yo‘q), dializ yo‘li bilan chiqarilmaydi. QT oralig‘ining uzayishi mumkinligi sababli EKG monitoringi o‘tkazilishi lozim.

Dorilarning o‘zaro ta’siri

Agar siz yuragingiz ritmini o‘zgartirishi mumkin bo‘lgan boshqa dori vositalarini qabul qilayotgan bo‘lsangiz, shifokorga xabar berishingiz kerak: antiaritmik dori vositalari (xinidin, gidroxinidin, dizopiramid, amiodaron, sotalol, dofetilid, ibutilid), uch siklli antidepressantlar, makrolidlar guruhiga kiruvchi ba’zi mikroblarga qarshi dorilar, ba’zi neyroleptiklar.

Fenbufen va unga o‘xshash nosteroid yallig‘lanishga qarshi vositalar, teofillin bilan kombinatsiyalangan davolashda preparat tutqanoq tayyorgarligi chegarasini pasaytirishi mumkin.

Sukralfat, temir tuzlari va magniy yoki alyuminiy saqlovchi antatsid vositalar levofloksatsinning ta’sirini pasaytiradi (preparatlarni qabul qilish oralig‘i 2 soatdan kam bo‘lmasligi kerak).

Varfarin bilan bir vaqtda qo‘llanganda protrombin vaqti va qon ketish xavfi ortadi (MNO, protrombin vaqti va boshqa koagulyatsiya ko‘rsatkichlarini, shuningdek, qon ketishining mumkin bo‘lgan belgilarini sinchkovlik bilan kuzatish zarur).

Levofloksatsinning chiqarilishi simetidin va probenetsid ta’sirida biroz sekinlashadi. Levofloksatsin qon plazmasidagi siklosporinning T1/2 miqdorini biroz oshiradi.

Glyukokortikoidlar paylarning yorilish xavfini oshiradi (ayniqsa, keksa yoshda).

Alkogol markaziy asab tizimi tomonidan nojo‘ya ta’sirlarni kuchaytirishi mumkin (bosh aylanishi, karaxtlik, uyquchanlik).

Peroral gipoglikemik vositalar yoki insulin qabul qilayotgan diabet bilan og‘rigan bemorlarda levofloksatsin qabul qilish fonida gipo- va giperglikemik holatlar kuzatilishi mumkin (qondagi glyukoza miqdorini sinchiklab nazorat qilish tavsiya etiladi).

Qo‘llash xususiyatlari

Agar sizda tug‘ma yoki orttirilgan yurak urishining buzilishi (yurak EKGsida tasdiqlangan); qonning elektrolit tarkibi nomutanosibligi, ayniqsa qonda kaliy yoki magniy darajasining pastligi; yurak urishining sekinlashishi (bradikardiya deb ataladi); yurak zaifligi (yurak yetishmovchiligi); anamnezda yurak xuruji (miokard infarkti) bo‘lsa yoki EKGda patologik o‘zgarishlarga olib kelishi mumkin bo‘lgan boshqa dori vositalarini qabul qilsangiz, preparatni qo‘llashdan oldin shifokorga xabar berishingiz kerak.

Preparatning infuzion eritmasi quyidagi eritmalar bilan mos keladi: fiziologik eritma, dekstrozaning 5% li eritmasi, Ringerning dekstrozali 2,5% li eritmasi, parenteral oziqlantirish uchun kombinatsiyalangan eritmalar (aminokislotalar, uglevodlar, elektrolitlar). Preparatning infuzion eritmasini geparin va ishqoriy reaksiyali eritmalar bilan aralashtirish mumkin emas.

Homiladorlik va laktatsiya davrida qo‘llash

Homiladorlik va laktatsiya davrida qo‘llash mumkin emas.

