Metronidazol Navbahor sanoat 250 mg № 20 tabletkalar (2 blister х 10 tabletka)

Tarkib

1 ta tabletka tarkibida quyidagilar mavjud:

faol modda: metronidazol - 250 mg;

yordamchi moddalar: kartoshka kraxmali yoki makkajo‘xori kraxmali, polivinilpirrolidon, magniy stearati yoki kalsiy stearati.

Tavsif

Oq rangli, sarg‘ish-ko‘kimtir tusli, yassi silindrsimon, chiziqli va faskali tabletkalar, ozgina xol-xol bo‘lishiga ruxsat etiladi.

Dori shakli

Tabletkalar.

Farmakoterapevtik guruh

Protozoylarga qarshi vosita. ATX kodi: G01AF01.

Farmakologik xususiyatlari

Mikroblarga qarshi faollikka ega, keng ta’sir doirasiga ega bo‘lgan protozoylarga qarshi preparat.

Trichomonas vaginalis, Giardia intesinalis, Entamoeba histolytica, Lamblia, shuningdek obligat anaeroblar, shu jumladan anaerob grammanfiy bakteriyalar (Bacteroides spp., Fusobacterium spp. va boshqalar), anaerob grammusbat bakteriyalar (Clostridium spp., va sezgir Eubacterium shtammlari), anaerob grammusbat kokklar (shu jumladan Peptococcus spp., va Peptostreptococcus spp.) rivojlanishini to‘xtatadi.

Preparatga aerob mikroorganizmlar sezgir emas.

Alkogolizmga chalingan shaxslarga preparat buyurilishi ularda alkogolga nisbatan jirkanish (teturamsimon reaksiya) shakllanishiga olib keladi.

Farmakokinetika

Preparat ichga qabul qilinganda me’da-ichak yo‘llaridan yaxshi so‘riladi, qon plazmasidagi maksimal konsentratsiyasiga (Smax) 1-3 soatdan keyin erishiladi. Organizmning barcha to‘qimalariga tarqaladi, yo‘ldosh va gematoensefalik to‘siqlar orqali ona suti, orqa miya suyuqligi, o‘t suyuqligiga o‘tadi.

Jigarda metabolizmga uchraydi.

Yarim chiqarilish davri (T1/2) 8-10 soat. Yuborilgandan 1-2 kun o‘tgach, organizmdan to‘liq chiqariladi. Asosan siydik bilan (asosan metabolitlar ko‘rinishida) chiqariladi, qisman axlat bilan ajraladi.

Ko‘rsatmalar

Erkaklar va ayollarda o‘tkir va surunkali trixomoniazni (shu jumladan, erkaklarda trixomonad uretrit, trixomonad vaginit), protozoy infeksiyani (lyamblioz, amyoba dizenteriyasi, o‘tkir yarali gingivit), preparatga sezgir mikroorganizmlar keltirib chiqargan anaerob infeksiyalarni davolash, og‘ir aralash aerob-anaerob infeksiyalarni kombinatsiyalangan davolash, jarrohlik aralashuvlarida (ayniqsa, qorin bo‘shlig‘i va kichik chanoq a’zolarida) anaerob infeksiyaning oldini olish.

Teri leyshmaniozini (yordamchi vosita sifatida), oshqozon va o‘n ikki barmoqli ichak yara kasalligini (kompleks terapiya tarkibida, Helicobacter pylori ni yo‘q qilish uchun), surunkali alkogolizmni (alkogolga nisbatan nafratni shakllantirish uchun) davolash.

Qo‘llash usuli va dozalari

Preparat ichga, ovqatdan keyin, oz miqdorda suyuqlik bilan ichiladi.

Ayollar va erkaklarda o‘tkir va surunkali trixomoniazni davolash uchun 250 mg dan kuniga 2-3 marta 7-10 kun davomida buyuriladi. Reinfeksiya ehtimolini istisno qilish uchun ikkala sherik bir vaqtda davolanadi. Zarurat tug‘ilganda davolash kursi 3-4 haftadan keyin takrorlanadi. Davolashning muqobil sxemasi bemorga va uning jinsiy sherigiga bir marta 2 g dan dori tayinlashdir (tabletkalar kechqurun uyqudan oldin qabul qilinadi).

Lyambliozda kattalarga 250 mg dan kuniga 2-3 marta 5-7 kun davomida buyuriladi. 1 yoshgacha bo‘lgan bolalarga sutkasiga 125 mg dan, 2 yoshdan 4 yoshgacha bo‘lgan bolalarga sutkasiga 250 mg dan, 5 yoshdan 8 yoshgacha bo‘lgan bolalarga sutkasiga 375 mg dan, 8 yoshdan katta bolalarga sutkasiga 500 mg dan (2 mahal) beriladi. Davolash kursi - 5 kun.

Simptomsiz va surunkali amyobiazda kattalarga 500 mg dan kuniga 2-3 marta 5-10 kun davomida, o‘tkir amyobali dizenteriyada - 750 mg dan kuniga 2-3 marta simptomlar to‘xtaguncha buyuriladi.

Jigar abssessida - kuniga 2,5 g dan 3-5 kun davomida tetratsiklinlar va boshqa davolash usullari bilan birgalikda. Sutkalik dozasi 2-3 mahal ichiladi; 1 yoshdan 3 yoshgacha bo‘lgan bolalarga kattalar dozasining 1⁄4 qismi, 3 yoshdan 7 yoshgacha kattalar dozasining 1/3 qismi; 7 yoshdan 12 yoshgacha kattalar dozasining 1⁄2 qismi, 1-2 mahal ichiladi.

Yarali stomatitda 250 mg dan sutkada 2 marta 3-5 kun davomida buyuriladi, bu holda bolalarga ko‘rsatilmaydi.

Operatsiyadan keyingi infeksion asoratlarning oldini olish uchun kattalarga preparat operatsiyadan 3-4 kun oldin kuniga 750-1500 mg dan 2-3 qabulga buyuriladi, 1 g zarbdor dozani bir marta qo‘llash mumkin. Operatsiyadan 1-2 kun o‘tgach (ichishga ruxsat berilganda), preparatni sutkasiga 750 mg dozada 7 kun davomida qabul qilish tavsiya etiladi.

Anaerob infeksiyalarda kattalar va 13 yoshdan oshgan bolalar uchun sutkalik doza 3-4 marta qabul qilishda 1,0-2,0 g ni tashkil etadi, 13 yoshgacha bo‘lgan bolalarga 7,5 mg/kg hisobida kuniga 3 marta buyuriladi, 7 kun va undan ko‘proq qabul qilinadi.

Leyshmaniozni davolashda preparat kattalarga 260 mg dan kuniga 2-4 marta; bolalarga - 125 mg dan kuniga 2 marta 7 kun davomida, keyin 7 kunlik tanaffusdan so‘ng - 14 kun davomida, kattalarga 250 mg dan kuniga 2 marta, bolalarga - 125 mg dan kuniga 2 marta buyuriladi.

Me’da va o‘n ikki barmoqli ichak yara kasalligida preparat kuniga 500-750 mg dan 2 mahal (ertalab va kechqurun) 2-3 oy davomida qo‘llaniladi.

Alkogolizm bilan og‘rigan bemorlarga 500-750 mg dan (ovqatdan keyin) 2-4 kun davomida buyuriladi. Bemorning ahvoli yaxshi bo‘lsa, sutkalik dozani 1,6 g gacha oshirib, yana 10 kun berish mumkin. Keyin doza 500 mg gacha kamaytiriladi va davolash 20-25 kun davom ettiriladi. Davolash jarayonida alkogol sinamalari o‘tkaziladi.

Preparat buyrak faoliyati buzilgan (kreatinin klirensi (KK) 10 ml/min dan kam) bemorlarda qo‘llanganda, preparatning sutkalik dozasi ikki baravar kamaytirilishi kerak.

Nojo‘ya ta’sirlari

Ko‘ngil aynishi, qusish, ishtahaning yo‘qolishi, og‘izda yoqimsiz metall ta’mi; bosh og‘rig‘i, bosh aylanishi, harakatlar diskoordinatsiyasi, es-hushning buzilishi, yuqori qo‘zg‘aluvchanlik, depressiya, uyqusizlik, periferik nevropatiya (uzoq muddatli terapiyada), artralgiyalar; holsizlik, siydik chiqarish kanalida achishish hissi, allergik reaksiyalar (teri toshmasi, qichishish, eshakemi), o‘rtacha leykopeniya.