QT intervalining uzayishi uchun ma’lum xavf omillari bo‘lgan bemorlarda ftorxinolonlarni, shu jumladan levofloksatsinni qo‘llashda ehtiyotkorlik talab etiladi:

QT intervalining tug‘ma uzayish sindromi;

QT oralig‘ini uzaytirishi ma’lum bo‘lgan dori vositalaridan (masalan, IA va III sinf antiaritmik dori vositalari, uch siklik antidepressantlar, makrolidlar, neyroleptiklar) birgalikda foydalanish;

elektrolit buzilishlari, ayniqsa tuzatilmaydigan gipokaliyemiya va gipomagniyemiya;

keksalik;

yurak kasalliklari (masalan, yurak yetishmovchiligi, miokard infarkti, bradikardiya).

Ilgari bosh miyasi shikastlangan (insult yoki og‘ir jarohat) bemorlarda tutqanoq rivojlanishi mumkinligi sababli ehtiyotkorlik bilan qo‘llaniladi.

Preparatni bir vaqtning o‘zida peroral gipoglikemik vositalar (insulin yoki glibenklamid) qabul qilayotgan qandli diabet bilan og‘rigan bemorlarda qo‘llashda shuni nazarda tutish kerakki, levofloksatsin gipoglikemiya chaqirishi mumkin.

Teri qoplamlarining shikastlanishiga yo‘l qo‘ymaslik (fotosensibilizatsiya) uchun bemorlarga quyosh yoki sun’iy ultrabinafsha nurlariga duchor bo‘lmaslik (masalan, uzoq vaqt to‘g‘ridan-to‘g‘ri quyosh nuri ostida qolish yoki solyariyga borish), fototoksik ta’sirlar (teri toshmasi) paydo bo‘lganda preparat bilan davolashni to‘xtatish tavsiya etiladi.

Glyukoza-6-fosfatdegidrogenaza yetishmovchiligi bo‘lgan bemorlarda eritrotsitlar gemolizi rivojlanishi mumkin.

Qon aralashgan yoki aralashmagan og‘ir turg‘un diareya paydo bo‘lganda, shifokorni xabardor qilish zarur. Diareya antibiotikoterapiya tufayli kelib chiqqan enterokolitga sabab bo‘lishi mumkin. Psevdomembranoz kolitga shubha tug‘ilganda, preparatni zudlik bilan bekor qilish va tegishli davolashni boshlash lozim. Bunda ichak motorikasini susaytiruvchi dori vositalarini qo‘llash mumkin emas.

Preparatni qariyalarda qo‘llash tendinit (birinchi navbatda Axill payi) rivojlanishiga va uning yorilishiga olib kelishi mumkin. Tendinitlar davolanishning dastlabki 48 soatida paydo bo‘lishi mumkin, ikki tomonlama bo‘lishi mumkin. Tendinit belgilari paydo bo‘lganda, preparatni to‘xtatish va shikastlangan payni davolashni boshlash, uni immobilizatsiya qilishni ta’minlash lozim.

Miasteniya bilan og‘rigan bemorlarda levofloksatsinni ehtiyotkorlik bilan qo‘llash lozim. Preparat sil mikobakteriyalarining o‘sishini ingibirlashi va silning bakteriologik diagnostikasida soxta manfiy natijalar berishi mumkin.

Davolash vaqtida alkogol iste’mol qilishdan saqlanish kerak.

Avtomobil va boshqa potensial xavfli mexanizmlarni boshqarish qobiliyatiga ta’siri

Davolash davrida bosh aylanishi, uyquchanlik, qotib qolish va ko‘rishning buzilishi paydo bo‘lishi mumkinligi sababli avtomobil va potensial xavfli mexanizmlarni boshqarishdan voz kechish kerak, bu esa psixomotor reaksiya tezligining sekinlashishiga va diqqatni jamlash qobiliyatining pasayishiga olib kelishi mumkin.

Preparat yaroqlilik muddati tugaganidan keyin qo‘llanilmasligi va bolalar qo‘li yetmaydigan joyda saqlanishi lozim.

Chiqarish shakli

Infuziya uchun eritma 0,5% 100 ml (flakonlar).

Saqlash shartlari

Yorug‘likdan himoyalangan joyda +5 °S dan +25 °S gacha haroratda.

Yaroqlilik muddati

3 yil.

Ta’til shartlari

Retsept bo‘yicha.

Ishlab chiqaruvchi

River Med Pharm, O‘zbekiston.