Qarshi ko‘rsatmalar

preparatga yuqori sezuvchanlik;

homiladorlik va laktatsiya davri;

qon yaratilishining buzilishi;

markaziy asab tizimining organik kasalliklari.

Dozani oshirib yuborish

Belgilari: ko‘ngil aynishi, qusish, anoreksiya.

Davolash: spetsifik antidot yo‘q. Simptomatik davolash tavsiya etiladi.

Ehtiyot choralari va qo‘llash xususiyatlari

Davolanish vaqtida spirtli ichimliklar ichish mumkin emas. Markaziy asab tizimining organik kasalliklarida va granulotsitopeniyada preparat faqat hayotiy ko‘rsatmalar bo‘yicha buyuriladi.

Homiladorlik va laktatsiya davri

Preparatni homiladorlikning I trimestrida buyurish taqiqlanadi. Homiladorlikning II va III trimestrlarida preparatni faqat hayotiy ko‘rsatmalar bo‘yicha va 2 g dan oshmaydigan dozalarda qo‘llash mumkin. Emizikli onaga preparatni tayinlash zarur bo‘lganda, emizishni vaqtincha to‘xtatish kerak. Ko‘krak suti bilan emizishni preparatni to‘xtatgandan keyin 2-3 kun o‘tgach tiklash mumkin.

Jigarning surunkali kasalliklari bo‘lgan bemorlarga preparat juda ehtiyotkorlik bilan buyuriladi, jigar faoliyati buzilganda preparat dozasi kamaytiriladi.

Kurs buyurilganda periferik qon manzarasini muntazam nazorat qilish zarur.

Metronidazol va bilvosita antikoagulyantlar bir vaqtda qo‘llanganda, antikoagulyantlar dozasini kamaytirish va protrombin vaqtini muntazam nazorat qilish lozim.

Preparat bilan davolash fonida qon zardobida ALT va AST konsentratsiyasining noto‘g‘ri (past) qiymatlarini olish mumkin. Preparat qabul qilinganda siydik qizil-jigarrang tusga kiradi.

Dori vositasining transport vositasini yoki potensial xavfli mexanizmlarni boshqarish qobiliyatiga ta’siri

Ta’sir qilmaydi.

Boshqa dori vositalari bilan o‘zaro ta’siri

Preparat va bilvosita antikoagulyantlar bir vaqtda qo‘llanganda, ularning qon plazmasidagi konsentratsiyasi oshishi va qon ketish xavfi ortishi mumkin.

Preparat va litiy preparatlari bir vaqtda qo‘llanganda qon plazmasida litiy konsentratsiyasining oshishi qayd etildi.

Barbituratlar va fenitoinning bir vaqtda buyurilishi preparat samaradorligining pasayishiga olib keladi.

Simetidin ayrim hollarda metronidazolning eliminatsiyasini sekinlashtirishi va qon zardobida uning konsentratsiyasini oshirishi mumkin.

Disulfiram (teturam) bilan bir vaqtda qo‘llanganda bosh aylanishi, es-hushning chalkashuvi kuzatilishi mumkin.

Chiqarish shakli

10 donadan [No10 (1×10), No20 (2×10), No30 (3×10), No50 (5×10) ] tabletkalar kontur-yacheykali o‘ramda qo‘llash bo‘yicha yo‘riqnoma bilan birga pachkalarga (penallarga) joylanadi.

Saqlash shartlari

Quruq, yorug‘likdan himoyalangan joyda, 25 °C dan yuqori bo‘lmagan haroratda.

Preparatni bolalar qo‘li yetmaydigan joyda saqlash lozim.

Yaroqlilik muddati

2 yil.

Yaroqlilik muddati tugaganidan keyin ishlatilmasin.

Ta’til shartlari

Retsept bo‘yicha.

Ishlab chiqaruvchi

"Navbahor sanoat" MCHJ

O‘zbekiston Respublikasi, Toshkent shahri, Chilonzor-6, Cho‘ponota ko‘chasi, 17/1-uy.

tel: (71) 202-15-51.